Add Some Thai Restaurant

营业中

休息中

中同們大家都住觀塘，難得約得成就緊係要揾間好食嘅同埋收工方便大家嘅餐廳食個飯傾下偈啦！今次就揀中左食泰國菜，去之前睇到相畀佢個咖哩軟殻蟹吸引住，仲有個裝修都幾Thai style，大家冇意見就gogogo 😆串燒都燒得幾香口，個醬好岩配串燒，食到想encore😁豬頸肉燒得幾好食，林得黎又幾有彈性呢個就係深深吸引住我嘅咖哩軟殻蟹，一份有3隻蟹，分成6小碟，個軟殻蟹炸得好乾脆，咖哩又好香濃，即刻叫左兩碗白飯唔好浪費左個汁🤤仲有呢個冬蔭功都幾夠味，上枱好夠熱，不錯唷～大食女仔表示，可以有下一次✌🏻

今日星期一同兩個朋友去開官塘, 四圍都係人, 真係好多人~ 又唔想食譚仔, 有人提意去食泰國野咁~ 我突然醒起係駱駝潻大廈9樓個邊有一間泰國餐廳叫"ADD SOME THAI" , 之前都食過幾次, 都幾好食~ 今日GYM完去約埋個朋友再去食返餐~ 星期四晚7點~ 去到"ADD SOME THAI" , 都幾多人~ 8成入座, 好好彩朋友之前有BOOK到枱~ 有一張幾大既四人枱FOR我地2人~ 實在係太好了~環境可以話幾靚~ 泰式木傢私~ 打卡一流丫喂~ 坐底睇下個餐牌又唔貴喎~ 叫咗椰青$48, 招牌黃金鹹蛋鮮海蝦$128, 炸軟殼蟹金邊粉, 黃咖喱牛柳配手爪餅, 仲有甜品芒果糯米飯配椰子雪糕...... 招牌黃金鹹蛋鮮海蝦-非常香口, 蝦好新鮮彈牙, 炸軟殼蟹金邊粉--哩個配答好好~ 食金邊粉再配上炸軟殼蟹, 好似多咗一個餸咁~ 黃咖喱牛柳配手爪餅--首先黃咖喱好香, 牛柳好林, 上等牛肉來的~ 最後芒果糯米飯配椰子雪糕--- 今次芒果唔係好甜有D配, 啱啱好balance返之後食個d炸野既油膩感~ 正~ 椰子雪糕裡面有一粒粒既椰青肉~ 口感層次豐富~ 正~ 值得推介~

星期日同朋友見到呢間餐廳裝潢不錯，價格相宜，100蚊內都就一個set，有湯、有小食、仲有野飲，真係食到好飽咁走。而且，呢到環境清靜，空間寬闊，坐得舒服，推得一黎👍🏼

一班朋友食飯相聚，就搵左一間較特別的觀塘工廈泰國餐館，預約咗八點半，位置容易搵，觀塘地鐵站直出就到。一入到餐廳，環境寬敞，燈光柔和，仲有牆上掛有特別嘅吊飾擺設，感覺舒適☺️☺️最適合一家大細或者一班朋友聚會之後開始order，Menu上嘅款式種類豐富，一共叫咗六道菜，招牌黃金鹹蛋鮮海蝦，泰國無骨海南雞，泰式明爐青斑，蒜蓉炒菜苗，香燒沙嗲紐西蘭牛肉串，香燒沙嗲雞肉串招牌黃金鹹蛋鮮海蝦，叫得招牌就當然出色，每一啖都有滿滿嘅鹹蛋黃，配搭蝦餅夠脆，夠足料👍🏻👍🏻😋另外嘅雞肉串同埋紐西蘭牛肉串都好出色，好好味，特別係紐西蘭牛肉串，配搭沙嗲醬一流，之後再order多兩串，太好食😍😍😍泰式明爐青斑都冇令人失望，唔腥，湯底清甜，值得一試😋😋

其實好早之前已經睇過介紹，知道呢間餐廳好靚，但係果時唔記得cap圖😣 搞到搵咗好耐先嚟試到。 一見到餐廳已經覺得好似入咗真泰國入面嘅餐廳咁🤤 全部枱凳都木造，牆身仲有擺靚靚民俗風裝飾比人打卡。可惜冇開放枱隔離嘅水池，之前見到會放波波燈係水池入邊， 勁靚😣 我地叫左一set二人餐（$208），份量幾多下。兩款小食＋海南雞飯＋Pad Thai 拼軟殼蟹（掛住傾計冇影太多相） 最岀色我反而覺得係個冬蔭公🤤 入面超足料，有超大隻蝦同蜆😍 因爲唔太食得辣，覺得酸辣得啱啱好，好開胃。小食豬肉串同雞翼都整得十分惹味，唔同小食有配搭唔同嘅sauce，都幾好味。估唔到唔係main都整得咁有心機，好有驚喜！ 海南雞飯不過不失，雞肉嫩滑，加埋油飯一齊食係幾好味。軟殻蟹Pad Thai都整得好入味，唔會太油，軟殻蟹份量都幾多下。 待應都好nice，好細心，餐廳個氣氛同環境都好好，食完覺得身心都好滿足呀💕

