629雞蛋仔

营业中

休息中

🇭🇰 629雞蛋仔·呢條路我地已經行過幾次架啦 因為佢好方便 係市區開始行 而且都幾易行 就算天氣唔係特別好都可以😎係彩虹站出一路沿住斜路上德望學校 就可以係飛鵝山道開始啦😎😎個零鐘鬆啲就可以上到山頂 而且係山頂睇日落超靚🌄·格仔餅$23上次我哋喺呢間食左佢地個雞蛋仔覺得幾好食 所以今次就試埋佢個格仔餅啦😎佢個格仔餅真係超厚 蛋味幾濃 而且好多醬 不過我覺得佢嘅煉奶比例比較多 所以食落比較漏 食咗半個已經超飽 唔洗再食其他野😂😂·📍新蒲崗康強街28號康景商場地下28J舖·#rbyeat #rby好去處#rbybakery #rby港式#rby新蒲崗

難得放假同男朋友一齊去搵好嘢食🧇🤩見到附近都幾多人等緊外賣🥡..望下個menu都有好多唔同口味，款款都好吸引～最後叫咗一份雞蛋仔同一份格仔餅😋**聽講蛋漿賣晒就收鋪㗎喇‼️**..▪️黑白芝麻蛋蛋 $23 • 9/10即叫即整，保證新鮮👍🏼超級脆！！又熱辣辣！！即場趁熱食啊記得～😛每粒雞蛋仔都脹卜卜，充滿蛋香，外脆內軟🥚食到停唔到口🤣..▪️炭燒咖啡格仔餅 $28 • 10/10*牛油、花生醬、甜奶、黃糖*Menu特別寫住「超厚份量」😎果然！！真係激厚😋🤣 一塊等於平啲兩塊嘅厚度🤏🏼厚之餘仲非常脆口、鬆軟😍 仲帶點煙韌嘅口感👍🏼一路食一路有好香、好濃嘅咖啡味☕️老闆仲好貼心問我哋洗唔洗切一半，之後仲分2個袋裝，方便我哋食！！.一定會再幫襯！！🤩❤️

629雞蛋仔相信次名係有道理嘅！老闆喺舖頭出面寫咗好多金句：好食嘅雞蛋仔係要等嘅！等唔切就唔好食啦！有時佢放假會貼張紙係門口：我都係一個人嚟嘅！我要休息嘅！咁呢啲咪叫型囉！講返嗰啲雞蛋仔真係好有質素好脆口！佢嘅夾餅又係好多心思不同嘅味道！咁行過你好多人排隊你就知道佢咩料啦！咁我屋企嘅年青人成日都會話可唔可以買個雞蛋仔返嚟？我要Oreo味道啊唔該！你就知原來好多人都對佢情有獨鍾念念不忘！真係好鬼有型嘅啫！😻😻😻👏🏻👏🏻👏🏻

建議：聽講蛋漿賣哂就收舖，記得要把握機會見到就買左先😆行左第3️⃣次#試伏專員 A君話終於都買到🙈 上次差唔多7點先去到，可能太晏已經賣曬收左舖。今次唔夠6點就去到，離遠巳經聞到陣陣蛋香。去到舖頭有2,3個人已經等緊。等左陣落完單仲，可以係透明膠片可以睇埋整雞蛋仔 同格仔餅既製作過程 🤤謹記629 🧇3️⃣件事😎 記得要排隊！雞蛋仔要襯熱食！格仔餅要大啖食！詳情睇圖 今次試左：▫️錫蘭紅茶蛋蛋☕ (HK$24)▪️粒粒花生蛋蛋🥜 (HK$23)睇住老闆整真係愈睇愈肚餓❤️ 等左5分鐘左右就有得食，記得要襯熱食，超脆👍 蛋味好香兩份都好大底😋 對比之下粒粒花生香口啲有花生碎🥜 紅茶既味道就唔係好濃，只有淡淡茶香。每粒雞蛋仔入面都幾飽滿，咬開都唔係空心，做到外脆內軟。食完都幾飽，所以可以叫唔同款同朋友仔開心Share😋 不過想自私食都得，因為會有兩款精選口味可以做半半 (2️⃣餸蛋)😎 上次去睇係做緊紫薯X香芋 (HK$30)

劣態度一定不會再幫襯，果男人d態度差到一個點.就算格仔有d特別,但他自己搞錯仲係咁用超劣的態度對人,話做不到我生意,大家咁話,希望見字的人認真諗清楚先好行埋去，咪比佢激死。佢話買野要一次過問，教你點做,佢唔問又知你要乜。但原來唔係你要的,就算你要埋，當自己行衰運,佢仲係不停話你，呢世未吃過格仔餅咩，D咁樣服務，其實冇服務,佢話要你自己講,佢又唔問亂比，之後,鬧人話唔做你生意，需然最後冇買到，但一肚氣。

