A Tavola Bar & Grill (已結業)

今日下午陽光普照🌞 天氣宜人 我和家人 散步去了 將軍澳唐俊街23號 澳南海岸 Monterey Place 地下G08號舖的Tavola Bar & Grill吃午餐。 這舖座落在一條風景美麗的海濱長廊， 對著大海， 景色怡人🌴🌻🌸🌿🌎舖位門外有幾把太陽傘☀️☂️的開放座位， 可以讓客人邊吃邊享受和煦的陽光😌，欣賞美麗的風景🤓😎🌎🌳🌴🌺🌻🌾🌿呼吸新鮮空🤩氣🌈入到裡面的環境清潔，座位寬敞舒適，有開放水吧🍷🍸🥂🍻🍾🍹🍸☕，也有大電視🖥️可以給你與友同歡😍😃👨‍❤️‍💋‍👨👨‍👩‍👦‍👦看球賽享受晚餐⚽🍽️🥣🥗🍝🥳招待有禮貌週到，我們點了兩個餐，第－個是香烤鯛魚🐟扒配薯蓉🧆魚肉嫩滑鮮甜，烤得外脆內軟，很有魚味😋，薯蓉牛油調味甘香，青椒红蘿蔔🥕用材新鮮👍另外一個餐係 漢堡包 安格斯牛肉配芝士，洋葱🧅，煙肉🥓，生菜🥬， 辣椒🌶️ 和泡菜，還有薯條🍟。漢堡包牛肉份量十足，牛肉🐂肉質香濃，其它用料是很新鮮， 最要稱讚嘅係薯條外脆內軟，非常好味👍， 還有配上沙律菜🥗🥙，用材新鮮😃

想約朋友夜晚食下飯傾下計，平日行行下屋企附近海邊最近開咗幾間餐廳，見尼道空間流通，之前行過又有live band,仲有live 足球睇，weekend都有吾少人尼飲杯嘢chill下，環境吾錯就試吓啦😊坐落幾舒服，有天然海風吹入嚟，燈光暗暗哋放咗工比隻眼休息下，如果有狗狗仲可以帶埋尼坐出面❤ 因為想食海鮮， 我哋叫咗兩杯白酒， 一杯$58 都好合理，點綴下個晚餐同感覺有多啲情調😂starter 叫左calamari, 比我想像中好食， D魷魚外脆內軟，完全吾會癡牙，份量多又吾油膩，有兩個sauce- thai sweet n sour sauce 同mayonnaise, 兩個都唔錯。Main 叫咗個grilled snapper 同一個蒜炒海鮮意粉， 兩個都幾好味😋條魚煮得啱啱好，好林而且又唔會太乾，佢本身有個lemongrass sauce 可以自己選擇落唔落，本身都有味唔會太咸，落咗都幾夾。至於個spaghetti, 除咗D海鮮好新鮮特別係D蝦，個意粉嘅軟硬度係我鍾意嘅唔會太林，而且個汁好入味雖然有少少油食到最後，但係整體都好滿意。食到尼到其實都有D飽但係又好想叫個dessert，

將軍澳海邊啲新樓樓下開左好多餐廳，大多數都係行中上路線。依間餐廳主打係墨西哥菜，裝修都比較chill，晏就去室外啲座位曬下太陽食個brunch氣氛幾好。講到明食brunch就緊係食啲邪惡啲既野😳 又點少得burger同pizza!!個beef burger都有返咁上下重量㗎，細食少少既女仔食半個burger餐可能已經飽左🤭 牛肉扒我地叫左medium，但煎出黎有少少老，但好在醬汁方面幾夠juicy。好impressive既係佢用既芝士香味好濃，食落唔會有膠膠地既口感，而且喺包皮到烤溶佢既方式令包都外脆內軟。食過咁多間burger無咩見過芝士會以依種方式夾入去。本身食開pizxahxt, 覺得薄皮pizza唔夠飽肚，但厚皮又太濟。依間既bbq chicken pizza我比滿分！叫左thin small size。配料主要叫雞肉，蘑菇，三色椒組成，醬汁酸酸辣辣幾惹味，而且皮既厚度剛剛好🥴有時候想食個有啲質素既lunch，追求下生活品味既話依度係幾好既選擇😚

