반찬앤쿡 Banchan and Cook (東薈城名店倉)

营业中

休息中

今次👦🏻👧🏻去開東涌Outlet緊係要醫肚，就試咗韓式Cafe - Banchan and Cook，叫咗個幾抵食嘅Tasty Treat Combo，有齊兩個主菜、一份小食、甜品同飲品，細食嘅話仲可以三個人share！🌟肉醬牛胸肉蛋包飯蛋包飯嘅蛋相當嫩滑，店員送上餐時有先俾我哋影完相再𠝹開蛋。內裏嘅炒飯底粒粒分明，唔算話太重蕃茄醬🥫，撈埋肉醬食就啱啱好。本身都擔心牛胸肉究竟係咩部位，會唔會係牛五花/牛胸爽咁較多脂肪。原來牛胸肉係啖啖肉，肉味香濃又唔太肥，食起上嚟冇咩負擔。🌟墨魚大蝦魚籽意粉意粉落重了用墨汁嚟煮，墨汁鮮甜富有鹹香同蒜香。意粉質感又咬口，配上爽口彈牙嘅大蝦、鮮甜嘅魚籽，令人滿足。🌟炸雞拼盤(柑橘/芝士/洋蔥)小食可以揀炸雞拼盤或醬燒黑毛豬白切肉。而炸雞可以揀三種口味，淨講炸雞，係多汁嫩滑，連埋雞皮食一流。柑橘🍊果醬酸酸甜甜，芝士粉灑滿炸雞上又咸又甜，而洋蔥汁就夠曬Creamy！🌟甘筍Oreo慕絲蛋糕其實係Oreo mousse cake，配上甘筍形狀糖霜公仔。慕絲蛋糕層次分明，面層有Oreo餅碎，中間有朱古力味、原味Mousse同少量蛋糕。🌟白桃甜蜜梳打👦🏻就揀咗比較清爽

就黎轉季，梗係要黎東薈城走一轉outlet入下貨啦激戰完我就一定會黎食呢間，因為佢既黑毛豬配大醬生菜真係超級無敵好食，真心極力推薦！二人餐$560呢個二人餐都幾抵食肉醬牛胸肉蛋包飯牛胸肉係靚肉黎，有肉味香濃，肥得黎脂肪平均，所以唔會膩熟度亦剛好肉醬啖啖肉，味道開胃，用黎撈飯一流蛋包飯因為個人喜好我叫左全熟，正常個熟度唔係咁既但係全熟都依然食得出佢D蛋好靚，有陣陣蛋香配埋個惹味炒飯底，多多都食得晒墨汁大蝦魚籽意粉蝦肉爽口彈牙，三文魚籽好新鮮，咬落去爆晒漿意粉亦好有水準，食落有陣陣墨汁既鮮味，亦唔會過咸入面仲有各種海鮮同菇類做配菜，味道口感都好平衡燒醬油黑毛豬白切肉配大醬生菜呢個係我每次都會花幾百蚊黎食既最主要理由因為佢真係超級無敵極好食首先佢既黑毛豬品質真係超高雖然係五花肉，但係脂肪層唔會太厚既同時肉質又嫩令你可以食到油脂香既同時，口感依然軟熟加上佢有燒過，令佢冇咁油膩之餘，有陣陣焦香配埋泡菜，蒜，辣椒等等既配料再加上咸香既大醬包埋生菜一齊食，不論係味道定口感都好平衡又惹味真係必食之選青檸梳打、白桃甜蜜梳打真材實料，真係有青檸，唔係得D糖漿甘荀Ｏｒｅｏ慕絲蛋糕本身以為甘荀係指個甜品係甘荀

