Add Some Thai Restaurant

营业中

休息中

相信大部分吃貨友都會發現觀塘餐廳或小食出現可用雨後春筍來形容，身為觀塘友，當然用埋個OpenRice 就近覓食啦！今天諗定吃泰國野，見到Add Some Thai 正評不少，就一如既往攜帶家老前往品嚐。就家老叫了個豬手飯及本人紅咖哩海餅手抓餅。餐廳裝潢正如大眾給予正評是合理的，至於食物外相（睇相吧），各花入各眼，重點是食物味道！抱歉豬手不是你我期望中軟糯易入囗，堅韌難切不入味，別說我有一口好🦷，甚為難了家老剩下的寥寥可數🦷啊！見其面口一😖，當然向餐廳店員反映下，店員嗱嗱臨聲稱換D軟身🐷手，結果當然不是你我預期，仍煙靭斷咬，送上不計其數川椒及肉眼可見的長長🐷毛毛作盤碟，唉⋯⋯至於我的海鮮紅咖哩，🦐蜆🐙x2，不難吃也不好吃，應該不會再光顧，如真的要正評的話，只能講店員服務及泰式奶茶質素不過不失。雖只拿兩款食物作評論末必全面，但相信餐牌常掛之食物供顧客選擇會是餐廳有信心之作。

今日朋友約咗我去觀塘食晚飯，本來就唔係好想去，因為香港區返工其實都幾遠，但朋友話有好介紹，佢話有間叫Add Some Thai泰國餐廳要請我去食下，咁就遠少少都答應左。無骨的海南雞半隻，啲肉好滑喎！加埋個酸酸甜甜又帶少少辣嘅醬汁，好味！跟住就係Add Some Thai招牌菜黃金鹹蛋鮮海蝦，覺得好新鮮喎，中式嘅黃金蝦就食得多，泰式都係第一次，我覺得比中式嘅更加好食香口！朋友話要食串燒，唔想單叫，所以叫咗一個拼盤，吾洗煩，除左有肉類外，仲有啲瓜蕃茄菠蘿🍍甜品叫咗千層糕，估唔到咁大件喎😅另外叫咗個菠蘿汁同清邁瀑布，飲品吾貴抵飲。

Add Some Thai跟朋友去觀塘APM行街，發現到處的餐廳都是連鎖店，沒有什麼特別的，於是便問居住在觀塘的朋友有什麼好吃的介紹，結果他介紹了Add Some Thai泰式餐廳，我們便去試試泰國菜。雖然他遠離APM，但是也只需數分鐘的路程仙桃達商業大廈，走進才發現氣氛和環境都不錯。由於只有我和朋友，我們只點了幾道菜。我們的首選當然是黃咖喱炒蟹，這個蟹的肉質非常新鮮，滲入了黃咖喱的香味辣味，沒想到如此多汁，兩個女士吃得連玩手指都塞進舌頭👅附送蒜蓉包十分配合。點了柚子沙律，酸酸的，這間餐廳的海鮮做得真好，鮮蝦真的好鮮味，加上兩款辣汁和沙律醬，是多重享受呢！最後就是吃軟殼蟹炒貴刁，貴刁跟普通泰式餐廳沒多大分別，但是軟殼蟹就10分惹味，內里的膏跟炸漿都配得很好味，一向少吃炸物的我也把整只軟殼蟹吃光。每次到泰式餐廳必點椰青，今次到Add Some Thai點的椰青肉很容易吃到，汁很多，相信樓上餐廳真的會比大型商場更抵吃😇😇

