629雞蛋仔

营业中

休息中

超厚份量格仔餅🍯($19)格仔餅拎上手的確份量十足啊下，而且佢地既蛋漿真係調較得唔錯，食落好香蛋味又外脆內軟，要埋多醬就perfect😍。-金莎朱古力醬格仔餅($25)原本對佢好大期望，不過食落一般，明明已經比普通貴成$6，但個醬比得好少而個餅又好厚，個醬就係平時食Nutella既味冇乜特別，整體原味好食得多🤔。-629雞蛋仔地址：新蒲崗康強街28號康景商場地下28J舖分數：8/10(比個原味)

都有大半年冇黎 今日落完大雨食完牛什麵又唔夠喉醒起尼間雞蛋仔就望下要唔要排隊好彩未有人排老闆多月冇見 多左好多味道但有樣野都冇變就係食好野係要等但今次要左個朱古力粒雞蛋仔味道特別 原味加朱古力但冇左果種外脆內軟既感覺失色左

想食呢間雞蛋仔幾耐, 次次去親都關門, 可能我太夜去, 因為位置太唔順路呢次終於食到啦, 見到門口得2個人等緊於是就去排隊啦, 阿姐就話: 雞蛋仔要等喎！我於是問: 等幾耐呀？阿姐: 5分鐘多D 啦我心諗: 幾驚你話唔使等, 我驚雞蛋仔唔熱喎我要左個粒粒朱古力蛋蛋, 的確夠外脆內軟, 蛋香濃郁每粒雞蛋仔都包住朱古力粒, 裡內飽滿, 唔係空氣不過凍左之後, 食落覺得脆到有少少硬同埋如果阿姐態度好D會更好, 可能做到太攰

第一個食記就等男小編同大家講下女小編平日好中意既小食之一：雞蛋仔~平日我地都會去搵唔同既雞蛋仔黎食，之前食過629既格仔餅味道都唔錯，所以我地個日就去試下佢地既雞蛋仔！！！當日女小編見到有紫薯口味就即刻話要試~~~好啦，咁就試下啦！老闆真係粒粒紫薯咁擺落去，睇到女小編超期待lol一到手，女小編極速影相之後就即刻“met”黎食，之後我都食返粒先！！！um.... 係足料既，但佢地都係格仔餅做得出色啲！

紫薯蛋蛋＄24成底雞蛋仔都透哂d紫薯肉出黎，個皮好薄好香脆，每粒雞蛋仔都包住一至兩大粒嘅紫薯肉，超足料！裡面嘅紫薯好軟稔，亦無浸過糖水嘅假甜味，good! 老闆話呢款紫薯蛋蛋做到四月中就無，大家要試就趁早喇！

甚少來到新蒲崗這個地區，但聽聞有間口碑不錯的雞蛋仔店，所以就特意來試試了。店方除了賣雞蛋仔，也有賣自製的蛋漿，所以應該對自己出品好有信心吧。.最後在幾種口味中，選了秋冬限定的紫薯蛋蛋。眼見店主製作時，把紫薯粒逐一放到雞蛋仔模具裡，然後再倒上蛋漿，等了數分鐘，一底熱辣辣的紫薯雞蛋仔就拿上手了。.外表方面，當然非常吸引，但味道方面也同樣不錯。雞蛋仔烘得外脆內軟，外層帶上甜甜的蛋香，每一粒雞蛋仔都包著鬆化的紫薯粒，味道非常突出呢，認真不錯!

