Asiri

营业中

休息中

鰂魚涌收工後靜蠅蠅，仍有個餐廳燈火通明座無虛席，仲客似雲來。前菜是我最愛的薯仔蛋沙律啊，真感動！沙律富蛋香味，又有新鮮生菜和車厘茄配法式醬汁，相當有誠意。雞腿湯咖哩$108，呷一口湯咖哩，馬上喚起了三月到北海道在下雪天吃湯咖哩的美好回憶。成吉思汗炒羊肉$98，羊羶味突出，男友立即話正！有別於一般以大蔥或洋蔥炒，只用了內斂的牙菜，Sapporo Beer (large) $30 happy hour 價格，冰凍無比，透心涼。北海道粟米茶$20，以燒粟米味道來焙煎茶，清清地卻很能喝到燒粟米味，用來中和一下濃味的湯咖喱甚為匹配。包裝紙上還說是大通公園的名物，很搞笑，心想我到大通公園時只看到大堆雪，沒有看到此茶哦。最後幼滑又有豐富芝士味的New York cheesecake $50作結，大滿足。

朋友搬左去鰂魚涌，去完佢屋企HOUSE WARMING就落樓下搵野食，見到呢間小店氣氛唔錯，門口MENU都吸引，所以就決定入去試下～走入去見到牆上幅畫好可愛，係老闆娘的Ｑ版人像～今餐好豐富How do u like Hokkaido ?  $108淨係見到菜式名已經躍躍欲試～原來呢道菜用左北海道出名的薯仔，味道真係好甜，同平時香港食到果Ｄ好唔同，只係為左薯仔都應該要試下～另外仲有我一向鍾意食的茄子，配上自家製鮮茄醬，加埋邪惡芝士，必食！廣島炸蠔$60表面炸得香脆，裡面的蠔肉鮮甜，配上酸甜醬汁，非常開胃。湯咖哩Ｘ炸魚柳$108日式湯咖哩唔似印度咖哩質地咁濃郁，食落冇咁heavy。辣味亦都唔重，鹹、甜味比較突出，好味得來感覺都比較健康。配飯、沙律、飲品跟餐的薯仔沙律也做得十分精緻。Green apple tea (hot)加$10Haskap soda加酒精 $58呢個飲品幾特別,要介紹一下～因為Haskap係北海道的水果，飲落有Ｄ似藍莓咁，加梳打水幾好飲架！因為想飲酒，可以加錢轉做cocktail，好flexible～整體來講係一間食物美味、環境舒適，服務又好的溫馨小店，推薦！

冇得去日本 唯有係香港搵下地道日本菜食懷念下日本時光今次黎到鰂魚涌食呢間由日本人開ge小店小店傳陽北海道料理 正宗日式料理裝修都好和風 Weekend晚飯時間黎坐滿人 想黎食ge朋友可能要早少少黎啦野食選擇都幾多我地揀左鰻魚定食三文魚定食枝豆每個定食都有包2前菜加味噌湯溫泉蛋 好滑 煮到岩岩好 中間仲係流心的凍豆腐豆味同調味剛好味噌湯唔係死咸 唔錯唔錯鰻魚定食鰻魚份量岩岩好 燒到皮脆肉嫩 勁厚肉勁肥美三文魚定食三文魚成隻手指咁厚 用鐵板上 一上滋滋聲 口水都流啦 同樣地燒到皮脆肉滑 好甘香 好juicy 枝豆用鹽烚過 好食特色日本飲品

哩間小店係我同啊媽既飯堂，佢係由一對北海道夫婦開既，唔知係咪日本人開既關係，佢既員工同埋裝修都好親切，比到你家既感覺。雖然食物既款式唔多，但每樣食物都會做到精益求精，特別係食材上面，感覺係比較新鮮。今次特別推介燒左口魚套餐，開頭會有一個薯仔沙律，而左口魚上面既燒汁同平時出面食既好唔同，唔會死甜或者死咸，食完唔會好口渴，而左口魚都燒得岩岩好，唔會特別乾。最後命叫左杯人手磨既coffee，當店員沖既時候，成間店都聞到好香既咖啡味，為晚餐帶黎另一個驚喜！