真係唔可以睇少新蒲崗呢一個地方😤以為係工廠區 會無咩野好食 無咩特別咁 其實一直都好多美食係呢到講明先❕呢到個老細好有性格下不過其實人地都係專心想整好每一底雞蛋仔*❣️原味蛋蛋 $18雞蛋仔應該係每個香港人嘅集體回憶個個都由細食到大 童年回憶🆒鋪頭面積唔大放得一個雪櫃 四部機同兩個人兩部係做格仔餅 兩部係做雞蛋仔全部都係即時製作 唔似其他會整定係到🤘🏼加上經常性都要排隊📢所以製作時間需時 需要耐心等待不過越易整嘅野 其實就越有技術👻好少雞蛋仔會做出咁嘅口感整完即食 熱食嘅話食落外脆內軟🔥💥💥當擺耐左 攤凍左又會係另一種食法會變左完全煙煙韌韌*⭐️佢地嘅格仔餅都值得推介下次下次介紹格仔餅俾大家☑️

一直都知道新蒲崗有間格仔餅好出名，有一次經過見到好多人排隊所以無買。呢次經過見到得一個人等緊就走埋去買。格仔餅同雞蛋仔我到好鍾意，諗咗好耐最後決定試下原味嘅格仔餅先。$22一份，即叫即做，所以要慢慢等。等左差唔多10分鐘就有啦，個餅好厚好香蛋同埋牛油香，裡面既醬料望落唔多，一啖咬落去差d咬唔曬個兩層餅🤣雖然望落唔到醬，但係甜度同味道都係啱啱好，真係好好食，可惜呢d嘢擺耐咗通常就冇咁好食，所以我就一個人當刻食晒成份，好飽呀😂

話說朋友8點係觀塘收工，佢好想試呢間雞蛋仔，咁我就買俾佢同佢開心share la朋友係重度朱古力愛好者，揀咗朱古力同Oreo雙拼口味雞蛋仔，雞蛋仔食落外脆內軟，但朱古力味同蛋香不足，我覺得食落幾啖味，食唔出有Oreo睇門面已經知道呢間係好有態度嘅小店，寫咗唔少「有錢都要等」、「雞蛋仔一定要襯熱食」（客氣版）。雖然過程老細服務態度正常，但係有啲冷淡同少少黑面（不苟言笑），加上味道好普通，黎近會想試同區另一間雞蛋仔，或者我嘅童年回憶：第一城冰站雞蛋仔

🇭🇰629雞蛋仔·呢間我想食好耐架啦 難得個日去新蒲崗呢邊 轉登留肚食佢🤩🤩·oreo烏龍茶雞蛋仔$28佢呢度超級足料 係真係每一粒都有oreo 開心 而且佢整到出黎個oreo會變左暖暖地 有少少流心咁 好正😈😈之後個烏龍茶雞蛋仔原來係用烏龍茶蛋漿 所以烏龍茶味好出 好甘香☕我自己覺得幾好食 不過同oreo就唔算話超夾 如果叫朱古力應該會再好味D🤣🤣·#rbyeat#rby港式#rby新蒲崗·📍新蒲崗康強街28號康景商場地下28J舖

好耐冇寫食評，估唔到一寫就係因為一肚氣！😤😡我行埋去問個女仔有冇半底賣，佢話冇，然後行開咗，我望個menu 揀咩味，然後同個阿叔（應該係老闆）講想要一底原味格仔餅，佢誨誨氣氣話等一陣先，錢都唔收住，繼續整野。於是我唯有繼續等。😓😓一陣間佢過嚟收錢，我正想話比佢知我想要一半搽醬一半唔要醬，但我個「一」字都未講完，佢就話：陣間至講啦！未輪到你！🥺 我無言，企埋一邊等。😓又過咗一陣，佢好大聲問「格仔餅」眼望住一對情侶以為佢哋等緊格仔餅，對情侶話：我哋要雞蛋仔嘅。😦我見冇其他人應佢，於是上前話我係格仔餅，個「餅」字都未講完，佢又話我：唔係你呀～ ⋯⋯😳😓所有人走晒，最於輪到我😭 佢問我要唔要醬了😭 我企左響舖頭側邊等攞，又俾佢話我：行番去前面攞啦！😓我排隊買時都見到有人企響側邊等，點解又冇話佢哋？？？😫😤😡睇到食評寫得咁好，懷住滿分期待去對面公園仔享受。。。結果。。。好一般！個餅皮只係微脆，花生醬味亦唔濃，亦唔係粗粒花生醬，整體只係得個甜字！😞加埋如此囂張趕客惡劣嘅態度，本人絶不推介👎🏻👎🏻👎🏻 佢唔夠人手，亦冇一個有系統嘅方法去接單，收左錢又唔知邊個客先邊客後，D客又冇飛仔唔知自己排第幾，阿

