7E咖喱王

营业中

休息中

每次經過重慶大廈都會見到好多印巴人湧來派傳單, 問你食唔食咖哩. 昨晚終於試左.有一間叫咖哩皇, 有一間叫咖哩王.因為食之前去過openrice, 所以去了後者, 在7樓E.入到重慶, 好似去左第二個國家咁...個護衛問我地係咪去食咖哩, 我地答係之後就有個人走出來帶我地行去一部lift...上7樓.八點去到, 都好滿.重慶大廈真係幾舊...我諗如果火燭都唔知點走.間餐廳環境都幾迫. 有兩邊.佢地會比將表格你填, 入會有9折咭.見到好多野食, 唔識點. 所以都係請了johnny幫手.未點之前已經給了我們兩塊餅, 和一碟醬, 綠色辣辣的.他幫我們寫了兩款咖哩, 雞和牛. 一個用芝士整, 好香的, 另一個是啡咖哩. 有點辣, 都好香. 用芝士薄餅點來吃...真是很好吃. 另來叫了碟白餅來送. 其實兩個人來說很足夠了....但我們想試多d, 所以點多個生果餅來送咖哩...很特別的, 很好吃...裏面橙色一粒粒好像椰絲. 原來是用很多不同生果整成的.飲品我們點了兩杯乳酸. 這個就普普通通啦. 整體來說..在重慶吃咖哩真係好特別.

夜晚去左重慶咖喱王，噢！好失望，今次仲諗住帶朋友仔去試下，上2次既食物都唔錯丫！點知今次大家對呢餐都唔多滿意，點左：洋蔥圈~個人認為呢碟已經算係最好味，唔會炸得"火農"咖喱角~今次個餡冇乜味，而且好"火農"串燒雞柳~唔算係雞柳，一o舊o舊，有少少鞋，不過都仲食到咖喱味，OK啦咖喱燴魚~雪藏魚，而且幾腥，我食左一件，就冇掂咖喱薯仔波~朋友仔唔食什菜，menu上只有什菜同豆，見薯仔波個名幾得意，就試下，一時醒唔起，咖喱角又係薯仔餡，咖喱魚又有薯仔.....好多薯仔。上台時，仲以為黎錯左，有2件3尖8角既物體，同圓形or波扯唔上關係，唔抵，幾十蚊點左2o舊薯仔，唉！唯一係個咖喱汁幾好味。蒜茸薄餅~OK甜薄餅~好鍾意呢款薄餅，所以一定叫，點知侍應落錯單，黎左芝士薄餅，咁梗係換，叫番之前落單既男仔，佢竟然答完全冇印象幫我地寫單，唔係呱！咁後生就冇記性？check單時話係寫芝士，咁當然佢寫錯啦~個芝士薄餅叫左成3次，佢至上收番去廚房。埋單時~果然佢冇刪除芝士薄餅既價錢，只係o係後面加多個甜薄餅，我地都醒目，冇郁個芝士薄餅，咪一陣又多收錢。朋友話呢個男侍應(香港後生仔黎架)扮唔記得，又唔肯拎走，我地

心思思想去重慶食咖哩好耐架喇，去之前亦到上嚟開飯喇做定資料搜集，結果落鎚決定左去呢間”咖哩王”．禮拜六晚同老公兩個去，諗住之前預備好哂唔會太困難，點知去到都仍然有ｄ問題．喺重慶樓下好多人派傳單，有個人遞埋嚟，隱約見到寫住”咖哩王”三個字，就跟佢行，行行下發覺都唔係去７樓嘅，睇清楚張傳單原來都係另一間咩皇家乜乜咖哩，括住（咖哩王）三個字，先至知道搵錯左，於是借ｄ意走開，再搵個保安，佢向住班人大叫一聲，其中一個就埋嚟招呼我地上去．８：００上到去，本來個鋪位坐滿左，亦都有好多人訂左檯，伙記就帶我地過隔離個鋪位，原來隔離仲另有天地嘅，一間間ＶＩＰ房咁，好０岩一大班朋友嚟聚會．伙記有中國人，唔使怕溝通唔到．一坐低就俾張ＶＩＰ咭我地，要填ｆｏｒｍ，所以下次冇帶ＶＩＰ咭或者喺樓下冇攞到都唔使驚．因為之前做定工夫，已經預好哂叫嘅食物喇．佢先免費送上一個胡椒威化，好脆，幾好味，ｄ綠色醬汁幾辣．有個伙記同我地講，話ｄ威化幾”痴牙”，話自己實話實說．我地點左咖哩蝦、齋咖哩角、芝士薄餅、水果甜薄餅、芒果奶昔兩杯、燒鵪鶉兩隻．ｄ食物好快就上，咖哩蝦有分大中小辣，大辣價錢貴少少，我地要左中辣．落單果陣佢已經講左係

