Amico 1890

营业中

休息中

再次黎左Amico 1890食生日飯，餐廳以其溫馨且有特色的環境讓人一踏入便感到放鬆。店內的裝潢帶有濃厚的意大利風情試了煙三文魚意大利粉和Pizza，兩道菜都讓人驚艷。煙三文魚意大利粉的醬汁濃郁但不膩，搭配煙三文魚的鹹香味，口感十分平衡，麵條的彈牙程度剛剛好。Pizza餅皮酥脆而不覺厚重，配料新鮮豐富，每一口都充滿香濃的芝士味。如果想靜靜地有格調去食西餐，呢間係一個不錯嘅選擇，是一間值得再訪的地方。

Amico在意大利文是「朋友」的意思💗店裡的甜品畫碟服務超受歡迎💝很適合與友人慶祝生日時，帶來額外驚喜☺️凱撒沙律超級新鮮💖大大粒車厘茄咬落爽甜又多汁肉眼扒5成熟，軟嫩到不得了🥹❤️‍🔥 簡單撒些鹽或淋上燒汁，便已非常好味🫶✨濃龍蝦汁蟹肉伴帶子墨汁意大利粉🍝 蟹肉量可以澎拜來形容😝 配搭墨汁意大利麵連同濃郁龍蝦汁，十分豐富😚四重芝士薄餅屬薄的香脆餅底🍕香濃芝士與茄醬的組合是皇牌😋💕甜品部份，提拉米蘇牛角窩夫賣相已很吸睛入口是經典的提拉米蘇之味😙 配上軟熟牛角窩夫又別有一番新意✨最後是紐約芝士蛋糕的畫碟🥹💖💖💖兵長！🫀⚔️🪽不得不說，兵長不容易畫⋯⋯餐廳呈上的兵長相當還原💓💓💓自由之翼的徽章也畫得超精細🕊️🥹🫶

一間既有清新風及露營風的兩層Cafe & Bar，主打意粉、薄餅、扒類等美食。主廚經驗豐富，菜式均選用優質食材精心炮製。店內座位寬敞舒適，富有情調，打卡一流。鵝肝多士酥炸得香脆金黃，外層酥脆內層軟嫩。每一口都散發出豐富的鵝肝香氣口感飽滿肥美，入口即化。水牛城雞翼的Buffalo醬汁是雞翼的靈魂，主要用辣椒醬、白醋、牛油、和鹽調製而成味道香辣，帶少少甜及酸，非常開胃。雞鎚帶有濃郁墨西哥風味，帶來獨特的香料辣味，鮮嫩的肉質，多汁惹味。意粉口感煙韌可口，每條都掛滿香濃黏稠的龍蝦汁，以及切成幼絲的蟹肉，滿滿海鮮鮮甜滋味。意大利飯完美融合南瓜的清香和帶子的鮮甜每一口都味道濃郁，滿滿的南瓜香味，香煎帶子大大粒賬卜卜，夠晒彈牙Juicy。各款扒類，無論牛扒、羊扒或豬鞍扒，也帶有豐富的油脂，肉味濃厚，肉質鮮嫩，份量十足。牛角窩夫烤至香脆帶有牛油香淋上提拉米蘇奶油柔滑，咖啡香濃味道好突出，甜度剛剛好。現烤出爐的可頌賣相非常吸引，外層淋上厚厚的海鹽奶蓋，味道鹹鹹甜甜，內裡鬆軟，口感層次豐富，焦香可口。

🌟墨西哥雞鎚 $58🌟墨西哥雞鎚帶有微辣，都算大舊，食落香辣，作為前菜係唔錯嘅選擇🌟龍蝦湯蟹肉伴香煎帶子意大利粉 $168🌟賣相幾精緻，飲啖個龍蝦湯幾香濃，蟹肉亦夠多，揀埋墨魚汁意粉，海鮮嘅鮮味出晒嚟🌟美國安格斯肉眼配炭火燒肉汁 $208🌟肉眼叫左五成熟，切開唔見有血水，厚身，煎得幾香。而且本身都有落埋鹽及黑椒，夠晒味。呢間係會用個人最愛嘅粗直薯條，炸起熱辣辣🌟提拉米蘇窩夫🌟手指餅乾沾左咖啡，淋淋地夠入味，口感鬆軟，帶有淡淡蛋香，加埋窩夫食幾唔錯🌟可遇不可求 $38🌟特飲賣相精美，帶有水蜜桃及紅榴汁香味🌟求其特飲 $38🌟由士多啤梨、紅莓、藍莓及梳打組成，入口酸酸甜甜，充滿果香味生日或慶祝仲可以請鋪頭畫碟，膽粗粗請佢地畫我社交平台呢個圖像，點知真係還原得幾似！俾朋友或另一半驚喜都係一個好選擇呀！