雖然而家開咗sem要返學，飛唔到韓國，不過一啲都阻擋唔到，我要食韓式炸雞嘅決心！今日就帶大家嚟到東薈城 @banchancook 一齊嚟睇吓有咩好嘢食先！。肉醬牛胸肉蛋包飯呢個蛋包飯真係令我驚喜。蛋包外層滑嫩，裡面包住濃郁嘅肉醬同牛胸肉，口感層次分明。每一口都感受到肉醬嘅香氣，配埋Q彈嘅米飯，真係好好食。牛胸肉質鮮嫩，醬汁同肉嘅結合更加提升咗呢道菜嘅美味。。墨汁大蝦魚籽意粉呢道菜視覺同味覺都好享受。黑色嘅墨汁意粉好吸引，蝦仁鮮嫩，魚籽嘅鹹香亦為菜式增添咗唔少風味。意粉嘅彈性正好，搭配埋濃郁嘅墨汁，令人感受到海洋氣息，彷彿身處異國海鮮盛宴。。炸雞拼盤拼盤入面有三種唔同口味嘅炸雞，芝士、酸忌廉洋蔥同金橘口味，每一種都有自己嘅特色。芝士口味嘅炸雞外脆內嫩，奶香濃郁；酸忌廉洋蔥嘅清新感令人耳目一新；金橘口味嘅炸雞則係意外驚喜，酸甜滋味令人回味無窮，整個拼盤好有變化。。甘筍Oreo慕絲蛋糕呢道甜品好特別。慕絲細膩，Oreo嘅脆感同佢相輔相成，甜而不膩，口感輕盈。蛋糕入面嘅甘筍香氣為呢道甜品增添咗健康感，令我喺享受美味之餘，對健康成分都有所欣慰。一啲都唔使擔心卡路里😂。伯爵茶鮮奶咖啡。焦糖脆脆鮮奶

早前因為工作關係去咗內地一個禮拜，返到香港一落機就好想食中餐以外的東西。最後近近地選擇咗同老公嚟到呢間韓國餐廳。餐廳裝潢好小清新，座位都算舒適。我哋叫咗Menu上嘅Tasty Treat，成個set都幾多嘢食，有炸雞有主食，有甜品仲包埋兩杯嘢飲，都係$560。🍄已經冇乜印象呢杯係乜嘢🍄肉醬牛肉蛋包飯本身好鍾意食肉醬，所以成個飯都覺得好好食，蛋亦都好滑😋🍄墨汁大蝦魚籽意粉好味係好味，但係食到好狼狽，成棚牙成個嘴唇都黑晒，如果唔係同最熟嘅人一齊食，我勸大家就唔好亂揀佢😅😅🤣🤣🍄最出名嘅炸雞拼盤，可以選三種味道，啱晒我呢啲咁貪心嘅人🍄小甘筍芝士蛋糕作為一個食咗一個星期中餐嘅人嚟講，呢餐飯真係好好食😋

一直好喜歡呢間餐廳嘅紫菜包飯，每件都係大大件，而且餡料滿滿的，調味適中唔會過鹹過淡。 $90嘅價錢，我覺得喺東薈城嚟講非常之抵食，基本上食完呢碟嘢已經好飽㗎啦！另外仲叫咗有骨嘅炸雞，炸雞肉汁豐富，最鍾意佢哋有埋薯條同埋年糕，食落都覺得好豐富！佢哋呢度嘅飲品亦都好有心思，完全係可以打卡！ 店員都好有禮貌，上菜速度都快。 兩人入座都可以有卡位，坐得好舒服。 已經唔係好多餐廳可以做到咁樣。 總括嚟講我都會下次再幫襯呢間舖頭！ 下次仲想試吓海鮮煎餅！

*💭반찬앤쿡ʙᴀɴᴄʜᴀɴ ᴀɴᴅ ᴄᴏᴏᴋ 最近看到大熱的飲食節目，不自覺地很想吃韓國料理☺️位於東薈城的韓式餐廳，價錢相宜，份量也很足料😍►肉醬牛胸肉蛋包飯最出名的蛋包飯，店員會幫忙切開，澎湃的蛋汁瞬間流到飯上🤤牛胸肉肉質軟嫩，配上肉醬和芝士，味道很濃郁，帶點西式風味。►墨魚汁大蝦魚籽意粉墨魚汁色澤深邃，味道鮮美，帶有海洋的鮮味。蝦仁香煎過後好香，魚籽的加入更增添了層次感。►燒醬油黑毛豬白切肉大醬生菜以醬煮黑毛豬為主角，肉質肥美，膠原滿滿😍搭配上特製的韓式麵豉醬，味道濃郁。生菜的清脆口感與肉的軟嫩成對比，再加上蒜頭和青辣椒，口感清新但又帶點辛辣感🤤►甘荀Oreo幕絲蛋糕幕絲蛋糕外觀精緻呈盤栽樣子，每一口都能品嚐到Oreo的香醇，甜而不膩。