黎將軍澳搵食，今日揀左黎將軍澳地鐵站距離6分鐘嘅Monetary Place，呢度係寵物公園附近，所以好多人拖住狗狗散步。呢區係新開發，呢度居然有呢間好有feel嘅酒吧餐廳。呢度食物份量都偏大份架。Daily Soup ($65)今日係番茄湯，無冇番茄蓉，好順滑，但係味道一流，酸酸甜甜。配一塊脆脆多士。Grilled Mix Fajitas ($150)有墨西哥特色嘅食物。有四大塊tortilla，三個dips，有雞胸又有牛肉，下面有洋蔥同青椒，真係兩個人share都夠曬飽。將材料放入tortilla度捲起，加啲salsa、sour cream或者guacamole都夠曬正！Tiramisu ($55)呢個都真係幾大件，兩個人食就啱啱好。味道比較creamy，酒味唔算濃，賣相唔錯。呢度地點比較遠，不過渣車都幾方便架。侍應都係講英文嘅，感覺好似去左外國一樣。

今日同朋友嚟咗將軍澳行街，去完海旁散步到夜晚要搵吓嘢食醫肚，見到依間餐廳環境幾有格調，於是入咗嚟。餐廳裝修好有歐陸風味，好多外國客都嚟幫襯，見到嘢食種類都好多，於是我同朋友叫咗兩樣嘢食：第一樣係Grilled mix fajitas以為只係得一碟，點知原來有兩碟，一碟係用鐵板熱住既牛肉、雞漢堡肉，上邊加咗啲黑椒醬汁，牛肉同漢堡肉肉質鮮嫩，而且第二碟係薄餅，可以點着三種醬嚟食，分別係茄汁醬、牛油果，而且仲可以將薄餅夾豬熱辣辣嘅牛肉同雞肉食，口感唔錯我朋友就叫咗porcini risotto rice呢個飯都正常發揮，好多汁，而且飯煮到啱啱好，仲有好多嘢菌配住離食總括來講，依間餐廳環境唔錯，適合各位行完街過嚟食

今晚同男朋友嚮將軍澳海濱長廊散步 附近澳藍海岸開咗間酒吧餐廳 . 一於嚟試下 呢間裝修得好蘇豪. 職員招呼我哋坐低後.攞咗個餐牌好細心介紹. 最後我點咗個 "Grilled mix fajitas "必食推介呢個 正到不得了.熱辣辣嘅鐵板上. 將煎封雞肉同牛肉漢堡分別切 下層放了洋蔥青椒配菜. 即場在客人面前 淋上上黑椒醬. 分外惹味香 . 這個鐵板 另附一碟分別備有三款蘸料(秘製洋蔥茄汁醬/ 牛油果蓉/ 沙律醬)及燒薄餅.一客兩碟上.好豐富啊. 鐵板上的漢堡肉夾著燒塗上蘸料的薄餅一齊食.嘩 Juicy juicy 味蕾大滿足口感勁豐富啊！好既要講三次 .好！好.好！勁好食呀。"Hawaiian Pizza "都唔錯幾好食. 火腿菠蘿餡料 。D芝士好拉絲. 個Pizza 既批底仲可以自選厚薄添。呢度職員都係英語為主 .但餐牌都有中文介紹既。喺度食嘢好有歐陸情調.環境又舒適.彷似置身異國風情 識食識嘆 好寫啊！

今日食咗兩個午餐，分別係肉眼牛扒及青醬意粉。有一個沙律，周打蜆湯。周打蜆湯做得唔錯，湯做得幼滑，仲有三至四隻蜆喺裏面，旁邊嘅蒜蓉麵包獨特非常香脆，配搭一流煙三文魚沙律菜好新鮮，特別鍾意佢好少汁醬，減肥一流牛扒比我想像中大塊及厚身，今日5成熟，切開唔嚡口，入口仲好有口感，如果調味再多少少鹽就一流薯條仲粗過我兩隻手指，炸得香脆，裏面啲薯肉仲好啦，好好味青醬意粉good, 做得唔錯，上面加埋巴馬臣芝士，非常夾

來到我們第六個情人節，今年一來唔想正日條街好多人先黎慶祝，二來正日慶祝食飯都特別貴，所以我地選擇提早左兩日食個Pre#情人節晚餐。我地特別地揀左間比較少人嘅意大利餐廳食飯。首先要講下呢間餐廳係將軍澳最新嘅澳南海岸MONTEREY PLACE地下，如果日間係可以望住藍天白雲同埋海景食飯飲野嘅～淨係呢一點已經值80分！（我一定會再搵個星期六日再去chill下）前菜：Bruschetta Al Pomodoro 意式蕃茄烤包烤多士是意大利菜中我都算好鐘意食嘅前菜的其中之一。烤多士上面配上，蕃茄、小蒜頭粒、蘿勒香草、橄欖油、芝士。前菜：Calamari Fritti 炸魷魚圈佢唔係我哋平時食開個種酥炸魷魚圈，我比較讚賞佢嘅係佢有兩種source，一種係沙律醬，另一種係泰式辣醬，所以幾特別！Grill: Angus Ribeye Steak 安格斯肉眼扒好多人都覺得煎牛扒係好簡單，但其實要煎到外皮小小焦脆，而肉質又要Juicy，真係有啲難度。而呢一塊牛扒我覺得都夠整得唔錯，外面都香脆金黃，入面又有肉汁，不過安格斯肉眼算係比較多脂肪，所以食落會多油啲。Pasta: Beef Lasagna 意式千

