8鍋臭臭鍋 (謝斐道) (已結業)

之前試過尖沙咀果間8鍋臭臭鍋，後來發覺原來銅鑼灣都有，仲要位置都好方便，地鐵站過兩條馬路就到。有九種鍋可以揀，每一種都有唔同食物喺入面。如果想加點食材都可以，而飲品有非常多嘅選擇，仲可以加珍珠、椰果等等。餐廳都非常細心，教埋大家調味料嘅完美比例，跟住黎整真係超級好味芝士牛奶鍋，超香芝士味，個湯又好滑，好想飲哂佢。藥膳羊肉鍋，好香藥膳味，一啲都苦，仲要好多塊羊肉，抵食鹽酥雞，好香口好大杯嘅桂圓黑糖薑母茶、芒果鮮奶沙冰

天氣凍就想火鍋，我一個台灣系嘅朋友就帶我去食臭臭鍋，一聽個名，我已經話我唔得架，轉場啦，不過見佢誠意十足，又話其實有好多湯底可以揀，好啦，就一次啦。店的風格都好台式，空間感都充夠。講返食物，都有9種湯底可以揀，台灣人當然係揀臭臭鍋啦！ 真係臭架，所以我就無試，不過台灣人就話好食，湯底嘅臭味係調教得輕一點，更易入口。鹽酥雞！其中一樣我最愛台灣小吃，剛炸起，很香，雞肉嫩滑，炸粉夠脆，正。我就點了黑麻油雞鍋，好香麻油味，配上雞湯，仲有魚丸、玉子豆腐、枝竹等等的配菜吸收了湯，最後都引唔住多點一份公仔麵，唔好浪費佢個麻油湯地 。

銅鑼灣日本嘢就食得多啦今次試下食台式嘢。 台式打邊爐或者波鍋物蜜當然係最出名啦~呢間8鍋臭臭鍋喺尖沙咀嘅分店聽講好多人去。今次同朋友黎到最近開咗冇幾耐嘅銅鑼灣分店試下先。 銅鑼灣嘅分店地點非常方便，喺希慎行完街過嚟只需要五分鐘。店內環境比想像中寬闊好多，每張枱都幾大，坐得幾舒服。一入店內就聞到好香嘅火鍋味~仲有少少臭豆腐味。室內通風幾好，唔食臭豆腐嘅朋友都絕對冇問題呀。雖然叫8鍋，原本有8個鍋可以選擇，依家有多一個鍋啦~ 咖哩奶蓋鍋。 但我比較鍾意食藥膳湯底所以叫咗個藥膳羊肉鍋朋友叫做一個招牌臭臭鍋。 另外叫咗兩個小食，一份鹽酥雞同埋一份麻辣鴨血。飲品叫咗多多綠同埋巨峰提子梳打。外賣杯上，飲唔晒可以拎款，好貼心~落咗單之後好快就已經上菜啦兩個鍋一齊上香噴噴~ 我既藥膳鍋好香， 上枱之後等咗一陣火鍋就已經滾，幾分鐘就已經可以食啦~ 個個有好多配料!有羊肉片，魚蛋，豬肉丸，貢丸等。 未食配料先飲一啖藥膳湯，湯帶少少甜，都唔錯。 羊肉片份量都幾多。鍋物一定配粉絲呀! 索晒啲汁，超入味!鹽酥雞份量都幾多，一粒粒bite size 炸得酥脆香口，雞肉唔鞋又惹味。麻辣鴨非常推介! 辣度適中，質感好

今天跟朋友來了銅鑼灣新開的8鍋臭臭鍋慶祝生日，地點位置不難找，C出口一出地鐵走5分鐘就到了。鋪頭位置很寬闊，餐廳員工也很友善。菜單有好幾個鍋選擇，有辣有唔辣，其實都花多眼亂個個都想試。最後我們一人叫了一個鍋分別是，咖喱奶蓋鍋和台式麻辣鍋。每個鍋仲可以選配白飯或粉絲。依家唔只8鍋，有第9個鍋了~咖喱奶蓋鍋係新嘅口味，台式麻辣鍋有3個辣度可以選擇。還有點了兩杯台式飲料分別係檸檬冬瓜茶及金橘檸檬梳打（兩杯都係少冰），仲叫左一個小食-鹽酥雞。上菜時間很快，鹽酥雞炸得很鬆脆。飲品裝係外賣杯，飲唔晒可以拎走超方便。至於鍋物方面，火鍋一來到氣味很香很濃，材料亦很多，很足料！先講講咖喱奶蓋鍋，咖喱味很濃。咖哩味嘅鍋我身一次食呀~薄薄一片嘅豬肉經咖喱汁煮完之後好香，加了很多粉絲，吸受晒啲湯汁好入味！至於台式麻辣鍋我們點了小辣，入面有甜不辣，血米糕和麻辣餃子等等特別的台式小食，極具傳統台式風味十分特別！再配個白飯解辣，一流！結帳時只不過是三百幾蚊，食到好飽好抵呀！

