Applegreen (已結業)

第一次光顧applegreen葵芳分店店面頗大 但整體環境感覺還是尖沙咀店較舒適Menu不再只有字無圖，感覺更花多眼亂一眼就見到沙律一欄多左個「呑拿魚意大利飯」(不記得正確名稱，ard $148)，決定一試。另外係至愛小食「珍寶炸蘑菇」($88)同「白松露薯條」($48)之中揀左後者，再叫左客「青檸忌廉炸雞意粉」($102)。先講薯條，香噴噴的白松露味配上鮮炸幼薯條的確無得輸，但食到底下其實無咩白松露味。如果可以配上珍寶炸蘑菇的白松露沾醬就更好了。跟住沙律，事先已問待應個沙律係暖既，有意大利飯所以覺得可以當食量不大女生的主食。一上枱就見到賣相幾吸引，有六件大大角切呑拿魚，外面沾上黑白芝麻微微煎過，意大利飯砌成一件薄薄的四方磚，未食都已經驚喜左一下。意大利飯煮得剛剛好，唔會太稔，有咬口，淡淡的忌廉味，可能係沙律的關係，完全做到唔咸唔膩的感覺。呑拿魚夠大件有睇頭，值回票價，味道因沙律關係都係偏淡，如果可以，其實切番魚片可能感覺會match番d。仲有兩三塊原本以為係青蘋果的番石榴，因為有核，口感都較實，所以或者真係用青蘋果會好d。總結係：幾得意既新嘗試，合格！的確係細食女生或怕肥者之選。至於

自問是Applegreen的老主顧，舊有的Menu早已吃到爛熟，近年比較少機會前來，趁著全個餐牌大革新之際，就相約魚子醬的朋友來吃喝一下；餐牌上變動最多的是甜品部份，幾乎全換上新面孔，而小吃也多了，反而意粉、沙律的變動較少，維持The House of Salad的理念葵芳店已開了一段日子，這個月才先後光顧了兩次，明明離家最近，但就因為商場吸引力而忽略了；長形的店面還有小小的偏廳部份，要是二三十個朋友相聚的話，可以在那邊自由走動也不阻他人；餐牌不再是直板式純文字，變成掀頁以圖片主導，重點是相片都拍得超美 現在已經沒有Lunch Set供應，改為12-5pm的day time menu，價格較主餐牌便宜，大部份也是主餐牌沒有的菜式，但就不包任何salad/soup或飲品，但可以優惠價選配，這個自組的方式還算不錯，不過個人認為Day Time Menu的吸引度就遠不及a la carte 魚子醬之前吃過一次Sesame Orange Chicken Salad就每次都嚷著要吃，肯定是AG最熱賣的代表作，現在都當上餐牌封面。這個帶有橘子、雞絲、生菜、紫椰菜、炸米粉、炸雲吞皮的沙律，單是食材組

於葵芳新都會新開的applegreen，對於這一區而言，有這樣質素的西餐廳確實是一個很新鮮的選擇。店­面很大，裝修亦很乾淨新穎，客人不算太多。菜單的選擇雖然說來不多，而下午和晚上都是同一個menu，沒有­套餐的話，也許對於某些客人而言是少了一點趣味，可是如果食物質素夠高的話，又何需害怕沒有回頭客呢？這裡­的沙律我試過兩款，一款是杏仁和雞肉的，一款是青瓜和牛油果的，相比之下前者份量較多，而且味道比較清新，­但後者卻有種不同於平凡沙律的感覺，亦很夠味。這裡很值得推介的小食可說是白松露薯條，小小的鐵罐設計很吸引，而且有非常香的松露味，份量也沒有在開玩笑­的，不過記緊要先吃喔，放太久就不脆了。而這裡我最喜歡的意粉就是明太子意粉，雖然缺少了明太子的辛辣味，­可是卻有香香的蛋黃味道，吃起來很飽肚，味道也很濃郁，值得一讚。

珍寶磨菇認真呃錢，$88😓！！！以為會有超市賣的大磨菇size，點知好～～細😩！出名的焗芝士通粉也不及以往美味！跟沙律送的香蕉蛋糕更差勁，食落口又乾又散！服務員服務又不太wellcome的樣子，服務員點解成日黑面嘅。。。