呢間叫add some thai restaurant 嘅泰國餐廳個名又幾得意! 呢度嘅環境裝修用左好多木，我朋友話一入到去就聞到木味，餐牌上邊一望就望到蟹煲，朋友一見到就話要叫呢個白胡椒粒炒鮮肉蟹煲，成煲上好似食火鍋咁，上台先開火滾，啲肉好鮮甜，都幾大隻蟹，蟹鉗好多肉，個汁又唔係太辣，好惹味！另外叫咗燒雞半隻，份量都幾多喎！仲叫咗個海鮮菠蘿炒飯，好有菠蘿味，而且都幾多海鮮👍另外叫咗個泰國出名嘅梳打水tim 😋下次都要同朋友再黎多次add some thai 先。

一行8人去食晚飯慶祝生日我地就叫左個咖哩咸蛋軟殻蟹同豬頸肉炒椰菜苗，菠蘿炒飯，明爐魚，同叫左個類似雞煲既野。小食就叫左蝦片，雞翼同咖哩配蒜茸包黎食個雞煲就可以唔洗提但係其他野食都可以既個咖哩汁都唔差，我地本身叫左一份咖哩配蒜茸包，之後我地就再追加多一份。就因為咁，我地就出左事食完返到去痾左幾次，到第二朝問埋其他人，6個大人有5個都係咁痾，我地估應該係個咖哩出事，因為當中有2個小朋友都有份一齊食，但佢地無食到咖哩，好彩佢地無事已經唔係食生野同新鮮既海鮮應該係唔乾淨或儲放既問題唔會再試第二次

自從上次從東南亞旅行回來， 就很懷念泰國酸酸辣辣的冬陰公。所以這次我用Openrice 找附近推薦的泰國餐add some Thai， 就找到這一個hidden gem。一進到店 就震撼到， 全店大大小小地野都是木製品， 就連餐具都是。店員安排好座位之後 ， 我們分別點左四道食物。豬手，菜苗，tomyam，串燒貼心的店家， 一開始先上tomyam。個湯酸酸又帶小辣。 裡面有最少6只蝦， 三種菇類， 同魷魚。蝦殼已經剝了， 吃起來開胃 而且不會整骯臟手。我們喝完湯之後， 豬手就來了。不得不說， add some Thai 這泰國豬手的皮非常脆， 咬下去同d油一起在你的嘴爆開。我非常推薦你沾酸甜醬一起吃， 明顯加分。第三道菜就是串燒。有雞，牛，同豬。 每一樣都沒有烤到乾， 咬下去的時候還會有汁爆出來。同沙爹醬一起吃真是絕配。每一串都會有cucumber， 為串燒帶來清甜解膩的效果。吃完前面三道菜， 我們已經飽飽了。所以對接下來的(菜苗) 沒有太大的希望。 人生就是這樣， 當你覺得不會有任何事可以震驚到你時， 往往馬上就會發生。 這道菜超級下飯， 飽飽的我們竟然再叫了白飯來配菜。蒜帶出少少地

四條友仔臨時改地點食飯， 心思思有想食泰國嘢， 第一次試呢一間餐廳， 去觀塘駱駝漆大廈一期裏面~ 試咗1)海鮮冬陰公 2)辣椒炒蜆 3)小食雜錦拼盤 4)什錦串燒拼盤 5)馬拉盞炒通菜 6)鹹蛋大蝦 我覺得整體嘢食都ok嘅可以再去

清明假期剛好有美國來的親友回港，探完家人之後就想找個新地方，請下朋友食泰國菜，在openrice找到呢個地方，再可以訂埋位，呢個功能真是好方便。一行8人七點九左右到達，全場估不到已有八成滿，餐廳佈置好用心，有泰式擺設，而且空間好大，非常好坐。我們叫左好多野食，強烈推薦豬頸肉，燒得好香而且好大塊，厚身有質感。另外串燒拼盤都好好食，而且砌得好靚，好有心思。相對粉麵就比較普通和遜色，份量偏少，而且不太有泰式的香料味道。前菜薯條都不能錯過，有黑松露味的，好好味。非常高興可以找到呢到，朋友們都好滿意

