7E咖喱王

营业中

休息中

上個星期同個老友去幫趁，感覺無佐敦個間佐敦咖哩好食，一向唔喜歡阿蘇介紹過既地方，因發覺條友跟本唔識食，試過有幾間都完全唔掂，今次係基於老友請先去。去到重慶要搵 E 座 lift 口，上到去七樓仲要再搵。到左坐低，叫左咖哩羊，香草燒雞，蒜蓉薄餅，芝士薄餅，一個白飯，兩杯飲野，個兩杯飲野唔講，兩塊薄餅個底燒得太燶，有 d 苦味，咖哩羊唔掂，咖哩汁有辣味無香味，只有個香草燒雞叫做好 d 。白飯就太多水份，連咖哩汁食變左無味，總之唔會有下次。仲有 d 野上得太慢，我地 6:00 到，得兩台客，我地係其中一台，都做到咁慢，多 d 人咪唔掂。

重慶大廈俾人感覺有點龍蛇混雜,但經過琴日去完之後,覺得係外間ge人睇錯je~我地因為怕人多,所以同表姐6點幾就上左去食咖哩,入到餐廳環境地方等等都比我想像中好,我開頭重有d擔心餐牌冇英文,點知係中英印文對照,重有圖片,而侍應又識英文,令外來客食得好放心,我地點左5樣野食....咖哩雞----我本身係怕辣ge人,但係佢呢種咖哩好易入口,一d都唔辣,可能要簡特濃咖哩先辣la瑪紗拉繒魚----都係唔辣ge,個侍應叔叔話有少少辣,點知入口係有d蕃茄味,又有d青椒洋蔥粒o係入面,用黎送飯一流洋蔥圈----因為我地見有咖哩雞,於是冇點到咖哩角,改為叫洋蔥圈,點知麻麻地,個外皮好厚粉,好似食緊麵包咁,食完都飽飽地....黃飯----我地開頭以為係全黃色ge飯,點知只係有少少橙橙地色,飯身好長,口感有d硬硬地,幾特別,不過冇咩味道or香味薯仔薄餅----睇食評見到人話呢款入面有薯仔,好好食~好係幾好食ge,不過唔關d薯仔事,皆因我地食唔到有薯仔整體黎講d食物幾好,只係d咖哩個份量細左d lo~

見到阿so又有推介過,,食評又咁多,,又咁出名...咁咪諗住試下囉!一入到去嘩竟然係咁既間野@@環境都唔係一個點重要既最緊要好味但係一坐低見到咁貴既50-80既咖哩都有咁我地叫左3樣咖哩, 1碟薄餅, 2碟飯, 1碟咖哩角5個人去食,每人50蚊但係個個都好似無食過野咁d咖哩一黎到, 係一細碗, 我地仲以為係好多既添之後個印度黃飯28蚊既, 係佢地推介比我地既點知=.= 我地覺得白飯仲好味d好硬, 好似米咁真係唔會再去呢間野..食完之後我地仲要落番去食其他野...

訂左台去到即刻有位, 繁忙時間要一次過落 order 無得番單 -_________- 有個女人好煩囉, 當人地落 order 既時候, 佢成日話一碟唔夠你地食架喎.. 起碼要 x 碟啦.. 不停咁 sell 人>< 最後我地自己決定叫既野都食唔晒~ 印度烤餠 - 叫左薯仔烤餠, 芝士烤餠, 洋蔥烤餠 x 2, 本人中意食有芝士既食物, 不過食今次既芝士烤餠覺得芝士唔係太好食 ! 反而我平時唔中意食洋蔥都中意食洋蔥烤餠, 薯仔烤餠都唔錯, 有一層簿簿地既薯蓉, 配埋咖哩就非常好食 ! 咖哩角 - 叫左素咖哩角同免治牛肉咖哩角, 每人一隻, 素咖哩角入面係薯仔蓉+青豆, 食一粒都好夠 而免治牛肉咖哩角, 入面全部都係肉 ! 最欣賞食落去唔會成口油, 咬落去好脆架~ 咖哩羊, 牛, 雞 - 覺得雞果個汁最好食 本人唔食羊無試到羊係點樣~ 牛咬落去唔係好淋, 雞切得好大件, d 肉鞋鞋地.. 燒雞塊 - 兩件雞脾, 兩件雞胸肉, d 肉燒到鞋拾拾, 食落去又無味道 加檸檬汁落去只食到檸汁既酸.. 都唔見得好食得去邊~ 燒魚塊 - 雖然無咩味道, 但魚肉好滑, 價錢抵食

