alfafa (樂富廣場A區) (已結業)

今晚和男人嚟到樂富食飯，最後選擇左呢間餐廳，因為男人話見到餐牌有扒据😂😂入到去，環境好舒服，有梳化坐，太好了我地兩個都點左牛扒餐，有成6oz,我地問侍應有冇汁配，隨即有另一位打呔的哥哥好詳盡地解答，預設左係紅酒汁，但亦可轉配黑椒汁，而且預設左係7成熟👍👍首先有餐湯和麵包，亦可選擇係沙拉跟麵包，個湯味道不錯，但麵包我個人認為硬左少少🤔🤔到主菜，我們的6oz牛扒和薯菜……好足料，有埋配菜西蘭花和磨菇✌牛扒好好食，雖然係7成熟，但好滑好嫩……唔錯唔錯野飲叫左杯凍檸水同凍奶茶，男人話凍奶茶唔錯，好滑整體嚟講唔錯，侍應好有禮貌，會再幫襯

就係約咗朋友諗住慢慢傾吓計食下午餐11點半左右入到去只有幾枱客咁我哋就叫午餐點知喺度等咗半個鐘都未有餐湯同麵包再問佢佢話我哋叫咗啲乜嘢餐依家啲服務態度改咗好多同埋餐湯已經都係唔同晒我朋友叫咗個沙律我就叫咗餐湯加餐包個忌廉餐湯超級渣直頭係用粉開完全以前唔同湯裏邊嘅粉都未溶解之後嚟咗兩個同樣嘅飯OK嘅冇變7號午餐服務員話消費滿＄140就送一個甜品（心太軟加雪糕）心太軟係流心嘅但係真係太甜杏片好香加雪糕一般貨色呢間餐廳我一個月都會去一兩次但係真係唔同咗食物質素開始變差服務態度唔使講冇下次樂富真係冇一啲這樣嘅餐廳下次都係打算去又一城會好啲真係唔想食嘢食到一肚氣真係要留住過客必須要服務態度食物質素

失望到一個點 所以連相都提唔起徑影佢既價錢偏高一啲都唔平 心諗質數好可以搭夠 首先是個餐湯羅宋湯 超酸 飲唔落第二啖，到個主菜我點左個牛扒，黎到個樣好似豬扒咁既色 有三份一是肥膏 我點了五成熟 都已經預左佢會over 架啦 ， 一食韌到呢⋯⋯講下啲服務 服務員個個都笑容好好 這個是唯一可以讚的地方 但成餐飯沒有人收走食完既碟 叫左餐茶遲遲未到 原來一直放左係收銀個位 無人理叫左個女人俾個紙袋我入食剩既餐包 佢只應左我轉頭俾我 但就已經無左件事屋村開高級餐廳是可以我都預左去的食 要俾貴價錢但可唔可以都俾返啲應有既質素呢？

終於到星期六可以忙裏偷閒咁去食個下午茶🎉🎉🎉樂富中心轉型咗好多😲多咗好多中高價錢ge餐廳🤔3點半左右，用餐人事唔太多，好快就安排入座環境氣氛都唔錯，有微微ge背景音樂今次就嚟到食咗個焗芝士蘑菇雞肉扁意粉😋🧀🧀🧀🍄🍄🐥🐥🍝🍝🍝芝士唔算好多，個菇同雞肉就好多，好似食極都仲有咁，扁意粉軟硬適中，唔會太爛汁同調味都好好跟餐有沙律，小麵包同餐飲沙律同麵包唔錯，不過叫咗凍咖啡就麻麻地了

We chose the lunch set which came with Button mushroom soup with mini French bread both were quite good. Then the two main courses, Braised chicken Rice ($81) with flax seed had coconut flavour. Chicken, in terms of flavour and texture were up to standard.Cod fish fillet Angel Hair ($86): This was the first time that I ate fish in western style were both tough and only saltness which made me think of preserved salty fish immediately. The flavour of Angel Hair was a bit Chinese-y sweet and so

