A Tavola Bar & Grill (已結業)

有幾次跑步經過，見到好多外國人坐係出面飲啤酒，好奇之下入黎試試，原來所有店員都係講英文，唔怪得咁受外國人歡迎，已經疫情下生意都算不錯特色法基搭 grilled mix fajitas 食墨西哥菜，點少得法基搭，通常都係純牛肉或純雞肉，不過依到可以牛/雞一齊，滿足哂，牛肉嫩滑多汁，雞肉香口惹味，再配上傳統乳酪醬、牛油果辣醬、墨西哥蕃茄辣醬，全部包在薄餅皮上，一咬肉和其他配料的汁湧出黎，好正意大利火腿薄餅prosciutto e rucola其實我未試過pizza係食Parma Ham，餅底好似比普通pizza更薄更脆，簡單地將火腿同火箭菜係上面，簡單好食

前幾日唔知去邊度食好，行行吓嚟到將軍澳新開嘅商場食飯，發現呢間算係新開又好特別嘅西餐廳，於是決定入去呢間tavola bar & grill食。我哋呢餐晚飯叫咗幾樣野，比較推薦以下兩樣：Baby Back Ribs (Half) 我哋嗌左半份，只係$200，仍然好大份，兩個人或以上食先食得曬，豬肉唔會話好乾同埋好韌，好易切開甩肉，而且bbq醬又好入味，酸酸甜甜幾開胃，又有酸菜沙律同炸薯角，薯角仲炸得香脆，非常豐富又美味。另外，甜品方面Rocky Road Chocolate Cake $58 有雪糕同朱古力蛋糕，朱古力蛋糕囗感同味道比較似brownie，又有棉花糖同nuts，一啲唔單調乏味，唔錯唔錯！

First time here and I will definitely be back for the Calamari Fritti ($120) again😻 Absolutely amazing and it is actually one of my favourite dishes of all time 🥳 The crispy fried squid was tender and also came with two sauces- tartar and sweet chilli. P.s. I personally like to squeeze some lemon juice on top as well😝We also ordered a Margherita 10" ($110). The usual condiments were all there - tomato sauce🍅 cheese🧀 olive oil🤩. The pizza was super thin!!!!! Loved it🤤Tiramisu ($55 ) tasted great

本來諗住openrice 預約有折，就book左，今日落雨，所以遲左十幾分鐘，點知去到個reservation 已經比餐廳取消左，我地嗌左野食先知冇左個discount ，我地同職員了解之後，店舖職員話比可以比翻個discount 我地，但下不為例，態度惡劣，但後來埋單既時候又反口，唔肯比個discount 我地，只係肯送一個甜品。野食方面，份量極少，食唔飽，而且味道很一般，黑松露 risotto酸味很重， cp值非常低。

今日打算近近地去屋企樓下食個pizza，chill下，食物質素好有驚喜而且價錢亦都合理!白酒蒜香蜆肉意粉蒜味好香而且份量大碟，基本上每啖都會有蜆肉，蒜泥同埋辣椒都均勻咁滲入意粉同埋蜆入面，所以味道好夠。意粉方面亦都岩岩好有咬口又唔易斷，彈性十足!A Tavola House Special今次試下呢個House Special，其實真係咩料都有少少，夠哂香而且有得揀厚批定薄批，我地就揀厚批，食落都唔算好厚粉，都係脆身又有少少煙韌。配料方面有火腿、pepperoni、煙肉同埋蘑菇等，個人覺得仲好食過出面某D連鎖pizza餐廳! 加上呢度坐得舒服環境又好，下次一定會再嚟幫襯!

今晚又在將軍澳覓食，市中心臨海的餐廳愈來愈多，整個將軍澳美食藍圖開始現雛形，由地鐵站沿線發展到海旁，但令人滿意的餐廳，仍然較少。這家餐廳在海旁附近，這帶給我的感覺愈來愈像西灣河的蘇豪區。這家酒吧有室內和室外用餐區，由於疫情問題，大多人都喜歡坐室外吹吹風。餐廳環境幽暗，最適合平日跟朋友聚會，可惜，疫情嚴重，還是少聚餐為妙。我點了一份披薩。這裏的披薩可以選擇尺寸、厚度，價錢也不一樣。⭐️Super Hawaiian$135我點了10寸的披薩薄底，尺寸已經夠3-4人一起分享。烤出來的披薩薄脆可口，餅皮底烤得薄脆，拿起來有芝士牽絲效果。咀嚼起來有嚼感，上層鋪了煙肉、菠蘿、火腿和水牛芝士等基本材料，酸甜的菠蘿和鹹香的芝士和火腿，豐富披薩的味道。