位於旺角的Amico1890十週年～來試試新餐牌😆各款菜式均選用優質食材精心炮製✨絕對係誠意小店！裝潢簡約時尚，座位寬敞舒適。約會聚會都好啱feel呢( ˙༥˙ )餐廳主打意粉、薄餅、扒類等美食，前菜小食有fresh fresh開胃的Parma Ham田園沙律🥗同惹味啖啖肉墨西哥雞鎚🍗主食推介🌟龍蝦湯蟹肉伴香煎帶子墨汁意大利粉，龍蝦湯好濃郁🦞加上巨量蟹肉🦀同墨汁意大利粉🦑鮮味滿滿！安格斯肉眼切開勁粉嫩 油脂豐富 口感軟嫩，配埋薯條🍟慶祝必點🥳🌹可愛打卡畫碟甜品，而且可以自訂圖案( •̀∀︎•́ )✧︎超happy！加埋個髒髒海鹽奶蓋可頌送比心愛的人，真係甜到漏啊❤️‍🔥另外鐘意Latte 同朱古力可以試埋新品Caramel Latte 同Popcorn Caramel Chocolate🍿🍫

同朋友gathering要係旺角搵食，除咗打邊爐、食雞煲之外就係去樓上cafe，但係想去啲環境decent啲嘅地方，又可以食到抵食之餘質素又好嘅嘢食，就可以去洗衣街呢間開業10年嘅 Amico 1890😎Dinner set只係百幾蚊起🤑有齊沙律、主菜、湯或咖啡茶、甜品，好豐富👏🏻Dinner Set🥗意大利風乾火腿沙律、餐湯Dinner set配風乾火腿沙律，鹹香嘅火腿加上清爽嘅沙律幾開胃😗飲品就可以揀餐湯或咖啡茶，蘑菇湯好creamy足料。🥩原條煙燻羊西冷 $178通常食羊都係食羊架，呢個羊西冷就更加厚肉啖啖肉😚煎得頗香，毋須太多調味。🥩美國安格斯肉眼（10oz）$248份量十足！五成熟煎得剛好😚有口感之餘中間保留肉汁。側邊配粗薯條幾正🍟🍝龍蝦汁蟹肉意大利粉 $108有唔少蟹肉幾足料🥳意粉質感煮得爽口，龍蝦汁好香濃惹味😛🥖鵝肝多士 $68單點小食，有成3塊鵝肝，甘香嘅鵝肝加上黑醋，配搭經典又好食。🍹可遇不可求、日本靜岡縣波多野亞姨 $38/each好多款特飲名都好盞鬼，睇到都會心微笑😆跟餐加$20可以轉特飲，兩杯都幾大杯，酸酸甜甜幾解膩😚推介指數（10分為滿分）：7.5分

首先餐廳的嘢食意粉味道不好,味道極淡,或雞鎚極鹹,甚至乎有黑色的硬粒🥹食物當中,致電商家後商家態度極為惡劣,而且完全無歉意,有可能是旺角西餐廳中最差的一間..

2025年第一篇食評生日揀左間(有畫卡通生日碟服務的餐廳)地點近旺角站(好方便)選擇二人餐巴馬火腿田園沙律(頭盤)火腿咸度OK水牛城雞翼店員留意到有小朋友點餐時(主動提議，辣汁分開)雞翼煎得香脆，(個汁~好彩分開，真的好辣)餐揀左意粉黑松露卡邦尼意粉黑松露汁足夠撈曬成個意粉意粉口感不錯主菜揀左牛扒安格斯肉眼扒揀左7成熟(7成熟~牛扒好鲜嫩)碟旁配上鹽(自行調味)book 枱時(預先俾卡通圖俾職員)就有自己想要的公仔(做甜品碟)甜品揀左松露朱古力蛋糕(跟餐可優惠價+$38）蛋糕好香松露味朱古力好香濃，口感幼滑餐飲益力多梳打$25味道末諗到(梨汁)$25味道餐廳有卡位選擇，坐得舒服店員細心有禮最喜歡係可以揀自己喜歡的(卡通人物)可惜個碟(唔可以拎走)現金付款有2%折扣

同朋友慶祝生日，見到有生日畫碟服務所以就揀左呢間餐廳，我地叫左個套餐二人份量，如果唔係特別大食既話，其實呢個餐真係抵食仲係食得飽既，出餐時間都快而且食物夠熱！環境雖然唔算大但係啲枱夠大張，成枱野食都唔會覺得逼坐得舒服而且服務態度仲好好！朋友見到生日碟都好開心話畫得好靚，好有心思！係一次好好既用餐體驗