中什冇乜人幫襯！好可惜，佢D野食唔錯呢！最緊要而家香港好小服務好o既餐廳呢！湯好普通，但一D都唔難飲！包幾好食，外脆內軟！千層面加chips! 條條chips都勁脆！which is勁好食，勁難得！千層面，冇好乾，tomato係底，好juicy!芝士夠曬多雞肉意粉，個汁夠多，好味！好食！等左好耐，因即焗掛！好多雞，食極都有！最後仲送左心太軟！正！rose tea!超好飲，龍眼味好香！唔太甜又好香！紫薯奶，有d淡！

早年好中意去樂富廣場，最起碼無拖喼黨！人又唔多。雖然話樂富係公屋地區，但原來都有環境舒服清優嘅高級餐廳。濕平完睇到廣場下層哩間Alfafa，環境已經吸引我。同樣地，我唔會食一次就寫食評，今次係第二次去，叫左一客烤大蘑姑意大利黑松露天使麵，一客吉列豬特色焗飯，兩款都有水準，上次黎食豬助骨伴薯條，反而肉比較少，但味道唔差。個人喜好中意食濃味食品，所以個湯比較淡。除左環境一讚之外，服務都直得一讚。當然又要寫下缺點，如果餐廳放下輕音樂更有情調，伴湯個麵包如果轉用熱d嘅麵包更好。

星期六放工之後，同屋企人落黎食個休閒午餐。由於去到已經1:45，所以冇咩人，仲有好多位！三個人，叫左一個鱈魚天使面，雜菌雞柳意大利飯同一個全日早餐鱈魚天使面只係有大量的橄欖油，魚同面都好淡好淡，冇咩味，一向食得好清淡既我都覺得淡雜菌雞柳意大利飯不過不失，有啲阿麻籽喺飯度，食落有咬口全日早餐有啲失望，有塊魚柳，但炸得比較乾且冇味，蛋下面係法包，連蛋同黑松露醬食不錯。但對於全日早餐黎講，呢個百幾蚊既早餐唔夠令人滿足不過環境寬敞，坐得舒服的

準備翻醫院 喺樂富見到好似幾高級幾好味 就入去睇下入到去叫左兩個餐一個扒餐 一個雞肉天使麵餐湯是日餐湯係忌廉湯 好夠熱 最鍾意嘅係佢用法包配而唔係餐包 個湯啱啱好扒餐啲肉好嫩 又唔難咬 個人覺得d汁係靈魂 令到味道更吸引 麵質亦無得頂 雞肉天使麵雞肉真係要讚 推介好好食 無論味道定肉質 都一流至於飲品 叫左蘋果茶因為係茶包沖 始終無咁好飲 而且浸左唔係好耐都已經好濃 要溝水整體來說 都推介嘅 環境又好 食物又好 適合朋友聚會嘅好地方

與姊妹共晚膳，選擇了alfafa餐廳🌱。餐廳環境清幽，餐牌的選擇亦十分豐富。進入餐廳時，門外服務生態度有禮，並安排了我們坐沙發位。 選擇了兩個餐 另加一款小食 及兩杯特飲，餐設有餐湯及餐包，亦可選擇餐湯或凱撒沙律。先來了一份忌廉蘑菇湯 及凱撒沙律。忌廉蘑菇湯內有細細粒蘑菇，份量剛剛好。🌱黑椒蜆肉有機鮮蘑菇炒扁意粉🌱味道不錯，而且很大份，少少辣十分惹味👍🌱烤美國有骨豬柳伴天使麵🌱好幾次想試這個豬柳天使麵了，只是一直沒有時間。整體賣相十分漂亮，天使麵伴上醬汁，一口吃下去絕對是大滿足。😊👍🌱拿玻里雙芝焗薯條🌱芝士是本人的最愛， 所以order時十分期待。薯條份量多，與芝士混合味道不錯。🌱班蘭錫蘭茶+藍天使特飲🌱用餐時服務員(Jason)有介紹到班蘭錫蘭茶，介紹完整及詳細，提及到新鮮植物提煉，所以便打算試一下。斑蘭奶茶第一口喝下去，味道十分清香，將班蘭的味道呈現了出來，介紹得十分好😊比個讚你。另一杯則選擇了藍天使特飲，這杯特飲有一點失望，味道與賣相不相符，建議Soda減少甜味稍增。整體來說店內服務表現不錯， 讓我與姊妹從食物中感受到廚房員工的用心與真誠，應該保持下去，相信不久將來亦會再光顧。

