98 Degree C (已結業)

晚餐:咖哩吉列豬扒飯 $42餐飲凍飲 +$3吉列豬扒炸得唔錯, 脆漿唔會太厚, 豬扒唔鞋, 幾乾身唔油.配菜太少, 洋蔥得2小片, 薯仔得2小件, 最特別是有一件蕃薯!咖哩汁味道ok.飯就差d, 好硬...第一次嚟, 感覺都可以. 只係d晚餐價錢偏貴.

約咗要去尖沙咀整頭, 訓醒已經12點, 去到附近本來諗住去澳門茶餐廳嘆杯招牌凍啡, 點知去到, lunch既食客未見散去, 有d仲係出面等緊, 心想一陣要坐成起碼5個鐘整頭歷程, 都唔敢等落去, 向前行多幾步, 有位姐姐係門口拉客, 仲話入面有位唔駛等, 望一望好似普通茶餐廳野食, 咪入去一試.....入到去唔係好多人, OL就多D,我1個人坐4人卡位, 係好好, 不過都有d驚...唔通D野食...睇咗一輪, 都唔係好知呢間其實係咩地方菜, 泰印越港咩都有D見佢周圍張貼住"海南"系列食物, 心諗應該唔會差得去邊, 就叫咗個海南雞飯+唔知咩咖啡(佢話咩即磨咁啦)好快個飯就黎到, 原來係泰式海南雞, 跟一客醬汁飯一望覺得偏黃, 先試一口飯, 唔...米唔靚, 軟得黎碎食多兩啖仲有油既感覺, 碟飯其實唔係好多不過都食唔晒, 味係濃, 但食唔出泰式獨有香料層次再試雞, 唔係鮮貨, 食唔出雞味, 肉唔嫩, 皮有肥脂, 失望只有個醬汁叫還可以咖啡?什麼即漏...., 同大家樂一樣貨色....曾在泰國街邊檔食過人妖小姐遞上的海南雞飯, 確實美味就算之前在鰂魚涌附近試的泰式海南飯也比呢間打正旗號食"海

I just visited this resturant for 1 time,but it gave me the first image is just like a home!The food is quite yummy and the service is so good@!I order a tea-set,,it cost me $28..the meal include of noodles, fried egg, sausage & bread!Very yummy & cheap!I will visit again soon!

掛住澳門內港餐廳的『白雪金沙』，忍不住要一解木槺布甸癮，就來這里試試該店鋪的招牌甜品吧。原味木槺布甸，$18，比起朱古力味，這款還更似木槺布甸一些。消化餅干碎磨成粉狀，布甸則較為幼滑，不過忌廉味略重了些，清掉整件有少少滯。朱古力木槺布甸，$18，其實應該轉名為曲奇雪糕更為妥當。出面厚厚的“朱古力餅干碎”其實就是曲奇餅碎，布甸的部分就更似奶味濃郁的雪糕，凍凍的不夠軟滑。雖然貨不對版，但講真其實味道都不錯，所以也不追究啦。不過要想食正宗地道的木槺布甸，這里還是不值得推薦，仲不如君蘭餅店$6的出品合意。唔…幾時返到澳門去食正貨呢

朋友聚會, 原本想去食小籠包的, 但被人龍嚇怕, 於是轉來呢度八點半, 店內大約八成滿, 先坐係圓台, 但隨後無耐卡位有人埋單走人侍應主動招呼我們去坐卡位, 超讚海南雞 : 雖然係冰鮮雞, 但做得不錯, 皮脆肉滑, 掂京都肉排 : OK啦, 西芹斑塊 : 咸左少少炸蝦餅 : 夠香口, 但炸得硬左少少例湯 : 好好味, 又唔多覺有味精 (即使有, 亦少到唔多覺)飯 : 唔掂, 太硬室內冷氣不夠, 飲左碗湯, 已經覺得好熱

lunch time同同事食,試吓呢間九十八度餐廳對海南雞飯有偏愛,雖時值bird flu crisis,都唔理咁多,點了石頭海南雞飯試!用石頭鍋上最大好處係夠熱,基本上這個石頭海南雞飯做得不錯,飯有泰式風味,可能係石頭上既關係,飯身比較乾,雞肉熟了一點,無咁滑,不過點雞的醬汁做得都不錯價錢比較貴,六十八蚊,不過可以一吃的

