B&S 西班牙小食坊 (已結業)

今日本身約左打邊LO, 點知有人臨時有事冇得打, 要轉戰觀塘食晚飯, 得返兩丁友諗住食好小小, 黎到東廣場, 呢間都算東廣場入面既貴價野, 主要係食豬, 乾脆試下。佢平均每份豬既價錢都係$150-$200之間, 又唔係真係好貴, 但係呢個廣場又好似唔係好抵, 當你知道其他舖位可以賣咁平仍然生存到既時候, 就估到佢食水深!!不過認真, 食物質數係唔錯既, 而且見好似冇BOOK枱既人WALKIN都冇位, 我地都冇BOOK, 係因為早到所以先有位。叫左個特別推介 橡果級黑毛豬極品梅頭叉燒 $168, 食完第一舊之後，我同我朋友既第一個反應都係「高級叉燒」，自已定義褒定貶義啦, 問心佢真係肉質柔軟, 肥瘦剛好, 肉味豐富, 多汁，對叉燒冇要求既朋友可以繼續食返屋企樓下燒味舖!!!因為佢D野都唔平，為左填肚我地叫左個 西班牙海鮮炒飯(細) $198，賣相不錯, 海鮮有蝦, 青口, 飯入面有D魷魚, 第一次食西班牙海鮮炒飯，唔知佢個味係咪真係咁, 但味道不錯, D飯有小小似意大利飯既感覺, 當然冇咁CREAMY, 個飯唔算太大個, 2個人一定食剛好!!

記起數月前，朋友介紹我到這食店，這裡的西班牙黑毛豬梅頭叉燒及Sangria 很美味。碰巧今天我與男朋友到觀塘，我便請他一試。我們兩點半左右到達這裡，原來這裡的員工將午飯。我們打算離開，但店員邀請我們入座， 我們便快速吃了一頓午餐。男友點了豬腩片包$58豬腩片很肥喔～但頗香而我再次點了西班牙黑毛豬梅頭叉燒配白飯+有機雞蛋$110美味，但我感覺上一次更美味😋男友也認為我點的比他點的那一碟美味。整體而言，到這裡吃一頓午餐是不錯的選擇～

今日系觀塘工廠區見到間好有格調的舖頭, 喺商場入面,門口有幾張高吧枱, 周圍嘅擺設好有歐美餐廳嘅味道, 佢個名叫做西班牙小食坊,入去試下,食西班牙嘢最出名就ㄧ定係黑毛豬, 先叫咗個芝士火腿拼盤,有24個月有48個月嘅黑毛豬火腿,加埋牛臀火腿同有好香嘅羊奶既芝士粒, 細味著火腿嘅甘香品嚐着紅酒享受一流烤黑毛豬極品梅頭扒上枱嘅時候,黑毛豬嘅油香同燒焦嘅香味,已經好吸引,輕輕切開,入面粉紅色既肉質流出啖啖肉汁, 未食都已經有足夠嘅享受, 咬落去肉質鬆軟, 滿口都係黑毛豬嘅油脂香, 值得推介

係香港，要搵又平又抵嘅西班牙菜，都唔算容易。不過，最近就比我喺觀塘GE東商場入邊搵到一間西班牙小食坊觀塘店。我哋四個人，叫咗9款食品，佢哋分別係西班牙海鮮飯，烤走地燒春雞，西班牙特色腸拼盤，燒黑毛豬極品梅頭扒，火腿芝士拼盤，黑毛豬肋肉串燒，黑毛豬爽梅肉串燒同埋一口牛串燒。飲品方面就要左，SANGRIA同埋士多啤梨橙汁.佢哋每款食物出嚟都係好新鮮，擺啲設計都好靚，係打卡之選，仲要係分量剛剛好，不多不少，而且座位都尚算舒適，可以慢慢飲酒傾計！