秋天又黎啦，呢個涼涼地既季節最啱一定係打邊爐😋上年呢個時候同男朋友黎左8鍋臭臭鍋，質素好好令人回味無窮。咁啱知道銅鑼灣開左新分店，又近我公司，於是放工就去了😆新推出既有咖哩奶蓋鍋，不過我地都唔好咖哩冇試到。麻辣臭豆腐 ($48)台灣名物唔少得臭豆腐💗呢隻唔係黑色個種臭豆腐，而係似滷水豆腐浸落麻辣汁咁。成舊豆腐都充滿麻辣味，一咬落去d汁就湧出黎。啱啱食個下唔覺太辣，係屬於後勁比較強既辣😎芝士牛奶鍋 ($112)上一次試過招牌臭臭鍋，今次就試另一款，養顏既牛奶鍋啦😋芝士牛奶湯底好香，每樣菜都吸收左牛奶味，好好味😋留意番，每一種鍋既配料都有d唔同，而呢個就有娃娃菜，白豚肉，日本南瓜，心型魚豆腐，台灣貢丸，麻吉燒，沙白，香菇，蟹柳，金針菇，炸枝竹，鳴門卷，雞蛋，烏冬，芝士片，蛋餃。麻吉燒好軟，qq的😍可愛既心型魚蛋😋黑麻油雞鍋 ($112)男朋友就叫左另一隻味，等大家可以share食😉呢個味道比較中式feel😎有米酒，老姜，雞肉，娃娃菜，炸枝竹，金針菇，枸杞，洋菇，淮山，鱈魚丸，米血糕，沙白，鳴門卷，粟米，台灣米線，玉子豆腐，牛丸。麻油味幾重，有少少出前一丁既感覺😎盆栽奶茶呢個terms聽過好

8鍋臭臭鍋開到黎CWB喇, 當然要去朝一朝聖索一索啦😎位置位於一蘭個條街行到盡頭, 十分易搵門口拎飛仔安排入座, 仲可以遙距拎位環境餐廳好大, 好開揚, 十下十下都算通爽有卡位坐, 都幾舒服仲有自閉必備吧台位😂調味(左起): 豉油, 沙茶醬, 辣椒醬, 辣椒油, 蒜泥今次叫左: 柑桔青檸soda酸尾尾夠冰凍蕃茄白豚鍋: 有娃娃菜, 白豚肉, 豆乾, 蓮藕, 蕃茄, 粟米, 香菇, 凍豆腐, 青豆角, 金菇, 炸枝竹, 粉絲, 嗚門卷, 椎山同木耳湯底偏甜, 搭配豬肉食好清新, 好蕃茄我最中意食凍豆腐, 又名風巢豆腐, 好索湯藥膳羊肉鍋咸香+藥材味, 夠滋補入面有: 娃娃菜, 羊肉片, 翡翠魚豆腐, 台灣貢丸, 椎山, 香菇, 粟米, 沙白, 油豆腐, 金針菇, 炸枝竹, wu絲, 鳴門卷, 素飽魚, 鱈魚丸, 蓮藕椎山好入藥味爽爽的蓮藕監酥雞不解釋, 炸皮唔得, 又油- 飲品屬於餐加$, 所以較細杯- 火鍋配料份量, 一人一鍋黎講食完都有d唔夠侯 (可能我大食)

好想又打邊，又唔想好麻甩一個鍋，兩個女仔最岩一人一個鍋。臭臭鍋係台灣已經好出名，所以打入黎HK都好多人食。1/ 招牌臭臭鍋 $112 小辣　配粉絲臭豆腐真係幾臭🙊但係好惹味，入面有娃娃菜、白豚肉、臭豆腐、台灣貢丸、米血糕、大腸、豬紅、沙白、鵪鶉蛋、蕃茄、榨菜絲等，好足料！套餐有粉絲可以吸晒D臭味，愈臭愈好味.2/ 麻辣鍋 $112有牛肉、豆乾、凍豆腐、粟米、嗚門卷等，娃菜，湯底都幾濃😋加埋粉絲吸晒D味都好正.3/ 奶蓋烏龍茶 好似出面買既珍珠奶茶咁既包裝，奶蓋都幾厚，又滑，係餐廳黎講都算係高質。4/ 多多綠係益力多既底，都易入口酸酸地。OVERALL 兩個人300$左右，你食到你想食既，我又可以，又可以慢慢坐，食完唔大陣味。