坊間雞蛋仔店開得成行成市，但是當中不少在開設分店之後質素都有所下降。這間位於新蒲崗的雞蛋仔小店別無分店，卻只是專心致志地造好雞蛋仔。雞蛋仔款式不算特別花巧，但仍少不了大熱的綠茶味及紫薯味，而紫薯味更為期間限定口味。紫薯蛋蛋 ($24)每顆雞蛋仔表面都透出紫薯粒，可見真材實料，雞蛋仔質感極之薄脆，捧著拍了一張照片後已經粉碎，香脆度十足。咬開雞蛋仔，迷人的紫色霸佔了雞蛋仔整整九成，質地粉糯，味道天然。除了脆得誇張使人無法多拍幾張照片之外幾乎無可挑剔，是目前為止嚐過最出色的紫薯雞蛋仔。

我都食過好多間雞蛋仔但依間格仔餅超厚~ 唔係誇張，我覺得呢間係我食過咁多間雞蛋仔店佢係''全香港最好食''嘅格仔餅同雞蛋仔店，首先格仔餅外脆內軟，夠厚，夠曬多醬料， 全塊搽醬都搽得好均勻，唔會食到一忽有醬，一忽咬落又搽唔勻無味， 雞蛋仔同格仔餅整好就一定要即刻食就最好味， 唔好隔一陣拎到返屋企先食，咁樣就會林左冇咁好味雞蛋仔有多款，雞蛋仔都係外脆內軟，依間唔會同其他舖頭咁得個樣，佢依間裝修係冇咁靚，冇靚嘅包裝 ，但有真材實料最好嘅味道~~

平時在新蒲崗返工,都聽過這間雞蛋仔,咁岩經過那裡,就傳來很香的蛋味,每次放工都見很長龍,難得今次下午去比較少人,就買了一底雞蛋仔。看到很多種不同味道,有芝麻,椰絲,朱古力,不過我都是選原味(15蚊),即叫即整。見老板都幾有個性,很快手就做好一底。使用透氣的紙袋,令到雞蛋仔不會容易快淋,而拿上手時,也只是熱熱地,食下去都很脆,外脆內軟,而且D 雞蛋仔內裡也半實心,不會得空氣感,蛋味也很濃厚,也下去算是幾有口感。不過放得耐左,都係凍左冇咁好食,會比較淋身,所以雞蛋仔都是襯熱先好食!有機會的話,都想會試下其他味道。

特地去捧場，去到好彩人唔係太多，立即叫左兩個試食先，老板好好態度，雖然人後來開始多，但都仲好細心問係咪即食。（紫薯個底）老板真係落足料架，粒粒都有，不過可能太多料，搶左個雞蛋味，無甘香

今日再次光顧629老闆一個人兼顧所有工作今日都有少少人排隊但其實不需等太耐今日主要想試試紫薯蛋蛋即紫薯雞蛋仔$24一底咬了一口內餡充滿紫薯呀外面依然脆口好飽肚的一個小吃！

下午茶口痕想食野，結果就左去買左個超厚餅仔餅，去買既時候已經見到有幾個人係到排隊，等左一陣就有得食。熱辣辣既格仔餅入面鋪滿沙糖同花生醬，再咬落去個皮脆卜卜，外脆內軟，好味！今個下午茶真滿足

呢期電視雜誌都介紹雞蛋仔，其實街頭小食點止佢，仲有格仔餅做代表😆629雞蛋仔有種格仔餅叫做「超厚份量」，佢厚既程度完全可以媲美burger😎咪以為厚就一定軟腍腍，估唔到出奇咁香脆，我隔左十幾分鐘再食埋另外半個都仲咁脆~ 牛油，花生醬，甜奶同糖非常平均，而且唔膩味同唔會太甜。

雞蛋仔即叫即整，等左大約十五分鐘倒啦🤔見師博加左黑白芝麻粒落蛋漿度，雖然睇落吾多覺有芝麻粒，不過食落口就有淡淡嘅芝麻味～驚喜在於雞蛋仔外脆內軟😍一咬卜卜聲的，比起好多間雞蛋仔店都做得出色，真系抵讚👍而雞蛋仔內就系軟熟半滿，保留返空氣感，吾會食到好膩!!

星期日路過發現有開（之前試過星期日休息然後老闆說「我不是機械人」需要休息云云😄）口痕買了原味蛋蛋（即原味雞蛋仔）即叫即做稍等幾分鐘熱辣辣的雞蛋仔捧在手心好脆口咬了一口中間不是空心的還有蛋漿外脆內軟好味道！肚餓的時候就可以叫格仔餅大大份足夠兩個人吃！