嚟緊聖誕要去北海道，自然聽到「北海道」三隻字特別咁興趣資料搜集係假嘅，食好嘢就真門面小小，估唔到入到嚟空間闊落，座位寬鬆都幾多人兩口子可以坐張4人檯，開始周圍睇下，竟然比我哋發現咗好多關於北海道嘅書簡直就係啱晒我哋心意，而且落完單等嘢食無聊又可以拎嚟睇下舖頭嘅壁畫好靚，畫哂北海道：道央，道南，道東同道北，仲有各地特色嘅嘢最特別嘅係，原來望落冇咩特別，幫我哋落單嘅個個男人，原來係壁畫上面嘅日籍老闆佢識聽廣東話，又識得覆單(雖然操日本口音)，真係好勁最先上嘅係薯仔沙律，兩個碟都擺得好靚，而且係雪到凍冰冰嘅，十分開胃新鮮嘅沙律菜，開邊嘅車厘茄，調味剛好嘅薯仔粒蓉，配上微酸嘅沙律醬，簡單得嚟又好食開胃餐飲叫咗凍蘋果綠同凍柚子蜜，店員有提我哋搞勻先飲第一個登場嘅係豚丼，女嘅店員用雙手捧住個丼飯碗底俾我，感覺好溫暖(非怪叔叔平時食豚肉最怕啲肉好韌，呢度絕對冇呢個問題珍珠米煮嘅白飯上鋪滿好多好靚嘅腩肉，每塊都有肥有瘦，食落肉質彈牙，同醬汁好match加上青豆，椰菜絲，蔥絲，食落味道有層次，醬汁又好好撈飯，平凡但值得推介老闆帶日本口音咁為我哋端上「書局」，原來係薯角有蕃茄醬同蛋黃醬，炸得好香脆自家製嘅

一直是咖哩愛好者，這家店供應北海道湯咖哩，在香港應該很難少吧？適逢今晚有點感冒，吃咖哩飯最好不過了！這家餐廳位於內街，附近有不少白領光顧。餐廳的樓底很高，木質桌椅擺放得井然有條，用餐環境十分寧靜呢！翻開餐牌，有小食、飯類供應，有豬扒飯、咖喱飯、丼等，當我猶豫不定的時候，日本漂亮的店員走過來為我介紹，這種服務態度實在令我有點受寵若驚呢！⭐️湯咖哩（豚肉）$108套餐配飯、沙律和飲品。薯仔沙律很不錯，冰凍的薯仔夾雜著蛋碎，入口香甜可口，口感有點像雪糕。日本咖哩一般都不辣，甜甜的，店裏也提供了辣粉讓客人自由添加。這道湯咖哩下了很多調味，還有不少配料，例如雞蛋、蔬菜和豬肉。喝一口湯，入口甘甜，味道清淡不嗆。米飯粒粒渾圓，很香。伴著湯一起吃，有種在日本家庭用餐的感覺呢！⭐️煎牛柳$138牛柳小小一份，已經一早切好。嚐一口，入口嫩滑，肉味夠，配搭湯咖哩一起吃很滿足呢！⭐️dark chocolate cake $40最後點了一件蛋糕，跟餐可以減10元。小小一件，有非常濃郁的朱古力味，口感較紮實不甜膩。⭐️green apple tea$30茶味中夾雜著淡淡的蘋果香氣。▫️題外話：曾經看過這家店的報導，店主是

香港甚少專攻北海道美食餐廳，得知海光街有一間，是港日夫妻二人合作，口碑還很不錯啊！湯咖哩在北海道美食排名之中也佔一席位。估不到身在香港都有機會食到，香港人真幸福！前菜是薯仔沙律，充滿日本家庭料理味道。主角雞腿湯咖哩上場了，湯底比較清，有微微的咖哩香，相比我在北海道食過的不會太油膩，感覺健康多了。雞腿煮得軟腍，啖啖肉。伴菜的南瓜片和西蘭花相信是烤過，入口有焦香，惹味。好欣賞日本人做薯餅做到外脆內軟。隨了採用薯仔做之外，時令的南瓜又香又甜，用來做南瓜餅一樣吸引。外層酥脆，內裡綿綿細滑，滋味無窮。最後一杯香濃回甘手沖咖啡另整頓晚餐完美結束了。

收工搵埋同事去食好野公司附近有間以北海道為主題ge餐廳，決定去試下睇下有無驚喜！一入到餐廳見到bar台牆身畫左好多旅遊tips仲有d日本明星既相係一間好別緻既家庭式cafe 仲有原來呢間餐廳係一對日藉夫婦經營嫁好溫馨既感覺我地兩個女仔點左一份晚餐，兩款小食主菜Grilled Salmon 將將燒鮭魚三文魚外表金黃香脆內面肉質嫩滑套餐連一份薯仔沙律，味噌湯，餐飲同甜品薯仔沙律酸甜適中 好開胃另外小食仲有煎牛柳 五成熟到岩岩好見到牛柳中間既粉紅色就好興奮啦！牛柳肉味濃 件碟都好靚好食得黎又賞心悅目仲有一份炸雞軟骨好香口 沾埋d檸檬汁中和返個油膩感就perfect 啦！最後食埋甜品 綠菜紅豆pudding 大滿足。

