ASAP As Simple As Possible

营业中

休息中

同妹妹行開荃灣又唔想食日本菜咁啱路過見到間新開既小店ASAP.........於是八掛入去睇吓有咩好食啦🤤🤤首先入到去見到店鋪環境乾淨企埋，店員亦好有禮貌地推介一些食品比我地亦不厭其煩咁解答我地既問題😬今時今日有泥個服務熊度已經好好架𡃤⋯⋯比起另外一D有名氣或者冇名氣既餐廳D員工黑口黑面好似我哋要乞求咁嘅情況🙈⋯泥度就好好多😃值得一讚佢嘅咖啡⋯好香好滑溜飲後帶有小小甘⋯👍🏻👍🏻

近來新興咗一個字詞「Staycation 」，本來趁老婆生日，都有此打算，不過，佢話晌屋企瞓自在過晌酒店，所以，酒店就無住喇，但都照原先計劃，嚟一個大西北小旅行。先到荃灣西站嘅「海之戀商場」食個晏，再入兆康，轉輕鐵到良景，晌「良景市集」（即喺良景嘅冷氣街市）打個轉，再上「港版大峽谷」嘅良田坳，最後，返到南昌站嘅「V Walk」食晚飯，就結束今日西鐵線大西北之行。言歸正傳，今次餐晏仔晌邊度食好？「海之戀商場」都喺第一次嚟，故此事前上網搵搵有咩選擇，最後揀咗「ASAP」，因為定價相宜，風評不俗。晌門口所見，餐廳內都仲有少量吉位，加上只喺得我哋兩公婆，比較易等到位。剛好，我哋就被安排坐晌近門口嘅二人枱，距其他枱都好有一段距離，所以，食得更安心，但其他位顯然就比較逼。而餐廳其實都幾大，裝修簡約，望入去，仲有大大片落地玻璃嘅窗口位，望到對岸青衣壯闊嘅風景，加上是日陽光普照，感覺更醒神。主餐牌主要有紅黃藍共3張，不過，唔喺好明顯有分門別類，但菜式睇起嚟比較多元化，無話邊種菜系突出啲，然而，定價果然算喺好相宜。 此外，所有主食都會配基本熱飲、汽水或果汁，亦可以額外加錢轉為特色飲品，仲有，更可以加配熱

本來諗住黎食早餐，原來平日無早餐食😭於是就下午茶時段再黎過。環境超好，我哋係望住個海。而且佢嘅裝修都好新淨，我哋入去個時段仲要冇乜人好安靜，非常適合傾偈吹水。佢下午茶都有好多選擇，仲可以額外加小食。我哋叫咗個黑松露香菇意粉配咖啡。個黑松露味好重，同埋都好足料，如果鹹少少會更好。另外叫咗個安格斯漢堡配薯條，個薯條係即炸勁脆。而個安格斯漢堡都非常好味😋覺得Heavy嘅時候再配一啖沙律菜。另外最好佢可以加latte或者係cappuccino 。滿足我哋呢啲咖啡控。

今天和好友再試其他款式早餐：S6 香煎雞胸 牛乳炒蛋 牛油多士 ＋凍朱古力S7 吉列魚柳 牛乳炒蛋 牛油多士 ＋ 凍泡沫咖啡 本人試S7餐，吉列魚柳  切開還有熱煙霧出，應該是新鮮炸起上碟，另外牛乳炒蛋炒得香滑，分一點炒蛋配合牛油多士，絕配！ 好友試S6餐，好友說香煎雞胸煎恰到好處，吃下去很軟嫩，牛乳炒蛋和牛油多士，好友都認同整到很香滑。 下次會再試不同款式早餐，因為早餐暫時星期六／日 到早上11時半前能享用，所以再試要看看時間才能去啊

同老公食生日早餐，去左間可以望海的餐廳，老公柯打左通粉併蛋牛治，而我叫左慢煎雞胸肉伴沙律，雞胸肉比想像中好食，肉質不會過韌，一邊嘆早餐，一邊望著開揚的海景，真是很好的享受。

午餐時段的海之戀，好在不多人，約埋亞媽來Lunch最正，好在這間餐廳唔駛排隊等位(怕亞媽企得太耐)，也唔駛電話book位，裝修設計簡約，但食物一啲都不簡約。Set Lunch 都有三張餐牌可以選，由五十幾元起至一百元左右，性價比非常高，食物賣相吸引，蛋類食物非常滑，意粉內湯的酸甜恰到好處，吉列豚肉鬆軟入味，鰻魚炒飯最好味。落地大玻璃，好在今日中午無落雨，天空放晴，能夠坐在這美麗環境下進餐，我感覺全部食物都美味可口。

海之戀商場，開始多咗唔同嘅餐廳慢慢陸續開業啦！見到呢間ASAP既cafe小店環境唔錯所以去左一試安格斯牛肉芝士蘑菇漢堡🍔食落有驚喜既burger😍老老實實一開始睇到個樣我仲以為中伏🤣見佢中間個漢堡好似好散未食已經下判斷系我唔好🤣🙈 點知一食有驚喜🤫佢個漢堡扒系混入左蘑菇，食落好鮮嫩有肉汁，芝士已經融入左系漢堡扒上🤤個味又調教得好好唔會過咸，中間簡單夾雜左番茄同生菜，食落又唔會覺得好膩，果然系有驚喜🥳 吉列西班牙豚肉滑蛋蓋飯🥢外貌幾吸引，好有份量😁 吉列豚肉都好有份量炸得外層很酥脆，肉質比較扎實. 個蛋都好滑不過咖喱汁就偏咸左D，食完真系好飽🤣以呢個價錢黎講，仲可以對住個海景遠望到汀九橋食😛餵～性價比又幾高wo🤓

