629雞蛋仔

营业中

休息中

報導一直有說這間雞蛋仔，老闆以本傷人，不惜用更濃的蛋漿，更長的時間製作每個雞蛋仔。星期日排了約二十分鐘，等到了熱哄哄雞蛋仔。只叫了原味，想更能真實地嚐到他蛋漿的味道。外表滿意，雖然會有點小氣泡令外榖不能完全光滑，但問題不大。吃第一口，其實有點失望，它居然空心的，只剩下脆脆的外殼，說好的以本傷人去了哪。幸好吃到底也能找到外脆內軟的實心雞蛋仔。的確能吃到比一般更濃厚的蛋漿味，雖然只剩下數顆。相信老闆能將來更能掌握每顆雞蛋仔的均衡度，下次會嚐嚐它的特厚格仔餅！

不知所謂！講到咁有誠意都只係宣傳技倆，賣成$17一底，點知一d都唔脆既，咬開重係空心添😞非常失望！講真龍記都重平又抵食過你，又唔洗排隊，大家都係做街坊生意，食過就知點擇啦～

雖然佢叫做629雞蛋仔，但我基本上黎親都係食格仔餅佢既格仔餅係特厚個種，配上小小牛油，大量練奶同花生醬，咬落去外脆內軟，omg好食到暈，我通常都打橫咁拎住食，因為每一滴醬都唔可以浪費xdxd629雞蛋仔，我都食左好多年，直頭係元老級古早fans, 由細舖食到搬大舖仲開埋分店，有次佢冇開食左隔離另一間，又乾唔知點咁，都係629最好！同埋大叔好健談，有次佢分享呢，冬天同夏天因爲人既味覺敏銳度唔同，所以冬夏配方係唔一樣！簡直係格仔餅大師xd又:最近食左一間好出名仲要排隊既格仔餅，我食左兩啖掉左，背叛大叔係冇下場嫁哈哈哈xd又又: 個個問新新蒲崗有乜好野食，我必推629，年中都唔知介紹左幾多人黎，不過真係冇收俑嫁

When I was little, egg puffs only has one flavour. The success of 媽咪雞蛋仔 and other stores motivated store owners to invent more and more interesting combinations of egg puffs flavour.Trying out the OOLONG TEA egg puff which is highly recommended by social media users.The price $23 is relatively affordable than the stores in CWB or MK.The scent as well as taste of oolong tea ☕️ is not extremely strong so anyone (even you cannot fall asleep after drinking tea )can try it out.But for me, I wish the t

確罐蝦，我地係食野唔抹嘴嘅拉拉屎戰隊。話說戰士們成日食好西，好易肥，所以就好「健康」咁相約去打波。但返完成日工，已經無哂ENERGY，又想食D 小食，填滿空虛嘅肚腩先開波，就黎咗呢間雞蛋仔….屎橋(青)戰士：口感夠脆，唔會淋到好似毛巾咁。味道正常，唔係特別好食。整體都有7/10。屎DUM(黑)戰士：一……陣風咁，食完好似無食過。5/10分算。無野講。屎MON(紫)戰士：係囉。食完好似無食，空氣感太重。但因為即整，皮係好脆，支持小店，見到有好多其他特別嘅味，都可以試下，但價錢黎講有D 貴。嗚嗚……而家食雞蛋仔都無錢，要募捐，成立個扶助肚腩成長基金呀。整體有6/10分。屎女人(黃)戰士：即整夠熱夠脆，但個蛋漿唔係太得。我覺得雞蛋仔要外脆內軟，有一定咬口。但D個完全無咗「軟」果部分。圖中見，雞蛋仔入面好似空的，一半嘅蛋糕都無，即係得個脆字。比較好嘅地方係有D雞蛋味。整體有7/10分。拉拉屎戰隊CONCLUSION：支持小店，都可以試下，但真係預咗食陣風…

之前食過幾次，多數都係食原味，好好味！今次比「2018年嘔心之作-烏龍茶蛋蛋」吸引，決定叫呢款！即叫即製，外面好脆，內裡軟軟！茶味好濃郁，有驚喜！下次要試埋烏龍茶格仔餅

成日聽人講呢間雞蛋仔好好食咁就今日一於自己黎試吓因為想同媽咪雞蛋仔比較下所以就叫咗個朱古力粒粒雞蛋仔其實當佢整嘅時候已經聞到好香真係好吸引但係整咗出嚟嘅時候 拎上手聞到好香蛋味同朱古力味試咗入邊雞蛋仔粒粒都好飽滿真係好好食啊我哋初初嚟嘅時候都唔多人排隊再返轉頭行過就真係好多人排隊啦見到鋪頭貼出嚟嘅嘢都幾風趣依間小店真係好有heart佢其實仲有好多嘢啊格仔餅芋圓嗰啲都有得食大定可以下午黎買 就唔洗排咀耐隊啦

👧🏻好中意食呢間雞蛋仔。👧🏻因爲好中意飲烏龍茶而簡咗佢個呢個味🍵，佢嘅烏龍茶味突出之餘又唔會搶咗雞蛋仔應有嘅蛋香👀😇淡淡嘅烏龍茶香瀰漫係個口度，外脆內軟，超級好食😆😍加上佢唔會好似其他店嘅雞蛋仔咁，外表太脆，裡面無咗應有嘅香軟度！🙃欣賞老闆一個人努力一手一腳打理小店，而且為人風趣😂-One of 👧🏻’s favourite egg puff in town! Egg puff, also known as egg waffle and bubble waffle, is a spherical egg based waffle popular in Hong Kong.😍 👧🏻 picked the new oolong flavour.😆 In general, the egg puff was crunchy at the surface and soft in the inner part.😋 It’s definitely a quintessential staple of comfort food in Hong Kong.

