A.T.A.S

营业中

休息中

一入去，環境舒適又有特色，打卡一流📸！先講講「辣椒蟹配饅頭」，呢個饅頭有蒸同炸兩款可以撿。我揀咗炸嘅，炸得金黃香脆嘅饅頭，蘸埋濃郁香辣嘅辣椒蟹醬，蟹味濃郁，辣中帶甜，每啖都超惹味，正到痹👍！「奶油麥片老虎蝦」都好正，老虎蝦大大隻，肉質爽口彈牙🦐，外層裹住香脆嘅牛油麥片，咬落去「卡滋」聲不斷，香濃嘅奶油味襯托住鮮甜嘅蝦肉，真係食到停唔到口！「雲吞配喇沙忌廉醬」都好有驚喜，雲吞入面有蟹肉同蝦肉，鮮味十足。喇沙忌廉醬濃郁厚身，融合咗喇沙嘅香料味同忌廉嘅奶香，一啖雲吞一啖醬，層次豐富到冇朋友😋！食完鹹嘢，梗係要嚟返個甜品啦！「咖椰爆醬」真係yyds！三層烤得剛剛好嘅麵包，塗滿咗香濃嘅咖椰醬、牛油、花生醬同巧克力醬，再鋪上一層厚厚的美祿粉🍫，每一口都充滿住甜蜜同幸福嘅味道，食完好滿！飲品方面，「美祿馬丁尼」同「玫瑰露恐龍」都好有特色。美祿馬丁尼將美祿嘅香甜同酒嘅香醇完美融合，好有新意；玫瑰露恐龍色彩靚麗，味道清甜，打卡一流！

店舖位置近地鐵站，裝修簡約溫馨，店員友善好笑容，最驚喜係新加坡菜原來可以咁有特色。✦ 奶油麥片老虎蝦 好「表裡不一」嘅菜式，入口充滿奶油香，甜甜哋、好好食。外脆內嫩嘅蝦，好重海洋味，同麥片嘅甜形成對比，又出奇地夾。✦ Wanton in Laksa Cream Sauce上枱已經聞到好香喇沙味，醬汁係自家秘製，將喇沙湯加cream煮成杰身，好creamy好濃郁。雲吞大大粒，包住海量蝦蟹肉，啖啖鮮美。 ✦ 参岂蟹肉炒飯炒得夠香、夠乾身，啖啖都有蟹味，少辣、好惹味。好有心機嘅餐廳，價錢合理，值得一試。

銅鑼灣有一家在樓上，主打新加坡地道美食的餐廳，氛圍樸實溫馨，廚師與店員全是地道新加坡人，口音帶點親切的南洋風情，地道味道彷如置身獅城。🏅肉骨茶（$98）新加坡版本肉骨茶更偏胡椒味。熱氣騰騰的湯底充滿胡椒和蒜香，湯色清澈卻濃郁，每一口都帶著溫潤的辛辣感。配上一碗白飯及油炸鬼，簡直將新加坡街頭的風味搬到了香港。🏅新加坡排骨蝦麵（$98）湯底以蝦殼熬製，鮮甜濃郁，配上香滑的米粉和油麵，排骨和蝦份量十足。湯頭的香味濃烈卻不過鹹，喝到一滴不剩仍意猶未盡。🏅五香卷（Ngoh Hiang）（$58）五香卷是極具特色的小食，外皮炸得酥脆而不油膩，內餡以豬肉和蝦仁為主，混合了獨特的五香粉調味，香氣四溢。配自家製的甜辣醬，更添一層風味。🏅南洋奶茶系列：斑斕奶茶 & 煉奶奶茶（@$25）這裡的奶茶系列充滿南洋特色，用雙層玻璃杯令奶茶保持熱度。斑斕奶茶的翠綠色澤源自天然斑斕葉，散發出獨特的草本香氣，口感絲滑，甜度適中。而煉奶奶茶則帶著濃郁的熱帶風情，香醇的茶底加上煉奶的甜美，甜而不膩，讓人感覺像在新加坡喝道地的“Teh C”。

