影片
26蚊 食一个下午茶可以拣鸡扒牛扒猪扒或者鸡中翼， 可以配薯条薯角或者沙律， 冻饮加三蚊都仲系好抵。 地方十分现代化系好干净企理。卡位稍为迫少少但仍然可以接受。 份扒唔系大大份 但作为下午茶其实真系可以接受。 味道中规中矩， 但系喺太子可以有得咁舒服嘅地方歇歇脚 其实算系咁㗎啦。 泊车呢门口系可以 停下嘅但唔系咪表， 地铁呢就太子d出口上咗地面转左。
继续阅读
餐厅外貌唔突出，但内里装潢时尚，座位宽躺。坐下来时差唔多十一点几，原来特餐有部份一律$33，饮品另加钱，热饮+5蚊, 冻饮加7蚊。价钱算中位。叫左个熔岩肉饼饭同三宝丸喇沙米。喇沙米味道不过不失，略嫌唔够浓味，丸就一般鱼丸，鱼丸同贡丸，无乜好写。熔岩肉饼原来系咸蛋source加上肉饼，个source几重咸蛋香，令到个肉饼食落多左层味觉，几好。不过系个肉饼份量真系小d。但有样嘢要扣分，就系去餐厅洗手间时发现两只成寸几长嘅曱甴响狭小的洗手间内游走。
继续阅读
上次12月6日同女朋友两个黎呢间食过shakeshake海鲜，觉得海鲜新鲜，份量都大，酱料又惹味，加上店铺唔算多人，坐得几舒服，加上佢既围裙既图案，直头令我觉得系抵食版既Mr crab。上网睇下发现应该系开左冇几耐既小店，所以单都未埋就同亲朋好友介绍，支持下本地小店。可惜今晚同埋屋企一行六人过泥，发现好多料都冇货，例如龙虾，鸡翼等小食，亦听到另一台客话好多火锅配料都冇。我地叫既野食同上次差唔多，但今次虾蟹真系细到眼都凸，160$1只既蟹个盖同tempo咁上下。鲍鱼同40$4只罐头鲍大细相若，而68蚊六条既圣子，最大个条同手趾尾咁上下大。再者，我地同侍应反映蟹同虾实在太细只，答覆系来货系咁就咁细，上头交戴落细都唔会比多只，但一分钟后又话你要咪比多只你啰。我地当然冇要，施舍咁。简单啲讲，两星期前物超所值，今日真系比都唔食。由于用手套食，我地都冇乜影相。平心而论，海鲜算新鲜，但size真系儿童餐咁，加上职员既态度…认同做生意要揾钱，但钱唔系咁揾。衷心希望唔会再有人中伏。食物都其次，成家人都唔开心，何况太子旺角真系大把好野食，唉！
继续阅读
我平时冇写开食评，都要特登过黎post见门面几靓就入去食。六点几冇咩人，唔洗等。叫咗鸡扒喇沙 (近$50)同搞搞面(近$80)。鸡扒鞋，冇味。搞搞粉啲粉太咸太酸太辣，咩味都太多，吊筒却冇味，两只都冇食到。份量好细食唔饱。最离谱系，米线舖格局，竟然要加一，餐牌冇话要，水又冇杯，咁样喺香港做生意?!食得一肚气，唔明点解咁多好评。 想生意长做长有，就唔可以只靠gimmick嘢，真系有好嘢食，价钱合理先做得住。
继续阅读
尖沙嘴间shake shake海鲜开嘅时候已经想去试试，但因为价钱唔平又唔就脚所以迟迟都未去。点知！比我发现太子都有间shake shake海鲜，价钱仲相当亲民，咁梗系即刻去试下啦。餐厅有提供手套同围裙，相当贴心。一坐低就嗌咗杯荔枝特饮，＄38细细杯，卖相唔错，但系系浓缩果汁冲出嚟的，唔算难饮，味道偏甜。(5/10分)之后就拣海鲜同酱汁，我就拣咗青柠酱。厨房烚熟海鲜之后放系胶袋入面，店员拎出嚟shake就食得啦！海鲜新鲜好食，我仲嗌咗金针菇同埋娃娃菜，青柠酱味道酸酸辣辣，不论同蔬菜定海鲜都非常之夹，蚬蚌同鲍鱼都十分鲜甜弹牙，正！(8.5/10分)除咗shake shake海鲜，我仲嗌咗麻辣小龙虾，食落麻辣味唔够，冇咩龙虾鲜味，呢个就唔太啱我口味，个人觉得麻麻，可以唔使嗌。(5/10分)冇嗌饭面，净食海鲜食饱有点空虚，但都还算ok，多人去嘅话建议嗌个主食，咁多海鲜埋单300几，抵食！
继续阅读