✿╮❤╭✿ ✿雜感女生 好味日記✿ ˚*•✰。Asiri．嘗味日本休閑一刻。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 日本愛好者盈盈帶我走入鰂魚涌小店 餐廳設計走日式文青小格調，感覺舒適 店子以北海道風味食物作主打 在這裡用餐的感覺真的很日本式的放鬆和寫意 餐廳有套餐也有散點 我們要了2客套餐 鮭魚味噌煮 + 咖哩牛舌 配薯仔沙律和飲品 飲品選了蘋果茶 咖哩牛舌 煮得香軟腍滑，配上甜甜的日式咖哩 晶瑩的日本米，吃得份外舒暢 味道符合主觀期待 深刻體會真材實料才是硬道理 鮭魚味噌煮 需要等8分鐘左右的鐵板菜式 味道香濃，三文魚入味，熟得仔非常好吃 吃過之後心情翩翩飛舞 呢一道菜是重點！焗出極香濃的滋味！ 用上好好吃的北海道薯仔inka no mezame+茄子 inka no mezame是小粒北海道馬鈴薯 深黃色的內心，口感香甜 咬一口，甜味會於口中蔓延 配上香蒜百吉包，再沾一些勁香濃的Raclette cheese 軟綿綿的芝味，製造出拉芝的效果 北

呢間主打北海道食物嘅日式餐廳由一對日本夫婦所經營，先生係北海道遊歷3個月，而太太係港日混血兒，在北海道長大，2人都鍾情北海道呢個地方，決心用食物去推廣北海道，2017年頭開設呢間餐廳，新鮮感十足!前本部係設有高枱位，方便客人飲杯嘢/食件蛋糕，呢度嘅咖啡仲係自家焙煎加手沖設有定食套餐及小食，每款食物都與北海道有關，就算未去過北海道都可以感受下當地食物餐前小食係呢客由老闆娘推介嘅炸南瓜餅，選用北海道南瓜，未食已知甜度十足!一客2大件炸至金黃色嘅南瓜餅，另配炸物醬汁用筷子輕輕夾開一細塊時，已經聽到"咔嚓"聲，真係即叫即炸保持熱脆感!  入口香甜綿滑，除左有南瓜肉茸外，仲有少許南瓜皮，就咁單食都已經超級好味道!日式晚餐配飯, 前菜及飲品自家製吉列豬扒飯 ($118)，以鐵板上食物，能保持食到尾都有熱度，原塊吉列豬扒放係日本飯上，再淋上特製醬汁，邊有蔬菜伴食，講究均衡飲食營養!件吉列豬扒外皮唔太厚，食起黎仍然有脆口感; 豬扒肉質鬆軟帶點肉汁，有少少肥肉部份，食起黎多一份油香之前嘅溫泉蛋除左可以單食/撈飯外，原來仲可以用黎點豬扒食，香滑蛋黃汁黏上吉列外皮，令豬扒多一份香滑感!而我呢份左口魚西京燒

餐廳好有日式小店嘅感覺，主理人都係日本人，入邊嘅食物都係家庭式溫馨為主。見到網上好多人推介佢嘅湯咖哩，自己好耐沒食過好味既咖哩了，今次既然係係招牌菜式梗係要試吓啦。咖喱入邊我哋揀咗雞腿，本身咖哩入邊就會有蔬菜同埋雞蛋。有南瓜西蘭花洋蔥等等既材料分量比我想像中多好多，尤其是佢張咖哩湯分開左上，所以汁料會好多。鰻魚既定食都燒得好靚，蒲燒既味道，價錢實惠的鰻魚飯！將油脂香味完全迫出，同時將醬汁融入鰻魚之中。兩款主菜都會配上前菜，薯仔沙律香氣四溢，配上適量嘅沙律醬，非常開胃。另外我哋叫咗個炸雞同埋薯條，特別要讚一讚佢嘅炸物。薯條非常大條，食起身口感好好，淡淡都係薯仔嘅味道。炸雞雖然得四粒，但係每件都超大，好抵食。我哋都叫咗嘢飲，啤酒嘅話會加$20，ginger ale加$10。