有日約左朋友食飯，唔知食咩好就係OpenRice碌吓碌下見到呢一間泰國菜就訂位試下啦.坐𨋢上去時，有少少意外該大廈四部𨋢都有壞有啲唔識關門，有啲停左係某一層唔郁終於都都餐廳😅.當日係平日，唔太多人，正丫☺️太肚餓了，急不及待叫野食先去骨海南雞 半隻味道ok，可以再滑啲紐西蘭牛肉同雞肉 串燒兩款都燒得剛剛口牛肉好冧好多汁🤤即刻叫多兩串😚黃金蝦配泰式金邊粉炒得夠乾身，好好味☺️☺️☺️...提提你，做個簡單問題，會有95折架😉

總覺得香港的泰菜再是好吃，也無法超越泰國當地風味；當然, 人在香港, 不能奢求太多. 不過觀塘Add Some Thai Restaurant價錢及味道都十分平均，所以一試無妨！星期六日的下午, 3點過後時段, 環境最舒服, 可以慢慢享受.假日套餐一點都不貴, 可以說是十分抵食, 因為份量是超級大份招牌泰式無骨海南雞, 雞肉十分嫩滑,雞的份量都幾多，而且中間有層啫喱狀唔好以為中間的啫喱狀係肥膏，其實是精華所在油飯有雞油香, 水準很不錯泰式金邊粉配牛肋條, 粉條足夠乾身不膩口而且韌度十足不會一夾即散。蝦肉爽口美味, 配上芽菜、青檸汁、碎花生等配料口感十足.而最有驚喜的是牛肋條, 燘得十分入味.跟餐會送上蕃茄椰子雞湯, 不過味道略微淡了一點.香燒沙爹雞串, 串燒的份量真的比預期大很多, 只需$36有兩串, 真心抵.雞肉厚切, 燒得不會太乾身, 而沙爹味濃, 醬汁內仍保留左花生的顆粒, 很惹味.這店的泰式COFFEE，並不是泰國標準超甜口味，反而甘醇美味，濃淡又得宜，超！好！喝！這個價錢在泰菜來說, 真係很值, 味道都係水準之上, 所以可以再encore~

環境不錯，坐得舒服，泰國風情。但食物整體只是一般般，除了甜品椰汁榚比較有泰國風味，其餘的水準只是港式泰菜feel.而且菜式調味亦偏咸椰清冬蔭海鮮湯~味較為清淡，失去了冬蔭湯味濃的賣點。串燒牛柳~不過不失， 沙嗲汁也偏咸。菜亦偏咸。咖哩軟殼蟹蒜蓉包~軟殼蟹炸得非常乾，而咖哩汁略咸，但送飯就一流。亦多叫了一碗飯送咖喱。但飯質又乾又硬，似隔夜飯蒜蓉包其實即係蒜蓉多士,又乾又鬆。口感像一陣風咁手抓薄餅~口感比較實，厨司一定用力壓著來煎椰汁千層糕~清甜香滑，四大條椰汁榚再配淡香椰奶。飯後甜品

成日都想去泰國旅行，不過一直都未搵到時間，我嘅holiday離我好遠，唯有食下泰國嘢頂下癮。今次去咗觀塘工廈試下呢間泰國菜，一入到去個環境，好有泰國feel,不過可能唔夠冷氣，所以有啲焗，店員仲安排咗我同朋友坐喺射燈之下，完美體驗到泰國既熱帶氣候。我哋叫咗幾樣嘢食，整體份量都算大，都係抵食嘅。不過食物嘅質素一般。我哋叫咗個冬陰功湯，湯底好清淡，海鮮冇咩鮮味。我哋叫咗個串燒拼盤，牛柳比想像中淋身，燒得唔錯，但其他就麻麻地，而且切得好大件食樂有啲唔方便。但佢個串燒醬都幾香花生味，值得一讚。芒果糯米飯配雪糕係全晚最好食，特別係個雪糕，係椰子味，入面亦都有粒粒嘢肉。糯米飯加上椰漿都好香，不過飯要黏身啲會鎳啲。飲品就有啲伏，朋友嗌 坐杯梳打，就係切咗2片青瓜，加兩片薄荷葉同雪碧，冇驚喜之餘都好失望。

