8鍋臭臭鍋 (謝斐道) (已結業)

與友人飯聚，因各人口味不同所以選可以各人一份的餐廳食。又突想係年前在台灣嘗過臭臭鍋而心掛掛，決定去這間8鍋試試看。本人點了個中辣的臭臭鍋跟粉絲，而友人點了個芝士牛奶鍋跟粉絲。芝士牛奶鍋上菜時聞到濃郁的芝士味，而我那個臭臭鍋都充滿濃烈的香辣味，不過都是不及台灣吃的惹味。可能因為要適合香港人的口味，我點那個中辣的臭臭鍋其實是不算辣的以這個價錢來說可說是抵食，又可以與友人慢慢食慢慢暢談。唯一不足是店員服務不太專心，希望改善。

今日中午經開銅鑼灣做野，途經一蘭格離有間專食台式一人邊爐，見個名幾得意叫臭臭鍋，一於試下。好在個陣係十二點，都未算好多人，一去到就有位坐，個店員係台灣人，好熱情咁招呼，解釋左咩係臭臭鍋，原來係有台式臭豆腐，所以先叫臭臭。睇個menu 都好多選擇，本人好辣，所以特登要左中辣麻辣鍋，一上枱就聞到好香麻辣味，見個配料都好多款式，跟餐有粉絲或飯，本人要左粉絲，吸湯一流，個醬爆丸好正，同有鴨血糕。我仲補差價要左個百香果紅茶加寒天，夏日炎炎好解暑，清涼感十足！我同事就要左芝士牛奶鍋，由於佢係食素既，問店員可否肉換菜，佢都樂意轉，又專登俾多左菜，驚我同事唔夠飽。佢個芝士好香，同牛奶好夾，成個鍋變左奶白色，又係配埋粉絲一流，極推！埋單每人lunch set 都係88加一！

Always有鋪打邊爐癮，所以今日提議同男朋友去食臭臭鍋 之前係尖沙咀食過一次 要排一陣隊先有位銅鑼灣哩間人流不多 一入去就有位我地叫左招牌臭臭銅同藥膳羊肉鍋兩個都好好味 仲可以加$12升級個粉絲做魯肉飯 真係飽到上心口

走下走下，走到灣仔銅鑼灣交界，小街中看見有間火鍋店，便被它吸引了進去。餐廳採用落地玻璃，所以採光一流，坐位間隔闊落，非常適合朋友情侶。叫了一個招牌臭臭鍋和藥用羊肉鍋。臭臭鍋之臭，是因為有臭豆腐在內，但湯底底其他食物不會被它臭味影響到，喜歡吃臭豆腐的朋友一定會喜歡，但值得一提的是，小辣也很辣的，所以要注意。我叫了羊肉鍋吃，藥材味好濃，非常似肉骨茶味道，羊肉也非常的多。加上米飯或粉線一定飽肚，性價比很高。

難得明天係端午節，不用返正， 收工當然要約姐妹gathering 吹水打邊邊。 聽聞呢間臭臭鍋不錯， 就約左朋友仔收工黎打邊邊， 吹水談天。 2個人，1人1鍋首先講下臭臭鍋叫左小麻辣鍋料： 材料十分多樣化。 特別要講下臭豆腐。 小妹十分喜歡呢個臭豆腐。蔬菜同肉既比例 50：50。 唔驚變食肉獸湯底： 辣度不會蓋過湯既味道~小妹十分喜歡個湯底。 蕃茄味好香甜。鍋料： 豚肉既數量不算多，4，5塊左右。 不過另一方面， 蔬菜既量就十分多， 小妹追求健康， 所以我覺得呢個鍋都幾健康。打邊爐絕配。 不會太甜。今晚同朋友仔呢餐非常滿足。 捧住大肚子開心離開。