今日放假同朋友來APM行街，行到攰就搵間餐廳食Lunch 啦，見到有間樓上泰國菜餐廳Add Some Thai，就walk in 入黎試下。餐廳入面裝修有特式，有泰國風格。午餐有多款套餐可以揀，就同朋友每人各叫一個餐。泰式冬蔭海鮮湯配迷你柚子菠蘿沙律，冬蔭功湯微辣，味道惹味，沙律新鮮爽脆。海鮮湯配酥炸一支⻣雞翼，香脆惹味，肉質嫩滑。泰國無⻣海南雞飯，份量好多，雞肉鮮甜嫩滑，煮得好入味，飯係用雞油飯，味道特別香，附上的炸蝦片十分香脆，入口惹味。黃咖哩豬頸肉配手抓餅，豬頸肉肉質肥美，咬落啖啖肉，燒得帶有香烤味，咖哩味道香甜，手抓餅夠煙煙韌，點咖哩食好夾。觀塘區的泰國菜唔多，呢間Add Some Thai 食物味道唔錯，真的值得再來。

星期日晏晝同朋友經過觀塘見到呢間餐廳決定試下. Set lunch 有湯、小食再加主食同飲品，好豐富😋個冬陰功湯有蝦、蜆、墨魚，絕對唔馬夫；小食可以揀沙律/串燒，我揀左串燒（豬肉）諗住都係街邊$10串個啲，一黎到係2串大大串，仲有翠肉瓜串埋一齊，唔會勁乾爭爭。主食同朋友share，叫左一個無骨海南雞飯同黃咖哩豬頸肉手抓餅，咖哩入面仲有薯仔雜菜，味道都好好！每人大約$90，食到奉住個肚走🤤

朋友叫咗我幾次話一定要食到呢間泰菜，今次就順佢意嚟試下啦，食完發覺真心正！作為招牌菜呢個黃咖喱咸蛋軟殼蟹賣相不錯。軟殼蟹會分6小碟上枱，而每小碟中有適量咖喱及一塊法式蒜包包配搭。值得一讚係分開6小碟後軟殼蟹只會一半浸完咖哩中，食落口時軟殼蟹仍然保持鬆脆，軟殼蟹好脆啖啖肉同黃咖喱好夾。海鮮菠蘿炒飯，就咁睇個賣相都已經覺得好吸引，即刻要試。炒飯有好多嘅臘腸同埋提子乾，當然唔少得新鮮菠蘿，非常甜。雖然張相睇唔到，但係海鮮炒飯嘅面淋左少少沙律醬喺度，成個炒飯唔算太熱，暖暖地咁。老實講海鮮炒飯個人來講5滿分只有3。好普通，但係係足料嘅。飲品我地叫咗一杯西貢少女好夏日 好重生果成份非常refreshing。甜品我地叫咗椰汁芒果糯米飯糯配雪糕，一件件芒果size比平想食開的大件~~糯米飯煙韌+芒果軟熟; 椰汁香+芒果甜~再加埋雪糕真係無得頂呀！！

同朋友喺觀塘行街夜晚想食個飯一直都知道觀塘有好多工業大廈都有好多好野食，所以就上OpenRice睇吓，搵搵下就搵到駱駝柒大廈嘅呢一間泰國嘢。一上到去個門口都幾靚，完全唔似工業大廈嗰啲格局，門口個侍應都好好禮貌好快就帶咗我哋埋位。打開個Menu發現其實都唔係好多嘢食，竟然冇我最鍾意嘅蝦炒飯😭咁算啦泰國嘢來來去去都係食嗰啲咁就叫左一個拼盤一個冬陰公一個炒金邊粉，啲嘢食嚟到先知好大份，兩個女仔食唔晒😅拼盤唔錯尤其係個豬頸肉好林好入味，冬陰公略嫌唔夠辣，金邊粉都炒得好好食，唔會太油

去完泰國旅行 太掛念泰菜了☺️ 今天book了一間在觀塘的泰菜餐廳 Add Some Thai 和朋友每人點了一杯龍眼冰和一般泰菜餐廳的不一樣 這杯龍眼冰是有氣的 而且比較清新 不像一般龍眼冰 點了吃泰菜必點的冬陰公湯我們選了海蝦款 這裡的海鮮非常新鮮 海蝦數量亦很多👍🏻而且最貼心的一點是他們把冬陰公湯的湯底配料例如香茅，辣椒都已經分隔開 👍🏻 另外點了軟殼蟹金邊粉金邊粉都非常有火候 味道酸酸味味很開胃 而軟殼蟹有兩隻 加上沙律醬 不會感覺很油膩😁再點了一份泰國小食拼盤款式和分量非常非常之多👍🏻有春卷 炸蝦餅 蝦片 酸辣鳳爪 雞翼 和豬頸肉重點是每一款都在水平之上尢其是豬頸肉 肉質鬆軟 👍🏻👍🏻價錢都很合理😁這間Add Some Thai 不錯不錯 一定會再來encore