‼️8鍋臭臭鍋殺到黎銅鑼灣‼️🌬夜晚轉涼 黎左食一人一鍋 $112 each芝士牛奶湯底好香濃 一煮滾已經香氣噴鼻😍每個臭臭鍋嘅火鍋料都唔同芝士牛奶湯底就配白豚肉, 蛋餃, 芝士片, 烏冬等最得意係有粒❤️型嘅魚肉豆腐豚肉份量幾多 細細塊咁幾有肉味芝士片撈埋落芝士湯底係雙重香濃啊一鍋份量好大 多到我食唔哂!飲品都有多款台式飲品揀我飲左奶蓋烏龍茶 $26咋好抵啊Taste: 👅👅👅Value for Money: 💰💰💰(on a scale of 0-5 emojis)-8鍋臭臭鍋 地址：銅鑼灣謝斐道440號駱克大廈A座地下E舖

今晚朋友帶左我去食臭臭鍋，大約19:00到，好彩唔洗等好耐。環境都算好乾淨我叫左招牌臭臭鍋（中辣）+粉絲，飲芒果沙冰。芒果沙冰：好淡！無芒果味，有啲失望。主角臭臭鍋：中意食辣既朋友一定要揀中辣，因為聽朋友講小辣唔辣的。記得一黎到就可以倒粉絲先，如果唔係個爐會好快熄，不過好快職員會幫你整番個火。豬紅：好好味！！好大塊，完全無腥味。牛肉：好淋，辣得黎超好食一定要配粉絲，因為佢完全索曬啲湯味，好後悔無食曬！呢鍋野真係分量十足，食左好耐都食唔曬！小食仲叫左花枝丸：小心燙傷口，好熱！哇佢個汁好正，同花枝丸好配合！鹽酥雞：比較乾身，但都可以一嘗。

8鍋臭臭鍋喺銅鑼灣知名24小時拉麵店嘅隔離，由銅鑼灣地鐵站行過嚟只需要5分鐘，交通非常方便。七點左右嚟到鋪頭，大約坐滿左一半人。食到一半嘅時候，門口已經出現等位嘅人潮，都真係幾誇張。枱面有齊晒打邊爐所需要嘅醬料，有沙茶醬、豆瓣醬、蒜蓉、辣椒醬同埋豉油。Menu有教到你混醬嘅最佳比例，根據指示去做嘅話，混出黎又真係幾好味。芒果鮮奶冰沙 $35芒果同鮮奶嘅比例一半一半，唔會互相搶去大家嘅味道，最緊要係夠甜，女士最愛。檸檬冬瓜茶 $28比起平時甜甜嘅冬瓜茶，會多咗一份清新嘅酸味，都幾解渴。一人一鍋，上菜時店員會幫忙點著酒精膏，而酒精膏嘅份量啱啱好，係我哋就嚟食完嘅時候，就會燒晒。芝士牛奶鍋 $112牛奶湯底上面再加咗一大片芝士，然後再打咗一隻生雞蛋，令到湯底濃郁得來，入口仲幾滑下。而佢所配搭嘅配料同個湯底都好夾，所以兩三下手勢就清晒，正！蒜香牛肉鍋 $112湯底有浸恰到好處嘅蒜香味，而個鍋嘅肥牛好似夾極都夾唔晒咁，份量勁多，而且夠肉味又唔靭，真係好抵食！每一鍋都可選跟飯或粉絲。蒜味台灣腸 $36台腸切薄片，加入咗香葉去炒，中和了台腸的甜味和蒜味，所以味道唔算太突出。

今日同女朋友去銅鑼灣拍拖～本身我地好少去開銅鑼灣，本身打算去食一蘭拉麵點知經過哩間8鍋，女朋友話佢食過尖沙嘴店話都唔錯，所以我地就放棄一蘭（排隊）改去食8鍋女朋友解釋話8鍋其實即係一個小火鍋，顧名思義，每人可以選擇自己口味既火鍋，火鍋本身已經有滿鍋既配料菜式，同時亦可以再追加配料我嗌了新口味：咖哩奶蓋火鍋（$112）；女朋友就清淡啲：番茄白豚鍋（$112），我地都分別跟了白飯和粉絲🌝 熱辣辣真係好適合入秋食一人一個火鍋係唔會搞到湯底混濁，而且我地可以跟隨自己口味選擇食物湯底，仲可以試到多啲唔同款既火鍋我發現佢唔會搞到全身都係火鍋油煙味咖喱奶蓋會偏重口味啲，但係配合牛肉片食真係好惹味女朋友既湯底就非常清甜，因為有番茄既關係，食落去罪惡感都少好多！我地一路食都發現有好多台灣人黎朝聖，雖然未試過尖沙嘴店，但係銅鑼灣店體驗非常不錯