好耐之前已經好想食，因為我好鍾意食臭豆腐，而臭臭鍋正正就係有呢種味道。講到臭豆腐，真係冇乜friend 啱，所以一直未有機會試。早排同個friend講起，原來佢都啱，咁難得，即刻book 枱食啦。原來佢有提供The GULU app 網上攞飛服務，下次唔記得book枱又好想食，就可以用呢個app來book枱，唔使特登排隊啦。而且佢仲有得借尿袋，呢個服務幾好，又方便。Book左今晚七點，準時到，一入到已經有位staff行出來迎接我地。confirm左booking 即刻帶我地去坐位。成個過程只係用左兩分鐘，都幾有效率！呢度環境都幾好，枱與枱之間唔會好逼，幾舒服，牆上掛左好多台灣分店既相，幾有藝術感。一睇餐牌，唔洗唸，一定係招牌臭臭鍋啦🤣🤣今晚係為佢而來架！朋友就叫左蕃茄湯底。嘢食好快到， 5分鐘左右，個鍋唔算好大，但係一人份量來講好足夠，裏面有我最鍾意食嘅臭豆腐，鵪鶉蛋，貢丸，米血糕，大腸，豚肉，粉絲等等材料。湯底我叫咗小辣，辣度適中，好啱唔係好食得辣嘅我。而且佢將粉絲放喺湯入邊，食嘅時候佢已經素晒湯汁，好夠味。米血糕，第一次食，個口感幾得意朋友叫嘅蕃茄湯底，超級濃郁嘅蕃茄味，好鮮甜，最

見到臭臭鍋呢個店名，一直諗緊點為之臭臭，個味究竟會點，所以就黎左銅鑼灣去食台式火鍋😆/總共有9款default口味任君選擇，我就一定叫招牌臭臭鍋，而我朋友叫臺式麻辣鍋😱🌶招牌臭臭鍋嘅材料有白豚肉、臭豆腐、米血糕、蕃茄、金針菇。每鍋份量好多，好吸引，臭臭鍋嘅意思係指鍋中有臭豆腐嘅火鍋。先試左白豚肉，大大塊，肉地嫩滑，配上醬料一流。每張枱都會有醬料同豉油比你自由發揮調配。第一次試臭豆腐同米血糕🤤米血糕好煙un,係我中意嘅味🙈😂本人中意食內臟🙈豆腐又唔會話臭，我覺得好香口同埋質地唔係果啲一整就散果種。最特別係個火鍋會到時間就自動識左，唔需要分散注意力去睇火。我朋友嘅臺式麻辣鍋，佢嘅甜不辣幾特別，圓扁條狀，炸魚醬嘅野，食落少少辣。/佢每個鍋可以配飯或者粉絲，好飽肚😆我地最後叫左個盆栽奶茶，朱古力同華田加奶茶嘅混合體，又係好正正😍

今日笑容燦爛🤗嘅工程界小花👧🏻帶左我嚟呢度食臭臭鍋，由銅鑼灣崇光百貨出發，行左三分鐘左右🕗就到，店舖嘅位置就係喺謝斐道一蘭拉麵🍜隔離。餐廳晩巿主要有9款鍋物🍲🍲供應，主打一人一鍋🍲🍲，每一款材料都非常豐富，其中三款鍋物仲可以選唔同嘅辣度🌶。另小食、加點食材及飲品都頗多選擇。一入店內，服務員💁🏻就即刻為我哋安排座位，並介紹店內嘅人氣✨食品。餐廳嘅佈置亦挺有特色，以泥水牆及橙色為主調，另以「記憶牆」展示臺灣嘅分店。聽完介紹，我跟工程界小花👧🏻就點了招牌臭臭鍋🍲及臺式麻辣鍋🍲，而飲品就選了兩杯茉香奶綠（其中一杯加寒天），兩款鍋及飲品都係店內超人氣之選。✨招牌臭臭鍋(不辣)鍋物嘅材料有娃娃菜、白豚肉、台式貢丸、米血糕、大腸、豬紅、沙白、鵪鶉蛋🥚、蕃茄、炸菜絲、韮菜、金菇、鳴門卷、炸枝竹、粉絲及臭豆腐！✨由於想體驗原裝臭臭嘅味道，選了唔辣，鍋物🍲一上枱，已經隱若聞到陣陣嘅豆腐發酵味，味道愈滾愈濃烈，聞到都覺得惹味。最喜歡💕有台灣特式嘅米血糕及臭豆腐，另娃娃菜、金菇、炸枝竹同粉絲吸哂湯底嘅精華，食落真係好滋味！😋臺式麻辣鍋(少辣🌶）鍋物嘅材料有娃娃菜、羊肉片、麻辣餃、甜不辣、福州魚蛋、豬紅、沙白、

