alfafa (樂富廣場A區) (已結業)

難得今日阿仔放假，我地就約埋去左樂富搵野食，阿仔想食all day breakfast,所以就搵倒呢間，差唔多1:00 lunch time時間，都仲有好多位，二人坐位我略嫌張小圓枱太細🙄叫兩個餐d擺滿成張枱，好鬼迫。阿仔叫左all day breakfast，煙肉最好味，煎得好香，夠乾身。炸雪魚柳，唔會好油，點埋個芥末醬，好味，大菲菇、雞肉腸、流心蛋芝麻飽都ok，冇嘜特別。我叫左日式照燒丹麥叉燒配alfafa 特式沙律🥗，其實沙律係羽衣甘藍🥬、西蘭花、牛油果🥑、小量蘋果片、杏仁片同埋黎麥子撈埋一碟，感覺食左好健康🤣 個沙律醬清清地好好味，最值得讚係丹麥叉燒，嘩，睇落有d肥，但成件放入口，真係好香肉味。不過無啦啦配左件法飽，中間淋左d應該係欖油，油淋淋咁，成件飽中間林晒，好難食🤭

今天約朋友在樂富Alfafa食飯，這裹環境不錯，柔和燈光，地方寛敞，整潔。我選set lunch 焗肉醬千層麵配薯蓉，一層燒焦的芝士舖在滿滿的肉醬上，當然還有意粉啦，味道不錯又即焗香口。另一客是黑椒海鮮有機蘑菇意粉，少少黑椒的辣，好香的茹味，加上新鮮的蝦和蜆肉，而且份量也很足，味道鮮甜👍同其他好似 薩莉亞之類質素更好，坐得亦較舒服。不論環境、食物也不錯，2人平均@$90，傾吓計，食餐飯，都係選擇之一。

今日下晝同朋友去開樂富行街，見到呢間餐廳環境唔錯，又唔駛等位，就入去試下。睇下餐牌有咩食先飲品最後我叫左焗肉醬千層麵配薯蓉，餐湯(磨菇湯) ,餐飲就點左杯熱情果鮮果伯爵茶(需另加$15)焗肉醬千層麵配薯蓉係用小鑊盛載住上的，温度好夠，黎到仲係熱辣辣的。有香濃蕃茄味，好開胃，千層麵同薯蓉分量剛好，會飽肚，但唔會話食到好滯既感覺，完全係深得我呢個蕃茄怪既心飲品方面：熱情果鮮果伯爵茶，因有鮮果既關係，有好香果香味，惟伯爵茶的茶香唔係好明顯，茶底唔算好濃。環境方面：環境算寧靜亦無限時，適合同朋友慢慢坐低邊食邊傾計，唔駛驚俾人催走或等位。服務方面：侍應們落單同上菜都快，服務有禮專業。最後埋單連加一服務費，人均消費$118,如果以午餐黎講算係中上價位，但由於餐廳無限時，同朋友由12點開始食到2點15分，可以慢慢傾計，坐位算寬敞，所以個人覺得價錢尚算合理。

樂富有間西餐廳，朋友話好味，叫我一齊試，我們叫左龍利魚柳意粉，這個意粉好味，夠扁又入味，有d磨菇有d紅辣，魚柳煎得香口，入面嫩，好食。帶子松露意大利飯，這個飯賣相也好靚，帶子是細細粒的，幾香口，不過個飯唔係好夠味。主菜加錢可升級做套餐，餐湯羅宋湯，幾好味幾多料，好味呀。青口跟麵包，青口好味。肉細細粒，幾彈牙。麵包比較實。兒童餐也好豐富，有西蘭花，肉醬意粉，薯條，蘋果汁。仲叫左心太軟+芒果雪糕，好味喎，朱古力好香又不是太甜。

每次公佈可以抽屋 都會黎到樂富拎表 成日都諗一場黎到 唔搵下附近餐廳食下 好對唔住自己😂今次就揀左呢間西餐廳下午茶相當抵 $48有好多選擇鐘意食香口野既我就揀左公司三文治配薯條呢個價錢黎講 份量都好足公司三文治入面夾左好多材料包括雞蛋、煙肉、番茄、雞肉、菜再加左d蛋黃醬都幾好味另外跟餐有餐飲 錫蘭奶茶既茶味香濃 都唔錯 環境方面 座位與座位之間都好闊落唯獨有樣要改善係收餐碟方面因為下午茶時段 其實店內都好少人但眼見就有好幾枱未清理好 同埋改用玻璃杯比較好 用耐左都有水漬視覺上感覺唔太好 但overall野食質素係唔錯既

早餐質素好差，份量小但價錢唔平, 叫左個烤雞炒蛋配磨菇湯長通粉，炒蛋又唔分開上，浸係個湯度好難食；另一份 炸魚配牛角包及黑松露炒蛋，份量小冇誠意，牛角包好燶，炒蛋又老，炸魚份量超迷李；人手不足及職員經驗不足,又落錯單, 反映意見但經理冇心聽, 絕對唔會再幫襯.

