8鍋臭臭鍋 (謝斐道) (已結業)

尖沙咀既臭臭鍋就食過好多次，因為我同男朋友都好鐘意尖沙咀果間，間唔中就會想去食下。今次係openrice見到原來銅鑼灣都有間分店，見近我公司好多，即刻搵左日同男朋友收工去食😍銅鑼灣分店少人過尖沙咀，一入到去見到都有一半既空位，所以唔洗等位，即刻有位，唔同之前去尖沙咀分店次次都要等位😂我叫左臺式麻辣鍋（小辣）+粉絲，男朋友就叫左個藥膳羊肉鍋+飯，另外例牌咁叫左個麻辣鴨血同一杯冬瓜茶臺式麻辣鍋入面好多料，有牛肉、豬紅、豬肚、豆角等等，唔好見套餐既粉絲好似得少少咁，因為本身個鍋入面有啲公仔麵，加上鍋入面滿滿都係料，所以都係超飽肚！而牛肉黎講，呢個價位黎講都算係咁上下。我叫左小辣，但係我覺得唔算好辣，麻既感覺都唔係好重，食得辣既話，建議可以放心叫中辣或者甚至更辣！另外個藥膳羊肉鍋個湯底都好香，藥材味聞落好香，同樣，呢個價位黎講，個羊肉都算唔錯！想進補下既，推薦揀呢個鍋😆除左令我地有少少失望既係麻辣鴨血冇以前係尖沙咀食既咁入味之外，其他整體上都同尖沙咀分店差唔多，都係正既，都會想再黎食！🤤