行下街求其搵D野食，見大大個牌98'C間野裝修都唔錯，主打日式午餐套餐就拱入黎了掃掃個午餐牌，就你了，日式咖哩豬扒飯32大洋~ 幾抵食是不可以期待的了店內人不多，服務生是在聊天，廚房也是堆滿了廚師~ 可是我的飯是等了4個字隔離D檯食曬先上搞muc要等甘耐，真係豈有此理~~ 無人都要甘，多人時未等成個鐘？搞到心情差曬無曬胃口，杯奶茶飲完甘制先上得離，上到離見到條白菜好似D隔夜冷飯菜，心灰意冷豬排以價錢來説是合格的，配的咖哩是非常1般，可惜已沒有心情品嘗，快快食完走人

日期：2008年6月14日又係到左dinner，行完成個尖咀後，見度度都咁多人，唯獨哩間有位，加上出面既女服務員笑笑口黎迎接我地．裡面既侍應踵無咩笑容，但都算ok喇！打開MENU，有好多選擇，揭來揭去，好肚餓喇．龍利柳香草茄汁意粉：呈上黎，紅當當，以為送錯；番茄粒好有口感，龍利柳好正哩！日式咖哩豬扒飯：甜甜地既sauce加上脆炸豬扒條，好味．唔係用薯仔，係用南瓜．（這個跟餐，有羅宋湯＆Iced Lemon Tea）

前日朝早經過﹐見到門面幾靚﹐有啲想試但最後無﹐不過提醒我原來樂道都有好多野食。尋晚係文化中心睇完音樂劇就行去樂道食晚飯﹐光猛、「好橙」既裝修吸引友人既目光而決定試下。入到去坐底﹐翻開餐牌發現啲野唔平(以茶餐廳計) ﹐拍得住翠華﹐例如豬扒包賣$23! 揀野食期間﹐發覺夥計態度麻麻﹐令我對間野無太大期望。友人想食泡菜石頭鍋飯﹐有兩款可以選擇﹐泡菜雜錦/牛肉石頭鍋飯($6x包飲品)﹐佢唔食牛最後叫雜錦﹐打算到時飛走啲牛。黎到大家呆左﹐所謂雜錦(英文叫mixed meat)根本咪又係得牛肉﹐仲要好蘇﹐連喜歡食既牛我都覺得怪﹐而泡菜其實只係泡菜味(牛肉用左少少泡菜調味)﹐唔係好似平時食韓國泡菜飯咁有新鮮泡菜。有啲被騙既感覺﹐不過係我地無問清楚﹐但講真唔想同夥計講太多。傻大姐強勁既直覺救左我一命﹐我只係叫左奶油豬﹐價值$12﹐個包同大快活賣緊既好似﹐我懷疑同一貨源﹐所以一定唔差﹐但大快活抵食好多﹐起碼烘得夠、牛油煉奶都夠。下次都係去番翠華、澳門冰室好過。十點幾、十一點都好爆﹐相信大家都比裝修吸引﹐事實又比其他茶餐廳感覺young啲﹐但以現時質素(食物+態度) 點留到客﹖比多少少熱誠同笑容其實唔難。

行過尖咀, 見到呢間野都幾新淨, 就坐左入去一個常餐$32有, 海南手撕雞米粉, ok喎, 雞絲好味火腿奄列, 新鮮整出來, 唔會難食牛油厚多, 只要用新鮮麵包同牛油, 好難會唔好食飲品, 加3蚊轉左杯即磨咖啡, 都夠香濃, 但太多奶埋單$35, 係尖咀來講, 算係值得甘既價錢侍應都有禮貌同笑容梳化亦坐得好舒服, 可以再來

晨早去銀行整野,慣咗去榮華/澳門茶餐廳嘆番個早餐.經過見呢間有卡位,又黎試下.多士- 新鮮熱辣火腿- 居然有煎過.豬扒面- 豬扒醃得好味,不過d面就有怪味,可能佢加咗生菜絲,紅蘿蔔,粟米啦.熱奶茶- 濃滑一般黎講,都ok架啦. 至少坐得舒舒服服.

