98 Degree C (已結業)

跟母親平安夜行星光大道,之後當然去搵野食!門口個位阿姐實在好招呼,但被吸引入去後實在大失所望!有位西裝經理,矮矮地戴眼鏡,成日好似催我地落order,真係好煩!驚死我地唔order死霸位。因為在龍津食過少少野,我地只點了"芝士肉醬燴意粉"評價係份量少、欠芝士,而且貴!同便利店叮黎食冇分別 兩母子食到一半,矮矮地戴眼鏡西裝經理又行埋黎落order!我當然問因由!原來係計人頭,2人要至少點兩樣! 下?門口阿姐又唔講? 98℃絕對冇商業道德,我食碟意粉+奶茶$7X? 不知所謂!98℃,等小弟下篇食評教下你咩叫spaghetti!

星期三食晚飯, 去左98度, 個東坡肉飯好硬, 四舊都係咁... 好難食, 我食唔曬d飯, 就走.重要成$54...唔想再去食...

應係新開不久裝修比一般茶餐廳較為新潮 !我叫了蠔仔湯飯 ! 好大碗 !係 TST 黎講, 收費唔算貴 ! 仲要係旺舖地段呢 ! 好就腳 !唯一唔好, D 位較為逼 ! 我一定會再幫襯 ~

星期六同左女友去左呢間店到試下,叫左個海南雞飯,一個瑞士汁炒牛河,一個乳鴿,一個蝦餅,個海南雞飯就差d啦,冇雞味,又唔滑,個瑞士汁炒牛河少得唔錯,d牛肉炒得岩岩好,d瑞士汁好香,個乳鴿冇乜特別,可以不理,但個蝦餅好好,好彈牙,又夠脆,都係$10,一定要叫.

放工後約朋友到尖咀, 都大約2點, 倒不如食個下午茶. 朋友唔想食榮華, 所以黎左哩間.之前睇食評話咩29蚊有個飯, 但o係出面卻搵唔到咩29蚊有個飯.唔理了, 既然都黎左, 都係3x 蚊一個餐. 所以入去坐.等到2:30先有下午茶. 好多人都好似我地咁坐o係度等. 其實同午餐只係差2-8蚊不等. 所以下午茶都唔係特別話抵食如果係午餐既話我會試海南雞飯, 但係依家下午茶梗係叫返d 平野.叫左個滑蛋豬扒飯+熱奶茶 $32奶茶奶較多, 飲一啖就見到條茶線就知. 糖落一匙就夠了. 佢d 糖都好夠甜.唔知點解熱飲會附上膠羹, 難怪隻羹d 膠溶左d. 我都唔係好敢用.滑蛋豬扒飯份量完全係午餐份量, 甚至有過之而無不及. 一睇就覺得好大碗, 食唔晒既感覺滑蛋唔夠滑, 同埋太少. 豬扒雖然係吉列, 但都唔脆了. 而且係薄薄一片. 非厚切, 望到入面好似都炸透, 索晒油咁d 飯, 因為d 汁唔夠既關係, 所以有d dry. 但d 飯又唔係白色, 好似d 茶漬飯咁$32 既下午茶係略貴. 如果當午餐食會覺抵d.

兩個女仔2000嚟到~ 外面個姨姨好好笑容叫我地入去~ 見$29一個焗飯/意粉/通粉+熱飲就入左有個好穏蔽既角落有張卡位, 但有張台反轉左擺响台上, 我以為個角落係放雜物, 但有個哥仔又話 "坐啦, 坐得架!' 好得意, 個位兩個人就夠坐, 多多個都唔得, 因張枱一半放左嗰張反轉左既台。友人話似係俾明星坐嗰啲唔俾人騷擾嗰啲位, 哈!!海龍皇汁=龍蝦汁, 友人話佢既蘑菇煙肉汁都好平凡, 我個海龍皇汁濃味啲又突出啲~ 牛腩就淋左啲。嚟嗰時仲要好熱, 伙記都叫我地小心熱。個飯較細, 男仔會唔夠食我地飲完自己個餐茶坐左陣傾計, 伙記仲好好人問我地要唔要茶~好難得有茶餐廳會好派卡儲印仔~

I like going to Cha Chan Ting because I love their milk tea. But normally their food is quite so so. But this one seems to be different. I went with 3 girl friends. We ordered Hainanese chicken in Korean hotpot rice, shrimp cake and the Tai O Fried Rice for sharing. The food is quite good and also I can taste there isn't any MSG. Next time when I come, I will eat the whole Hainanese chicken hotpot rice myself. The rice is crispy hot and the chicken is so tender that comes with a special s

星期六約咗啲friend去尖沙咀, 行都好攰想搵地方坐吓食晚飯, 四圍都係人, 諗起之前去過呢間餐廳坐得幾舒服, 就決定再去, 好彩卡位唔駛等好耐~今次我再試番上次食過嘅水門泰式海南雞飯 (果然都仲好滑! )之後叫咗個新出嘅東坡肉飯 (其實我個人已經太肥了, 實在不應該吃的, 不過俾面食了一舊, 點知食後又無想像中咁肥, 幾唔錯。)除此, 我鼓起勇氣叫咗杯益力多綠茶 (個名就好聽嘞, 但味道就好似話梅味, 我個人覺得麻麻地, 所以好唔好飲真係見仁見智!) 反而朋友叫咗新推介 - 芒果布甸涼粉冰就好似幾正~不過總括嚟講都不錯, 價錢係比茶餐廳貴少少, 但可以坐耐啲, 唔駛趕住走都幾好!