Applegreen也算是沙律店鼻祖，除沙律外，其他食物也水準不俗，特愛它家的pasta。現在看着它的店子一家一家地結業，不勝唏噓。珍寶炸蘑菇餐前小食，份量卻不少。蘑菇以碩大的尺寸取勝，厚身的蘑菇只輕輕炸過，外皮薄脆，內裏鎖住水份，咬下去很juicy，配上醬汁便更滋味。棒棒雞沙律一道我很愛的沙律，當中有我最愛的蜜柑，而春卷皮做成的薄脆及卜卜脆米粉令沙律更添口感。沙律菜切得細碎，配上酸甜醬汁，傾各東南亞風味，暫未找到別家做得比它更好的了。

之前生日同朋友起CWB食過~當時朋友推介明太意粉有水準, 果然特別於是, 今次番尋味~不過起葵芳~水準KEEP到, 無失望另外, 個人愛吃巴HAM~又愛簿餅~於是初嘗此菜~好大份~材料足~而且即製即上菜~特別好味~食物好食, 不過個人覺得價錢略高了點....因為環境裝修都唔係話太高檔...

由於中秋節，中式比較多人，於是嚟個 西餐 賀中秋。之前無 尖沙咀食過都ok, 而家有間係葵芳，都好方便。環境都幾整潔，店員反應都算快。食物嚟得都算快，唔使等好耐。 Caesar 沙律，味道唔錯，最緊要新鮮。 三式芝士意大利辣肉腸 : 又溥又脆的底層 ，上面放滿香噴噴的 辣肉腸，但其實無咩辣味，再加埋芝士，入口香脆。 最好味的 卡邦娜 意粉，有煙肉磨姑 等，意粉好爽口，唔會淋晒，醬汁又好夠 creamy 。 好香好吸引的，肉眼扒，6乘熟，所以好多汁好嫩滑，又有好香的肉味。

突然想吃炸蘑菇，腦海裡叮一聲的想起Applegreen。每次去Applegreen都有很多人在等位，所以真的十個建議大家預先訂座。環境方面: 坐得都舒服，若果座位之間的距離可以多一點就更好。服務方面: 整體都OK，侍應生亦有主動為客人加水，抵讚。食物方面: 其實我蠻喜歡到這間餐廳，因為食物質素都不錯，大部份吃過的菜式也味道不錯。牛油果蟹肉青瓜沙律 - 半份 ($89)，感覺清新，味道也不錯，如果不夠飽的話可以加一小件香蕉蛋糕，免費的哦。大愛的炸蘑菇配黑松露忌廉醬 ($80)  (不過炸蘑菇的水準不穩定哦，有時候吃下去會感覺"成口油")，但整體還是OK!Parma Ham意粉 ($84)，味道OK，油了一點。價錢方面: 整體而言，Applegreen的價錢都合理。唯獨是之前有一次吃過碳燒菠蘿配美國安格斯肉眼扒，這個菜式真的好好吃，菠蘿十級JUICY，但差不多要$300，就覺得有點貴。Applegreen也是一個和朋友落腳的好地方哦。不過要注意有時間限制哦。

之前已經食過新世紀廣場嗰間,所以就見葵芳開左,就去試下啦,一樣咁好食下午4點去到,唔駛等位,叫左牛排..7成熟,呢個牛排真係好正,有牛味,有咬口得黎唔會硬,份量有大,只係咸左少少,但因為叫左野飲..所以無咩問題朋友叫左parma pizza,都唔錯,份量亦夠大,薄餅好鬆脆,好味今次已經係第3次去applegreen啦,啲野食保持水準,環境又坐得舒服,岩哂情侶或者想坐耐啲傾計既朋友

見到新都會開了間新餐廳所以就試下~價錢與食物不成正比..價錢真的很貴份量很小而且味道很差如果食類似食物~意粉,雞翼,沙律EURO GOGO絕對係好很多~價錢平一半~味道好一倍~APLLEGREEN 既好處就只係多左服務針水的確幾勤力~~~同埋唔洗自己去搵位~~通粉~很普通~偏咸~沙律~份量很小沙律汁又小基本上很淡~雞翼~好硬好乾而且好細隻, 無乜肉~意粉~個幾隻蜆係幾好食幾鮮甜但面係無味..個湯又無味....唔值HKD100~本來叫了甜品~但因為等了約30MINS都未有..我地又趕住睇戲~所以就取消了~~~~不推薦~不值得一試~

第一次幫襯葵芳呢間分店. 午餐無 set lunch, 無所謂啦, 叫了個肉眼扒$118 (+10%),個扒上枱時真打左個突, 份量少得可憐, 幸好我食量不大, 如果男士一定唔夠, 不過味道OK, 個焗薯都可口, overall 叫合格啦.