今日同honey去撐枱腳，於是唸住試新野，黎左呢間。叫左一個海南雞，一個肉燥面。所謂的海南雞飯，D飯毫無香味，又硬，D雞好明顯係雪雞。肉燥面一般，好咸，面好少。至於餐湯係羅宋湯，但好"希"，好似飲雜菜水。服務？更令人想死。一個高高大大着橙裇衫的男侍應，完全亳無禮貌，我們落單話要A 同C 餐，我地足足講左3次，佢仲問你係咪要D 餐，吓，佢係咪連ABC 都唔識架？佢仲用審犯似的問你：『餐湯飲咩？要咩菜？餐飲呢？』又唔repeat order，就咁行開左，你都唔知佢有無落錯單，佢清理碟時兩次都唔小心跌杯碟，都唔明老闆點解會請佢！環境？坐卡位係OK，但若果坐圓枱就完全唔掂，張小圓凳會坐得好辛苦。整體來說，我完全搵唔到理由會再黎幫襯囉！

本來打算去鼎泰豐食野, 點知排隊, 仲要排成個鐘.....走人出返海防道附近搵, 當初唔知有間咁既野, 遠看還以為是服裝店名佢話係東南亞食物, 標榜海南雞飯. 三人點了海南雞飯, 一個五香滷肉飯加多個常餐海南雞飯, 不外如事, 唔係咁突出, 滷肉飯, 肉好"lum", 算叫做OK啦. 常餐, 米粉, 奄列.....茶餐廳服務不錯, 待應好親切, 唔計食物, 服務係值得一贊的...

於尖沙咀工作，揀地方食Lunch都好頭痕，好食同唔好食都要排一餐。本來今日想食澳門茶記，但係見嚟間無乜人等就試吓佢。一睇餐牌中西東南亞乜都有A 風格接近椰林閣，但價錢拍得住澳門茶記。係有實力收咁貴？定係租金貴迫住收咁貴？經侍應一再推介，食咗個招牌海南雞飯，可能自己見讖少，真係唔太清楚泰国水門係乜地方，呢個飯同平時食開D海南雞飯唯一分別係個醬，平時係黑甜豉油、薑茸、辣雞醬。呢到就三醬变一醬，試咗幾口，都係老土D喜歡三種醬嗰種。雞，冰鮮貨。不過都做到皮(爽)脆皮滑，雞油飯，差D Wor，得黃薑粉D色，雞油味好「薄」。飯粒不「立」口但比較硬，容易胃痛嘅我唔你咁Like。湯，我真係覺得收得over$50嘅海南雞飯一定要配雞什湯，而唔係普通例水。熱檸茶，好「劫」！顏色深啡得接近黑色，可怕！服務，真係好好，由門口招呼嗰位，落單，傅餐至收銀都好熱情殷勤！要加番D分，希望佢哋Keep住咁嘅服務態度！拿走他們的外賣單，D食物價錢都與澳門茶記有得比！有Set價錢除咗計營運成本外，都要睇吓自己D出品係咪真係夠實力收咁多。尖沙咀舖租貴人人都知，但老實講，在下認為所吃之海南雞飯只值$34-38！

2008-02-07大年初一出尖沙咀行逛，感受一下新春氣氛。雖然大部份店舖沒有開門，但食肆就幾乎全部都有營業。行到尖沙咀食街樂道，見到呢間餐廳咁特別，決定入去幫襯下午茶。一試之下，嘩！不得了，極好味！牛油豬仔飽熱辣辣，皮脆肉滑；瑞士雞翼正過隔離間澳門茶餐廳。餐廳裝修設備都有心思，服務也不錯。下次必定要來再試！惟一不足的是餐牌上的英文翻譯有不少〝蝦碌〞，尖沙咀是遊客區，比人笑就唔好了。