Amico 1890，位於旺角洗衣街24號地舖。 幾年前嚟過， 新裝修環境靚咗。 晚餐🍽️ ～ 水牛城雞翼$62、 意大利風乾火腿沙律、 美國安格斯肉眼扒$248、 法式香草油封鴨$178、未諗到(梨汁) $25、 可遇不可求(薑汁) $25。 ▫️水牛城雞翼$62 ～ ～烤得金黃，辣得嚟夠惹味。 ▫️意大利風乾火腿沙律 ～ 沙律菜偏乾， 味道一般。 ▫️美國安格斯肉眼扒$248 ～ 口感唔算軟腍，但牛味重， 仲有粗身薯條做配菜。 ▫️法式香草油封鴨$178 ～ 兩大隻油封鴨腿， 口感軟嫩，但味道偏淡。 ▫️未諗到(梨汁) $25 ～ 味道清甜。▫️可遇不可求(薑汁) $25 ～ 淡淡薑汁的香氣。 整體服務很好， 仲有生日畫碟服務。

琴晚來這裡，環境、服務都好！食物份量足！呢個價錢，性價比高香煎三文魚，有少少overcooked, 但配菜多羊扒有兩件豬鞍好味食物合格，但可以再做好d。加油！不過非常欣賞佢地一班後生仔都好有禮貌，覺得佢哋好有誠意、值得支持鼓勵粉紅色環境好靚。又可以劃生日碟！

星期日都有晚餐set包前菜、甜品同飲品；環境好feel又坐得舒服，拍拖同吹水依間都好啱👭👩‍❤️‍👨—— 法式香草油鴨腿 $178呢個價錢竟然有2隻鴨腿，仲要size都唔細，裡面肉質幾嫩，香草味濃郁醃得入味鹹香，仲有埋薯條超滿足—— 南瓜帶子意大利飯 $158 啖啖都充滿南瓜甜味，帶子仲係剌身級，好鮮味；意大利飯煮得啱啱好，有嚼口，有埋煙三文魚好豐富！—— 水牛城雞翼 $62 辣味十足，包裏哂啲醬汁好惹味，個皮都仲keep到脆脆地！🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 Amico 1890 (旺角)旺角洗衣街24號地舖🔎分類搜尋：#FTHK_旺角 #FTHK_西式

星期五晚同朋友食生日飯揀咗李間餐廳都幾多人 但係d staff都吾會好似想趕你走甘溫馨提示比cash仲可以收平啲添黑松露意粉(推薦)意粉既黑松露醬好香好creamy🍝都未食就已經聞到好濃既黑松露香味食落口不得了 啲香氣好似係個口爆出黎甘 但係建議細食嘅女仔可以同朋友share因為都幾易飽龍蝦汁蟹肉意粉🦞意粉汁係甜甜地 蟹肉落得幾足 真係啖啖肉🦀味道方面就不過不失啦羊扒🥩羊扒我哋揀左7成熟 🐑脂肪比例多左少少 建議點搭配嘅鹽一齊食反而李道菜最驚艷我既係跟餐既薯條炸得好香脆 點埋個蕃茄汁真係會食到停吾到口💚cheese cake加畫碟我哋係dinner set + $38升級做cheese cake叫左個原味cheese cake口感好紮實 一食落就覺得飽左🤣佢本身WhatsApp 訂位送嘅甜品係Tiramisu 反而唔會覺得佢膩 朱古力味都幾出 如果要畫碟就要提前WhatsApp同佢哋預訂🍰

新裝修之後非常適合影相📸多打卡位樓下少女風格🤩樓上幽暗有情調加拿大豬鞍扒 $128非常香口, 仲好Juicy意想不到咁好食😋😋😋南瓜帶子意大利飯配煙三文魚$128濃郁南瓜味香，配合正宗意大利飯係我最鍾意嘅口感👍🏻👍🏻🍹特飲波多野阿姨菠蘿加益力多梳打比想像中冇咁甜, 幾好飲👍🏻🍹求其特飲士多啤梨雜莓藍莓加梳打口感突出，又唔係好求其姐😋🕺🏻兩個人$3xx埋單, 性價比好高🔥🔥🔥

呢間慶生餐廳非常特別，可以自訂慶祝圖畫及自己想寫嘅生日字句，預先whatsapp訂座就可以啦。呢間餐廳去過幾次，都係慶祝為主，之前幾次訂座諗住費事師傅麻煩就寫隨便畫就可以了。近呢2次訂座，揀咗畫 kurumi同埋蜘蛛俠，我想講畫碟師傅真係好犀利，我講嘅都畫到，仲要係畫得好靚 😍😍 真係好有心機 🫶🏻🫶🏻 謝謝 🙏🏼 可以2次都畫得咁好，真係好意外👍🏻👍🏻試過食佢嘅鵝肝多士、芝士青口、豬鞍扒、龍蝦汁蟹肉意粉 😋😋 上菜時熱辣辣，好好味，尤其係蟹肉意粉，真係超多蟹肉，夠鮮甜豬鞍扒就爭小小，一半係超滑，另一半係有啲韌，老咗小小，可能比較大塊難控制