ASAP As Simple As Possible

营业中

休息中

今日食評有✍🏻 ASAP @荃灣西試食指數⭐️⭐️⭐️店舖衛生⭐️⭐️⭐⭐侍應態度⭐️⭐️⭐️((每項5⭐️為滿分)) · Early dinner一入坐就被通知冇晒burgers 有少少失望好彩menu多元化我們還算有選擇·1️⃣鮮茄牛肋條意粉配熱牛乳鮮茄意粉好好味夠熱😋牛肋條夠un😆我唔識欣賞熱牛乳夠溫稱不上熱2️⃣牛菌汁漢堡扒藜麥飯跟coke zero牛菌汁、漢堡扒、藜麥飯全部都好味但夾埋一齊就好怪唯一值得讚嘅係夠熱3️⃣柚子蜜雞翼小食反而係全餐嘅驚喜柚子蜜剛好包住雞翼雞翼多熱夠脆邊又不乾讚·食物方面有待改善但係環境氣氛都令人坐得舒服所以我哋會再嚟試burgers ·二人盛惠208算抵食之選·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

來到 ASAP 晚餐，叫了一客安格斯牛肉芝士磨菇漢堡＋薄荷茶，大蝦海鮮西斑牙飯＋橙汁。安格斯牛肉芝士磨菇漢堡＋薄荷茶： ($80)安格斯牛肉有牛肉味唔乾身，芝士亦都足夠，不過牛肉份量比較小。另外，如果漢煲包皮能夠查上牛油和烘熱會更好，但而家都係好味嘅。薯條十分香脆，就算凍左都係脆嘅，不過略嫌唔夠厚身。沙律菜夠清新，用沙律醋而唔係沙律醬，加分。薄荷茶是茶包薄荷茶，不錯。大蝦海鮮西斑牙飯＋橙汁： ($134)海鮮夠足料，有青口，魚柳，大蝦和蝦。大蝦爽口夠鮮味，魚肉有質感，不鬆散，煎得夠香，有魚味。沒有用上龍俐柳，讚。橙汁是果粒橙，正正常常。總括來說，荃灣西的西餐廳一般都是偏貴，ASAP 卻以中等價錢做出水準以上的菜式 ，如果想係荃灣西吃一頓有性價比的西餐，ASAP不失為一個好選擇。

由於每次來都是吃早餐為主，今天五一勞動節，決定吃好一點，和朋友一起來吃一個豐富的午餐。我選擇C7 安格斯牛肉芝士漢堡 和朋友選擇A 吉列西班牙豚肉滑蛋蓋飯朋友的A餐 吉列豬柳炸的外面炸得金黃色，而且內裡肉質鮮嫩，再配合燒汁，份量很豐富而我C7 安格斯牛肉芝士漢堡戈，之前曾經都試過，牛肉很多汁，薯條亦很多。不過，有點美中不足是對比這次漢堡包的Size和外型，整體外型有點細和砌得沒有多精緻。可能今天假日，廚房比較忙，食物外型有點偏差。希望下次Burger再來吃會更好。

同男朋友平日放假，行開海之戀商場，順便過嚟食個午餐。間餐廳午間好夠光，見到有個海景就決左入嚟一試。餐牌上價錢唔貴，服務態度都唔錯。兩杯柚子紅茶大大杯。食物方面，男朋友叫個滑蛋吉列豚肉（燒汁）；我就叫左個豚肉意粉（磨菇汁）。試左好明顯係前者好味啲，滑蛋出色有水準，至於我果個實在係太健康喇（連個賣相都係😅)，一食就知道係少鹽少油，味道好素好淡，可能知我呢排減肥要食清啲🤣🤣 總括嚟講，食物唔算驚喜，但對住大海景食午餐係好悠閑既，過開嚟既朋友可以一試。

星期六早上與朋友們吃個優雅早餐相聚下，位於海之戀的ASAP 位置方便，景觀也不錯!這是個好選擇!Start with a joyful Morning ～黑松露雞肉奄列+田園沙律+法包沙律新鮮而生果也搭配這個價錢有黑松露配上物超喔～$54牛油果炒滑蛋+雞胸+特色腸+田園沙律+法包牛油果與滑蛋非常配，蛋厚厚也滑滑！雞胸配上鮮茄醬，這茄醬味道一流，非調味醬，應是鮮茄烹調出來，與雞肉配上，非常好味。非豐富配搭，份量滿足。$62非常豐富早餐，好滿足，午飯也不用吃，環境也舒服。