行過幾次都想試下，今日同朋友未到七時就到。店內装修好有台灣風，店員好熱情地招待'。見到餐牌非常多選擇，眼花繚亂我左想又想结果選了招牌嗅嗅煱和芝士牛奶煱。嗅嗅煱点了小辣，湯底香濃煱料份量也不少，比較特别台式臭豆腐，都幾臭口感不錯。米血糕煙煙韌韌幾好,腐皮吸湯後入晒味。芝士牛奶煱。非常邪惡大大塊芝士，牛奶加生蛋一起沸起後香氣四散。煱料份量款式多，頗為特別心形魚蛋幾彈牙。麻辣鴨血味道麻辣鮮香，口感濃厚。台式檸檬冬瓜茶，酸酸地最啱食完火鍋refresh吓。泡沫 红茶，茶味芳香濃郁。

尖沙咀既臭臭鍋就食過好多次，因為我同男朋友都好鐘意尖沙咀果間，間唔中就會想去食下。今次係openrice見到原來銅鑼灣都有間分店，見近我公司好多，即刻搵左日同男朋友收工去食😍銅鑼灣分店少人過尖沙咀，一入到去見到都有一半既空位，所以唔洗等位，即刻有位，唔同之前去尖沙咀分店次次都要等位😂我叫左臺式麻辣鍋（小辣）+粉絲，男朋友就叫左個藥膳羊肉鍋+飯，另外例牌咁叫左個麻辣鴨血同一杯冬瓜茶臺式麻辣鍋入面好多料，有牛肉、豬紅、豬肚、豆角等等，唔好見套餐既粉絲好似得少少咁，因為本身個鍋入面有啲公仔麵，加上鍋入面滿滿都係料，所以都係超飽肚！而牛肉黎講，呢個價位黎講都算係咁上下。我叫左小辣，但係我覺得唔算好辣，麻既感覺都唔係好重，食得辣既話，建議可以放心叫中辣或者甚至更辣！另外個藥膳羊肉鍋個湯底都好香，藥材味聞落好香，同樣，呢個價位黎講，個羊肉都算唔錯！想進補下既，推薦揀呢個鍋😆除左令我地有少少失望既係麻辣鴨血冇以前係尖沙咀食既咁入味之外，其他整體上都同尖沙咀分店差唔多，都係正既，都會想再黎食！🤤

呢間喺台灣開黎香港8鍋臭臭鍋之前喺tst食過一次，今次再黎cwb喱間分店食。佢係以一人一鍋形式有多種鍋底揀麻辣咖喱牛乳等應有盡有每個鍋112蚊，加12蚊可以由本生配既白飯or粉絲升級滷肉飯（原價26蚊）如果唔夠飽可以再加邊爐料。佢店入邊有好多區其他各地分店嘅相我就叫左桂圓黑糖薑母茶，覺得都唔錯。我就叫左蕃茄白豚鍋裏面有娃娃菜、白豚肉、豆乾、蓮藕、香菇、蕃茄、粟米、炸枝竹、青豆角，金針菇、椎山、嗚門卷、凍豆腐、木耳同埋粉絲。我覺得個蕃茄湯底好濃好香，雖然得一款肉但係都食到好飽好夠，特別係啲粉絲吸晒啲蕃茄湯底好好味。朋友叫左芝士牛奶鍋裏面有娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片同埋蛋餃。佢個芝士味好香牛奶好滑，心形魚豆腐同埋麻吉燒都好好味。不過覺得蕃茄白豚鍋好食啲，芝士牛奶有啲濟。

