629雞蛋仔

营业中

休息中

朋友推薦呢間格仔餅，黎到見到多人排隊，咁就照跟住排，然後我好有禮貌舉埋手問："買格仔餅同雞蛋仔係咪呢度排隊？整格仔餅果位唔知係咪老板好大聲叫過黎："會問你架啦！"我就話："我第一次黎買，我唔清楚先想問下，我唔想排錯隊。"對方又大聲講："到你就會問你架啦！你唔鐘意就去第二間買啦！"我完全覺得我黎買野食，我舉手問下係咪呢度排隊就要比店員大聲鬧？？完全理解唔到佢做乜？食個雞蛋仔啫，唔係要咁受氣咁委屈呀嘛…

新蒲崗629雞蛋仔成日都好多人排隊，尤其是lunch hour嗰陣，有時見到有成5至10個人排都好卻步，所以一直都冇試。今次終於見到冇人凍啦，所以即刻要買底原味雞蛋仔試吓。原來咁多人排隊嘅原因其中之一，就係佢價錢好抵呀！一底原味雞蛋仔都只係$20咋…… 仲要即叫即整，個樣好精神。試咗之後覺得真係好好食，又脆又香。唔會淋得好快，唔怪得咁多人排啦🤤見到佢個餐牌都仲有好多其他口味，心思思想試吓佢咖啡雞蛋仔，仲有新出嘅香芋雞蛋仔同紫薯雞蛋仔，都好吸引。推薦指數：💛💛💛💛💛

超級多人排隊！排隊期間都feel 到店家好有性格⋯連入唔入袋都要一早講明，前面學生妹妹想自己入都話唔得要由店家入袋🫣不過唔緊要，我等！上次嚟6點唔知係咪賣哂提早閂門，搵極都搵唔到店！今次買完炸包就行去試雞蛋仔！人龍不斷，我地心大心細要烏龍茶定錫蘭紅茶蛋蛋，最後揀左錫蘭紅茶味$26幾得意 真係有淡淡紅茶味，雞蛋仔都夠外脆內軟，唔知點解表面好多窿，期間都好多人食格仔餅🧇下次有機會試埋烏龍茶味先！餡料可以揀朱古力粒🍫芝士🧀️Oreo 唔知道會唔會蓋過左茶味呢⋯⋯不錯👍🏻少有嘅味道👅

新蒲崗有一間好出名的雞蛋仔店—629雞蛋仔，同時亦有賣格仔餅。兩款都有試過的情況下，我覺得格仔餅就更加好食了！今次去就叫左金沙脆脆醬格仔餅。金沙脆脆醬格仔餅 ($34)依間店舖所有的雞蛋仔同格仔餅都係即叫即做的，所以遇到人多時就要排下隊啦。今日落完單等左5分鐘就有得食，仲好好人咁幫我地切開兩份，分開兩個袋裝（因為２個人食)。格仔餅外脆內軟，亦食得出陣陣蛋香味，好食！而金沙脆脆醬落得都好多，足夠每一口都咬到金沙醬，好似真係食緊金沙咁！食依個的重點是，要即叫即食，千祈唔好帶返屋企先食（否則就軟淋哂唔好食了)。以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分629雞蛋仔網址: https://s.openrice.com/QrbS0ri0200~uKZISBA 地址: 新蒲崗康強街28號康景商場地下28J舖

呢囒間雞蛋仔真係好正啊！啖啖都係酥脆香甜，一食就停唔住。佢哋嘅雞蛋仔係用新鮮嘅雞蛋同埋特製麵粉製作，每一塊都煎得剛剛好，外脆內軟，入口即化。如果你想試下新口味，可以試下佢哋嘅珍珠奶茶或者芝士炭燒焦糖雞蛋仔。珍珠奶茶味道香濃，口感豐富，芝士炭燒焦糖雞蛋仔就更加唔洗講，口感獨特，甜而不膩。如果你想食啲清淡嘅，可以試下佢哋嘅水果雞蛋仔，配上新鮮嘅水果，健康又好味。總而言之，八十字雞蛋仔係一個好正嘅小食品牌，每一塊都令人回味無窮！

朋友知我鐘意食雞蛋仔，佢推介我黎呢度試試佢既口味唔算太多，最出名烏龍茶味梗係首先試佢既烏龍茶味我3點到，一直都有條龍但都唔算等好耐。食物方面：好多人話佢既雞蛋仔名過於實，但係真心我覺得佢既口感係我食過最好既一間，外脆內軟。佢既脆唔似Daddy雞蛋仔咁硬，唔會刮口，好輕盈。入面蛋糕體唔算多，唔會食幾舊就飽飽濟濟同埋食到最後都仲脆卜卜茶味方面唔算好濃，但佢一啲都唔甜，真正做到少甜食過一次後，我已經食唔返其他鋪頭既雞蛋仔

🍳🍳新蒲崗隱世雞蛋仔格仔餅 🍳🍳🔸朱古力oreo雞蛋仔🍫 $32 朱古力味入面配大量oreo ⁄(⁄ ⁄ ⁄ω⁄ ⁄ ⁄)⁄好足料😚雞蛋仔外脆內軟🤤🤤但略嫌呢個食食下有小小甜😳😳見好多人都叫原味，下次可以試下原味~🔸錫蘭紅茶格仔餅☕️ $30超厚既即叫即整既格仔餅(｡･ω･｡)ﾉ上手係熱辣辣，老闆仲會問洗唔洗分2份方便share✨✨liked!!格仔餅出面係脆既，入面有鬆軟🥹🥹好香茶味🍵🍵夾住仲有花生醬🥜煉奶🍼牛油🧈同黃糖😽超邪惡！！📍 629雞蛋仔 🔺 新蒲崗康強街28號康景商場地下28J舖

