A.T.A.S

营业中

休息中

➡️食盡銅鑼灣之新加坡菜 — A.T.A.S—————————————————唔知大家有冇睇過衛詩雅既衛食攻略😳， 最近見佢介紹呢一間位於銅鑼灣嘅新加坡特色餐廳， 覺得唔錯，於是收工就嚟食個晚餐啦！🔸咖椰爆漿 $68呢個咁邪惡嘅小食，見到係唔少顧客嘅打卡食物之一，佢由咖椰，牛油，花生醬， 巧克力榛子醬同埋煉奶，再加上大量嘅美祿粉而成😏好味得黎真係好邪惡呀！🔸板麵／麵粉粿湯 $78我選擇左麵粉粿因為未食過，佢係一片片有d似韓國芝士年糕同埋刀削麵嘅混合版， 軟硬適中幾彈牙， 配埋好多配菜例如豬肉丸，炸乾江仔，炸蒜，雞蛋等等，幾足料嫁🤗🔸 炸魚片米粉 $98佢嘅米粉係粗嘅米粉，其實食落有啲似米線， 炸魚片嘅份量都幾多下， 爭啲食唔曬，唔錯！😉🔸 班蘭奶茶 $28鍾意班蘭味嘅朋友就唔好錯過呢個嘢飲啦！ 佢嘅班蘭味同奶茶味比例各佔一半， 唔會話邊個搶咗邊個隻味，balance得幾好😛🔸 酸梅青檸水 $28酸梅都真係幾酸幾開胃下，食多士食到滯咗飲返啖就啱曬🥰💭Overall comment:呢間餐廳嘅圓枱似乎係唔少年輕人嘅打卡位，眼見星期一都幾多後生仔女專登上嚟食嫁🤫🍽食物: 7/10🌌環境: 7.

呢間前身為【咖啡弄】嘅【A.T.A.S】主打新加坡特色美食，除咗一般香港人成日食嘅喇沙之外仲有好多特色新加坡菜例如：辣椒板麵/ 麵粉粿／Rojak （囉喏）／肉脞等等非常新奇名字～店舖係以自助形式落單✍🏻，下單後會收到一部機仔，當食物準備好機仔就會震動叫你去拎餐，而餐具及調味料都係自助。出餐算幾快，我已經係二訪，食物品質都仲keep到。而個人非常推薦乾嘅拌麵(Ban Mian)$68；材料有豬肉碎、滷水冬菇片、炸魚仔、蔥蒜等，撈埋一齊好好食同行朋友點咗碗炸魚片米粉(Fish Bee Hoon Soup) $98入面有白菜、蕃茄，炸魚，以魚湯做湯底，味道鮮甜天然，特別鍾意佢夠熱!食嘅時候出晒煙，而且炸魚亦多而大舊。而最打卡嘅咖央花生朱古力多士$68 我都點咗一份，好特別嘅係食完熱食我先食佢無淋之餘，仲烘得好乾身，好好味～加咗啲糖份為生活忙碌之中打打氣，呢份甜點滿足咗我一陣子。飲品方面好推介大家試佢哋嘅斑斕奶茶$32 ，呢杯飲品茶底好色，而且唔會過甜同太重奶味而另一杯就叫咗Plume limau $32， 呢杯飲品朋友話酸酸地，有梅同青檸味，係夏天飲非常解渴。📍銅鑼灣邊寧頓街9-11號登龍

美祿爆漿咖央吐司 @$68正正見到有呢個吐司先泥到訪(´∀｀)~ 平時食開係班蘭醬, 美祿都係第一次試兩層美祿加上厚厚既牛油絕對係味味覺既衝擊(*´Д｀*)—好juicy呀!!! d醬係個口內融埋一齊, 幾有口感又圞同會太甜麵粉粿乾 @$68 比想像中好食( ´ ▽ ` ), 一d都唔乾, 低部都d醬料可以撈泥食, 味道岩岩好唔會太鹹, 撈埋灑d餸岩岩好玫瑰露 @$28 好東南亞風既飲品, 不過偏甜, 除左玫瑰之外有少椰香奶味~ 一來到店不知道餐廳屬自助服務形式經營, 排了隊一陣就發現直接塭位就可以~