去銅鑼灣行街，見到樓下裝修幾有型格，於是上去睇下，係食新加坡菜，未食過，就試吓。我哋叫咗：羅惹 ，可以當係新加坡既沙律，第一次食估唔到係呢個口感，酸酸甜甜咁，好清新好開胃；咖啡排骨 ，呢道菜都幾得意，味道苦苦地，幾創新；辣椒蟹忌廉醬義大利蛋麵 ，蟹肉鮮味十足，份量都唔錯，忌廉醬濃郁，少少辣夠惹味，仲有大大隻蝦，都好好味；美禄爆炸 ，呢個係兒時回憶，細細個已經好鍾意飲美祿，濃濃嘅美祿絕對係必試；玫瑰青檸水，呢杯野飲粉紅粉紅好少女，飲落去濃濃嘅玫瑰香味，都幾特別

✨新加坡排骨蝦麵大蝦肉質爽口新鮮，排骨煮得夠淋入味，湯底用蝦頭和蝦殼熬煮而成味道濃郁鮮美，加入油麵、米粉，讓每一口都充滿海洋的鮮香，真正享受到一碗新加坡的味道😋✨新加坡海南雞飯平時食海南雞飯係用黃油雞，這間用的是文昌雞，皮薄，肉質較為Q彈軟嫩，烹調方法和味道是有所不同，每碟雞都會淋上他們秘製的醬汁，另外蘸雞的三色醬也是他們自家特製的，在這裹食到最正宗的新加坡海南雞飯，太好味🤤✨美祿爆炸一杯冰凍美祿，加上超多美祿粉和脆脆，味道特別濃厚，口感豐富，超好飲，推薦👍✨斑斕奶茶-跟餐加25新加坡茶葉沖製的紅茶，加入奶和淡淡的斑斕清香，非常香滑好飲👍

🍊 餐廳名稱：A.T.A.S (銅鑼灣)🐝 味道：8/10環境：7.5/10整體分數：8/10💰人均：$200+———————————————————新加坡老虎蝦喇沙💰138喇沙叫左摻摻，米粉同油麵唔同口感，加上喇沙湯底濃郁豐富，每一啖都係享受。老虎蝦+魚蛋+豆卜份量都幾多。沙嗲雞串💰88沙嗲入面嘅花生醬偏，味道上香味比較重，同雞串一齊食係好夾。辣椒蟹肉醬配炸饅頭💰 98滿滿嘅蟹肉，真係充滿着成個醬汁，而且其實都唔算辣，老少咸宜。炸饅頭新鮮滾熱辣，點埋個汁一齊食~咖椰爆漿💰68邪惡到不行，三層夾住有咖央醬，厚牛油，花生醬加朱古力醬，仲有美祿粉！重甜人士必食，餐廳招牌。美祿爆炸💰58真係多到爆出黎！美祿脆脆加超濃美祿，滿足到不行。

餐廳用白色同綠色作為主調, 睇得好舒服💚 環境闊落, 性價比唔錯嘅樓上新加坡菜! 🇸🇬 可以嘗試到唔同嘅特別菜式, 侍應都好Nice好友善🥹Using white and green as the main colors, creating a visually soothing environment. The Singaporean cuisine offers good value for money! You can try out various special dishes while being served by super nice staff————————————————食物 Food:❆ Chilli Crab Sauce Pappardelle $178 辣椒蟹忌廉醬意大利蛋麵擺盤好精緻🦀 忌廉醬少少辣好惹味, 蛋麵都好掛汁! 越食越開胃🤤The presentation is exquisite! The creamy sauce is slightly spicy and very flavorful, and the pappardelle is wel

🍝辣椒蟹忌廉醬義大利蛋麵義大利蛋麵的口感滑順，與濃郁的蟹肉和忌廉醬相結合，還有大大隻新鮮的蝦，讓每一口都充滿了海鮮的鮮美。辣椒的香辣味道為整道菜增添了一層刺激，配搭得十分好🍜新加坡喇沙米線喇沙湯底很濃郁，米線吸收了香濃的椰漿、香料和海鮮的鮮味，每一口都能感受到豐富的層次感。湯底的微辣和香氣四溢，讓人感到暖和又滿足，非常適合寒冷的日子。🍞咖椰爆醬咖椰是一道獨特的醬料，由斑蘭葉及椰漿製成，非常適合搭配烤麵包，再加上厚厚的牛油，香口順滑。☕️美祿爆炸這杯飲品十分適合打卡，美祿的濃郁巧克力味道與上面的脆脆配料形成了完美的對比，讓人感受到豐富的口感層次。🍵班蘭奶茶班蘭奶茶以其獨特的香氣和柔和的口感而受到喜愛。濃濃的班蘭的天然香味，讓整杯茶飲更加清新。

