Alimente

营业中

休息中

唔係朋友介紹，都唔知道圓方戲院旁邊開咗間😋抵食嘅西餐廳。😁😁酒店質素cafe價錢，廚師係酒店出身。不過嗰個位少人知道，人流唔算多，所以餐廳都做緊優惠，抵。👍🍴🍝雜菌忌廉意粉原價$118 特價$833月特選套餐有7折雜菌好多，仲有羽衣甘藍，夠曬健康 ，醬汁creamy。🐟 芝士深海魚扒 $138好有驚喜，餐廳用成本高嘅石斑魚，而且厚身又大塊。魚上面有烤過嘅芝士🧀，非常香濃，肉質彈牙，好鍾意❤️😍每個餐都包一杯果茶🥤，湯/沙律， 無加一。果茶帶有清新嘅🍎蘋果香甜味，今日嘅湯係蕃薯湯，好香濃，沙律都幾新鮮。😍🍽️丹麥條 $38 一般都有8至9條，非常酥脆，有焦糖香甜味。🍫朱古力布朗尼 $42一份有5塊，朱古力味香濃，甜度剛好，夾雜合桃同提子，口感更豐富，啱曬我口味。👍💯

Elements 戲院旁邊有間西式輕食餐廳，環境唔錯之餘都好抵食招牌漢堡最重要的漢堡肉多汁夠厚，調味料唔多，可以食返原本牛肉原汁原味👍🏻麵包塗上牛油好香口，仲有雙層芝士，煙肉同蕃茄，份量好足。通常漢堡都係配薯條，呢度係配沙律，可以減低我的罪疚感☺️熟蝦法國麵包配羊奶芝士$98可以跟個人口味額外加配菜，我加左煙三文魚，有埋熟蝦，菇，紫洋蔥等等配料好豐富。法國麵包食落夠脆，羊奶芝士味道超突出，芝士fans必食，配菜有super food羽衣甘藍+薯仔，健康均衡😙朱古力布朗尼$42而家甜品暫時只供應呢款，幾期待佢其他甜品，朱古力布朗尼烘熱左特別好食，特別在於入面仲有提子乾😮套餐仲包左沙律/餐湯，仲有果茶，upgrad左飲latte都唔錯

嗰日同老婆行開圓方，周圍搵啲舖頭睇吓行吓，行到肚餓，行過戲院轉角有間西餐廳仔，諗住冇乜人坐下，叫少少野食同老婆撐吓枱腳咁啦。入到去都見到有兩枱客，地方細細，但感覺舒適，工業風設計，光線剛剛好，播住輕鬆音樂，啱晒同我老婆喺度拍拖！我哋叫咗個Beef Burger餐同冬陰功意粉餐Burger同沙律都大大份，肉夠晒大嚿有口感意粉份量唔算大，但係夠晒惹味飲埋個湯同嘢飲，成個飽晒！地方又舒服，老婆都話very good！今日真係大滿足！

最近發覺過年後肥了不少就在OpenRice四處找尋清淡的食物，Search到這間不錯的選擇，看到這個Menu，幾想試試，啊，原來是外國都幾流行的power bowl，有5款選擇，我選了這款有三文魚的，很清新有菜又有肉，很美味！我會再幫襯！

呢排農曆新年食到飽飽滯滯，去完朋友屋企拜年，落左樓下Elements商場行吓順便買埋晚餐返屋企食。見到戲院隔離開左間新餐廳，店員十分友善招呼望吓望吓的我🤣 就叫左個power bowl餐外賣！餐廳Power bowl有沙律底/ 飯底，滿足晒鍾意熱食/ 凍食的朋友。我見個南瓜湯同跟湯的迷你蘑菇煙肉批熱辣辣，就係餐廳食左先，沙律本身都係凍食攞番屋企都無問題。個南瓜湯少少辣，飲到啖啖南瓜蓉，誠意十足！一問之下，原來南瓜湯落咗孜然粉，所以少少辣，好開胃！同埋跟湯的迷你蘑菇煙肉批正，唔係一般俾塊乾爭爭包你送。講返個Power Bowl，叫做 「豐富蛋白」。我本身係牛油果控，個汁好開胃，裡面有薯仔粒，蘑菇，牛油果，紅菜頭，雞肉，鷹嘴豆，番茄，沙律菜等等，碗野食完飽晒😋見Openrice d食物相餐廳原來有意粉，下次去開Elements再黎試吓先～

喺圓方發現一間營養健康餐廳，不過位置比較隱蔽，係戲院隔離，要經過戲院行入去先至見到。不過喺溜冰場好似有電梯直上。佢哋食物材料新鮮，我中意佢的南瓜粒同焗薯粒，好味。佢有一個Ginger Miso的醬，我覺得好特別好好味😋。佢個南瓜湯，好濃睇得出係用真材實料嘅南瓜蓉煮出嚟嘅，有少少辣但係覺得幾特別同出邊嘅南瓜湯唔同。佢嘅cold pressed drink 都唔錯，佢仲有好多甜品我都好想食，下次再試。而且入面嘅員工好nice。