13/6(六) 7:30pm跟M先生合力協助小老兄學術上的疑難至黃昏,被迫打消下廚的念頭.陪太子式跟阿梁共赴Lane Crawford狩獵後,沿著樂道徒步,發現了此茶記.店內環境跟隔壁的葡式茶記一樣,走高檔派.我倆坐於軟卡座,來了晚餐2份:海南雞飯$45及滷蛋滷肉飯$32跟餐飲.滷蛋滷肉飯--滷肉的肥肉從稍欠,肉質倒不賴,其味濃至滲入滷蛋內,混入圓渾彈口的飯粒中,好東西!霸王花煲豬骨--湯色清澈見底,真味十足!海南雞飯--雞肉香嫩,油份尚可;配以香軟油飯,不能小覷!茶走--香濃滑順,推介...檸茶--茶濃而清甜之作!一切比預期來得標青的攝氏98度...

剛做完運動, 離午飯時間還有些時間, 但又有點餓, 抵不住之下, 選擇了這間茶餐廳...點了即磨咖啡及花生醬多士...是捷榮咖啡, 近來人氣急升的品牌, 真不錯, 濃郁的咖啡香味, 未送到眼前但香氣已飄送過來...習慣了不加糖的我, 有時還真怕茶餐廳的港式咖啡, 但這間店的還真不錯, 比星xx好得多了...厚多士弄得不錯, 麵包是外脆內軟, 配上咖啡, 今天的早餐真不錯...

台灣牛肉麵(晚餐.....大約$5X) -> 上幾次去吃還OK, 點知呢次吃...... 第一, 湯底色水一睇咁深色, 就知濃牛肉湯底, 飲一口湯底, 喊左D喎老細......第二, 牛肉比較勒........第三, 配菜得一埋醜醜樣既雪菜.....超喊........沒有任何其他料, 唔似人地台灣牛肉麵 咁, 起碼有幾舊蘿蔔啦........價錢又唔係平過人喎................ 餐湯-->老黃瓜湯, 又係略為喊......味精湯....... 餐飲, 凍奶茶....天啊......奶茶是奶味多過頭, 多得很.........完全不行啊.......唉.......真的不明白水吧在幹什麼.....還是他們這杯是台式奶茶啊.......... 木糠布甸......第一啖其實覺得OK, 有D似澳門的, 只可惜點解D餅粉(木糠碎)比布甸多, 很不成正比啊~~~~~~~~~如果唔係真的幾好味既.........now, 食剩晒D木糠, 徙晒D呢~~~~!服務又不是很差, 不過只是夜晚都幾少人, 吹水一流。希望佢地真的要努力挽回好D食評。

This restaurant has a bright atmosphere. It claims to be a cha charn ting above the rest. However, I found the food and the price quite average, if not below my expectations. In total, I paid $51 for a dinner set menu comprised Russian bortsch, Taiwanese style beef noodles, and iced lemon tea. The Russian bortsch was quite thick and had too much black pepper. The Taiwanese style beef noodles was not authentic as the ones on the street owner in Taipei. There was very little beef and the noodl

好想回應對上一個食評嘅comment. 我都係初二晚去左呢間餐廳食左呢個咖哩豬排飯, 不過時間係睇完煙花之後, 晏過佢少少. comment係同佢完全一樣, 個咖哩無味之餘又稀到不得了. 基本上係好難食. 唯一可取之處係d豬排係即刻炸出黎, 如果唔係就一文不值.

年初二同女朋友+另一位朋友出尖咀, 行到夜晚7點幾搵野食。行到樂道, 見澳門茶餐廳好多人, 依間98 degree c又好似唔駛點等位, 仲有卡位, 仲話唔收加1加2, 於是3個人一於入去試一試。我地3個人叫左3個set...1. 98 degree c 咖哩豬扒飯:諗住用得自己個名做既菜式點都ok掛, 點知....唉~! 豬扒都還可以, 但係個咖哩汁完全冇味, 完全唔可以叫做咖哩, 咁既餐要收$62, 加埋so-call特飲益力多綠茶要成$70 (但係個益力多綠茶只係飲到益力多味...), 我相信去任何一間普通茶餐廳, $40已經可以, 仲可以好味過佢。2. 鹵蛋肉碎麵冇咩特別, 味道可以, 但係份量超少, 食個咁麵要$60, 我比一半價錢去其他台式餐廳食會好好多...3. 無骨海南雞飯依個叫做似d樣, 個汁幾好味, 但d飯好硬, d雞冇咩鮮味, 又係要成$70, 我不如去食海南村, 都只係$48...總括而言, 我地唔會再來!

無所事事就係最好四圍搵野食啦, 咁啱師傅無啦啦行到黎呢區, 又想搵間人少少嘅地方坐底嘆番個下午茶, 於是就入左黎呢間食店!一坐底即劑睇下有咩好食啦, 睇左一陣最後柯打左個下午茶餐, 吉列豬扒配沙律, 餐飲又係要番師傅嘅至愛凍檸茶!等左一陣即叫即整嘅下午茶餐就登場, 師傅第一時間試下個沙律先, 沙律係雜果沙律, 雖然係罐頭, 但勝在冇薯仔, 師傅鍾意, 加上吉列豬扒都幾大塊, 而且炸得香香脆脆, 熱辣辣軟軟熟熟, 勁好味, 有d水準喎; 而凍檸茶就幾大杯, 味道清清甜甜, 唔錯!總括黎講食物質素都尚可, 環境就幾大, 地方乾淨, 服務就可以啦, 價錢就唔算平, 廿八蚊個餐凍飲仲要加三蚊, 不過有咁嘅水準, 又可以接受喎; 難得師傅得閒可以黎老尖嘆個下午茶, 真係賞心樂事, 下次有機會師傅都會再黎, 笑臉比得過啦!