影片
以上资料只供参考，请与餐厅确认详情
汤底好淡仲话腩汁汤，淡到好似清水咁个面系咁易渌一渌，都未煮开..唔明点解咁都开到档佢写出黎d车仔面𩠌，好多都话无最基本鱿鱼，猪皮都话无呢啲简单𩠌黎咋㖞⋯⋯鱼片头好薄,系平时果d鱼片头横切3份咁薄仲要变酸左拎落去换，店员话无变，佢d野新鲜就系唔肯换比我黑晒面要我过主，总之佢收左钱就唔会埋你d投诉/意见见佢主打车仔面都整成咁，好难理解店员撞聋+成日黑面想要多葱，扮听唔到多葱好过分咩？成日话唔够人手，好忙一个车仔面外卖都等20分钟咁样就64蚊
继续阅读
今日lunch同事话想食车仔面，附近又无咩选择就拣左呢间。我叫左个牛杂车仔面，d𩠌每款得一两旧，面底又少，成个车仔面味道都好淡口。落单果阵做楼面果个阿姐问要唔要辣，我本身食得辣叫佢多辣，点知食果阵系一滴辣油都无，完全唔辣同事叫左个鸭翅捞面，佢话味道又系好淡，d翅唔挂面，净系得d芡，面底又系好少，食晒个面净低既翅两啖就无晒，份量少得可怜另外叫左个煎酿三宝两个人share，问厨房个阿姐可唔可以炸番热，佢就黑晒面咁话岩岩炸起重好热， 但我地食果阵系常温既其实今次第二次食，对上一次早餐叫两份烧卖，讲明分开装，重要讲左两三次，厨房个阿姐唔知撞聋定点摆埋一齐，我拎到手叫佢分开装番，佢好意思话我唔一早讲。呢个阿姐摆明倒米，以后都唔会再帮衬
继续阅读
成日都盒经过呢间舖，主打车仔面，早上有早餐卖。见到$10有10粒烧卖，今日冇买早餐就去买黎试吓。打包时叫呀姐少少豉油多啲辣油，呀姐即刻黑面，好晦气话多辣油要加钱㖞，十蚊十粒已经无赚你地！咁我话唔使多辣油啦正常得，其实我公司都有辣油，只不过谂住方便叫佢落多少少，另外我仲买咗肠粉。烧卖淋到不得了，而肠粉都唔好食，麻酱完全冇味，好似水咁。服务又咁差，食物又咁差，九龙湾工商区咁多选择，唔怪得成日经过呢间野都静英英
继续阅读
今朝返工见到呢间新开冇耐嘅小食舖嘅烧卖$10蚊10粒见冇人排队等同埋有d肚饿就试试佢。但试完就即刻明白点解冇乜人帮衬。首先佢d烧卖唔知点解蒸到好似啫喱咁，食落口成个口感同质感都好怪，可能7仔d烧卖仲好食过佢。其次就系佢嘅所谓辣椒就系d大陆辣椒酱而唔系辣椒油，成件事根本就唔夹。真系完全唔明白点解咁简单嘅小食都可以整得咁难食同求其。而我见到对面马路都开左间小食舖，佢虽然卖$10蚊5粒，但系每次经过都会有人排队，所以都知道个分别系边。
继续阅读