呢個Toast真係邪惡到癲😈每一份有六小舊，每一小舊已經夾左兩塊鮮牛油，再加咖椰醬，花生醬，Nutella，煉奶同美祿粉，真係連卡路里都Overload❗️ 其實呢個組合，味道上真係實冇死，各種醬之間互相配合，整體味道真係好香濃。 不過值得一提嘅係，個多士唔係脆身，亦唔係麵包咁軟熟，個人覺得口感比較似實淨d嘅蛋糕～Laksa個湯底都唔錯，椰味幾重，香料味亦出，辣度都唔算低，可惜冇得揀摻摻！ 仲試左個健康嘅炸魚片米粉，魚湯本身唔錯，個炸魚係好似fish and chip個隻，並唔係一片片嘅魚片頭，都算有誠意。飲品叫左斑蘭奶茶同酸梅青檸水，都係比較少見嘅款式。

香港人生活節奏急促，分秒必爭，有時趕時間想食個「快飯」但又唔想食得咁頹，呢間餐廳都係一個好選擇，主打傳統新加坡菜，加少少新派元素▶️炸魚片米粉 - 湯底係魚湯，味道算濃郁，用上粗米粉，有少少類似米線，但會比較爽口彈牙。而餸料份量都足夠，其中炸魚片都炸得幾香脆可口▶️肉脞面 - 新加坡地道美食，可選粗麵/幼麵/老鼠粉。肉脞即係肉碎意思，其他餸料有豬肝、魚蛋、滷冬菇、豬油渣同炸雲吞▶️咖椰爆漿 - 咖椰、牛油、花生醬、巧克力榛子醬及煉奶，再撒上美祿粉。認真邪惡之選，所以甜嘅嘢都夾晒落去，自問食得甜嘅還可接受，另外多士都炸到脆卜卜，唔錯！▶️茶祿 & 咖啡祿 - 即係奶茶同咖啡加入美祿沖調，鍾意飲美祿嘅可以一試，美祿有少少蓋過奶茶同咖啡嘅濃味

我平時都好少比評價 今次真係唔俾唔得完全中哂伏 睇咗衛詩雅網上介紹吸引左去食入到餐廳，見到啲凳真係唔會想坐啲櫈全部都有跡。食左介紹嘅咖椰爆漿。衛詩雅話好好食。完全失望，又乾又硬又唔熱仲要好甜呢杯美祿爆炸，成$58。一啲都唔值等同普通美祿一樣呢個辣椒板麵 淨係食到魚乾味，我仲覺得有啲腥味 個叻沙料係足 不過不失 仲有重點 而家疫情餐廳環境衛生惡劣啲餐具真係好污糟 枱面又污糟真係嗱嗱臨食完就走一定唔會返轉頭嘅一間餐廳從來都未試過伏到要上嚟OpenRice打食評同埋價錢都唔值

Self service Singaporean restaurant located at CausewayBay🥘 I went to there around 8 pm and I had to queue up for a while!! There is a self service checkout machine. After you ordered it, you had to find seats by yourself. 🥘Laksa $98🌶🌶This was very spicy!!!! If you wanted to order this, please make sure you can handle 2 spicy at TamJai😂 my friend told me that lots of ingredients inside such as shrimp, fish ball, eggs, bean curds and the soup was full of coconut taste!!! We chose Thick Bee Hoon🍜F

We went on Saturday at around 12:15. There was no queue, but there was a queue starting from around 12:45, so come before that if you want to avoid the queue. The restaurant was pretty easy to find and it is on the second floor. The restaurant is pretty big. It is self-serviced with friendly staff. You can either order through the machine or in person at the counter. You take your food from the counter when the device rings.We ordered the Dry Banmian Lunch Set $68 and added $12 for Kopi. The noo