超級推介!!特別係呢度嘅熱飲叫左杯綠茶牛奶唔會就咁用啲粉沖開佢真係feel到入面個層次係度同埋個温度啱啱好沖出黎唔會太熱 係温嘅vanila ice cream crepe with banana好嫩嘅crepe 水果好新鮮

有買三送一嘅優惠🌟而且平日夜晚人流不多 座位都好寬闊 好啱同朋友食飯傾吓計🤤而且整體服務不錯👍🏻 前菜可以選擇蘑菇湯🥣或者沙律🥗沙律有羽衣甘藍 奶油份量恰到好處蘑菇湯十分濃郁 更有蘑菇粒而且每人一個餐包是牛角包🥐🍽黑椒蜆肉有機鮮蘑菇炒扁意粉 $76重黑椒味 所以偏辣 但我食得辣就覺得幾惹味蜆肉都唔少 而且仲有洋蔥紅椒🍽照燒魚柳及有機鮮蘑菇炒意粉 $84魚柳大小適中，而且意粉整體調味偏甜，因此較易入口🍽烤澳洲100日穀飼牛有機鮮蘑菇及亞麻籽繪紅米飯 $102牛肉入口不會過硬 熟度剛好 但只有四塊飯硬度適中 但整體較為普通🍽炸有骨豬扒配特濃蕃茄雜菜湯意粉 $92豬扒夠脆 蕃茄雜菜湯唔會太酸 調味不錯 但意粉過硬

放學後同學推介 去樂富商場既 Alfafa 一齊嘆個下午茶， 去到餐廳入面感覺環境係幾舒服既，餐檯擺設都好整齊。黎度既下午茶餐一律 $ 48 包熱飲，鹹食甜食都有， 跟特飲會另外加錢但由於我地個陣都唔太肚餓，主要都係叫甜品過下口癮就算一開始上左飲品先，奶茶普通無咩特別，茶味較濃當日下晝都唔係太多人， 落餐之後大約7-10分鐘就上菜。 個法式薄餅入面有香蕉片，伴Vanilla雪糕同cream， 上面灑左d 杏仁片。黎個甜品真係幾好食！個餅5會太厚只食到粉味，入面香蕉非常足料，成個甜品一d 都5會膩！跟埋雪糕就更好食，我地好快就清左成碟第二個係法式西多士伴雪糕，西多士表面金黃，都幾好食，食落可能有d 膩，但跟個雪糕會中和翻。但質素都算5錯48蚊一個5錯既甜品加野飲，都算係抵食啦

#今日早餐如常去屋企附近的Alfafa, 叫了三個早餐，等食物都習慣等15分鐘都算，一來到，叫左個黑松露魚柳炒蛋，塊魚柳勁細，好似俾人切左一半，問完個職員話係咁！我話食過好多次都無咁細！無人再過來了解事情，姐係話唔想理會！食物又貴仲縮埋水，仲要咁既態度，又會再想有人來幫襯囉！

令次叫左澳洲100日穀飼牛紅米飯冇諗過 啲牛好嫰滑 又幾好味喎!不過得幾舊咋 飯多 唔係好夠送 啲汁都唔係好夠有啲美中不足 寧願佢貴多少少 比多幾舊牛 哈哈見唔太夠喉所以加咗個心太軟印象中追加唔係好貴 幾抵食心太軟 又冇諗過整得幾好配埋雲尼拿雪糕 一熱一凍~口感一流入面啲流心朱古力仲要好濃 佢仲要應該啱啱整出黎所以好辣口 食個陣要小心啲平日夜晚仲要唔多人 環境好舒服 同朋友傾下計都係一個唔錯既選擇

樂富商場Alfafa的午市套餐好抵食，有買3送1優惠。我和朋友一行五人一早預訂座位，侍應慇勤有禮。我選了全日早餐，份量十足，其中的炸魚柳及法式牛角酥香脆美味。有位朋友吃素，選擇了素菜千層麵配薯蓉，另一位選擇了肉醬千層麵配薯蓉。兩客薯蓉熱騰騰上枱，賣相很漂亮，十分好吃又飽肚。烤牛肉燴紅米飯是很健康的選擇，而牛肉漢堡跟炸薯條都很惹味，加上餐廳或沙律和餐茶，十分豐富。Alfafa有會員制及儲分計畫，都算抵食。

慣例週五同事出來食飯，所以無帶飯。今日就行到樂富市集去搵食見到門口有買三送一都好抵，於是就開心地決定食環境還算舒適，座位寬闊。staff都好主動服務，算不錯。 lunch set前菜可以選擇蔬菜湯或者沙律，湯會好d，因為可以捏碎餐包浸住食。主食我就叫咗雞腿天使面，都幾大份⊙∀⊙！女仔都係不好叫雞髀，難拆骨（別問我點知）同事叫咗肉醬千層面（要等多5～10分鐘）最後上奶茶，我地以為會比港式奶茶淡，但是味道差不多，都ok喔:-O

相約朋友在樂富午飯，選了在地鐵附近的alfafa,環境尚算舒服，午餐款式也不少。選了一款意粉和飯，可嘗立試到不同食物。有餐湯和麵包配合。有骨豬排天使麵口感不錯，亞麻籽紅米雞肉飯較為普通。配餐咖啡也有一定水準，埋單是182.6元，不算便宜啊

正常都會嚟樂富食嘢，而alfafa呢間餐廳我都會經常幫襯。餐廳都算叫做大間佢分開咗兩邊，一邊係室內一邊係室外。我今日去嘅時候係下午茶時間，室外嗰邊佢要清潔無開到。下午茶都有好多種類選擇，而睇其他客人佢哋多數都係叫公司三文治食。我都跟佢哋一樣，叫咗一份黎試吓。公司三文治都好大份好足料，有一層係雞蛋🥚，而另一層係由生菜同煙肉組成，仲有d沙律醬。我非常之好彩，走嘅時候發覺公司三文治配薯條已經賣晒lu😱😱😱😱