今日同屋企人梨呢間食泰國菜。呢間環境好有feel,好有東南亞feel，有沙發位。我地叫咗個八人套餐，但係好多都無曬，可能因前為8點半先到。不過上菜都算快，食物賣相不錯，味道還好。因為我地坐長枱，佢個八人餐全部都分兩份上。不中不足係個冬陰公一般，得個酸味。八人套餐九人食都食到好飽！適合同朋友坐下傾下計食野，不過想食好野就要早少少到了

今日約咗啲老死去happy hour😬吹吹水不知不覺已經到咗晚飯時間！有個朋友係喺觀塘做嘢嘅！佢話帶我地去一間泰式餐廳Add Some Thai restaurant！呢間餐廳非常抵食！每樣都分量十足😬而且食材好新鮮添！🍽Add Some Thai Restaurant🍽柚子海蝦沙律$88有四隻大蝦🍤，肉質彈牙，而且仲係剝咗殼，附上兩種醬汁！我就比較鍾意食泰式酸辣醬汁😏海蝦冬陰公海鮮湯$92又係好新鮮嘅海蝦啦！分量十足！有魷魚🦑仔丶青口丶雜菇！曼谷蝦餅三件$68呢個蝦餅做得最出色！蝦餅非常彈牙而且鮮味十足！酥炸一字骨雞翼10件$58雞翼一開2⃣！食落非常方便！而且炸到外脆內保留肉汁！最重要係配上我最愛嘅炸蝦片⋯⋯肉碎焗蒜蓉包$58呢個真係超值！通常只得蒜蓉包！但係佢仲要包埋咖喱肉碎添⋯⋯肉碎仲好惹味呀⋯⋯招牌黃金鹹蛋海蝦六隻$128呢個你會連到外殼都食埋！每一隻蝦都包住黃金鹹蛋醬！鹹鹹香香帶點鮮味！😋👍👍

自從幾個月前去完泰國旅行之後，一直好掛住泰國嘅美食，早兩日，朋友突然同我講，喺觀塘嘅工業大廈，有一間「堅」泰國風情嘅餐廳，叫Add Some Thai Restaurant，睇過食評午餐，最後決定試一試呢間餐廳，絕對充滿泰國風情，裝水嘅水壺，食嘢用嘅碟，都充滿泰國情懷，係呢一個氣氛下，叫嘢食都叫得開心啲沙嗲牛柳粒串（兩串） $48 沙嗲豬肉串（兩村） $36上檯一望到佢嘅份量，簡直大嚇一跳，絕對可以用巨型來形容，唔單止肉嘅份量夠大，串燒仲會配埋翠玉瓜，可以話係超抵食用得牛柳，肉質當然係夠淋易入口，咬落去嘅時候，仍然感覺到肉汁豐滿，絕對做到外有焦香，內有肉汁嘅感覺豬肉串嘅豬肉，咬落去有種爽口嘅口感，味道濃郁，充滿肉嘅鮮味咖喱炒肉蟹配蒜蓉包（$298）啖啖肉嘅肉蟹，全隻先經油泡，可以鎖住蟹肉嘅肉汁，食落更加嫩口。依加咗蛋嘅咖喱，入口幼滑，咖喱嘅香濃，配上蛋嘅幼滑，係絕配焗到脆口嘅蒜蓉包，亦都係焦點之一，蒜蓉包本身已經好食，用嚟點一點咖喱汁，味道更加香濃火腿肉碎生菜包（$78）肉碎加咗大量嘅香茅同香料，未入口已經香氣怡人。Add Some Thai Restaurant 做嘅呢道菜，會配上一