成日經過呢間629雞蛋仔，一直冇機會去試試，咁啱今日有時間，佢剛剛開門冇耐，見唔洗等，買左個原味雞蛋仔試試！點知個味道極淡，冇咩蛋香味！一點也不脆，仲要係淋！勁失望！冇下次

朋友之前請過我食依間雞蛋仔，已經凍晒，不過食落都唔會太硬，仲有少少脆，今次終於有機會熱辣辣咁食喇～雞蛋仔口味選擇都幾多～特別d 嘅係烏龍茶、紫薯...仲有粟米？決定今次食原味～其他朋友叫左格仔餅同炭燒咖啡蛋蛋格仔餅係朋友極力推薦，不過食完lunch太飽冇食到一底分左兩個紙袋，好厚身好吸引另外試左朋友一粒嘅炭燒咖啡蛋蛋，好香咖啡味，食落都有淡淡ge 咖啡味道，唔錯，幾特別自己嘅原味蛋蛋真係做到外脆內軟脆得黎唔會“界“口，不過我覺得入面太Lum，冇咩口感，以前食開o個d 打開中間會有粒野o係度，依款冇另外味道有d 淡，唔夠蛋味下次應該會試下其他口味／格仔餅～

雞蛋仔的味道和款式愈來愈多，但小店一旦名氣爆登時，質素都會趨向粗製濫造。鍾情於oreo，久未再來629，決定一試。原以為是將oreo打成粉混入蛋漿，老闆卻將oreo小塊逐粒放入模格，光是這份心思都難以媲美一般連鎖小食店的街頭小吃。$24一底雞蛋仔貴唔貴？字面睇的確有點。不過細想這十數載的通漲，尤其是租金，老闆花的時間和心思也更見相宜。在新蒲崗，吃的是情懷，也是一份對香港小店的一份敬意。最後，老闆烘了第二底雞蛋仔給我，因為第一底他不太滿意，這，不就是小店獨有的魅力嗎？對質素的執著不只是態度，也是一種味道。雞蛋仔的確是啖啖oreo的濃香，夾著帶點鹹香的芝士味，有點像在吃cheese cake一樣。開始時我太心急品嚐，還未乾透，然後一邊走一邊吃，就剛剛好 — 外脆內軟。好的東西都值得花一點點時間去等，不是嗎？

琴日食完媽_雞蛋仔既粒粒朱古力 超失望 林晒！一食就爛晒今日即刻去番呢間買 特登揸車都要過嚟食！朱古力Oreo !次次食都係咁好食 好有心機整 仲要逐粒落Oreo餅！真係好好食 脆卜卜入面又足料！👍🏼👍🏼

來到新蒲崗見到有一檔雞蛋仔好多人排隊， 仲多人過去斜對面嘅摩呀，二話不說，即刻同老公都照排。 多人排嘅嘢多數穩陣，今次都不例外，佢嘅夾餅冇令到我哋失望。629夾餅畀出面食到嘅厚一半，正正因為佢咁厚，佢外脆內軟就好突出 ，熱辣辣、外脆，裏面軟綿綿真係好好味， 平時食夾餅通常會叫佢多醬，今次因為想試下佢原本嘅味道，所以冇叫到多醬，由於我係好鍾意食醬嘅人，所以我相信多醬嘅話會仲好味。19蚊一份，下次 黎開新蒲崗，一 定會再食！！！

今日路過突然間好想食雞蛋仔見到有新出呢嗰嘔心之作烏龍茶味雞蛋仔，所以就揀左呢款黎試啦一人老闆真係唔簡單，又要接order，又要整雞蛋仔同埋格仔餅一腳踢真係辛苦。未食之前就已經聞到哩個烏龍茶味，好期待呀烏龍茶味係夠嘅，又夠脆同足料，唔會話入邊係空氣不過反而蛋香就少左啲喇下次想試下格仔餅，見佢好厚實，仲一底分兩個袋添，好抵食咁呀！

脆過三十三層方塊酥🤣🤣訓到差唔多三點先起身，食個鷄蛋仔止肚餓😂去左新蒲崗食629鷄蛋仔，其實好多年前佢啱啱開張我都買過黎食，不過中學生冇咩錢買小食所以之後都冇再食過。佢對面街開左間摩豆鷄蛋仔，見到多人排過呢間☹希望多d人支持小本經營，我唔想呢d細舖執笠，以後去到邊都係食連鎖店😂等左唔算好耐，鷄蛋仔超級脆😂大力d拎上手已經分開一粒粒。紫薯份量好多，每粒都好似張圖咁，食得好飽😂