629雞蛋仔

营业中

休息中

話說，有日約左朋友食飯，但未夠鐘。我又早到左，四圍行吓，醒起果頭有間雞蛋仔網上都有人推薦過，於是乎過去試吓。遠處見到無人排隊，行到過去就同個男嘅光頭佬講，要一底原味雞蛋仔丫，唔該。個光頭佬，無出聲，碌大對眼啤實我，又唔講嘢。我話我未買過，跟住就俾張$100佢，之後就出左飛俾我，叫我企開啲等陣。我心諗係唔係有啲乜規矩我做錯左，我唔知？好，唔講呢啲，等左幾分鐘之後，叫 number 到我。係，雞蛋仔睇得出，佢係有心機整，拎上手熱辣辣。聞落去係有蛋嘅香味，但食落口，極度普通，食落去就無乜蛋味，同龍津果啲差唔多level ,唔知點解可以咁多人排隊，有啲失望。買完等佢整果陣，望到佢門口貼住啲捐錢去癌症機構，應該係光頭老闆捐錢出去嘅收據。可能大家食嘅係溫情啦，或者香港人中意M底啦，中意排隊，中意俾人黑面，怒啤之類啦。又有可能唔知咩原因，老闆做善事，捐錢，大家食嘅係溫情啦。祝光頭老闆生意興隆，唔好俾業主加租啦

見有幾個客等緊雞蛋仔但無人排隊，行埋去諗住落單，個男人話等一陣佢整埋個雞蛋仔，無問題，1分鐘後，佢嗌咗個女人埋去攞雞蛋仔，但個女人行埋去之後個男嘅話要處理咗我個落單先，好，咁我行埋去諗住落單，未出聲個男嘅已經好躁底咁叫我等等，嘩，又係你話我落得單，所以我先行返埋嚟，未出聲落單已經俾你喝，即刻掉頭走唔買，買嘅話即係助長呢啲人嘅態度。

垃圾雞蛋仔，第一次OpenRice出評語，其實味道只係一般，未叫好食。男光頭佬女店員態度極度惡劣，不知所謂，貼錢買難受，同佢講底雞蛋仔好黑，俾佢鬧返轉頭，以後一定唔會再幫襯，及叫身邊的人不再幫襯，認真的

次次行過都無開今次終於比我撞到開門🤤🤤🤤一開始見到有4-5個人排緊買完等拎見到仲有6-7個先到自己行下再返黎拎發現已經有成20人係到🤭🤭芝士蛋蛋 $28拎上手勁香雞蛋味外脆內軟 咬每口都聽到 喀喀聲少少咸 但就唔算好芝士味勝在夠熱夠脆 新鮮即做下次要試埋厚格仔餅😋排隊係美德👍629雞蛋仔新蒲崗康強街28號康景商場地下28J號舖

每次經過都見到排長龍既雞蛋仔小店，今次落雨天之下終於冇咁多人，10個以內。等左一陣，老闆見頭幾個客人全部叫格仔餅，會大聲問問後面有冇人係叫雞蛋仔，所以幸運地，我由開始排隊到拎到雞蛋仔只係用左15分鐘左右👌🏽叫左粒粒香芋雞蛋仔，雖然唔算好香芋頭味，但每一粒雞蛋仔都有芋頭肉😍，食落唔會太甜，不錯！

冇啦啦被人鬧，一肚氣，永不回頭。附近番工，有食開，一年都有十次八次，今日買完行開左過一陣番去拎，係門口問下有未姐，俾個光頭佬單單打打，真係一肚氣要寫上黎講下…..❌就算好食到識飛都吾再幫趁，劣劣劣

排長龍等甚麼❓就是等新鮮出爐雞蛋仔🥚由於係即叫即做，而且好多人都唔止買一底，星期六下午排隊大約等了20分鐘⏰我們揀了粒粒朱古力蛋蛋🍫$30雞蛋仔外層微脆，內裡煙韌😋蛋味香濃，朱古力粒都多，的確值得排隊買黎食👍🏻眼見格仔餅真係超級厚，下次有機會再試～不過店舖只收現金，記得帶定錢，唔係排到都無得食😂#新蒲崗美食 #新蒲崗餐廳 #新蒲崗打卡 #打卡餐廳 #香港 #香港美食 #香港小食 #雞蛋仔 #粒粒朱古力 #629 #629雞蛋仔

本身只係想正正常常排隊買件格仔餅，無打尖插隊等佢問先落單，都可以比個光頭佬鬧事發經過係，前面個客人買完野行開，咁後面嘅人好正常就行上前，一來排隊位係大廈出入口，費事阻到住客出入，二來個光頭佬老闆要離遠嗌去隊尾問人食乜，咁不如行前啲，唔洗個光頭佬老闆嗌得咁辛苦點知一行前，個光頭佬就話: “阿先生，你唔洗行前架啦，你行前我就唔知邊個先” 😨我心諗，乜野理由嚟，為鬧而鬧？ 我行前啲會影響到個次序？見大廈門口個地下劃晒禁止阻塞嘅格仔，都應該比人投訴過，啲人企前啲咪唔會比住客投訴，又唔洗嗌得咁辛苦囉豬頭丙，出得嚟做生意就醒少少啦難怪而家食肆越嚟越無人去，好多鋪頭都好似當啲客係仇人咁，呼呼喝喝坐邊，唔跟指示唔同你落單，執笠都係自己攞嚟