難得今日過到嚟 #新蒲崗更係要試下聞名已久幾間小店，第一間 #629雞蛋仔 🥚坦白講名過於實,只可以讚口感的確係外脆內軟,但甜度或蛋味方面食落係比一般雞蛋仔偏淡，沒有好驚喜的感覺🤔🤔🤔🤔

🥢原味雞蛋仔 $20雞蛋仔有好多唔同既味，所以最後決定要最原本既味道😋我去既時候人唔太多，大概等左10分鐘左右。即叫即整好新鮮😝雞蛋仔出爐之後吹左陣，所以做到外脆內軟🤤而且滿滿既蛋香又唔會好甜🤤好好食❤️ 但得1個人試唔到咁多野，如果唔係仲想試埋個厚厚既格仔餅🤤🤤雞蛋仔一定要趁熱食，如果唔係凍左就唔脆😢😢唔好問我點解知😩🫣評分：味道：⭐️⭐️⭐️⭐️環境：⭐️⭐️⭐⭐️整體：⭐️⭐️⭐️⭐️

🐷原味雞蛋仔 $20雞蛋仔格仔餅好出名佢嘅格仔餅超級厚 擘大個口應該都咬唔晒🫣雞蛋仔我就堅持要食原味嘅😍但係依個雞蛋仔冇咩蛋香 重麵粉味甜度算低 我麻麻哋食好甜所以幾好的！啱新鮮食嘅時候可以做到微脆內軟個人唔鍾意脆到刮損嘴嘅雞蛋仔 (所以旺中某知名雞蛋仔舖我係唔鍾意嘅🤫但係食到一半左右已經開始淋晒淋到雞蛋仔變咗煙韌口感 似食緊麻薯包🥲依個質素唔使特登去 會失望的！好味指數🐖🐖 2/5🏠629雞蛋仔 📍新蒲崗康強街28號康景商場地下28J舖

我放工時通常蛋漿都賣晒，今天七點幾路過居然重有就買左個格仔餅食。30元一個芝士格仔餅。雖然30元，但非常厚身，而且好香， 食落都脆，加上醬十分好食。格仔餅愛好者可以一試。

偶爾經過新蒲崗，去幫襯一下呢間雞蛋仔小店，佢哋嘅蛋漿係老闆每日親手打成，賣完就冇，第一次嚟食比較推薦佢哋嘅格仔餅，超級厚身，而且餡料非常足。今次試咗伯爵茶味雞蛋仔，雞蛋仔外脆內軟，好香伯爵茶味，如果想試真啲蛋漿嘅朋友，比較建議食原味。

仰大名的629雞蛋仔 由於地點唔太就腳 一直都冇機會黎食 今日咁岩經過新蒲崗 一於試吓期待咗好耐嘅雞蛋仔 分別叫左原味同烏龍茶雞蛋仔 雞蛋仔脆度適中 唔會過淋但食落口麵粉味好重 真係食唔到蛋香味….呢點係非常之失望 🙁烏龍茶雞蛋仔甜度比原味更低 食落口近乎冇甜味加上欠缺蛋香味 只食到陣陣麵粉嘅味道感覺自己似食緊茶味嘅麵包… 本人都唔係好鍾意太甜 但呢個甜度個人認為會令整底雞蛋仔失色總括嚟講原味好過烏龍茶味少少 起碼食到丁點既甜 但蛋香就兩底都食唔出 特登過嚟試 就覺得好失望 比起香港其他出名嘅雞蛋仔 老實說真係差幾條街 😔😔希望只係當日質素差咗 唯有有機會經過再試多次 睇吓係咪真係好似其他人咁講咁好食

最近唔知點解好鍾意食雞蛋仔🤤 上星期同事買左另一間都幾出名 不過淨係食到陣甜味 食咗幾粒 好快已經覺得好漏🤢之前睇 Youtube 介紹過呢一間人氣小店 老闆超級有態度 果然...係我暫時食過最好食嘅一間 😍 因為全部野都係即叫即整 所以拎到上手時係熱辣辣 外脆內軟 😋味道充滿蛋香 但完全唔會覺得好死甜 好香口當日去到係假日下午大約三點令左右 keep住要排隊買 雖然都等咗15分鐘先有食 但絕對值得真係好好食 🤩 十分推介大家試下 支持小店

朋友介紹-最港最好食雞蛋仔，格仔餅去開新浦崗見客，順便黎潮聖下但一個人，唯有試左個格仔餅先食完真係有啲後悔，飽到痴哂線下次要搵人分甘同味第一次見錦厚既格仔餅，你感覺會係食緊漢堡包既size裏面超足料，不hea你外皮蛋漿好香蛋味，新鮮出爐，熱辣辣不過佢係偏脆個款，我個人就覺得佢脆得濟，無左內裏軟糯既口感，係扣分位但佢個份量就係超級勁，講真我都算大食，但係食到一半，已經想投降加上佢既餡料係多，甜到漏只可以講，又一巨大化之選下次去試雞蛋仔