8鍋臭臭鍋 (謝斐道) (已結業)

今日中午經開銅鑼灣做野，途經一蘭格離有間專食台式一人邊爐，見個名幾得意叫臭臭鍋，一於試下。好在個陣係十二點，都未算好多人，一去到就有位坐，個店員係台灣人，好熱情咁招呼，解釋左咩係臭臭鍋，原來係有台式臭豆腐，所以先叫臭臭。睇個menu 都好多選擇，本人好辣，所以特登要左中辣麻辣鍋，一上枱就聞到好香麻辣味，見個配料都好多款式，跟餐有粉絲或飯，本人要左粉絲，吸湯一流，個醬爆丸好正，同有鴨血糕。我仲補差價要左個百香果紅茶加寒天，夏日炎炎好解暑，清涼感十足！我同事就要左芝士牛奶鍋，由於佢係食素既，問店員可否肉換菜，佢都樂意轉，又專登俾多左菜，驚我同事唔夠飽。佢個芝士好香，同牛奶好夾，成個鍋變左奶白色，又係配埋粉絲一流，極推！埋單每人lunch set 都係88加一！