Bakehouse

营业中

休息中

#葡撻 ⭐️⭐️⭐️⭐️⭐️雖然本身我係一個冇話好鍾意食葡撻嘅人，但聽到呢間 @bakehousehk 咁出名個個都話好食，咁就梗係要潮聖下啦，雖然賣相麻麻，但喂又估佢唔到真係幾好食喎！⭕️個蛋好滑仲有啲流心感覺⭕️佢有勁多唔同款式既pastry未試過但聽講都好食⭕️葡撻奶味好重好岩我口味⭕️甜度岩岩好食到我停唔到口⭕️外面係酥皮包住啖啖蛋漿好正⭕️地區性來講價錢唔係貴總括來說，去開尖沙咀係要試下呢間！

日日咩時段都排長龍嘅bakehouse~我哋大約排咗20分鐘終於唔使過海去中環買啦店舖唔算大～有即磨咖啡提供～2/3係廚房1/3門面冇堂食個個都係買外賣返去慢慢品嚐買咗3個Sourdough egg  tart個人覺得sourdough egg tart 最好食～如果鍾意甜嘅其他選擇會更加適合～Egg tart酥皮好香牛油味唔會乾唔會散～蛋撻餡比平時嘅蛋撻略甜有焦糖味~唔會油膩～如果新鮮熱辣出爐即食～應該會仲香仲好味

🤰🏻今朝晨早出咗尖沙咀，咁啱經過Bakehouse，嘩！正呀！無人排隊！唔係唔立即衝入去買返一打先走呀嘛？Wow! 琳瑯滿目嘅pastry啊🥧🧁🍰，每件都好吸引，有咸有甜，任君選擇。千揀萬揀最終揀咗以下兩款。1️⃣ Strawberry vanilla danish ($36)漲卜卜閃閃炩的外型十分可愛，一眼就看上它了😍。丹麥酥好重好有份量，裡面一層層的，外酥脆內香軟，甜度剛剛好，吉士醬厚滑清甜，士多啤梨🍓都好香好新鮮。雖然我等到夜晚先拎出嚟食，但賣相、味道同口感仍然很高質素👍🏽。如果新鮮出爐即刻食嘅話，一定更加無得彈！2️⃣ Apple crumble danish ($30)隔咗兩日我先有機會食，因為放咗入雪櫃，所以要放入焗爐焗熱返先食，一出爐香噴噴的，口水都流埋🤤。哩個丹麥酥亦係好贅手同有份量，外脆內軟，甜度適中，蘋果🍎好香甜，份量都好多，當中帶有陣陣清香的肉桂味，超好味👏🏽！食咗一半已經覺得好飽了，下午茶☕️再食埋另一半！身為肉桂粉絲，個人比較鍾意Apple crumble danish👍🏽。下次會試埋佢哋嘅signature咸蛋黃葡撻！

雖然好多人都話bakehouse既麵包好食，但因為門口經常都大排長龍，所以一直都無機會去試但今朝咁岩去開尖沙咀，見到無人排隊，就即刻諗都唔諗就入去朝聖啦Double chocolate cookie個曲奇冇咩驚喜，普普通通，好似mrs field’s既好食d葡撻佢既葡撻係最出名，本身為食貓都無咩期待，但點知食完之後，真係有驚喜，真係幾好食除左個蛋夠哂味之外，佢個撻都有d焦糖味，甜甜地，非常好食而且都算幾鬆脆下次再經過，試埋其他麵包先😋

作為新界人嘅小編，由佢係灣仔勁出名，大排長龍嗰一刻，就一直都好想試，而家終於係尖沙咀開分店，梗係要走去朝聖下啦🤣嗰一日係啱啱開舖冇耐所以唔係好多人排隊，無論外牆裝修定係內裏，都有一種瞬間去咗外國嘅感覺🇫🇷餅店係由前四季廚主理，主打酸種蛋撻同招牌牛角包打響名堂。招牌牛角包（🌟99.99/100）💲20拎就返屋企凍曬，可以放入氣炸鍋180度5分鐘，一拎出嚟牛油味極香，一咬落去香脆無比，牛油味極濃，內裏有完美嘅蜂巢狀👍🏻👍🏻酸種蛋撻（🌟98.88/100）💲12牛油味極香嘅撻皮燒至微燶酥脆，蛋漿極嫩滑，蛋味濃郁和焦糖香味，甜度剛剛好

呢間嘅sourdough egg tart有幾出名相信唔洗我講🤭 尖沙咀呢間舖頭一開個時又要大排長龍😂之前其實我都食過佢哋嘅蛋撻，今次嚟試吓佢哋嘅original scone ($18)🤪首先個scone都算係正常偏大嘅size，一打開牛油香已經撲鼻而來，真心口水都流埋出嚟😍係屋企用焗爐仔整返熱之後鬆餅外面脆脆地，食落去都好香牛油味好鬆化，一啲都唔會乾🤤味道亦都唔會太甜，食完一個都唔會太膩，真心高質👍🏻如果可以嘅話不妨搽啲clotted cream/jam，加杯breakfast tea，咁食絕對係個good morning🙌🏻