實在太忙, 一直都冇時間打呢篇食評。時間去返1 月2 日, 新年呢幾日假, 想食個CHILL D 嘅LUNCH! 咁就行去海之戀啦, 多數餐廳都可以望到海景。記得ASAP 都幾多選擇, 老公都覺得OK, 於是就揀呢間啦! 入到去我哋揀咗個可以望到海嘅位, 因為見到都好猛太陽, 坐窗邊應該會幾熱。食物總類好多下, 有沙律、漢堡、咖哩飯等我就揀咗漢堡, 老公就揀咗咖哩飯。老公個特濃咖喱牛肋肉滑蛋蓋飯先嚟到, 咖哩辣辣哋, 加埋蛋都幾好食!不過牛肉同飯量都偏少, 唔夠飽。我個安格斯牛肉脆煙肉漢堡等到老公差不多食完個飯先到。希望下次上餐時間可以近返D。除左漢堡, 仲有沙律菜同薯條。薯條炸到外脆內淋, 加上適量嘅調味, 好好食!沙律菜都新鮮, 不錯!漢堡超厚, 唔能夠一口食晒。漢堡扒都JUICY, 加上芥末, 幾好食!但係真係太厚啦, 要分2 層食。菜嘅水份最後令到個包淋晒。總括係好食, 漢堡性價比高過咖哩飯。餐廳本身枱同枱間都隔得開, 唔會好密, 坐得舒適!環境嚟講都幾好, 以每人$100 可享用如尖沙咀般嘅海景午餐, 算係抵! 

完全唔知海之戀三樓都仲有餐廳見環境光猛 食物價錢適中一於試吓加錢叫左黑松露磨菇湯黑松露帶子意粉黑松露磨菇湯啖啖都飲到磨菇粒粒真材實料 既磨菇濃湯見佢裝係杯 諗住唔多點知份量足 又足料飲完都飽飽地黑松露帶子意粉啲帶子得兩粒好鈐貴但都要讚下 係好食的帶子煎到外面金黃入面半熟意粉有咬口醬汁夠黑松露味又唔會太濃娘親叫左 牛肋條蕃茄意粉娘親話 蕃茄汁酸酸甜甜都係牛肋條份量少左啲但整體都唔錯既意粉份量多甜品加錢配左蘋果批配雪榚唔記得影相即叫即焗 大約等左15分鐘有兩件 熱辣辣 配埋雪榚幾好味 本身唔太中意蘋果批會有肉桂但呢件ok 接受到👍🏻總體都好滿意 娘親都話可以再黎

今晚嘗試一個特別晚餐，美國Prime牛肉眼扒300g的扒餐。我其實除了喜歡吃牛扒之外，還被餐牌上的其中一句「配任食薯條」所吸引著，因為小弟是「薯條控」。是日是星期日下午6點15分，能夠欣賞美麗的夜晚海景真是已經加分，服務員十分欣勤，除了端上扒餐和燒汁之外，還為我建議加上鹽作調味，令到牛的味道突然昇華，回味無窮！當我品嘗完一份薯條，服務員主動地問我還需要另外新一份，我覺得吃完扒+一份薯條都已經好飽！其實這晚原本和朋友來吃，他試雞，我試牛。但是朋友臨時不來，所以唯有下次才試到香草燒法國雞啦

今天來到荃灣西和朋友共進午餐，這家在天后也有分店的 ASAP 荃灣分店更加漂亮，陽光光線充足落地玻璃望著海景實在非常舒服。服務員的服務也非常到位。中午套餐也祇不過是七八十元，個人認為這家店本身性價比非常高。點了白酒煮蜆意粉，粟米湯和熱齋啡。粟米湯確實比較香甜，而齋啡酸度也很適中，當然不能說是非常好喝，但絕對比星巴克的好。白酒煮蜆意粉稍然有點清淡，不過意粉面身非常彈牙，而且蜆肉也非常多沒有偷工減料。這價錢這環境這服務實在沒得說。絕對誠意推薦。

再次重臨荃灣西海之戀的ASAP，這次分別嘗試S2牛乳炒蛋野菌，雞肉蕃茄通粉餐和S7 炸吉烈魚柳餐，好友第一次來試吃S2餐，特別讚炒滑蛋很好味，大片抵吃。而本人試S7炸魚柳，因為不是普通茶餐廳魚柳煮法，而且吃出即煮即炸口感，鬆化外皮，十分香口。飲品雖然沒有拍照，本人想推薦的是奶茶，這裡奶茶特別香濃，值得推薦！由於仍然是二人限聚，餐廳的防疫措施非常注重衛生，員工也貼心給予口罩袋，枱與枱之間有適當距離，用餐令人放心。

本來想試早餐，但遲了起床變了午餐，卻帶來驚喜！先來一杯粟米湯，濃濃粟米味，絶不罐頭。小食：柚子雞翼真的很香柚子味，又唔會一層厚厚的果醬塞入口，配搭新鮮而可口。芝士雞球，不能不吃啊！主吃：炭燒雞髀扒意粉，我點了磨菇汁分開上，不用點汁雞脾扒已很juicy,燒得香香連皮也脆脆的，意粉嘅分量真的很足，完全滿足了沒吃早餐的我。朋友點了黑椒牛脷煙肉意粉，他說下次要再吃多次。最後飲埋杯凍朱古力，滿足極了！店員熱情的服務態度也值得一讚！