閒日放工冇乜嘢做，所以就諗住放工嚟銅鑼灣行吓。🤩同男朋友行吓行吓，傾傾吓計傾起好耐冇去台灣啦，而啲大假又用得七七八八 唔可以嚟個快閃旅行🥺但就撩起咗想食台灣野嘅癮。咁就嗱嗱聲上OpenRice睇吓有咩台式食物好推介啦。見到有間台式火鍋「台式臭臭鍋專門店」😍令我諗起上次去台灣一落機係夜晚11點 但仍然無阻我搵邊爐打。好瘋狂 🤣喺門口已經見到有一對財神啦🤩佢嘅Menu係底面兩張，一板係火鍋湯底，第二版係嘢飲同埋配菜。一共係有九個鍋俾你選擇，而我就選擇左佢強勢回歸嘅沙茶牛肉鍋。因為我本人好鍾意沙茶嗰種口味❤️佢係Menu上有教你點溝完美醬油比例：就係兩匙豉油+三匙沙茶醬/豆瓣醬+一匙蒜蓉。而我就根據左呢個完美比例嚟撈汁，我覺得好配合湯底嘅味道🙆🏻‍♀️主菜邊爐終於嚟啦。佢可以比你選擇粉絲或者飯，而我係比較鍾意食麵類嘅；所以我就揀咗粉絲。佢啲牛肉係生既，要滾下滾下先熟，咁樣有個好處就係啲牛肉唔會好老，可以岩岩好值得一讚嘅係佢粒牛丸，比我想像中有驚喜好多。有少少似嗰間越南麵「錦麗」嗰種質感！唔錯唔錯 🤩傾傾下都夜啦 要歸家啦🥺臨走都想影張相過下癮 同自己講下年先去台灣食啦。依家望梅止渴

和朋友大約下午三點多去到店，好安靜，這個時段坐得好舒服，傾計，嘆火鍋一流。要下午茶時段有火鍋食，份量又唔會太多嘅，呢度真係超級好選擇😊我叫左個臭臭鍋中辣，味道十分好，而且辣湯得香，很開胃。臭臭鍋重點當然係食臭豆腐，呢度嘅臭豆腐也不錯，不過未夠入味。咬落去口感似硬豆腐，臭豆腐味吾夠台灣嘅臭豆腐香。但係整體來說，如果好想食台灣嘅臭臭鍋，係香港呢間店舖都可以止到口痕架。埋單一人先一百蚊左右，一個鍋，一杯飲品，連加一。

今日收工同友人去銅鑼灣行街，行到肚餓就搵野食，聽人講有間火鍋店價錢相宜又行到附近，而且質素唔錯就去試下啦，冇錯就係今次既主角 8鍋臭臭鍋，一坐低店員好有禮咁招待我地，而且還主動介紹佢地既招牌鍋最後我叫左一個最新出既沙茶牛肉鍋而我朋友就叫左芝士牛奶鍋，另外加兩杯台式飲品10分鐘唔洗，食物已經到齊，十分有效率我點既沙茶牛肉鍋十分足料而且調味都適中十分岩香港人口味，100元都唔洗有咗多野食絕對抵玩另外我朋友點既芝士牛奶鍋更加香味迫人，聽佢講話呢個鍋食得出呢個鍋冇乜味精而且十分足料最後飲品方面點左茉香奶茶跟盆栽奶茶，好香茶味又唔會太甜最後我地兩個走既時候都頂住一個大肚腩走人，十分滿足

尖沙咀開左好耐都未食過 一直都好想試知道cwb開左就食下！抱好大期望去食 但。。。一入去坐底見到d醬油調味料罐 超級油膩 一睇就知一直都無人清潔過。 我地3個人各叫一鍋同一杯野飲。 我個鍋入面有隻蟻都唔緊要 朋友杯珍珠奶茶入面都有隻野...佢d珍珠奶茶仲要係外賣式杯 封好左口嘅！衛生完全唔ok！