周末去完貝澳滑浪，出返去東涌，就搵到呢間韓式西餐店呀！位於時裝店IT 個一層，座位有分為店舖內和商場位，今次點了一個套餐，包有：肉醬牛胸肉蛋包飯外觀吸引，柔軟的蛋皮包裹著米飯，蛋香與米飯完美融合。搭配的牛胸肉軟嫩多汁，經過慢煮處理，口感絲滑。配上特製的肉醬，酸甜適中。辛辣肉醬年糕以辛辣肉醬做醬汁，辣度適中，配上Q彈的年糕和辛辣麵，滿滿的肉醬滲入每一塊年糕和麵條之中。適合喜歡吃年糕的朋友，可以試試！焦糖蘋果紅豆沙冰愛玩小生👦🏻覺得最好飲的沙冰，把焦糖蘋果的甜香與紅豆沙冰的冰涼相結合，蘋果的焦糖香氣濃郁，紅豆沙冰則帶來清涼與綿密口感。玩完水、飲返杯，超爽呀！白桃甜蜜梳打這款白桃甜蜜梳打清甜解渴，帶有濃郁的白桃香氣，都是消暑之選。炸雞拼盤愛玩小生選擇炸雞拼盤的三款不同口味，包括：- 蜜糖炸雞：炸雞外皮酥脆，內裡多汁，沾上甜蜜的蜜糖，帶來一股微甜的滋味，甜鹹適中。- 柑橘炸雞：炸雞的酸甜味來自新鮮的柑橘，清爽的果香讓炸雞變得更有層次，味道清新不膩。- 芝士炸雞：炸雞配上濃郁的芝士，香味撲鼻，入口即化的芝士與炸雞的脆口形成完美搭配，讓人回味無窮。📍Banchan & Cook (東涌)地址：東涌

間唔中會同朋友去大嶼山行山嘅我，成日喺東薈城都唔知道食乜～今次就試吓食韓國野主食我就叫咗肉醬牛胸肉蛋包飯，朋友唔食牛嘅，佢就食咗墨汁大蝦魚籽意粉。雖然佢唔食牛，但係佢見到我嘅蛋包飯都覺得好吸引，佢話下次要試吓冇牛肉嘅其他蛋包飯！店員切開雞蛋之後見到入邊嫩滑嘅半熟蛋漿，配合底下嘅炒飯同埋肉醬真係非常惹味，最重要嘅係上枱嘅時候都係熱辣辣嘅。非常推介！墨汁大蝦魚籽意粉驚味道都唔錯，意粉夠味，大蝦嘅肉質都鮮甜！只不過朋友覺得食得好論盡食到成個口黑鼆鼆haha炸雞拼盤可以揀三款口味，我哋就揀咗蜜糖、甜辣、同埋柑橘。基本上我每次食韓式炸雞都會叫甜辣口味。呢度嘅炸雞都好好食，係冇骨嘅，肉質都好嫩滑。朋友試咗新出嘅白桃甜蜜梳打，我就叫咗杯朱古力咖啡提神，味道都唔錯，咖啡唔會太甜或者太苦，就算之後啲冰溶咗都冇淡到講到最驚喜莫過於個甜品，我哋叫咗甘筍Oreo慕絲蛋糕，上枱嘅時候覺得真係好可愛🥰而且係好好味！面頭係Oreo碎，中間有mouse蛋糕，最底有白色嘅奶凍，好好味呀😍🥕🥕Will encore!😍👍🏻`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹🅕🅞🅛🅛🅞🅦 @jujube

週末去咗東薈城行街掃outlet😎😎咁大個商場行得好舒服～滿載而歸🛍️留埋喺度食晚餐至捨得走～見到三樓呢間韓式餐廳裝潢好精緻就決定walk in入去啦🫰🏻🫰🏻一次過食飯兼打埋卡！！.🧡嚐吃套餐 Tasty Treat Combo $560🧡點完菜🤗🤗店員會先安排清爽嘅漬青瓜&蘿蔔俾我哋享用～跟住菜式都好有效率送到啦～✨炸雞拼盤可選三款口味🤩啱哂三心兩意嘅朋友🤩揀咗甜辣、柑橘、芝士炸雞！件件香脆無骨～非常香口卻唔油膩💯💯其實三款都好食～但如果必須要揀～個人最愛芝士味🧀濃郁芝士香氣同外脆內嫩炸雞～簡直係完美結合!!!.✨墨汁大蝦魚籽意粉大蝦肉勁彈牙紮實🦐加埋晶瑩三文魚籽添上咸香滋味！另外烏黑嘅墨汁掛上爽口意粉滿滿鮮味～食到成咀烏卒卒好funny😝😝.✨肉醬牛胸肉蛋包飯半熟蛋包飯好吸引😍😍牛胸肉咬落juicy又有牛味🐂搭配經典蕃茄肉醬好襯～伴碟仲有沙律菜～好豐富呢🫶🏻.✨焦糖芝士山咖啡(凍)Latte味道溫和唔會過濃烈～加上焦糖完美平衡～最特別係加上咗刨絲芝士碎～混合後味道唔錯又冰涼！！.✨焦糖蘋果紅豆沙冰極吸晴🤩微微甜嘅焦糖+淡淡蘋果果香味道🍎配上蜜紅豆打匀於沙冰～無論外形定味道都十分有甜美