觀塘啲工廈不嬲都多嘢食，今次去左食泰國菜，估唔到呢到連裝修都幾有泰國風情，幾有心思喎。首先叫左個小食拼盤($148)，份量款式都超級多，2個人食完都飽飽地。有泰式手打蝦餅、春卷、炸蝦片、酥炸一支骨雞翼、炭燒豬頸肉同酸辣鳳爪沙津。我最鍾意就係炸蝦餅，爽口彈牙，點埋泰式辣醬真係食唔停口。香燒沙爹雞肉串($36)，串燒都係泰國菜必叫，雞肉燒得香口嫩滑，沙爹汁好香濃同充滿花生香味。酥炸軟殼蟹配金邊粉($118)，泰式炒飯麵黎講，金邊粉係我至愛，鮮蝦金邊粉就食得多，配軟殼蟹就真係未試過喇，軟殼蟹炸到金黃酥香，金邊粉夠鑊氣炒到條條分明，食落酸酸地幾惹味。黃咖哩豬頸肉手抓餅，豬頸肉唔會燒到太乾身，黃咖哩香料味濃，惹味得黎唔會太辣，手抓餅烤得香脆，點咖哩汁食一流。

It has been a while since my last visit to a Thai restaurant. So right after a harsh day of work, I decided to enjoy Thai cuisine at Add Some Thai Restaurant in Kwun Tong. The restaurant is quite close to MTR station and can be easily located.The decor is full of mood and brings a sense of Thailand to the customers. My pick was Pad Thai with soft shell crab. The soft shell crab was freshly made and it was very crispy. Pad Thai was not spicy and indeed a very rich one. It was about a one person p

又係繼續喺觀塘工業大廈覓食駱駝潻大廈真係有好多唔同嘅餐廳今次豬仔搵到間泰國餐廳去食泰式料理Add Some Thai Restaurant 餐廳都幾大 天花掛咗好多天燈好似去左泰國咁呀兩個人決定叫送送飯泰式明爐烏頭呢個泰式明爐烏頭唔會腥 充滿泰國風味 海南雞半隻雞肉好滑 配埋特制酸辣汁特登叫咗個油飯一齊食 好味道依間Add Some Thai Restaurant 既泰國料理真係煮得唔錯座位舒適氣氛又好絕對推薦大家黎試一試

又係豬仔繼續喺觀塘工業大廈覓食駱駝潻大廈真係有好多唔同嘅餐廳今次豬仔搵到間泰國餐廳去食泰式料理Add Some Thai Restaurant 餐廳都幾大 天花掛咗好多天燈好似去左泰國咁呀四個人決定叫幾道菜送飯招牌黃金蝦鹹蛋沾滿蝦 鍾意既可以連殼食 好香好味道側邊仲伴有蝦片泰式明爐烏頭細個唔係咁鍾意食魚 人愈大愈鍾意食 可能因為發現得越來越多煮魚嘅方式冇咗以前唔鍾意既腥味呢個泰式明爐烏頭都一樣 小酸湯汁令魚唔會腥 充滿泰國風味 蒜蓉炒菜苗菜嫩配蒜蓉炒沙嗲雞肉串、牛肉串（各兩串）牛肉肉味濃又軟綿 雞串牛串均有翠玉瓜隔住肉點上沙嗲汁 同朋友再叫多左一份荔枝冰入面有兩粒大大粒既荔枝 加左Soda荔枝浸過又大又甜豬仔好鍾意依款飲品依間Add Some Thai Restaurant 既泰國料理真係煮得唔錯座位舒適氣氛又好絕對推薦大家黎試一試

去觀塘想食乜都有，今次試泰菜，响Openrice評語好高架，環境不錯，服務幾好，不過我就覺得食物水準一般，唔係所有菜式都好味同出色。海南雞(半隻) $128🥢🥢🥢🥢雞唔算大隻，但香而滑有雞味😋，雞皮亦有油香，菠蘿新鮮香甜，必試菜式酥炸一支骨雞翼 $58🥢單骨方便食，雞翼同炸漿無調味好淡口，只好靠泰式辣醬彌補泰式香烤豬手 $188🥢🥢🥢🥢豬手又嫩滑又入味又juicy，皮香脆唔韌，最正係唔駛自己動手切開👍🏻，推力推介菠蘿炒飯 $118🥢🥢飯唔夠香兼無味，只靠肉鬆同海鮮味道，但海鮮唔算好鮮，不試也罷四人共消費：$542