1月10日約了朋友Y,C,A四人來到這裡食野，本著阿A話上個星期來食過OK，便來這裡。點知真係大失所望叫了3種烤餅：原味、薯仔、芝士，基本上都不好食的燒雞、咖喱角不好食鐵板牛肉腸，一位中國女人侍應推介的，但又乾又難食的另叫了羊肉，牛肉、雞肉、蝦等都不太好的以後都不會再來的，食物又差又貴，又不可以再下單的，只可ONE CALL的，話好多人等，不可以加單的。

餐廳有位濃妝肥女士, 話一次過 Order, 慢慢睇.甘咪問下有咩好介紹, 點知水我地點 d 貴野 & 係甘話唔夠我地食...... 最後二人同行, 點了:1. 咖喱角(唔素)皮厚, 硬d, 都脆, 味唔太濃, 點茄醬OK. 2. 燒雞好燶, 好乾, 好"鞋", d肉又唔入味, 真係唔得, 點解甘多人話正? 3. 咖喱牛腩個味幾好, 岩我口味. 4. 芝士烤餅個 feel 有 d 似芝心肶, 幾好食 不過點左咖喱牛腩 d 汁就無咩芝士味5. 蒜茸烤餅無咩驚喜, 都好食既 又係點左咖喱汁就無咩蒜茸味P.S. 重慶大堂有幾位保安哥哥及有餐廳 9 拆咭.

想去呢間野好耐嫁啦 .. 叫左chicken tarooi .. 咖哩羊 .. 芝士薄餅 .. 咖喱角(2件素+2個不素)+ 芒果乳酪先黎 chicken tarooi .. 黎到熱辣辣 .. 好香 .. 好味 // 咖哩羊 .. 普通 .. 可能唔辣既關係啦 芝士薄餅 真係好好味 /// 我覺得好味過pizza hut 的芝心反而唔係好like咖喱角 .. 唔岩我 .. 俾埋男友食 ^^最後芒果乳酪 .. 普通 .. 下次唔會再叫

今晚再一次同3個fd 去呢度食咖喱, 我 諗會係我最後一次黎呢度食lu ~ 第1次去重慶食咖喱就已經係黎呢間.... 都成十年前喇 !!十年間.... 每1年都會同唔同既朋友黎食 1, 2次左右, 重來都唔識睇餐牌點菜, 唔知自已食緊咩架... 因為每次都係Johnny 渣主意既!佢態度好好... 又唔會屈你食貴野, 介紹既野食都真係唔錯!o係度見過好多明星黎食野, 全部都係 Johnny 招乎既!!已經成年冇黎過, 今晚諗住搵Johnny 啦..... 點知.... 我問 : Johnny o係唔o係度呀?Waiter 話: Johnny 唔o係度喇.... 佢唔會番黎架喇!我問 : 下... 乜佢冇o係度做喇 ?Waiter 話 : 佢已經唔o係呢個世界上面喇 ... 我同個fd 都呆左一呆... 唔敢再問喇!! 唔知我地有冇會錯意呢!! 我會記得佢既!!講番食評先... 今晚冇左 Johnny 幫我地叫野食, d 野食雖然同之前差唔多, 但因為其他 waiter 都係d 印度人, 唔係好識廣東話, 加上o個個化濃妝好惡既肥女人 態度又唔係咁好!! 佢竟然話要我地

此店是改變我對印度菜的轉捩點.........由無興趣變成喜愛。 雖然環境擠迫點, 但是食物味道是好的 從前去價錢很平要等位, 後期去加了價(仍然屬平)仍要等位............. 搭電梯等電梯等到有DD忟..........上星期亞蘇介紹了此店, 肯定更加多人去啦!!! 即係我有排唔駛去啦!!!!!........多謝你, 亞蘇!

薄餅叫左芝士, 牛油, 薯仔同蒜蓉味芝士嗰個最好食, 有層芝士係入面, 芝士味很足~牛油薄餅就超級普通蒜蓉嗰個味唔錯, 但冇乜特別~叫左個雜扒鐵板, 好乾, 同有啲膿, 但就幾好味仲叫大羊, 雞同牛咖喱, 但太細碟...如果大碟啲會更好, 啲咖喱好好味, 甜中有少少辣, 送飯, 餅一流!不過啲肉就可以再嫩啲~

奶油包好失望....見『 咖喱王』係OPENRICE都有唔少好評，就同朋友B小姐及A小姐去試一試..點知真係大失所望...D咖哩一D都唔熱...其他野食都係...最大鑊係明明有訂位...去到竟然話冇位...要等...等...等...仲有一個女WAITER(著黑衫)佢既服務好唔得...竟然要求客人一次過好ORDER晒D野佢話冇咁得閒去招呼你...奶油包覺得佢好似『倒米』LOR