前排入東涌outlet買嘢順手搵下有咩好西食今次要為大家介紹既係 - Banchan & CookBanchan & Cook係位於東涌達東路20號東薈城名店倉3樓334號舖餐廳主打食韓國菜為主成個環境都好優雅食物個方面 我今次點左:玟瑰醬芫茜大蝦蛋包飯肉醬牛胸肉蛋包飯燒醬油黑毛豬白切肉配大醬生菜小甘筍芝士蛋糕個人大愛個燒醬油黑毛豬白切肉配大醬生菜佢醬油味好濃同埋個黑毛豬都好嫩Location : Tung ChungPrice : $200-$300/p.pEnvironment (10 is chill): 7/10Yummy (10 is delicious): 7/10

作為東涌地膽😉我哋好中意呢間餐廳，東薈城有咩特別活動🥳，都會同呢間餐廳聯乘出特別菜式，每次都大掛長龍😍呢間餐廳除咗好味，最緊要裝修好靚💐🌸。今日我哋就食佢嘅套餐，枱枱都有點，實係最抵食 😋🥚肉醬牛胸肉蛋包飯蛋包飯二選一，我哋呢個肉醬牛胸肉蛋包飯，蛋包飯如網上所見由侍應中間切開🔪，柔軟嘅蛋漿如瀑布傾瀉下來。旁邊嘅肉醬香濃，更有多片軟滑牛肉片，牛味濃郁。飯粒用醬汁同牛胸肉粒拌勻，十分惹味。🐙墨汁大蝦魚籽意粉阿仔第一次食真墨汁意粉🍝，食到手指同臉都一片漆黑，十分爆笑😂。大蝦爽脆，味道清澈，意粉雖大碟，太好吃都被我們吃掉🐓炸雞拼盤（三款味道）主菜二選一，私心選了以為兩個食素小朋友不會吃的炸雞。點知佢兩個試後一發不可收拾🔥，一件又一件，三款味道：原味🍗/洋蔥汁🧅/芝士🧀炸雞都要試兩次，芝士炸雞是裡裡外外都充滿芝士味，鹹香脆口🥕甘筍Oreo慕絲蛋糕甜品兩款甘筍蛋糕，選了甘筍Oreo慕絲蛋糕，賣相如盆栽，種了一棵棵小小的甘筍挖呀挖呀挖。Oreo餅碎下是濃厚的朱古力慕絲蛋糕🍰配自選飲品2杯🥂🍑白桃甜蜜梳打（凍）當然要試新推出的白桃甜蜜梳打，滿滿的新鮮白桃粒，即刻想起濟州島怡人天氣🍵濟州綠茶鮮奶（凍）綠

😌趁着放假 大老遠過嚟東薈城shopping 戰鬥之前當然要補充下體力先啦～響銅鑼灣都食過呢間餐廳 食物好有水準嚟到呢度一於就食佢💕肉醬牛胸肉蛋包飯有四大塊牛胸肉 食落偏瘦牛味濃郁配上芝麻醬沙律做配菜 而且仲有濃郁嘅肉醬雞蛋會先完整上枱 之後店員會幫手切開 滿滿嘅儀式感炒蛋夠晒滑溜 底下仲係蕃茄醬牛肉炒飯添 超惹味💕辛辣肉醬年糕年糕輕輕炸過 外層有酥脆嘅口感再配埋肉醬拉麵 冇諗過呢個類似整意粉嘅烹調方法原來同韓國菜係咁夾嘅💕炸雞拼盤好開心 一份炸雞可以食到三種味道分別係原味、芝士同甜辣鍾意食醬汁嘅 一定就係甜辣 有黏黏嘅感覺想要少少味道 但要比較乾爽嘅 就非芝士莫屬啦而我最鍾意就一定係原味雞肉外層酥脆 裏面好嫩滑 仲要係無骨炸雞 啖啖肉💕甘筍Oreo慕絲蛋糕盆栽咁嘅造型小朋友一定鍾意雖然話有甘筍 但食落只有淡淡嘅甘筍味道盆栽頂部係Oreo碎 跟住係朱古力慕絲 底下有奶凍係有層次嘅口感 最可愛係仲有幾粒甘筍嘅糖果做裝飾💕青檸梳打、荔枝梳打紫色嗰杯係青檸味 粉紅色就係荔枝味飲落好清新 冇諗過梳打都會做到咁igable 餐廳環境好闊落 如果鍾意開陽啲嘅仲可以要求店員俾餐廳外商場中間嘅位置添！