以前食過一次雞蛋仔，今次一於試下食格仔餅。好彩係平日下午，唔算多人排隊，好快就落到單。目測少啲人叫格仔餅，可以唔駛等太耐～有好多口味揀，個人偏好食原味，所以叫咗一底原味格仔餅。我哋兩個人食，老闆有問要唔要切半，又提醒要平放咁拎，以免漏晒汁，都幾貼心。.呢個格仔餅真係好厚😂比平時食嘅係double咁厚😂即食熱辣辣，咬落外脆內軟，好香，配埋邪惡嘅醬，幾出色～27蚊呢個質素、呢個份量真係抵食，下次經過會再食😋.

買個雞蛋仔都要受氣呢對男女態度極度惡劣企喺側門等都唔得？條街你㗎？仲有啊…真係做善事嘅人係唔會大肆宣揚架！我見啲客問個女人攞個膠袋都反晒白眼，黑口黑面！真係冇下次…

629呢間雞蛋仔真係成日排長龍，今次平日放工有時間走去排隊，雖然都要等15分鐘，但我覺得係值得既！蛋香好濃，非常脆，同出面雞蛋仔唔同，下次有機會試埋佢個紫薯同香芋味!

終於黎到新蒲崗試呢間小食😍雖然淨係賣雞蛋仔同格仔餅，但口味超級多，有少見既烏龍茶、錫蘭紅茶、糖漬橙皮等，價錢大約$22-$36/底不少人有提及過老闆既服務態度，但我今次去老闆既服務係冇問題，反觀我覺得佢幾有幽默感，店面貼左不少他想表達既訊息，無論係咩人，都要排隊👍🏻🌟芝士格仔餅｜$32🌟栗子蛋蛋｜$36我覺得格仔餅真係好食好多，一來厚身，二來真係好多醬，攞上手個時老闆提我地要躺平個餅先食，如果唔係會漏哂醬落個袋到🤣雞蛋仔半脆半軟，有蛋香，不過都係厚身格仔餅有特色d！

而家既小朋友真係好忙, 今日囡囡就去新蒲崗到上堂. 我放工趕過去既時候.爸爸share佐個location俾我. 我一睇.... 係雞蛋仔???我心諗:之後都去食飯啦,食乜雞蛋仔呀. 之後再收到爸爸一張相.嘩咁多人排隊既.應該係好野. 試試先 (因為我仲未到.係爸爸排隊)當我去到既時候. 見到都仲係有好多人排隊, 時間岩岩好.我一去到就排到我地,可以order啦.我地點佐一個原味,一個朱古力味雞蛋仔, 再加一個原味格仔餅. 等緊既時間. 我俾門口貼佐既野吸引佐.老闆每年有4次義賣捐俾<兒童癌症基金>, 好有心呀. WOO..格仔餅攪掂,真係好厚身呀. 老闆仲要好細心咁幫我地分開做2份(仲入2個袋呀). 雞蛋仔唔太甜. 好食. 爸爸話見到好多人都叫芝士雞蛋仔, 下次可以一試.

呢間餐廳長期人龍不絕,呢間係新蒲崗好出名既雞蛋仔店,雞蛋既香味會令人好想買一底,佢有好多款口味,不論係雞蛋仔定係格仔餅都一樣出色好食,呢度無得坐低食,只限外賣,但係雞蛋仔就會即叫即做,雞蛋仔好香脆,格仔餅佢呢度同平時食既唔同,佢會有好厚切既餅底好似食緊窩夫咁,仲有佢制作需時賣晒就無,格仔餅入面仲有好多花生醬同糖可以自己選擇要唔要糖同醬既。

老闆識得攞噱頭門口貼咗好多話自己好窮、話自己冇記性、話就算幾少錢都要排隊都要等（即係唔想人窮扮高竇，但係其實自己窮又高竇），亦都欣賞佢將自己捐錢嘅紀錄都貼上門口俾人睇。記憶力雖然差，但係記得加價，好嘢。老闆會一次過問前面幾個排隊嘅人想食乜嘢，但問完之後其實做一兩單就會唔記得咗，再問過，有啲似周星馳嗰度戲王小龜喺科學室嗰個實驗嘅故事。噱頭還噱頭，質素都係OK嘅，咁雞蛋仔又唔識得飛天。如果小過五個人排隊我會等。我叫咗最簡單嘅雞蛋仔，真係外脆內軟，平衡得好好。唔會太厚身粉底唔會過多，亦都唔會過少做得過分脆口偷工減料。選擇方面都好多花樣有啲朱古力碎有啲芝士有啲綠茶，所以都係可以選擇。小店支援現金付款，支付寶都有，叫做方便。