時間去返1 月2 日, 新年呢幾日假, 想食個CHILL D 嘅LUNCH! 咁就行去海之戀啦, 多數餐廳都可以望到海景。
記得ASAP 都幾多選擇, 老公都覺得OK, 於是就揀呢間啦!
入到去我哋揀咗個可以望到海嘅位, 因為見到都好猛太陽, 坐窗邊應該會幾熱。
食物總類好多下, 有沙律、漢堡、咖哩飯等
我就揀咗漢堡, 老公就揀咗咖哩飯。
老公個特濃咖喱牛肋肉滑蛋蓋飯先嚟到, 咖哩辣辣哋, 加埋蛋都幾好食!
不過牛肉同飯量都偏少, 唔夠飽。
我個安格斯牛肉脆煙肉漢堡等到老公差不多食完個飯先到。
希望下次上餐時間可以近返D。
除左漢堡, 仲有沙律菜同薯條。
薯條炸到外脆內淋, 加上適量嘅調味, 好好食!
沙律菜都新鮮, 不錯!
漢堡超厚, 唔能夠一口食晒。
漢堡扒都JUICY, 加上芥末, 幾好食!
但係真係太厚啦, 要分2 層食。
菜嘅水份最後令到個包淋晒。
總括係好食, 漢堡性價比高過咖哩飯。
餐廳本身枱同枱間都隔得開, 唔會好密, 坐得舒適!
環境嚟講都幾好, 以每人$100 可享用如尖沙咀般嘅海景午餐, 算係抵!