lee間咖哩王都算最正宗!!不單止好味,而且好爆,地方都幾大,不過如果你有潔癖就慘la,因為環境都算1般,唔會太乾淨,不過野食就正!!咖哩王梗係食咖哩...不過哎左個沙律都好味,$18好抵食,因為唔會好似出邊咁,求其俾你少少就算!!!拒地俾左好多唔同既蔬果,所以好正=)哎左::: 2樣送2個薄餅1個沙律已經好飽lu埋單每人都係$40...真係好抵食!!

睇過呢度網友推薦, 我同個fd決定勇闖重慶大廈食咖哩!兜左個圈終於搵到黎呢度, serve個地果個係印巴籍人士, 我地用加埋都係得半桶水既英文黎同佢溝通, 好彩都聽得明佢講乜同order到野食, 但睇黎我都要多多進修英文先得啦講返野食啦, 我地order左咖哩羊肉同串燒雞, 咖哩好香, 有好濃郁既香料味, 好似有d檸檬草或者係rosemary既香味, 羊肉冇乜羶味, 怕羶既都可以一試, 但如果可以再煮諗d就好啦!個咖哩羊肉配埋薄餅一齊食, 簡直就係perfect!串燒雞都唔錯, 幾有炭香味同幾脆口, 不過就有d乾同鞋口, 可能係用雞胸肉黎燒啦!最後我再order左個烤麥餅黎送埋d咖喱汁, 都唔錯, 不過唔係之前既薄餅>.<可以再幫襯既餐廳

第一次黎重慶大廈,見到咁見"鬼佬"...感覺有d 怪, 睇左個牌,就選擇左呢間餐廳食野...入到餐廳,就黎滿座,好多人而且幾熱鬧. 開頭淨係叫左d 普普通通既地道菜式:烤餅,印度炒飯,咖哩等等... 見到個價格咁平以為份量好少or 好少料啦...點知岩岩相反,足料而且好食...特別係薄餅d 醬汁,真係第二度好難搵得返...不過d 咖哩雞就差左少少啦,無咩雞味. 最後同老闆傾左一陣計,原來佢都好好傾,傾傾下帶動到個氣氛,之後佢介紹左個"芝士薄餅"俾我地試. 原來呢道菜先至係最正的!! 走個陣,老闆仲留左個手提俾我...^^整體黎講, 印象好好, 有好大機會會再黎!

正如版友所講個位Johnny真係好多野講, 一開口就停唔到口個隻, 佢重好大聲講話openrice, 有人提起佢個名.....初時未搵佢落單, 自己憑餐牌上食物黎叫, 都ok, 但就唔及第二round Johnny既推介咁好,最印象深刻就係個串燒雞, 都唔錯幾好食!不過最值得一提係個飯, 見餐牌寫9蚊, 以為好細碗, 後來發現係用碟黎裝, 真係唔好睇小.....

第一次踏足重慶大廈,睇左廣告牌就揀左呢間咖哩王啦!幾抵食,好正宗，佢有好多香草,乜乜咖哩芝士雞，烤餅呀，雜錦拼盤同咖哩角同雞油炒飯，三個人食左170蚊單,都好抵啦!食得好飽呀!

第三次去呢間食咖哩，因為個人嚟講我覺得真係唔錯。今次唔見johnny，但有另一個似足johnny嘅style嘅中國人幫我哋寫單，一樣係咁多嘢講，所以我懷疑佢地有親戚關系的...例牌叫咗個牛油雞- 正，另叫佢幫我寫咗個乜鬼腰果咖哩牛，佢話唔辣(因為我唔好辣)，但點知仲辣過牛油雞，口感都同牛油雞差，係滑d同多兩粒腰果係度。d雞肉唔錯，牛肉再腍少少會好d，烤餅叫咗芝士烤餅，芝士份量適中而唔太漏，正，呢味最啱d鍾意食pizza嘅人。飲品叫咗本mango 乳酪，10幾蚊但其實無乜特別。埋單折咗125。