做完facial搵地方開飯，自己一個食咩好呢，搵左呢間新加坡菜，好彩快一步，坐低冇耐已經滿坐。好，坐低睇下有咩好食先。辣椒蟹忌廉醬意大利蛋麵 with tiger prawns，有大大隻虎蝦，煎到金黃色。但係真正主角係呢個意大利蛋麵，扁身既麵條將掛汁面積最大化，食落爽彈唔會成口粉。個醬汁混合絲絲蟹肉，好Creamy，有紅色點點就係辣椒粒粒，成個汁帶微辣，最重要係好夠汁！美祿爆炸，上面有朱古力脆脆波，有一塊餅餅，中間仲有朱古力粉，呢個簡直係恐龍升級版。

成日聽朋友講有間銅鑼灣既新加坡菜成日都大排長龍 今日終於有機會食到 我地去左食lunch 首先有條樓梯行上去 設計好特別 一上到去店員好熱情咁打招呼 好多款揀睇到眼花撩亂 我地食左羅惹第一次食呢款 原來係有D生果同埋有d炸豆卜咁 加左個醬叫tangy rojak sauce 甜甜地咸咸地地 有d蝦膏醬既味 成個味好夾辣椒蟹忌廉醬義大利蛋麵呢道菜的辣椒蟹濃郁醬汁好出 同軟滑的義大利蛋麵完美結合 麵亦都好滑 好惹味 令人一啖接一 亦都見到醬到有蟹肉 好足料 蝦亦都食得出係新鮮蝦 新加坡新鮮蝦喇沙新鮮的蝦和濃郁的喇沙湯底 充滿了新加坡的風味 辣辣地好易入口 仲有埋豆卜 索晒湯底味 (都食到有香濃既椰漿同海鮮既鮮味) 好味美祿爆炸一黎到見到超打卡able 好多美祿粒粒係面 真係名副其實美祿爆炸 超滿足玫瑰露恐龍帶玫瑰香氣既美碌，濃厚得黎帶點點清新

自從去完新加坡之後就對個度嘅麥片蝦念念不忘，朋友話試過呢間好食就一於嚟試下，呢間餐廳有舒服嘅氛圍，完全係放鬆心情嘅好地方#羅惹 $88第一次食羅惹估唔到係呢個口感🤣當中嘅水果好特別，酸酸甜甜咁，好清新好開胃#麥片軟殼蝦 $188呢個菜式做得超級好，軟殼蝦炸到金黃香脆，外面包住香脆嘅麥片，食落去口感超級豐富，蝦肉嫩滑彈牙，配合上麥片嘅香脆感，真係好好味，入面仲有少少甜味，完全唔會膩，食完仲想再嚟一份#辣椒蟹忌廉醬義大利蛋麵 $178蟹肉鮮味十足，份量都唔錯，忌廉醬濃郁，辣味剛好，唔會太過火，而義大利蛋麵煮得啱啱好，口感彈牙，配合上蟹肉同忌廉，真係一流！面頭仲有大大隻蝦，帶有少少香脆都好好味#美祿爆炸 $58呢個係兒時回憶，細細個已經好鍾意飲美祿，今次呢個真係不得不叫，完全冇改錯名，濃濃嘅美祿絕對係必試#玫瑰露恐龍 $48呢杯野飲粉紅粉紅好少女，飲落去濃濃嘅玫瑰香味，都幾特別