成日去東廣場食飯都見到呢間小食坊坐滿人，原來呢個小食坊真係非一般小食坊，賣既係高質西班牙野食，唔怪得成日都咁多人。外面已經見到好多唔同既酒放左係度，可以一路嘆西班牙菜一邊飲杯酒同朋友傾下計，仲有隻好可愛既黑豬仔做標誌。入面有幾張枱可以坐，再入啲仲有一個小房仔提供私人空間，除左入面之外，外面都有一啲高枱位可以坐。店入面除左有大大個標誌之外，仲有幾個好可愛既標貼，寫住左佢地用既肉都係無抗生素無重金屬無激素無基因改造無農藥。西班牙最正既緊係有火腿，見到櫃入面一隻隻西班牙國寶黑毛豬火腿吊住係度真係超級吸引，而且仲要有埋證書寫明出品夠哂信心。咁吸引緊係要叫《36個月橡果黑毛豬火腿》($65)，用上左伊比利亞高原以橡子餵養既豬夠正宗同最好食，食落咸香味十足油脂豐富。食完前菜就叫左個湯，《黑毛豬羅宋湯》($48)個湯底幾濃，入面仲加入左黑毛豬火腿同黑毛豬肉一粒粒咁更有口感夠足料。叫左幾串串燒，《一口牛串燒》($45)一口牛配上左烤過既青椒，燒到中間嫩紅肉味濃，《黑毛豬爽梅肉串燒》($35)同《黑毛豬肋肉串燒》($35)都燒到酒脂勁豐富，每串都有加上唔同既香口椒類加上爽口既口感。食得多肉都要食下蔬菜，

焗西班牙野生龍蝦 全隻 $298起左龍蝦肉出黎 再溝埋芝士白汁加雜豆焗 蝦肉變到小左 比較鐘意原隻龍蝦 不過白汁唔算膩 焗得幾香 橡果級黑毛豬 極品梅頭叉燒 $168 呢個好食同幾抵 超大份呀3個人share都得！叉燒燒得好惹味 半肥瘦 肉質好淋 😇玫瑰蝦羅宋湯 $ 68 好濃稠的湯，好有龍蝦味，附上幾片焗得好脆麵包 👍芒果＋橙汁 $28 草莓＋橙汁 $28 果汁好fresh，用左真果汁去榨

最近工作關係成日都要嚟觀塘 發現咗呢個位於apm隔離嘅東廣場十分之多嘢食 形式好似food court咁 今日就食呢間西班牙小食坊六點鐘嚟到舖頭唔多人 一問之下原來係全部有人book咗枱 估唔到咁多人食 鋪仔細細 但入到鋪頭感覺係與世隔絕同出面嘅food court感覺完全唔同 燈光檯凳等等 營造一個好高貴嘅氣氛 餐廳主打食西班牙嘢包括黑毛豬 巴馬火腿 首先叫咗個美國安格斯牛柳 五成熟 牛柳分量唔大 但厚度十足 有成吋厚 一切開仲係鮮嫩嘅粉紅色 肉汁超多而且勁冧身 完全突顯到牛柳嘅優點而且牛味豐富 但一d都唔油膩 伴碟仲有沙律菜同埋煎香過既彩色燈籠椒 好清新叉燒就食得多 用西班牙黑毛豬肉整嘅蜜汁叉燒你有食過未？ 我諗呢個叉燒係我暫時人生食過最貴嘅蜜汁叉燒喇 哈哈 叉燒入味偏甜 而且肉質鬆軟 肥瘦適中 加上做到港式燒臘店嘅焦香味道 如果加碗白飯就完美喇西班牙海鮮焗飯 一至二人份量唔使預訂 海鮮包括鮮蝦青口墨魚仔等等都幾足料 飯底夠入味好惹味

今晚約咗朋友係觀塘食晚餐佢推介咗間西班牙菜，我都好小食西班牙菜，所以好期待餐廳唔算好大，不過幾有特色，係門口就有一大個櫃放咗好多條豬腿menu上所有食物都好吸引，就叫啲平時比較小食既黎試下深海八爪魚凍盤 $55/20g兩個人食份量就啱啱好八爪魚好嫩好林又易咬，食完第一片就停唔到，好新鮮，絕對係必叫！火腿芝士拼盤$228我本身mama地食火腿，不過朋友鐘意，就叫黎試試喇有24個月、48個月火腿、牛髀火腿，三款都有唔同既味道，由24個月開始食起，由淡到濃味最中意牛髀，有好香牛味，羊奶芝士粒超濃郁超香丫玫瑰蝦羅宋湯 $68好濃郁既湯，蝦味重，仲有幾隻蝦係入面，旁邊兩片麵包非常香脆，點少少蝦湯嚟食更加好味黑毛豬爽梅片金菇卷 $45 肥牛金菇卷就聽得多，黑毛豬金菇卷就第一次聽燒得好香既黑毛豬，嫩滑多汁，金菇吸咗好多肉汁，超好味橡果級黑毛豬極品梅頭叉燒 $168脂肪比例合適令黑毛豬叉燒更好味肉質嫩口香氣撲鼻，忍唔住食完一舊又一舊蘋果橙汁& 芒果橙汁餐廳提供多款唔同嘅天然果汁 健康又好味