見有我前面都有成十個人，心諗都冇咁快到我，行開左10 分鐘，反倒黎都仲見到有人係我前面又係叫雞蛋仔，即係唔會凍啦☺️之後佢比左個凍嘅我然後熱嘅我前面⋯係咪要懲罰我行開左😹🤦🏻‍♀️咩心態⋯拎上手，凍嘅？🤷🏻‍♀️食左兩粒，連啲餘溫都冇。雖然我係行開咗都唔好預係超熱但係前面仲有人叫雞蛋仔嘅情況下都不至於係凍嘅嗎？所以我就返去同佢講，結果兩公婆就喺度勁惡話係我走開左 所以係凍😹 係凍喎唔係唔熱😹er 放棄 溝通唔到er⋯⋯ 食左兩啖 個邊仲係脆既 但係得個甜字完全冇任何蛋味，唔通蛋味要喺熱嘅時候先會有？🤡嘢食中評 負評係俾啲態度嘅 起晒鋼咁鬧做乜 🤦🏻‍♀️

今日過開新蒲崗，終於可以朝聖６２９雞蛋仔見好多人都大讚佢格仔餅好厚，作為格仔餅既ｆａｎｓ，終於去試下喇！個日去到無乜人排隊，ｏｒｄｅｒ左等１０分鐘到個新鮮滾熱辣既格仔餅就有得拎啦！個店員見我地兩個人，好貼心問我地要唔要分開兩份～格仔餅真係好厚，一塊等如平時食兩塊加埋既厚度！格仔餅充滿蛋香，厚厚的但外脆內軟，因為夠厚，Ｄ格仔真係好深，裝滿晒好邪惡既醬，包括一段都食到既牛油花生醬同煉奶，再加上６２９特別用左紅糖，即係平時豆腐花個D而唔係白砂糖，紅糖有D蔗香味，令格仔餅位味道更上一層樓！！口感味道都好正！Irresistable！！P.S. 排隊個度寫住無論你個咀有幾細，你買左格仔餅，就要擘大口食！黎６２９朝聖既朋友要記住啦！！

之前看見這間雞蛋仔，已經立刻save了，打算找機會去試。難得去新蒲崗吃lunch，當然不會放過這個機會。這間是即叫即整，保證新鮮和脆口。炭燒咖啡蛋蛋。好香咖啡味☕️，吃完會成口淡淡咖啡香，非常喜歡。脆口並鬆軟，非常美味。烏龍茶格仔餅。不知有沒有人和我一樣，愛吃脆的格仔餅？ 如果有，這間絕對要試。雖然烏龍茶味不太能吃到，但口感和味道都非常好吃，厚得來不會難咬，令我會想繼續幫襯。另外要贊的是，我同朋友share吃，所以叫老闆幫忙切開一半，然後老闆非常貼心，把2份分開放落紙袋，令我們可以一人拿著一個吃，十分方便。不過強烈建議大家即場吃（除非你屋企/去的地方很近），否則拎走會拎餅變‘淋’，會令口感下降，影響味道🤧

蛋香味濃的雞蛋仔出開新蒲崗，記憶中聽過629都幾出名同抵食，同埋用料夠足有蛋香，就去食個”Brunch”啦～老闆話啱啱先開鋪所以要等爐熱會耐少少，完全冇問題。其實都唔算等左好耐，就有得食喇！熱香仔好大底，中間色水比較深。外皮都算有少少脆度，聞落已經好有蛋香，咬落好紥實、好飽滿。可惜既係可能因為啱啱出爐太熱，放入紙袋之後有水蒸氣，食到最後淋左啲。不過整體都唔錯。

好好評嘅小店，所以我又試下，牌寫明要一個跟一個排隊唔可以order完俾咗錢走開，星期六下午茶時間人都幾多人，所以單都有啲亂，其實如果唔想俾錢買system ,建議自己整號碼牌，咁樣有系統好多，唔使只靠腦記，客人又要企定喺度等，最受歡迎係格仔餅，22蚊，我就要咗雞蛋仔18蚊，等大概10mins , 有牌寫明買咗要即刻食，我當然明白新鮮食係最好味啦！所以都立即除囗罩試，可能我太有期望，以為係超級高手會超級好味，所以有少少失望，咬落蛋味香嘅，不過唔夠脆囗😅，同我預期中有少少出入，同兩大連鎖雞蛋仔相比稍遜，而且周邊衛生環境都好麻麻😞，感覺唔太良好。