影片
更多
2022-02-05
82 浏览
呢排農曆新年食到飽飽滯滯，去完朋友屋企拜年，落左樓下Elements商場行吓順便買埋晚餐返屋企食。見到戲院隔離開左間新餐廳，店員十分友善招呼望吓望吓的我🤣 就叫左個power bowl餐外賣！餐廳Power bowl有沙律底/ 飯底，滿足晒鍾意熱食/ 凍食的朋友。我見個南瓜湯同跟湯的迷你蘑菇煙肉批熱辣辣，就係餐廳食左先，沙律本身都係凍食攞番屋企都無問題。個南瓜湯少少辣，飲到啖啖南瓜蓉，誠意十足！一問之下，原來南瓜湯落咗孜然粉，所以少少辣，好開胃！同埋跟湯的迷你蘑菇煙肉批正，唔係一般俾塊乾爭爭包你送。講返個Power Bowl，叫做 「豐富蛋白」。我本身係牛油果控，個汁好開胃，裡面有薯仔粒，蘑菇，牛油果，紅菜頭，雞肉，鷹嘴豆，番茄，沙律菜等等，碗野食完飽晒😋見Openrice d食物相餐廳原來有意粉，下次去開Elements再黎試吓先～
見到戲院隔離開左間新餐廳，店員十分友善招呼望吓望吓的我🤣 就叫左個power bowl餐外賣！
餐廳Power bowl有沙律底/ 飯底，滿足晒鍾意熱食/ 凍食的朋友。我見個南瓜湯同跟湯的迷你蘑菇煙肉批熱辣辣，就係餐廳食左先，沙律本身都係凍食攞番屋企都無問題。
個南瓜湯少少辣，飲到啖啖南瓜蓉，誠意十足！一問之下，原來南瓜湯落咗孜然粉，所以少少辣，好開胃！同埋跟湯的迷你蘑菇煙肉批正，唔係一般俾塊乾爭爭包你送。
講返個Power Bowl，叫做 「豐富蛋白」。
我本身係牛油果控，個汁好開胃，裡面有薯仔粒，蘑菇，牛油果，紅菜頭，雞肉，鷹嘴豆，番茄，沙律菜等等，碗野食完飽晒😋
見Openrice d食物相餐廳原來有意粉，下次去開Elements再黎試吓先～
豐富蛋白
$105
3 浏览
0 赞好
0 留言
张贴