成日聽人話台式臭臭鍋好食，一直都冇機會試，今日行經銅鑼灣，決定同屋企人食返豐富一餐。食台灣野，例牌必叫嘅係珍珠奶茶，今次特別叫咗一杯茉香奶茶綠，估唔到茉莉花香幾突出喎，同奶味嘅平衡幾好。有好多唔同嘅調味料有供選擇，有豆瓣醬、沙茶醬、豉油、蒜蓉醬、辣椒醬，餐牌上面建議左一個完美比例，就係三茶匙沙茶醬、兩茶匙油、一茶匙蒜蓉醬，咁樣混合效果又幾好喎，食落好惹味，特別系好襯豬肉片。屋企人鍾意食辣，叫咗一個酸辣羊肉鍋，裏邊材料好豐富，有娃娃菜、羊肉片、魚豆腐、酸菜、米血糕、甜不辣、福州魚蛋、豆乾、木耳、凍豆腐、金針菇、炸枝竹、粉絲等等，套餐嘅話仲送埋一碗白飯或粉絲，如果一個人食晒真係飽到🤪個酸辣湯好惹味，酸酸地又幾香辣，加埋羊肉嘅味道煮左落個湯度，令到湯底好鮮甜👍🏽第一次食米血糕，冇都估到個口感幾得意，煙煙韌韌，吸收晒湯嘅精華，真係幾好食。富惹味酸辣羊肉鍋

久仰台式臭臭鍋大名， 一直冇機會試，今日行到嚟銅鑼灣謝斐道，就諗住同屋企人一人一鍋熱騰騰🔥六點幾嚟到，未到食飯嘅熱鬧時間，所以身體仲未係好full。坐低即刻叫咗一杯野飲先，好耐冇飲過沙冰，叫咗一杯芒果鮮奶沙冰，加多$5要珍珠🤤沙冰打得幾幼細，芒果味幾突出，亦都有淡淡的鮮奶味，整體感覺幾清新，味道平衡得不錯👍🏽珍珠幾有口感，唔算太甜，如果有黑糖嘅味道都更加好啦！店員一點火，咖喱濃湯就開始滾起，香噴噴好吸引。一鍋嘅份量都幾多，裏邊有好多不同材料，有娃娃菜、豬肉片、沙葛、魚子球、炸魚旦、魷魚圈、蟹柳、四季豆、粟米、粉絲、炸枝竹、金針菇、沙白等等，一個人食哂真係會好飽🤤蔬菜吸收晒咖喱精華，全部都好入味，特別係娃娃菜！仲有好多豬肉片，因為薄切，所以即使煮咗好耐都唔會覺得韌。第一次食馬勒鴨血，入口感覺同豬紅差唔多，麻辣醬嘅味道調校得好好，好惹味，好香口，不過鴨血味道有點鹹，輕手少少會好啲。

上個星期日同朋友去左臭臭鍋嘅銅鑼灣新分店~先講下餐廳環境~因爲座位好闊落，所以坐得好舒服，一d都唔侷促。呢間餐廳嘅火鍋係一人份，所以同朋友黎的話可以order 唔同口味share 黎食！火鍋一共有九款，湯底同配料各異，我地就order左其中三款，分別係番茄、咖喱奶蓋同芝士牛奶味~ 三款火鍋嘅材料都好豐富，有冬菇、雲耳、豆製品、魚肉製品同肉類等。番茄味湯底濃郁，仲配以新鮮番茄，味道比較清新~芝士牛奶味火鍋食落好香好creamy，湯底比較濃稠，而且配以烏冬，沾滿芝士牛奶湯底嘅烏冬非常惹味。咖喱奶蓋湯底就相對較爲清淡，但係咖喱味都幾濃。套餐仲包粉絲或者肉燥飯，同埋一杯飲品，所以我覺得性價比都幾高架~ 另外，我地仲order左一份鹽酥鷄，鹽酥鷄都炸的幾鬆脆，相當惹味~鍾意食台灣野或者打邊爐嘅人一定會like呢間餐廳哦~

又到咗放工時間 ，一個人漫無目的咁行。 咁啱行過一間鋪頭 ，佢寫住臭臭鍋， 唔知咩嚟咁就諗住去試下 入到去見到佢裏面嘅環境好寬敞 ，仲望到有好多人有一煱一煱嘅食物 咁我終於知道原來佢係食一人火鍋。 咁我就叫咗個香蒜牛肉鍋， 佢個湯好好飲唔太鹹配料方面 有牛肉 、粟米 、牛丸、 娃娃菜 、翡翠魚豆腐 、粉絲 、番茄ˋ沙白等等。 仲有叫咗一杯招牌珍珠奶茶， 佢唔係好甜但係都好香茶味。 好彩我早咗入去， 因為之後都有好多人入嚟， 我覺得呢一餐都唔錯下次可以叫埋屋企人嚟試下。