價錢合理 環境不錯黎到樂富唔知食咩好入到附近商場 就見到呢間食店見到環境寧靜 又有格調二話不說的進去食個brunch 先好好享受一下悠閒既早上份量比較少 但好在環境唔錯 無論燈光 坐位都好舒服所以下次經過都會再幫襯必食牛角包、抹茶熱飲（跟餐加$9）

Saw a packed house at Alfafa inside a shopping mall with no air conditioning in the morning, guess this restaurant had a/c so people chilled in there. So I said hey why not, restaurant is packed, several customers waiting for tables, let's give this place a try! BIG MISTAKE. The waiters are dedicated and I was arranged a table via their sign up sheet and tickets. Everything was fine until I was waiting for my food to arrive. I ordered a Egg Benedict breakfast with iced coffee. I used to eat Egg

呢排捉精靈成為收工活動，今晚收工去到呢度，先去食晚餐，呢排喜歡食西餐，可以飲杯咖啡！呢間在商場內，橙色加淺木色，燈光昏暗，氣氛幾浪漫，因為已經過了晚飯高峰時間，所以只有半滿，店員任我揀位坐！揀了一個梳化位置，幾有私隱！晚餐價錢比一般屋村西餐略貴！落好單食物要耐心等候！餐湯：蕃茄芝士忌廉湯，呢種配合比較少見！係打到好滑嘅忌廉湯！微酸幾開胃！不過無乜芝士味！可惜唔夠熱！餐包：麥包仔夠熱！幾鬆軟！無搽牛油都好味！熱咖啡：本來叫了後上，點知又係即刻上（咁做乜問我使唔使後上）熱咖啡夠熱好香濃，味道微甘易入口，可以解膩！拿波里汁炒大蝦蜆肉天使麵（$90）賣相幾靚，蝦肉幾大隻已拆殻，爽口彈牙，蜆肉多不過無乜味！好在唔腥！醬汁杰身掛滿天使麵，酸酸地開胃！幼天使麵滑身微微彈牙！好味！店員有禮斯文！收碟都會問一句！係咖啡度有啲溝通問題！屋村內幾舒服嘅西餐！

曾經在平日1個人食過兩次，仲開咗會員咭心想會再去，今日星期日1個人再度去惠顧，明白星期日多人要排隊，由1:30開始其間叫了兩次兩位，將我的號碼跳了！好!再等，到了2:00再叫兩位，什麼問題?公司訓練?係咪星期日唔招呼1位枱，你早出聲我唔等，當我出聲問淨係講對唔住再等等，痴線㗎！你唔即刻安排仲叫我等，我現在只緊諗點取消會席仲入咗錢，點退返!!!!!仲等你個腦有問題，你自己出去食飯你等唔等，白痴!!!

到樂富逛街後，周圍揾食，發現廣場的底層有一間格調不錯的西餐廳<Alfafa>，看看餐牌，Dinner Set的款式多而且價錢相宜，所以便入內一試。餐廳有佷多卡位座，枱與枱之間保持一定隔離，坐得舒適之餘，環境也很清悠。餐牌上10個選擇，由70元至120元不等，配有餐湯或凱撒沙律，及飲品，又想吃牛扒又想吃天使麵，所以點了烤美國豬㧕伴天使麵和烤紐西蘭西冷牛扒，跟朋友互相Share。前菜有羅宋湯及面包，羅宋湯內有一絲絲的雜菜和洋蔥，甜甜酸酸，非常醒胃。面包仍然保持熱辣辣和腍軟，搽牛油或點湯吃也很美味! 烤美國豬㧕伴天使麵的豬𣛬也頗腍滑，但略嫌肥膏比較多，女孩子應該有點怕油膩，天使麵也煙韌，但我覺得燒汁的份量比較少，所以天使麵吃起來比較乾身。烤紐西蘭西冷牛扒相對比較出色，七成熟拿捏不錯，肉質仍然多汁、腍滑；薯條脆卜卜，份量也多。總括而言，<Alfafa>的Dinner Set款式多，價錢也吸引、抵食，上菜速度也快，是大眾化的西餐廳，可以一試!