一早book左位黎試下呢間咖哩, 點知去到好多人等, 個個都話book左抬既, 佢都係要重新再登記再等, 所以好無癮...我地3個人, 叫左2 sets 薄餅, 一set cheese, 一set garlic, 後來唔夠再加多個cheese, d薄餅好味, 有少少濃, 有少少脆口, 都唔錯, 我地仲有叫左一個腰果濃汁羊, 同原汁咖哩雞, 呢2個都好好味, d肉唔會'un', 唔會'鞋', d汁真係好濃, 又唔'漏', 點薄餅食真係very good, 我地貪得意叫左2隻燒鵪鶉食, 都幾好味, d肉好滑, d肉好少, 因為好細隻, 少少咁食都唔錯, 反而最唔突出既係牛肉咖哩角, 咖哩角入面包住除左牛肉, 仲有幾粒青豆(我expect會係薯溶, 所以有d失望), 不過個皮真係好脆既, 不過不失啦...3個人已經食到好飽, 開始時都想order drink既, 但見佢每抬都放壺水, 最後冇叫... 下次有機會都會再去, 但會早d去囉, 因為會預計唔到要等幾耐

重慶食咖哩，好多人都話好味！呢樣首先唔講住，最重要既係食完真係會有一陣阿差味架！ 咖哩角入面係薯溶，味道唔錯架！不過咖哩味唔夠濃.... 咖哩牛腩味道就唔錯，不過牛腩好un... 勁辣雞，個名叫勁辣雞，可惜佢根本一d都唔辣！勁失望.... 牛油薄餅.......where is the 牛油味????? 芝士薄餅！最好食係呢一個！真係好濃郁既芝士味，唔使點咖哩一齊食，味道都非常出色！總括嚟講！只可以去食一下，但唔會再去食多次！味道唔會好食到你食完會掛住既嗰種啦！講真亦唔係好出色，因為外面有更多都比佢整得好食！

第2班朋友提議到重慶大廈食咖喱, 上次撞過板, 今次是有備而來的!沒想到夜晚在下面會多幾倍人派傳單, 之前已講好不接任何單張, 但朋友見到有「咖喱王」的單張, 不小心接了, 於是有蜂擁而上的人追着我們, 好不容易走到重慶大廈的門口, 保安叔叔才把他們打發走。5個人點了素咖喱角, 芝士薄餅, 瑪莎拉燴雞, 可能太多人, 都要等一陣才上食物~熱熱的芝士薄餅, 有4塊, 芝士非常的香軟, 滑滑的, 突然覺的有點似早其的芝心批的芝士味, 不點咖喱也很好味~返而覺得點咖喱有點浪費！4隻素咖喱角, 比另一間的好食好多, 不過比上次的細一點、沒有太脹的涵, 但就脆d, 有幾粒青豆同好入味的少辣咖喱薯仔, 好好味！！瑪莎拉燴雞, 好重香料, 唔太辣, 有少少甜, 只有4舊雞, 雞好滑, good~食完第1輪, 都有少少飽, 但遲到的朋友才來, 又叫了特式串燒雞件、新德里燴魚、咖喱牛腩、鄉村芝士球、脆胡椒餅、特式烤餅、牛油薄餅特式串燒雞件, 黃色的雞件放在鐵板上, 有6件, 加少少檸檬汁, 雞肉好滑好味, 朋友覺得一般, 我就好中意！(成日覺得通常最無特色的食物都會加「特式」兩個字！ )新德里燴魚, 黃

9月19日 9:30PM 我真的很想嚐一嚐咖哩王的香今晚我們決定到重慶大廈食咖哩,我和老公從未踏足過此地,只從電影和雜誌上看看而已,每次經過重慶都看到好多印度人黑人,感覺怕怕的,更不會走進去.............. 走到重慶大廈外面,有位印巴籍叔叔,遞給我一張食物的宣傳單,偷看一眼,是咖哩王7樓,就是我們目標的地方,於是印巴籍叔叔帶我們走進了重慶大廈 比想像的一樣,真是有很多很多來自不同世界的人,大多數都是黑人,三五成群聚在一起聊聊天,反而我覺得他們臉上都有一種親切的笑臉,可能在香港好不容易有一個地方,給他們有一種故鄉的感覺吧!!大廈裡面好多商店,賓館,而且有多部電梯,根本不知道坐那一部,我心想,真好運有印巴籍叔叔帶路,走到一半,印巴籍叔叔將我們交給一位印巴籍伯伯,再走一會,就到電梯口,這個時候印巴籍伯伯送了一張"VIP九折咭"給我們(謝謝你唷),去到7樓一出,就是咖哩王............!!已經聞到濃濃的香,老公走進去問一下,但是門牌寫"只招待會員",我在門口等!!老公確定"是"之後,我們在一間房等............3分鐘後有坐位喇~~~ 先問問香港籍的服務員