餐廳入口都幾特別，有幅大大既壁畫然後再行樓梯上去。上到去有小小似food court咁，自己揾位，再去落單，亦都有自助區拎餐具同自己斟水。🦀辣椒蟹肉醬配炸饅頭呢個好有驚喜，必嗌呀。饅頭炸到金黃色，本身已經好香口。辣椒蟹肉醬好濃稠惹味，好夠蟹肉，而且唔會太辣。基本上每食一啖饅頭，我都再用匙羹擺啲醬落個饅頭到食😋辣椒麵粉粿 ($88)去到見到每枱都有嗌😳 原來都真係幾好食，而且有超多配料，令到成碗粉粿好豐富。先講粉粿有啲似薄身既年糕，而配料有豬肉丸，炸江魚仔，滷冬菇，蛋，菜心，蔥同参巴醬辣椒。炸江魚仔好香口，同粉粿勁match，而且粒溏心蛋撈埋啲辣椒醬，整體都幾好味。叻沙 ($98)湯底唔算辣，反而椰香味幾出，米線都好滑。配料有齊豆卜，蝦仁，魚蛋，魚片同半隻蛋，湯底夠濃既關係，啲配料全部都好入味。班蘭奶茶 ($28) | 玫瑰露仙草 ($38)欣賞既係2杯都唔算好甜，班斕奶茶嘅班斕味微微滲出，都唔錯。不過玫瑰仙草更加出色，玫瑰味好香，而且仙草好滑，杯飲品粉紅色又好少女心🌹

之前一直都見到好多人一直話食都未食，趁星期一放工，一於試一試佢。次次都多人，今次都吾例外。叻沙一碗正宗既叻沙永遠都咁正。個料又多，足料，豆卜，魚蛋，鮮蝦。今日係配粗米粉，個湯底真係好濃好香，好似之前去東南亞去旅行食到既味道。Mee pok 肉脞麵裡面係粗麵，配有肉碎，冬菇，魚蛋，炸雲吞可以揀辣同吾辣既。今日揀左辣，超惹味。個麵份量亦好多，肉料十分足料。咖椰爆漿平日咖椰多士食得多，但今次可以話係更加豐富，除左咖椰，仲有牛油，花生醬，朱古力醬，可以話咬一口真係會爆醬，超多醬。美祿恐龍- 美祿仲有朱古力波波。超邪惡仲好飲玫瑰恐龍-玫瑰味其實幾濃，亦好香。

為左個咖椰爆漿而黎！餐廳原來採用自助服務～好似food court咁肉脞麵可以選粗麵／幼麵／老鼠粉，我選了粗麵～成碗野好多餸，有肉脞、豬肝、魚蛋、滷冬菇、豬油渣、生菜同炸雲吞～另外仲有碗湯，偏淡 岩哂配濃味既麵，可以就咁飲／撈麵食炸魚片米粉 個湯係用左魚湯做湯底 味道幾鮮！仲有幾多炸魚片、白菜、蕃茄，清清地又好食！Kaya overload真係好邪惡！ 食到有煉奶、榛子醬、花生醬、美祿粉，同厚厚既牛油！好豐富既味道～切開都有成６舊 好夠食！黑白其實係仙草豆漿，味道ＯＫ！斑蘭薏米水消暑解渴，薏米水入面飲到淡淡既斑蘭味～

叻沙(米粉):配料有蝦+魚蛋魚片+豆卜+蛋湯底味道濃郁得黎帶少少辣, 食落有陣陣椰奶香味😍而米粉吸滿湯汁食落幾惹味~D蝦係已剝殼，方便進食，魚蛋都幾彈牙👍🏻咖哩雞胸麵：配料有油麵+低溫慢煮雞胸+豆卜+馬鈴薯+菜心湯底偏辣夠濃厚,雞胸係用低溫慢煮,食落完全唔鞋仲幾滑身~份量好多，兩個人share都得👍🏻咖椰爆漿：好豐富既一道甜品😻有咖椰+牛油+花生醬+朱古力榛子醬及煉奶+美祿粉鋪面！足足有三層高,超級邪惡,味道鹹鹹甜甜幾特別~中意食甜既朋友唔可以錯過啦，岩曬同朋友share食~班蘭奶茶飲落有清新既班蘭香氣，味道特別得黎又唔會有違和感，而且唔會太甜~-咖啡祿咖啡味幾香濃,甜度適中,飲落有微微既美祿香味~