今日有啲想試呢間見啲相幾吸引咪試吓，價錢屬中價位，而選擇都算多。我叫咗個吉列黑豚滑蛋蓋飯，炸粉厚薄恰到好處，唔會話厚到食粉咁，有肉汁唔算乾，而且有豬肉味。至於咖哩味道略嫌淡，唔辣，除咗顏色之外感覺同水冇分別。至於塊蛋就比較細塊，連堆飯都遮唔晒，不過食落有濃郁既蛋味，味道亦唔會被咖哩同番茄汁遮蓋咗，算係唔錯，美中不足既係餐廳喺煮食方面既功夫唔係好夠，每樣食材都ok但只有烹沒有調食落好似食緊3樣餸咁，蛋，飯，咖哩同肉之間欠缺融合，有啲似自己屋企求其煮咁，亦冇配菜，呢度就扣咗分。值得一提既係餐廳配套唔算做得好，嘢飲係茶包沖，環境就一般，原先係向海但就落咗窗簾影響透光，門口亦有設計災難級既大字報牆紙同怪異既燈光，令到成個體驗downgrade 咗，希望餐廳可以改善吓啦。

前陣子，趁疫情稍稍緩下來的時候，與閨蜜們來一個荃灣西遊，首先往荃灣西站嘅海之戀商場，先在Donki買個痛快，行攰了，便想着找個地方來個下午茶，歇歇腳，充充電。商場內其實都充斥了不少食肆，逛了一會，最終決定喺A S A P下腳，冇他的，兩大原因，主要因為他性價比高，價格相宜，而以這樣的價錢，輕輕鬆鬆的對着無敵大海景，嘆個下午茶，人生如此，夠曬chill！ 最重要的，不用給他的名字ASAP嚇怕了，我們可以悠揚地慢慢地嘆個下午茶，不用跟他的名字 as soon as possible 啊！與閨蜜們，各自叫了幾個下午茶，熱騰騰的雞翼，加上脆脆的薯條，口感不錯；嫩滑香口的蛋牛加上脆脆厚多士，又是一個不錯的選擇；一位比較肚餓的朋友，叫了一個通粉，雞湯鹹淡適宜，又是一個充飢的好選擇。還有一提，職員服務態度都好好，好有禮貌，由座位安排到點餐上餐都好快手。週末週日，如果瞓得晏，想來個無敵海景的午餐，又價錢相宜的，ASAP的 brunch 也會是一個不錯的選擇，下次我們也要再來試試啊！

嗰日行完Donki，經過見到呢間野就入去試一試佢。 睇完餐牌，就嗌咗一個漢堡包($8x?)+一碟蕃茄牛肋條意粉($7x)+西班牙燴飯($13x)+芝士唐揚雞(跟餐另加$28)😙 所有嘢食嘅份量都超級足夠，一定飽肚。 超級欣賞佢碟意粉啲意粉🤣 因為煮得啱啱好，好煙韌💕（唔似X心/大X樂嗰d 咁，煮到林啤啤🤢）碟野d 牛肋條煮得好淋，好似食牛腩咁🤔 。 個飯ge 飯量真係超級多，可以兩個人食。啲飯食落去都有少少蝦味，但個人認為略嫌淡咗少少，可以再濃啲。 個漢堡包都幾好食。兩邊包皮都有煎過，食落去好香口🤤 中間塊牛肉煎得幾嫩，有驚喜！特別想講嘅係啲薯條🍟🍟🍟 超超超級好食😳😳😳 佢層炸皮喺其他地方真係冇食過！（我都唔識形容😂 好似層薄薄ge 天婦羅皮咁？！） 個意粉同漢堡包都跟沙律，個沙律配柚子醋汁酸酸甜甜好開胃🤤 啲菜都好新鮮~ 呢間野真係有驚喜，下次都會再去食😙

一講起ASAP 就自然諗起要AS SOON AS POSSIBLE - 盡快! 但係原來呢間餐廳名O既ASAP 係AS SIMPLE AS POSSIBLE - 越簡單越好! 咁好啦! 呢個LUNCH 就去試下先! 今日唔駛等位, 量完體溫可以直入店內有窗邊位, 可以望住海食飯, 舒服, 寫意! 店內裝修簡單, 新潮, 好符合ASAP - AS SIMPLE AS POSSIBLE! ❤餐廳食物種類好多, 如沙律🥗、咖哩飯、意粉🥘、漢堡🍔都有! 炭燒西班牙豚肉+柚子醋田園沙律 - 今日想切合主題, 食得簡單D, 於是叫左個沙律食。首先講講個沙律先, 份量都幾多, 個柚子醋我覺得似係柚子蜜開出嚟咁, 太甜! 有少少奇怪。另外塊炭燒西班牙豚肉入味又淋, 而且唔肥! 跟餐餐飲係橙汁, 尚可。埋單發現要加10% 服務費, 價錢方面有少少偏高, 不過如果想食得健康D, 呢度都係一個好選擇。