午餐諗住食好少少，走左來呢間試下，叫左個set lunch西班牙有機羊腿扒，配沙律菜，食物味道一般，份量超少，個羊腿扒好薄，沙律菜又唔加d飽肚d既薯仔，隔離枱叫意粉，睇落份量都唔係大好多，杯伯爵茶勁細杯，飲兩啖就冇，望下隔離枱杯咖啡，都係大杯都dd咁大把…以一個正常女仔食都會覺得唔夠，食完就好似無食過野咁，我諗男士來食應該要叫2個 set lunch先勉強夠食，食過一次以後都唔會再來食，絕對唔值呢個價…食第二間好過

有日，我同姐姐想係觀塘試下新菜式嘅美食。因為平時好多時都揀食西餐/日本菜/泰國菜等等，所以想嘗試下有地道又特色的美食。而我姐姐出乎預料之外係OpenRice搜羅美食中發現原來觀塘東廣場都有得品嚐正宗西班牙菜。我地覺得幾特別，就決定一於試下。我地就點叫左下面幾道菜式。36個月橡果黑毛豬火腿 $65/20g廚師將橡果黑毛豬火腿切成一片片薄片讓食客細味品嚐。聞落幾香，食落咸味適中。側邊配搭左新鮮生菜，讓我可以品嚐完一片，接住又可以食少少生菜中和咸度，感覺清新。黑毛豬爽梅片金菇卷 $45/3 pcs初時稍眼望一望menu，睇落幾似金菇肥牛卷。但當認真睇菜名時，就會發現呢種金菇卷唔同我所諗嘅金菇卷，原來呢種係選用高檔次黑毛豬爽梅片整成，大大提升整體味覺上嘅享受同層次。橡果級黑毛豬極品梅頭叉燒 $168單睇賣相已經覺得呢碟叉燒好吸引食慾。色澤上每件都燒制得好出色。我個人覺得叉燒賣相要有少少燒焦，睇落覺得會更加惹味，而佢就整成我想要嘅效果。呢碟橡果級黑毛豬極品梅頭叉燒真係好好味，源於佢係選用左梅頭叉燒，當中有肥瘦肉夾雜，所以一D都唔靭。傳統西班牙海鮮飯 $198 （1-2 pax)呢碟傳統西班牙海鮮

而家東廣場形成左一個集中左不同國家的菜色的食肆集中營，今晚選了食西班牙菜，但雖然店鋪小小，但冇諗過質素咁高。先叫一口牛串燒 $45 ，有啲似巴西串燒，好大串有三大塊牛肉粒，中間有紅色椒，牛肉稔身多肉汁，旁邊有大量沙律菜。之後見到每枱都必點的，馳名橡果級黑毛豬極品梅頭叉燒$168，入口面有濃濃蜜糖香味，黏口，肉質超軟熟外脆內稔，肉汁鮮甜超好味，果然高質素的黑毛豬，伴菜係有機沙律菜，好新鮮。來得高質餐廳，當然繼續豪一豪叫埋佢既西班牙野生焗龍蝦$298，開邊泡製的，廚師細心起肉，再撈埋忌廉同三色椒粒增加口感，龍蝦肉彈牙，面還有微微芝士香味。飲品叫了檸檬薑茶Happy End$32，估唔到呢度都有花茶品嚐，減輕膩口感，飲完口嚨非常舒服。

來到觀塘諗爆頭都諗唔到食乜，不如試下新野。呢間地舖小店既西班牙小食坊好有趣，癲覆左我對西班牙餐廳一定係大大間、有情調、豪華裝修、燈光好暗既印象。呢度舖仔細細，外面可坐高枱，裡面有5-6張4人枱，埋邊仲有間秒密房仔添。廚房就如半open一樣，可以望到廚師煮食情況。店裡燈火通明，播的是一首接一首的台灣流行曲，好不地道。餐牌內的主食都可以加錢跟飯、意粉或沙律，因西班牙菜式都是多肉少菜，能選配沙律菜是貼心的。橡果級黑毛豬極品梅頭叉燒$168，非常juicy，肉質軟糯肉味又豐富，更有蜜糖香味，同高級食肆嘅中式叉燒有幾分相似。黎到食西班牙野我都會必叫Paella$198，皆因越傳統既菜式越顯得出廚師功架。此海鮮飯表面焗至焦脆，內裡是濕潤而煙韌的。紅椒、牛肝菌、傳統三款味道的香腸拼盤$88，每款四片。煎得偏油，如先吸走多餘油份才上碟效果更佳。三款都偏濃味，應與酒體厚的紅酒吃起來很搭配。八爪魚$55/20g，均稱的薄切片顯然刀功不錯，八爪魚煙韌淡味更覺橄欖油味道突出。

