66拎走工房

营业中

休息中

湯底好淡仲話腩汁湯，淡到好似清水咁個麵係咁易淥一淥，都未煮開..唔明點解咁都開到檔佢寫出黎d車仔麵餸，好多都話無最基本魷魚，豬皮都話無呢啲簡單餸黎咋喎⋯⋯魚片頭好薄,係平時果d魚片頭橫切3份咁薄仲要變酸左拎落去換，店員話無變，佢d野新鮮就係唔肯換比我黑晒面要我過主，總之佢收左錢就唔會埋你d投訴/意見見佢主打車仔麵都整成咁，好難理解店員撞聾+成日黑面想要多蔥，扮聽唔到多蔥好過分咩？成日話唔夠人手，好忙一個車仔麵外賣都等20分鐘咁樣就64蚊

今日lunch同事話想食車仔麵，附近又無咩選擇就揀左呢間。我叫左個牛雜車仔麵，d餸每款得一兩舊，麵底又少，成個車仔麵味道都好淡口。落單果陣做樓面果個阿姐問要唔要辣，我本身食得辣叫佢多辣，點知食果陣係一滴辣油都無，完全唔辣同事叫左個鴨翅撈麵，佢話味道又係好淡，d翅唔掛麵，淨係得d芡，麵底又係好少，食晒個麵淨低既翅兩啖就無晒，份量少得可憐另外叫左個煎釀三寶兩個人share，問廚房個阿姐可唔可以炸番熱，佢就黑晒面咁話岩岩炸起重好熱， 但我地食果陣係常溫既其實今次第二次食，對上一次早餐叫兩份燒賣，講明分開裝，重要講左兩三次，廚房個阿姐唔知撞聾定點擺埋一齊，我拎到手叫佢分開裝番，佢好意思話我唔一早講。呢個阿姐擺明倒米，以後都唔會再幫襯

成日都盒經過呢間舖，主打車仔麵，早上有早餐賣。見到$10有10粒燒賣，今日冇買早餐就去買黎試吓。打包時叫呀姐少少豉油多啲辣油，呀姐即刻黑面，好晦氣話多辣油要加錢喎，十蚊十粒已經無賺你地！咁我話唔使多辣油啦正常得，其實我公司都有辣油，只不過諗住方便叫佢落多少少，另外我仲買咗腸粉。燒賣淋到不得了，而腸粉都唔好食，麻醬完全冇味，好似水咁。服務又咁差，食物又咁差，九龍灣工商區咁多選擇，唔怪得成日經過呢間野都靜英英

今朝返工見到呢間新開冇耐嘅小食舖嘅燒賣$10蚊10粒見冇人排隊等同埋有d肚餓就試試佢。但試完就即刻明白點解冇乜人幫襯。首先佢d燒賣唔知點解蒸到好似啫喱咁，食落口成個口感同質感都好怪，可能7仔d燒賣仲好食過佢。其次就係佢嘅所謂辣椒就係d大陸辣椒醬而唔係辣椒油，成件事根本就唔夾。真係完全唔明白點解咁簡單嘅小食都可以整得咁難食同求其。而我見到對面馬路都開左間小食舖，佢雖然賣$10蚊5粒，但係每次經過都會有人排隊，所以都知道個分别係邊。