如果鍾意新加坡菜式，又想試啲有特色嘅嘢，可以嚟銅鑼灣嘅ATAS試下。今日嚟呢度食晚餐，感覺整體都幾唔錯。呢度裝修以綠色為主題，好有熱帶森林嘅感覺，座位設計得好闊落，坐得好舒服，氣氛都幾Relax。 小食方面，我哋叫咗蟹肉喇沙雲吞，呢個真係好驚喜。喇沙醬汁味道濃郁，帶有少少微辣，好香滑，完全唔會漏口。雲吞皮彈牙又唔會太厚，內餡仲係重點，真係有啖啖蟹肉，仲加埋鮮蝦，味道鮮甜，啱晒鐘意海鮮嘅朋友。表面再加啲魚子醬，食嘅時候多咗層鹹香，味道層次好豐富，我覺得真係必試之選。 另外試咗咖啡排骨，呢個就真係幾特別。排骨帶有陣陣咖啡香氣，呢種味道真係好少有，而且表面煎到焦脆，口感好有層次。排骨肉質好鬆化又入味，連唔鍾意咖啡嘅人都可能會鍾意。 飲品叫咗lime juice，酸酸甜甜，飲完好清新醒胃，成餐飯食落一啲都唔會覺得滯。

這間地方整潔有條理，餐點適合年青人，價錢都好便宜。menu一目了然很容易點餐。鹹蛋骨豬肋骨肋骨好多肉，熱辣辣外層炸至脆口，又不會影響肉質好多鹹蛋醬。媽蜜咯咯鷄雞鎚甜甜地，用澳洲marmite sauce 再mixing牛油和蒜蓉其他配料，表面灑滿芝麻，有點像韓式炸雞，但味道完全不同。直接用手拿著雞鎚吃，連骨都滿了味道，有啤酒配合非常一流。辣椒蟹忌廉醬義大利蛋麵自家意大利蛋麵，辣的味道非常可口，提升味蕾好開胃，一邊食一邊有好多蟹肉和喇沙的味道，蛋麵彈牙滑口，大虎蝦有好多蝦膏。美祿爆炸童年回憶回來了😆一粒粒朱古力彈珠脆卜卜，口感豐富配一片oreo 餅乾🍪玫瑰露恐龍好香玫瑰味道清新宜人

📍 銅鑼灣邊寧頓街9-11號登龍閣地下C2號舖.BEVERAGE 🥂Milo Martini 美祿馬丁 ($78) 🍸For those who enjoy a twist on the classic, the Milo Martini is a must-try 👍😋💯. This drink expertly blends the nostalgic flavors of Milo with a sophisticated martini, creating a smooth and slightly sweet cocktail that’s perfect for unwinding after a long day.Rose Velvet Elixer 玫瑰精華 ($78) 🍸🌹 The Rose Velvet Elixer is as delightful to the eyes as it is to the palate 👍🤤👍. With a fragrant floral aroma and a velvety smooth texture, this elixi

知道朋友想食新加坡菜，我就帶她來到這間A.T.A.S給她試試，結果她對這間餐廳讚口不絕。🥢 囉喏 Rojak我朋友睇餐牌時見到有Rojak, 就即刻話想食，她說她在新加坡時食過這道菜，但香港嘅餐廳未見過，於是我們就點咗這道餐前小食。原來Rojak分別有青蘋果粒、沙葛粒、豆卜和油炸鬼，再混埋特製嘅醬料，最後還撒上花生碎，整體口感非常清新，甜中帶酸，又有微微嘅辣味和花生的香脆，夠晒正宗。🥢 麥片老虎蝦有6隻超大嘅老虎蝦，每隻都包裹著厚厚麥片，炸到很酥脆，蝦肉夠鲜嫩Q弹，麦片又夠乾身兼且味道夠清甜。🥢 辣椒蟹忌廉醬意大利蛋麵呢碟係餐廳嘅新菜品，帶有fusion風味。有2隻超大兼彈牙嘅老虎蝦伴著辣椒蟹濃郁醇厚嘅醬汁，甜中帶辣，鮮香四溢。而意大利闊面煮到軟硬適中，每條麵條都能掛滿醬汁嘅精華。🧉 美祿爆炸呢個飲品絕對係必點之選，單睇外型已經夠晒吸睛，飲品充滿美祿波波，重加埋一塊OREO和滿滿嘅美祿粉，絕對能滿足喜愛美祿嘅我。🧉 美祿馬丁尼我朋友叫咗個美祿馬丁尼，美祿粉融入馬丁尼，呢個概念夠晒創意，美祿粉嘅濃郁融入咗馬丁尼嘅清爽。