今日係情人節，黎到我同女朋友嘅第6個情人節，講真今年唔敢洗好多錢同去好遠食飯，所以係將軍澳附近搵左間新開嘅餐廳又Chill啲嘅，將軍澳南呢個係新開發嘅地段附近都係啲靚小小嘅餐廳，景又好。入到餐廳我地揀左坐室外，又有小小景，又有小小微風，好快我地就揀咗食咩野。我地揀左2個mains，2個starters，2杯野飲。前菜: Bruschetta Al Pomodoro 意式番茄烤包 $70烤包十分出色，有好多唔同嘅配菜，而且加上橄欖油、芝士等等，超級好食😋前菜：Calamari Fritti 炸魷魚圈炸魷魚圈相對上比較遜色，但係好香口好開胃，而且加上個沙律醬好好食。Main: Angus Ribeye Steak 安格斯肉眼扒 $310，牛扒好好食，而且我哋叫咗五成熟，大廚煮得相當唔錯，但係肉眼扒比較上多脂肪食落去個油膩感並唔係每一個人可以接受到。Main: Beef Lasagna $135闊條麵好有驚喜，因為平時嗰啲千層闊條麵我都好怕佢會好煩好一嚿嚿，但呢一個千層闊條麵就好有層次感，口感好豐富。飲品: Stella + Banana SmoothiesStella就係普通draft b

今日同朋友行將軍澳海皮 依家愈開愈多餐館喇 間唔中去下個頭食野真係唔錯嫁 之前我係東涌食過atavola 覺得氣氛同野食都唔錯 估唔到佢係依邊都開左間 所以又再去食多佢一次喇😋前菜我地分別簡左soup of the day 同埋saladsoup of the day(mushroom)平時食其他餐廳啲湯多數都係冇拉花嫁 但依個有而且個賣相都好吸引 個湯好濃郁 好香菇味 而且口感方面有啲打爛左嘅菇係個湯入面 多士係烘過嘅 而且好脆 用黎點湯簡直一流caesar salad個salad 都好大份下 而且份量好足料 有芝士嘅咸香味 麵包粒 煙肉每啖都好有口感 而且啲菜都好新鮮penne pesto份量岩岩好 香草醬汁掛哂係啲長通粉到 羅勒味香濃 食個陣仲聞到陣陣嘅香草醬香味 簡單得黎味道方面都唔錯BBQ chicken pizza(10’’)個pizza好大個 餅底好鬆脆 婫美得上出面啲pizza嘅專門店呀 上面舖滿啲芝士 一拎上黎食個陣仲有拉絲嘅效果 BBQ味好出 甜甜地幾好食 好食到停唔到 個staff仲拎埋啲tabasco同乾辣椒粉比我地 我發現佢依個pizza加左tabasco

諗住同屋企人食餐好好哋嘅團年飯, 因為係臨時決定嘅, 將軍澳都好難搵位. 又好好彩畀我搵到呢間有得即時online訂位仲有九折, 我見佢將軍澳呢間應該係新開嘅暫時未有任何食評參考, 跟住check返佢東涌有一間 口碑好似幾好 ,那就膽粗粗嚟試下啦. 好彩整體嚟講都唔錯!食物,環境及服務都好好. 將軍澳南而家真係整得好靚, 成個環境都好舒服! 我們四個人叫咗一個沙律兩個主菜, 一個意粉兩個甜品. 份量啱啱好。整體嚟講我覺得沙律同埋意粉, 性價比較低! 海鮮意粉冇乜海鮮但係味道就唔錯, 沙律啲用料又太少。如果百幾蚊個沙律就比較削啦. 另外杯ginger ale就真係成杯都係水, 溝水多過有汽水味! 牛扒14安士, 夠曬我哋四個人share食. 都幾好味又林, medium rare剛剛好。另外roasted chicken都幾好味我哋嗌咗半份夠晒分。甜品tiramisu同埋apple crumble就普普通通啦, 不過價錢就ok. 埋單加一, 10% off total$915, 我覺得性價比都好高. 餐廳所有侍應都係要講英文嘅, 好似將軍澳係比較少, 佢哋態度好好, 餐牌都有中文嘅.