自從食過呢間嘅signature egg tart後，每次經過bakehouse都會望吓條人龍長唔長，難得星期日嘅下午見到得幾個人排隊，我當然立刻加入啦😆 排咗幾分鐘就到我了🤩 由於屋企比較多人，所以今次買咗一打Sourdough Egg Tart、兩個Croissant、一個Strawberry Vanilla Danish、一塊Chocolate Cookie😋🤤 Sourdough Egg Tart🥚 $12@1Bakehouse嘅名物——Sourdough Egg Tart❤️ 呢個葡撻嘅酸種酥皮層次分明，咬落酥脆唔油膩，蛋漿焗到金黃色，再加埋蛋漿面頭嘅焦糖，又香又甜又滑，一次過食兩個簡直係輕鬆😆😋🤤❣️ Croissant🥐 $20Double Chocolate Cookie🍪 $20Strawberry Vanilla Danish🍓 $36牛角包同樣做到層次分明，酥脆可口又夠香，食落仲好有咬口，不過真係要比少少力去咬😂 Double Chocolate Cookie好好味😋❣️ 請原諒我忍唔住食咗先影😆 朱古力味好重，佢唔似而家好興嘅流心曲奇咁食落會爆漿，但係佢做到外脆內軟

🚦Bakehouse（尖沙咀）之前已經去過灣仔嘅Bakehouse分店😋食過嘅都好唔錯，評價好高‼️食今次就特登一試尖沙咀分店限定嘅菠蘿包🧡🍍Salted Egg & Caramel Custard Bolo Bao🍍$225/10【係咪我唔好彩】呢個出乎意料之外，有啲失望首先係佢嘅鹹蛋黃味一啲都唔重同吉士冇互相平衡，反而係有少少太甜只係有非常淡嘅鹹蛋黃味而且最令我錯愕嘅係佢嘅包體非常之空氣冇乜實感，唔係好似佢其他酸種包咁而且菠蘿皮唔脆，無論係味道定係質感，存在感好低🌰Walnut & Fig Sourdough🌰$368.5/10【真材實料】乘申我隔咗一日先食所以有少少乾咗🥲唔關佢事但佢嘅質感係好典型嘅酸種麵包，有回彈而且質感係幾紮實嘅除咗入邊嘅合桃同埋無花果，成個包嘅味道都好有麵粉香最欣賞嘅係無花果甜度適中🥰如果再多啲合桃就好啦🥳我諗如果我唔係隔一日先食嘅話會有外脆內院嘅效果！整體7.5/101️⃣除咗菠蘿包之外，我覺得整體嘅CP值都幾高🫶質素基本上都有保證2️⃣一開始的確要排好耐，但到而家已經基本上派少少就已經買到，再加上遲啲銅鑼灣同赤柱都會開分店，夾埋就會有五間！3️⃣三間分店都試過買，每間

難得Bakehouse 無大排長龍（當時為平日下午兩點半），即刻買番兩個包先！🥯Plain Scone $18有牛油香，質感唔粉，唔算痴牙，比較有咬口，外皮有少少脆，不過我唔係特別識欣賞Scone，所以唔會翻兜。🥯咸蛋焦糖菠蘿包 $22麵包鬆軟，餡料都幾多，本身以為係咸味，點知原來酸酸地，可以平衡菠蘿包嘅甜，幾好食。最出名嘅蛋撻今次買唔到，店員話要買六隻+等半個鐘，咁唯有下次再戰！📍Bakehouse (尖沙咀)尖沙咀漢口道44號地下

成日大排長龍嘅人氣bakehouse 經過十次有九次都因為太多人而冇買今日好朋友話見到冇乜人 即刻買咗請我食🥺感動～▶️Matcha doughnut ($38)Doughnut非一般中間空心嘅樣貌 而係入面爆晒餡嘅炸圓碌碌doughnut面佈滿咗白砂糖 搞到成手都係🙈🍵抹茶苦士餡味道非常濃郁 唔知點解食落少少苦又帶酸？可能因為我焗熱左佢嘅關係😂但係ok嘅 比較欣賞係麵包好鬆軟🍞另外食落亦冇想像中甜～一個都算大個 所以最好同人share▶️Sourdough egg tart ($12)呢個係必試啦 基本上個個都一定買Size其實比預期細 同埋個形狀有啲Irregular😗同樣焗熱咗食 攞上手超淋切開可以見到佢個皮分開咗4-5層 食落個蛋好eggy好似布甸咁 甜甜地而香蛋味🥚不過個皮好似冇人地講咁酥脆？同一般葡撻差唔多但係幾鍾意佢個蛋好似同撻融為一體咁🥧完整嘅感覺雖然感覺冇人地講咁好食Sourdough egg tart可能俾人感覺健康啲嘅 而doughnut就係食佢好軟嘅口感係好食嘅👍🏻但係未必會再買 因為價錢上遍貴🥲

假日行過bakehouse一定大排長龍，難得今日冇乜人排即刻試尖沙咀分店例排買蛋撻，鬆餅，牛角包，店員仲推介尖沙咀分店獨有的奶皇咸蛋菠蘿包，不過我覺得唔算好驚喜，翻熱食都唔覺好好食😂 我覺得可以唔洗特登排隊買，其他食物就保持水準，幾好味