這家餐廳有不少外籍人士光顧，店員也是外籍人士，感覺很有異國風情。⭐️煙三文魚沙律$125有mesclun生菜沙律配煙三文魚，還有配菜酸豆、菠菜、橄欖、車厘茄、洋蔥等，配搭紅綠相間，顏色很醒目。沙律入口爽脆配搭軟嫩鹹香的煙三文魚肉，實在開胃。⭐️BBQ醬燒豬仔骨$200只是點了半份的豬仔骨份量，但份量已經十分多！即炸薯角十分香脆，入口脆卜卜。豬仔骨煮得很軟，一切下去非常軟，入口淡淡醬肉味，不過肉身稍微乾。⭐️tiramisu$55tiramisu是隨意切出來，感覺很地道。不過咖啡味道不夠突出，忌廉也不夠滑，不算特別出色。

✨中女獨食難肥日誌 ✨A TavolaBar & Grill 中女食將軍澳又來到將軍澳南系列，今次是特色墨西哥菜，可以選擇住戶外或室內，這晚來到時天氣不錯，坐戶外通風又舒適。這樣的環境最適合大快朵頤同時摸摸酒杯底談天😌Sizzling garlic prawns $155Starter選了這個鐵板蝦，上菜新鮮熱辣蝦不用剝適合懶人🤭想不到這道菜的臘腸比蝦更出色，咸香可口，送酒一流！亦有大量洋蔥配菜Pepperoni 12'' $155食肉獸要了個大的pepperoni，選了薄餅底，貪其香脆可口，這個pizza做得十分出色襯熱吃大量拉絲芝士配辣肉腸，大大片好好味Vongole Bianco $130這個蒜香意粉看似簡單但其實要好吃絕不簡單，廚師用上好多香草，炒得有蒜香，蜆的份量也多，意粉Al dente，高水準之作Les Jamelles Rose gls $72 Stella 1pint $60竟然是happy hour，一人一杯cheers🍻Rocky road chocolate cake $58最後甜品要了石板街，brownie上面有棉花糖，加上一球雪糕，好滿足！📮地址: 將軍澳唐

天氣晴朗，相約朋友到將軍澳海濱長廊走走，呼吸一下新鮮空氣及吃午餐，沿途見這間餐廳的室內裝潢吸引，午餐價錢合理，於是入內光顧。我跟朋友點了Set Lunch Menu內的Rib Eye Steak及Margherita Pizza，Set Lunch包括餐湯及飲品。Clam Cowder Soup，湯夠熱質地夠滑，配埋脆卜卜嘅蒜蓉包，非常滋味。Rib Eye Steak，Steak煎得幾靚，味道不錯，薯條份量十足，食得好滿足。Margherita Pizza 用左Parmigiano Reggiano Cheese，味道濃郁，番茄醬及橄欖油香氣四溢，令人垂涎，若pizza上的芝士分佈更為平均，皮邊再脆身啲，相信味道將會更加好。食完主菜，同朋友一邊望着街外景色，一邊慢慢感受陽光，嘆返杯飲品，為這午餐畫上完美嘅句號。

一間戶外式，可以一個人靜靜地坐係飲杯酒，諗下野既酒吧餐廳~但今次我係係去食晚餐，因為呢間餐廳有我地最鍾意既安格斯牛肉漢堡，真係我既至愛😋😋！個漢堡包比我想像中仲要大，件牛肉好厚身，而且好juicy，一個人食既話，肯定會駛再食其他野，而且佢仲配埋薯條俾你添！pizza就真係一流，正！❤佢地仲有10”同12“比你選擇，咁第一次食用燒烤醬汁底做既pizza，估唔到咁夾，同埋全部配料都係肉，真係無得頂！😆😆本來都有少少飽，但有想食d小食，結果叫左客水牛雞翼，隻雞翼都好大隻，仲仲有d酸，如果鍾意食酸就岩哂！👍👍👍其實仲想試下其他野，但呢間d食物真係比較大份，所以想食多d野，建議多d人去食囉~

同朋友喺將軍澳行完popcorn之後，見到呢一間餐廳都好多人而且好有氣氛，所以就同朋友入咗去呢一間餐廳食啦！餐牌上嘅選擇都幾多，而且枱與枱之間嘅距離都唔會太密，好有私隱度可以同朋友傾偈！同朋友嗌左呢一個海鮮意粉，意粉上面有蜆、青口、蝦等等嘅海鮮，而且啲海鮮都幾新鮮又好大隻！個人覺得個味道都幾好，唔會話好鹹！意粉亦都煮得啱啱好，唔會好硬身 而呢一款小食比較脆身，而且佢亦都有三款食法，個人覺得佢份量都好多，而且亦都唔會食完之後好頸渴。而呢一款甜品貌相可能一般，但係食落去又真係幾好食！佢啲雪糕溶咗落去下面之後，食落去食個味道好match!