上次已經試了午餐，今次有機會試早餐。是次早餐嘗試以下的款式M3 流心蛋法式酸種麵包，自家制特色腸，煙肉沙律 S4 雞肉蕃茄湯通粉 牛乳炒滑蛋 牛油多士首先說M3餐，有兩隻流心蛋很大隻，配合酸麵包，口感一流。自家腸和煙肉搭大份量沙律，即使吃肉，也沒有肥膩之口感。小弟追加了一杯特飲凍朱古力和 一客煙肉湯通份，份量剛好，不用再吃午餐。好友點了另外S4餐，朋友對蕃茄湯通粉給予很好評價，蕃茄湯底比茶餐廳高質素，雞肉份量都多，抵食。

午餐經過不太多人。又見好似食物種類吸引，剛剛想食漢堡包🍔 便入內一試。近期幫襯了不少賣漢堡包薯條的小店。講真真係令人有點失望 ，漢堡包勉強還可以，薯條真的做得很差。感覺是用千年油揸到脆卜卜。一啲薯仔味都冇。下次絕對唔會幫襯。 如果用$80價錢咁嘅質素應該幫襯隔離大快活更加好。不過都係同一個集團唔唔使分得咁開。點解佢哋覺得改個個名啲食物差唔多就可以呃到顧客。但係佢啲服務尚算不錯👌侍應生都很有禮貌加上環境很好有海景。

估唔到依個價錢有咁高質呀😍第一次食咋！！疫情關係下午茶唔算多人，見佢地meun有好多選擇，重點係唔貴～經職員推介，我地就點左下面2個套餐👉🏼鳥唐揚蛋蓋飯（炸雞係好新鮮炸感覺，蛋都好香好滑，正！）👉🏼燒汁牛脷吉列炸雞意粉（男朋友話牛脷好林，好好味😋佢掛住食關係我影唔切相😅）因為對住個海，成個環境都好舒服。值得一讚係佢地職員服務都好好，由安排坐位，點餐到黎餐都好快手。值得再去同朋友食🙂

這是我們第一次吃的餐廳🍴，一進去餐廳就覺得設計很靚，又可以見到海景，食嘅時候都覺得特別精神。而且職員服務態度都好良好，食物選擇也很多，有意粉🍝丶有飯丶有漢堡包🍔丶也有薯條🍟等等的小食，而且份量也很大，絕對值回價格！😄😋

🔺ASAP入黎呢間餐廳食野主要係因為俾個河景吸引😚感覺真係心曠神怡👍🏻👍🏻.香煎雞胸蛋三文治配薯條🥪三文治好厚份量十足😯雞胸肉唔會煎得太乾 入面仲有煙肉蔬菜🥬薯條就硬得滯 所以小編都食剩好多😹.雞肉蕃茄湯通常餐🍜常餐除左有粉麵之外 仲有多士、炒蛋同埋兩條特色腸🍳比較驚喜係腸仔入面有爆漿芝士🧀蕃茄湯通就正常發揮啦😛

星期日朝早，試下這間的早餐。點了兩個餐。蔬菜沙律，沒有加油膩的沙律醬，反而落甜甜酸酸的汁，好味又開胃 而且加了少見的蓮蓩，有驚喜腸仔入面有芝士夾心，加分。最值得一讚的是流心蛋，蛋黃新鮮，蛋味濃郁，上面加芝士烤過，甚有特色。用刀切下去時，深黃色濃稠的蛋黃慢慢流出來，夾埋麵包一齊食，滋味一流 麵包索晒d蛋黃汁，唔會浪費。餐可配橙汁，唔使加錢，感覺抵之餘又健康。另一個餐。番茄濃湯通粉。個湯如果可以酸dd就好啦。加了雞肉，但唔肥。三文治，炒蛋既份量其實唔細，而且用蘑菇炒，好新鮮以食材的新鮮度同烹調心思而言，物有所值

悠閑的星期日去海之戀商場嘆返個靚早餐。無意中發現這間餐廳，早餐價錢$35-$52包餐飲。0930左右黎，直接入去就有位。價錢只是比隔離鋪大快活貴少少，但享受多十倍😆無理由唔入去試下架麻。今日我地二大一小，入内有梳化位坐，面向大玻璃窗，一片海景盡在眼簾，有種度假的感覺。叫左兩個餐share食，M3同M4,凍檸茶同加錢轉熱朱古力。M3流心蛋法式酸種包+自家製腸+煙肉+田園沙律麵包外脆内軟，流心蛋上面仲有芝士😋M4焗蕃茄芝士腸片流心蛋+法式酸種麵包十分推薦，麵包同樣外脆內軟，有大量芝士，再配上流心蛋同蕃茄汁腸仔一齊食，好滿足的早餐。兩份早餐份量充足，share啲比小朋友食，都好夠飽。埋單$116有機會一定再黎。👍🏻

往激安殿堂朝聖，血拼前先醫下個肚，在海之戀商場選了這間非常簡約俐落的店舖，望著蔚藍優美怡人的海景，煩惱全消，有一刻的寧靜，享用美食，人生一樂也，沙律菜新鮮，沙律汁有柚子香味，龍蝦湯海鮮飯，湯味再濃些更好，配料豐富，值得推薦，不容錯過！白酒鮮蜆意粉份量十足，蜆肉很多，一個配薄荷茶，清新涼喉，另一個配了熱朱古力，也很不錯，以這個價錢，真的十份值得捧場，服務員態度甚佳，很快會清理枱面，充滿笑容，下次去海之戀，必定再食😊