有一個星期六，經過灣仔嘅bakehouse排曬隧，幾大都要試吓。所以平日一早開舖嘅時候就佢試吓係尖咀嘅分店。我係YouTube見過主廚嘅訪問，話比個receipt你都做唔到咁好食。係咪呢？我買咗個牛角包同蛋撻。牛角包真係唔錯👍，鬆脆，喺加拿大食過一樣咁好食嘅牛角包。而個蛋撻好食👍在真真正正嘅#皮薄餡多。我最唔鍾意港式蛋撻#皮厚餡少。不過，唔知點解一早開門請排隊去買兩樣野都唔夠熱，係唔夠新鮮？物流問題？

𝐁𝐚𝐤𝐞𝐡𝐨𝐮𝐬𝐞嘅人氣從排隊嘅人數同網上洗版就可見一斑。由港島開到尖沙咀，長長排隊光顧嘅人龍有增無減，平日傍晚6點經過，人龍不少於20人，想幫襯唯有乖乖排隊，好彩員工快手快腳，不到10分鐘就買到店舖signature嘅𝐒𝐨𝐮𝐫𝐝𝐨𝐮𝐠𝐡 𝐄𝐠𝐠 𝐓𝐚𝐫𝐭同埋𝐂𝐫𝐨𝐢𝐬𝐬𝐚𝐧𝐭，但係呢個時間唔少款式嘅麵包已經賣晒，買唔到想食嘅菠蘿包。店舖外牆由復古工業風磚塊組成，展現濃濃外國懷舊情懷，尖沙咀店只設外賣，不設堂食。𝐒𝐨𝐮𝐫𝐝𝐨𝐮𝐠𝐡 𝐄𝐠𝐠 𝐓𝐚𝐫𝐭 $12/1 piece外貌粒粒都好飽滿，蛋漿面令立立好有光澤，酸種酥皮薄薄一層疊一層，鬆化到驚一咬就碎，但一啖咬落去，整體咀嚼，比一般酥皮異常煙韌，有𡁻勁。食過嘅人，有啲覺得佢似葡撻，因為蛋漿面層有焦糖，蛋漿嘅部份好香滑，好重奶味，感覺好似食緊Crème brûlée，沒有濟膩感。𝐂𝐫𝐨𝐢𝐬𝐬𝐚𝐧𝐭 $20/1 piece已經食過幾次，個人覺得幾抵食，因為佢都唔細個，外皮同樣出色，層次分明，好酥脆，內裏氣孔好誘人，可見鬆軟程度，而且非常喜歡這個包嘅天然鹹香、再加咀嚼又感受到甘香，唔嗜甜又鍾意用吓牙力𡁻吓嘢嘅人士啱晒！

地址－Bakehouse (尖沙咀)尖沙咀漢口道44號地下有日出開尖咀做野，經過呢間野，先知原來尖咀開左分店，咁我都唔執輸，排下隊，拎返屋企用氣炸鍋翻熱當下午茶食都幾好。💋酸種蛋撻，呢個我想試好耐了，難得出城當然唔會放過呢個機會啦，呢個撻外層酥皮酥脆內軟，食落好香牛油味，又鬆化，裡面蛋部份食落好CREAMY，蛋味香濃，又帶點奶香味，真係好想食多粒呢！💋鹹蛋菠蘿包，原本都唔知有呢個包，係排隊期間聽到有職員向前人介紹，所以我都唔執輸買返個黎食下，食落個皮好脆身，都食得出鹹蛋味，出奇地同個包又幾夾，鹹鹹甜甜咁，正。💋肉桂卷，呢個已經係第二次食了，佢今次都係水準依然，未食之前已經聞到好香肉桂味，食落味道出眾，配埋面層白色的糖霜，味道甜甜地，好正。💋朱古力冬甩，呢個係臨比錢時見到佢係我面前得返一件，好孤單咁，好啦，就買埋你讓你地係胃中相聚啦(笑)，呢個咬落實淨得黎都算鬆軟，配埋朱古力醬表層，雖然邪惡，但味道一流。

終於係九龍區開設分店，唔使下下都要過海搵佢啦！方便咗🥳🥳🥳 但呢間都唔例外，都有人龍嘅出現，今次排隊不知不覺間排咗15分鐘左右就到。除咗出名嘅蛋撻，仲買咗另一款bakery 試咗，都出色喎👍🏻👍🏻👍🏻▪️酥皮蛋撻 $12酥皮天花板出嘅招牌酥皮蛋撻，定價嚟講唔算太貴。酥皮脆而唔漏，內餡份量十足，甜甜地，又嫩滑，唔好酥皮嘅我，都覺得呢間好好食😍😍😍▪️Plain Scone $18見都排咗一小陣，就買多款bakery試下。Scone size 偏大，個人加咗啲蜜糖。賣相睇落以為好硬，但點知外面係脆嘅，內層唔乾鬆軟，有奶香味，口感好似W牌嘅奶油餅乾，但佢唔漏，好食呀😋😋😋