平時經過東廣場都會俾呢一間與別不同的西班牙特色小店吸引到，地點易認，裝修甚有風格。西班牙特色當然是西班牙海鮮飯，店舖標榜❌抗生素❌激素❌重金屬❌基因改造❌農藥精選海鮮沙律第一款係精選海鮮沙律，有青口、沙甸魚、八爪魚等等，大大碟足夠三人份量，5款精選海鮮加埋水欖沙律菜很新鮮夠爽脆，我習慣了落多啲黑醋，性價比高。橡果級黑毛豬極品梅頭叉燒第二款係橡果級黑毛豬極品梅頭叉燒，叉燒好大碟同埋好好食，肉質嫩滑，又唔多肥肉，如果用嚟撈飯就最好🤣真不愧為王牌！西班牙特色腸拼盤第三碟係西班牙特色腸拼盤，傳統風乾紅椒味香腸、牛肝菌肉腸同埋傳統肉腸，我覺得風乾紅椒味香腸最好食，而且比較少見。西班牙海鮮飯西班牙海鮮飯因為是新鮮焗起的緣故，需要最長時間等候，出去食飯最怕食到好林的飯。岩岩焗起覺得每粒飯有米香同埋吸滿海鮮飯汁，大蝦都好新鮮有咬口。價錢唔算特別平，但係質素高，地點方便，適合三五知己飲杯酒～

觀塘區竟然也有西班牙直送食材嘅小店，而且小店細細也做到這食物質素，讚，還要西班牙風味新鮮無味精有機為主，多謝同事推介，今次輪到我帶同老公去食好野。到達時發現與我所想有出入，店前還有西班牙雜貨比客人選購，酒，罐頭及醬汁等！ 玫瑰蝦羅宋湯配脆脆包蝦味濃口感豐富，用上玫瑰虾，黑毛豬骨同雜菜湯底無得輸，特別有西班牙風味！ 薄切深海八爪魚片放一平入口即滲出淡淡鹹鮮味，越嚼越有味道但唔好韌因為薄切做得好好。黑毛豬片包金菇 平時食得多用肥牛，今次他們諗到用黑毛豬片包金菇同樣出色，食落多汁肉汁四淺，金菇吸晒肉汁還有嚼頭。烤西班牙牛柳 $208 簡簡單單就最能食出牛肉嘅味道，輕輕拷熟最能保持質地，再配salad健康之選，入口嫩滑多汁牛味濃，無渣架！ 橡果級黑毛豬極品梅頭叉燒 $168賣相原全同中式叉燒一樣，但味道口感較嫩滑啖啖肉，食落還有肉汁配白飯一流架！ 冷壓鮮果汁 mango + orange $28一個字 Fresh Sangria食得西班牙菜又點少得佢地特飲，味道多層似感紅酒味偏重，其次生果味！

觀塘多野食就係人都知，好耐之前東廣場冇乜人去，我都會成日去但只係因為有間連鎖店食日式火鍋比較少人，但係都後來愈來愈多人去，舖頭亦由原先寥寥無幾到依家開滿哂成個商場！仲要地下全部都係食肆，認真厲害，而且好多人，眾多之中，見到呢間係食西班牙野好正咁，於是就一於試下佢餐牌都整得好靚好有心思，而且仲標明所有食材由西班牙直接入口！橡果級黑毛豬極品梅頭叉燒   $168我係勁勁勁中意食叉燒！用橡果級黑毛豬整既，靜係聽個名都已經把炮～上枱見到唔係平時染色紅叉燒，而係好似扒咁樣，一用叉拮落去，已經feel到肉質十分柔軟！一入口果然柔軟！仲要帶少少肥膏，接近入口溶化既層次，肉味濃厚，叉燒迷必定上癮，如果再淋上多啲醬汁就完美！燒/焗西班牙野生龍蝦  $178/半隻揀左焗既，都等左比較長時間，估唔到半隻份量都唔細！上面舖滿厚厚芝士，龍蝦肉同芝士已經融為一體咁，簡單的滋味傳統西班牙海鮮炒飯  $198(1-2 pax)店員提示呢個要等半小時左右，但呢個比焗龍蝦更快上枱，擺盤幾靚，但呢個就較為遜色，以我所知西班牙海鮮炒飯會比較濕少少，但呢個就係較乾身，而且蝦有啲過老，青口就幾鮮甜，整體可以再進步如果以食西班牙菜