朋友在鰂魚涌返工，佢話平時係lunch 時間常去一間叫“Asiri Cafe”是日籍北海道達人夫婦主理小店，在店內可享受到正宗地道北海道風味。今晚我就聽朋友的介紹嚟到“Asiri cafe”食晚餐，晚上餐廳吸納多數是附近居住的居民，很多一家大細都來吃飯晚，更有居住在香港的日本家庭嚟幫襯，果然深得大家愛戴。打開餐廳，食物款式貴精不貴多，餐廳註明是用北海道珍珠米，套餐款式已北海道local food作招徠，我沒去過北海道，今次可在港感受一下北海道地道的飲食風味。我叫了“Eskarop” 根室locofood吉列豬扒飯，朋友叫點了“將將燒”鮭魚味噌煮。兩道食物都是用鐵板上菜， 熱辣辣香噴噴上檯，未食已聞到食物香。味道方面，真係好日本風味十足，食物中味道裡帶著味噌香味濃厚，豬扒大大份非常厚身，不乾不鞋，帶點濕潤，北海道米很香很軟，加上蛋漿撈起一齊食，更香滑。鮭魚味噌煮，份量也不少，鮭魚味也尚可合格，沒大驚喜。手沖咖啡也是他們的主打，我本人感覺比較一般，可能我不太喜歡日本風味的咖啡產品，我都是比較喜歡他們的食物。

星期日剛從澳洲回港，經過星期一開工後，已經急不及待揾些好東西食，表妺推介一間係鰂魚涌一間由日籍北海道達人夫婦主理的食店，同時又帶點家庭味道，即管約埋媽媽去嘆下先，地鋪超易揾又方便我倆母女。入店來先見這水吧同黑板寫著呢間餐廳嘅背景，2017 開業同旅遊tips, 信息當然還有是日推介，清楚一目了然，好讓客人了解佢地同又乜好野。套餐形式先黎開胃薯仔沙律，豐富口感除薯蓉還有較粗粒嘅薯仔味道濃。新鮮沙律菜同車尼茄鮮甜清新。Eskarop自家製吉列豬扒飯$118無諗過這個set會用鐵板上菜，吉列豬扒好有份量炸漿還不算厚，豬扒咬落肉質鬆軟配白飯已經好滿足，還有伴碟蔬菜。實而不華!左口魚西京燒$128用上左口魚軟滑同鬆化入口即溶，而魚皮都被烤得微微金黃煙煙韌韌，跟白飯一碗同薯仔沙律剛剛好，還可選點小食滿足下自己添。不過個人夠喜愛銀雪魚嘅質地。炸生蠔 $60一碟有5隻新鮮炸起熱辣辣，聞一聞蠔味湧出，咬一口蠔汁爆瀉。其實佢地lunch比較爆，好似今次咁媽媽原先想食牛脷，可惜已售罄了！ Menu選擇還有其他選擇！

今日又輪到我去鰂魚涌接侄仔放學，等侄仔既時候，其他家長話附近有間新開日本餐廳，咁我一陣就帶侄仔去食啦！去到餐廳，老闆係一對日本夫婦，見到老闆娘親自招呼客人 十分親切，見到我仲問我飲唔飲啤酒做緊優惠，30蚊咁抵當然飲番杯！食飯之前，先叫左個沙律，沙律非常有日本風味，係沙律蛋薯仔沙律，材料好新鮮，入口口感正，薯仔十分柔滑！主菜就簡左湯咖哩雞腿飯，老闆娘仲教我正宗北海道食法，係張飯放入咖哩黎食，咖哩配料十分多，入口味道濃厚，好夠味！唔會過辣 味道剛好最黎我仲叫左份炸蠔，炸蠔一份4隻，外層炸到好香 脆卜卜，內裡蠔味十足，非常鮮味！侄仔都話好好食呢

印象中香港只有這一家吃北海道菜式的餐廳, 店主是日本人, 看菜式是一般北海道家庭小店提供的, 在其他地方很難吃得到, 很吸引我來嘗試。想不到平日夜晚也滿座, 還好我們早一點來到, 便不用等位, 這小店蠻利害的呢。薯仔沙律雖然只是跟餐的沙律, 但是十分有誠意, 薯仔沙律雪過的, 有點冷, 薯仔煮到剛好, 甚有薯香, 沙律醬的份量也不多不少, 配襯一些爽口的沙律菜, 令人印象深刻。石狩鍋三文魚雜菜湯$108叫這個鍋的時候, 店主用有點歪的廣東話跟我們說識食, 這應該是鎮店招牌之一。試一口湯底, 有魚鮮和菜的鮮甜味道, 光喝的話有點鹹, 伴飯吃就剛好, 鍋內有很多蔬菜, 冬菇, 豆腐, 三文魚也不少, 是一個營養的鍋物。Eskarop自家製吉列豬扒飯$118很多次去日本, 隨便都吃到很美味的豬扒飯, 實在令人懷念, 這個豬扒飯有日本吃到的8成好味, 吉列外層薄薄脆脆, 豬扒留有肉汁, 夠嫩滑, 只是有少少筋, 加上甜的咖哩醬汁, 和日本米飯一起吃, 甚有日本風味, 推介! 旁邊精緻的伴菜, 也可能是來自日本的, 蠻好吃!how do you like hokkaido? $108很特別的菜名