前菜係醃蘿蔔，夠酸夠開胃A.肉醬牛胸肉蛋包飯/玫瑰醬芫茜大蝦蛋包飯/辛辣肉醬年糕/墨汁大蝦魚籽意粉🌟四選二揀左肉醬牛胸肉蛋包飯，個蛋未切開前係漲卜卜，個面好滑蛋包飯配肉醬同牛肉黎食真係唔會失手嘅配搭黎👍🏻墨汁意粉好掛汁，味道夠濃，不過食完要記得抹嘴，因為真係會好黑😆B.燒醬油黑毛豬白切肉配大醬生菜/炸雞拼盤🌟二選一燒醬油黑毛豬白切肉配大醬生菜呢個我十分推介，黑毛豬肉肥瘦間住，入口肉質軟嫩，豬皮軟林林，本身啲醬油已經好入味再加埋韓式大醬同泡菜都更加惹味，加埋蒜片同青辣椒食更加過癮C. Oreo慕絲蛋糕/小甘筍芝士蛋糕 二選一小甘筍芝士蛋糕造型可愛之餘，味道都幾特別，結合左甘荀蛋糕同芝士蛋糕嘅味道，好味自選飲品揀左白桃甜蜜梳打同士多啤梨紅桑子梳打，白桃嗰杯好清新，士多啤梨嗰杯就稍微甜少少，兩杯都係解渴之選餐廳環境係木系cafe嘅感覺，所以都好舒適Tasty TreatA+B+C+兩杯自選飲品$560

行咗成個晏晝outlet行到對腳好酸軟想搵間餐廳醫肚就見到呢間cafe食完先知原來仲有其他分店現場見到好幾枱一家三口嚟食嘅客人地方闊落嘢食係大人細路都啱食✨肉醬牛胸肉蛋包飯✨墨汁大蝦魚籽意粉✨炸雞拼盤(芝士、甜辣、柑橘)✨甘筍Oreo慕絲蛋糕✨凍焦糖芝士山咖啡✨焦糖蘋果紅豆沙𣲙嗌咗個兩人套餐發現真係幾啱一家三口「蛋包飯」係餐廳嘅招牌菜推介份量比我想像中多而且更豐富蛋滑牛嫩個飯係炒過有味嘅連埋肉醬同沙律菜口感味道都好豐富炸雞拼盤係無骨嘅中間係乳酪醬我最鍾意嘅係芝士味🧀✨最後嘅植物甜品其實係慕絲蛋糕下面仲有類似布丁嘅做底唔算太甜整體熱量高所以食得開心同滿足感爆棚！

太耐冇食韓國嘢了，行完街搵嘢食就試試佢～A+B+C Set ($560), 有Main Course 2款，1款小食，1款甜品及飲品Main Course 🫧肉醬牛胸肉蛋包飯蛋包非常靚仔，蛋夠嫩滑，牛肉份量都幾多，係豐富改良西式版嘅蛋包飯✨🫧辛辣肉醬年糕將經典韓國食物變奏而成，辣炒年糕加上辛辣麵，再淋上肉醬，似肉醬意粉嘅味道，唔食得辣嘅都啱食～小食🫧炸雞拼盤可以自選3款味道，我哋揀咗芝士、洋蔥汁、甜辣炸雞，份量都唔少，最鐘意都係甜辣味🤭甜品🫧甘筍Oreo慕絲蛋糕造型好似盆栽十分可愛，成個甜品由面層Oreo、朱古力mousse、忌廉、朱古力啫喱組成，朱古力味濃～🫧溶化朱古力鐘意朱古力嘅人一定要飲！朱古力味非常濃郁，係平時朱古力奶濃度嘅三倍👍🏻🫧濟州綠茶鮮奶抹茶味係有回甘，唔係坊間飲嗰啲咁甜，飲落去好順滑，唔錯🫶🏻