因為朋友想吃西式午餐, 而且有小朋友, 所以選擇了APPLEGREEN.12 點到達店外, 剛好它們也是12點營業. 我們就成為了它們今日第一班客人.星期日中午客人不算多.  我們由12點吃到3點也不未見滿座.先不提食物質數.  其實在這3小時的用餐時間, 每次點菜, 加水, 以及最後結帳, 都覺得侍應們的服務態度有待加強......總覺得他們提不起勁, 確定order時沒神沒氣, 加水又要重複要求......12點剛上班就這樣, 當時人手應該充裕而且餐廳沒有爆滿, 很難想像晚市的景況~至於食物.....星期日有提供brunch set.  不過brunch set個人覺得不算吸引, 價錢也差不多$100.  我們人那麼多, 還是選擇餐牌上的食物吧.凱撒沙律的份量算是不錯.  可是雞扒很乾, 跟沙律一起吃也感到它只像雞乾一樣.  我不算鍾情麵包糠.  但朋友吃的時候發現沒有, 對他來說是有點失望的.牛油粟米本來是想點給小孩吃.  但如圖所見, 是這個樣子......結果我們當它是墨西哥粟米片的沾漿.   反而味道出奇的夾, 比沾牛油果更出色和豐富.  蝦pizza是全部order中最好

出糧日子, 同同事去慶祝一下, 雖然明知呢間有少少貴, 但都抱住試一試既心態入去. 午飯時間, 唔洗等位, 見仲有位剩添. 餐牌上無 lunch set, 我地 3 個人, 散叫了 apple crumble, 海鮮意大利飯, 蝦 pizza (忘記全名), 仲有個意粉. 但實在令人好失望, 沒有一樣是滿意的.d 菜上得好快, 代表不是即做的了. 海鮮意大利飯, 太濕太"林". 個意粉好多油, 雖然味道還可以, 但食完碟底剩了好多油, 想起都怕怕. 蝦 pizza 最令人失望, 凍的, 個皮有點硬, 無芝士味, 亦無蝦味, 最後無食完就放棄了. apple crumble, d 蘋果甚甜, 應該係放了過多糖水. 最後埋單 $372 (每位 $124). lunch 呢個價錢已叫有點貴了, 但食物質素令人失望, 係補償唔到的.只此一次, 以後唔會再幫襯了.

在下都有留意得到，位於葵芳新都會廣場新開的 Applegreen，從它開始裝修開始已經知道，但奈何沒有心癮第一時間去造訪，今日下班後就去吃個午餐。餐廳裝修以淺木色為主調，牆上還掛滿了圖畫，感覺上都幾清新和舒適，座位以卡座為主，以淺木色配襯紅色。其實當在下進入餐廳開始，就發覺服務員大多沒有笑容，有點「黑口黑面」的感覺，亦都不會主動問問可否落單，甚至介紹食物也欠奉。直到在下示意點單才過來，全程有點像被動似的。長長的餐牌，羅列了餐湯，沙律，小食，意粉和扒類，意粉還可加大洋加添配料。除此之外，還有伴菜和甜品，任君選擇，而另一張餐牌就包括了酒精類和非酒精類飲品，另外還有 brunch ，可供選擇。價錢由五十多個大洋至一百四十多個大洋不等，而意粉加配料則由十八個大洋起，視乎想加甚麼，伴菜方面，亦由三十二個大洋至四十八個大洋不等。在下點選的是野菌忌廉意大利麵。當想點選這麵的時候，也曾考慮過加配料的，可是見到鄰枱的意大利麵都頗大，才放棄加配料，恐怕吃不完。然而野菌只是冬菇和＝磨菇為主，其他野菌就沒有，似乎有點吝嗇，不過都有咬口，不至於沒有口感吧。至於忌廉，不會太乾身或太濕，恰到好處，意大利麵就都算有點

下午茶時段，想搵少少野食，行經apple green就入咗去的～睇完d tea覺得麻麻地，最後都係散叫～第一次試蟹肉青瓜牛油果沙律～感覺好fresh~混合咗沙律醬既蟹肉，連埋青瓜一齊食，好夾～松露薯條～松露唔算多～不過都幾香口～薯條比較幼身～好脆～肉腸意粉，比較油同乾身我會比較喜歡濕既意粉～環境靜靜地～同朋友慢慢食同傾計岩晒～