繼續happy tuesday的行程。與男友的晚餐定在重慶大廈，但是選那一間呢? 在樓下的咭片欄點指兵兵，我們選了這間咖哩王。　咖哩王的環境比我上次去的印度皇宮餐廳要差，雖然我沒去過，但覺與工廠飯堂會幾相似。來這裡，當然要叫咖哩，我們就點了咖哩魚與巴辣羊咖哩，又點了洋蔥薄餅與很多人推介的水果甜薄餅送咖哩汁。男友還要了飯。　滿心期待，味道卻未見出色：魚肉有一點霉，不太新鮮；羊肉也較韌，沒有預期中的嫩滑口感；不過最失望的還是咖哩，吃下去有很濃的咖哩粉味，我卻找不到那種令人心掛的咖哩香味...總之無論普通咖哩還是巴辣咖哩都很普通，辜負了熱辣辣的可口薄餅。最後兩碟咖哩都吃不完。　有咭又有九折，埋單$130有找，幾平卻不是很好；元朗的蓬萊或石崗都似乎更抵。不過對於重慶大廈，我還是會繼續嘗試，下次要試試新德里!!

係食評見到好多都話呢度好食,咁男友又係尖東上班;便專登去試下。一到呢個重慶森林,真係令人迷失.... 入到大堂中間,見到security崗位旁有一個牌,又有好多卡片,令我又迷失左一陣。係邊間至真呢﹖隱約記得叫咖喱王... 之後實Q叔叔問我地去邊間,就指叫一位印度伯伯來引路。一入到去,嘩,好細好暗,心想唔知係咪呢間?!好彩,傳聞中的Johnny哥哥一出,便知"係呢間喇~"Johnny哥哥知道係第一次來食, 便會替你介紹食些什麼好。我地今餐食左:* 胡椒威化(免費送,每都有) d胡椒好辣,但d綠色醬汁幾好* Johnny推介咖喱雜菜(小辣) 幾好味,唔辣,但太多青豆>.<"* xx牛油咖喱雞 好好味,甜甜地,d雞肉又唔"鞋"* nan 烤餅(Johnny送的) 一般* 芝士薄餅 好多芝士係面,唔係得少少芝士粉果種,係車打芝士碎係面再去焗果種。唔錯,差d好食到想叫多份(1碟4塊)埋單:九折後$87

烤薄餅, 超好味~~~~~!!其他菜都冇咩特別, 但係個烤薄餅再加埋咖哩就絕配啦~~! 蒜容味烤薄餅都好正~~!!其他咖哩就唔好咁大期望, 因為唔夠辣, 唔夠香, 不過當係食烤薄餅的配菜, 就都尚可接受啦!!

尋晚同朋友兩個人都係第一次去重慶大廈食咖哩,一去到重慶門口,就有人派傳單,我哋响無頭緒之下拎咗1張嚟睇,點知唔夠3秒內,我哋手上巳經有超過五張傳單同3張VIP咭,哈哈..好似啲FANS攞簽名咁..好搞笑<環境> 地方較狹窄,抽風系統差少少<食物>1)xx咖哩羊(老細炮製)- 汁好正,少辣,但羊肉較少同唔羶(之前老細有講明唔羶o既)2)xx牛油咖哩雞(老細炮製)- 汁甜甜地幾得意,啲雞都ok3)芝士軟餅- 唔點汁都有好香芝士味4)白飯(free)- 唔係珍珠米,較遜色,但幾大碟<服務> 老細好人又老實,值得一讚二人共消費: 96 (自動有9折)

和樓友吃生日飯．在重慶地下收到很多傳單和VIP咭，不知如何選擇，結果用抽籤方法決定到這裡．咖哩魚，羊和雞：份量較少，不過咖哩香，滑伴烤餅和黃飯很惹味．芝士球：味道像蕃薯，沒有芝士味，醬汁很香濃，也是送飯之選．椰青清甜解渴．裝飾雖然簡陋，但環境頗清潔整齊，價錢合理．

本身唔太食得辣既人, 開頭有碟免費小食(點d綠綠地既咖喱), 我覺得幾辣.之後order 咗 d 咖哩羊,魚等, 反而幾啱我口味, 唔太辣, 有d (少) 辣中帶甜既味道, 不過碟碟份量都好少, Nan 好食. 服務就一般, 用contonese or english order 都無問題.