銅鑼灣嘅餐廳多不勝數，當中呢間新加坡餐廳，食完會再想有下次。Menu嘅食物較有特式，全係都係新加坡嘅地道菜式。好多款麵類都唔係四圍食得到環境幾舒適，搵個位坐低就去揀野食，落單後係自助形式，幾方便✨白蘭地炸魚片米粉奶白色嘅湯底好鮮甜，配上外皮脆卜卜嘅炸魚片，將紫菜溶入湯底之中，仲有鮮茄同白菜，係健康之選。✨板麵板麵好有份量，麵質煙煙靭靭好有口感，滷冬菇大大片．仲有炸乾魚仔脆卜卜，口感好豐富✨曪雜第一次試呢款小食，甜．酸．脆．爽，集於一身炸得乾身嘅豆卜同油炸鬼，脆卜卜加上青瓜．青蘋果．菠蘿，酸酸甜甜 值得一試✨玫瑰露恐龍粉紅色帶有玫瑰味道，面層灑上厚厚嘅美祿粉，唔會太甜✨班蘭薏米水食完惹味嘅板麵，飲杯班蘭薏米水中和一下，味道好清香

🍀環境：係大廈既二樓，上一條好靚既樓梯就到啦～餐廳原來係自助形式，自己落單自己取餐，試完之後仲要自己執檯🫣好處係唔洗收加一～～～💰價錢：人均一百頭，每款主食大概90，飲品30左右，可以接受～～～👅味道：🌟 白蘭地炸魚片米粉有好多舊炸魚肉，魚肉好脆好嫩滑，或者可以浸落湯入面，吸滿湯汁又係另一種感覺☺️湯底好有魚鮮，感覺唔多味精🌟 肉脞面有肉碎、燜冬菇、炸餛吞、豬潤同魚蛋，非常足料！特別一提個魚蛋，超級彈牙又有魚鮮，好好食！今次揀左狗仔粉，半撈半湯好夾👍🌟 咖椰爆漿完全係邪惡既代表，一層朱古力粉一層牛油一層朱古力醬一層煉奶🥹甜度高食落好幸福🌟 斑蘭奶茶比較清淡，冇放糖，唔錯🌟 咖啡祿～～～

#咖椰爆漿 👅9/10 $68🤩超級邪惡嘅配搭，💕佢簡直就係將平日鍾意食嘅嘢全部放埋一齊！🫶🏻三層多士入面有朱古力醬牛油煉奶咖央仲有美祿粉，多士又烘得好脆🥹只可以話呢個組合絕對冇唔好食嘅可能!🤞🏻😂不過其實就算兩個人share都有少少漏🫢大家可以多啲人一齊食。.#薄餅炸彈 👅8/10 $38🤣又係另一個中風選擇💕呢個係兩塊酥皮薄餅入面夾住超級多嘅煉奶同埋咖央。🙆🏻‍♀️係好食嘅不過都係建議一人一舊就夠啦🫢因為真係好甜~.#板麵粿乾 👅9/10 $68✨呢碗麵入邊有超級多料！有豬肉、炸魚仔、冬菇粒、炸蒜頭…😋分量足夠，食落去鹹鹹甜甜咁，推薦！💕.🤩喺銅鑼灣呢間餐廳嘅定價真心唔算好高，✨所有嘢食都冇伏仲要都好食🤞🏻，我哋另外仲叫咗兩杯嘢飲就係正常發揮啦。🫶🏻💕相當推薦大家可以一試！😂