無飯夫妻今晚去到澳南吃晚餐，知道海邊開左幾間新餐廳所以想試一試這間西餐有室外座位，環境舒適Cajun spiced fried - 薯條有粗有幼，份量十分多薯條非常有薯仔味，配上忌廉芝士，煙肉和青椒， 十分有墨西哥風味，令我們吃不停口特色卡邦尼意粉 - 賣相已經感覺到忌廉的濃郁每一條意粉都能夠沾上濃郁香滑的忌廉汁，再加上煙肉作配料，是十分經典高質的卡邦尼意粉Baby Back Rib - 我們點了半份，但是份量也不少，可以分到6 條豬肋骨都有很多肉，而且肉質軟腍，輕易地用刀叉來吃。另外值得一讚是脆薯角，十分香脆可口，薯味十足這間餐廳食物質素很高，而且環境舒適，值得一試

將軍澳南近年興建了不少新樓盤，離大眾運輸交通有點遠，但地方空曠舒適，亦不乏一些有格調的餐廳酒吧🥰今天來到新盤Monterey地下的一間西式Bar & Grill，店的名字【A Tavolar 】是意大利文🇮🇹意思是”Come eat! Your meal is ready.”的意思💕當晚全部侍應都是外藉人士，餐廳提供多款酒精飲品，還設有露天座位，很有國外餐廳的感覺😆✨Buffalo Chicken $98一客六隻，雞翼本身不辣，反而有點酸，很開胃，亦附有辣醬，兩種不同口味😇✨Tequila Chicken Burger🍔 $130雞肉以鮮青檸、Mexican tequila和香料醃製，加入脆皮煙肉芝士、蛋黃醬和鱷梨醬，口感甚有層次😋✨Marinara Risotto $135意大利飯香辣美味，海鮮配料豐富，超吸晴的越南大蝦彈牙爽口😎

Home office 進入第二個星期，我決定每一個星期都要同小朋友出去食返兩次飯，尤其是係有陽光嘅情況之下，盡量都出去殺下菌，屋企樓下開咗幾間餐廳，都有戶外位置， lunch去食可以吸收下新鮮空氣同埋維他命D。Lunch set真係好抵食，平平哋幾十蚊已經有個意粉，就算我rib eyes都係$98，每個餐除左有coffee or tea，亦都有湯或沙律，小朋友最鍾意飲忌廉湯，好好味。小朋友好鐘意食呢度的carbonara 好creamy，醬汁香濃，意粉軟硬度適中，加埋煙肉更加香濃，佢一個人可以KO一碟架。肉眼扒雖然$98但係一啲都唔細塊，而且五成熟真係剛剛好，雖然冇平時夜晚食嘅咁厚身，但幾十蚊有呢個質素真係好難得，好重牛味而且唔會好似偶橡筋一樣，燒得好香好好味。牛扒仲要配埋新鮮炸起又肥又大條嘅薯條，小朋友搶住我啲薯條食，真係大條到好似佢塊面一樣size..hahaaa

約咗舊同學聚餐, 大家都住將軍澳區， 陽光普照之下 大家都建議去將軍澳南嗰邊近海嘅餐廳舒展一下～😁餐廳半開放式， 顧客 以外國人居多， 很有度假feel。午餐好抵食， 100蚊以內已有餐湯或沙律，主菜和飲品👍是日 餐湯應該係南瓜湯， 不知為何是什菜湯， 偏酸～四位女士分別要咗扒餐，卡邦尼意粉， pizza 和 魚柳 ，互相share， 非常豐富！ 四款也做得美味可口， 份量足。 尤其推介烤雞pizza （薄）， 熱辣辣烤得好香，濃濃嘅芝士 西式海鮮醬带有微微辣， 非常惹味！！ 烤安格斯牛扒更加係超大份， 剛好約六至七成熟 ，仲有肉汁～飲下茶食下傾下偈就消磨了一個 陽光普照悠閒的 下午～