61E Coffee

营业中

休息中

原來荔枝角都有一間靚靚咖啡店, 今日Lunch專程過黎試下, 好彩唔使等好耐, 不過個位好晒, 都好, 坐office成日, 要吸收下陽光先得. 一坐低諗好食咩後要出去同職員落單俾錢先, 同埋餐具要自已拎. 之後先等職員上菜.金黃流沙蟹肉意粉: 蛋黃味好濃郁, 蟹肉都算多, 但個味道, 我麻麻地. 不會再嗌.焗帶子香料鍋飯: 真係得帶子, 啲飯有加料係幾好味既, 如果唔係就真係太dry啦.烤雞件伴虎蝦辣豆板醬芝士鍋飯: 烤雞超級大份, 虎蝦彈牙好食, 啲醬溝埋啲飯辣辣地好好食, 食完好飽.Cappuccino: 唔係好識嘆咖啡, 覺得唔够熱係咪唔正常? 不過個拉花好靚靚

荔枝角地鐵站行過去都唔太遠，青山道後面果條永康街，環境比較清靜，原來開了間咖啡店。行入去原來幾大間，店內好多綠色植物佈置感像去進了小森林，洋溢法國風情，每個角落都是打卡位！有別於一般咖啡店🍵 這間位近荔枝角站的「61E Coffee」，是九龍城人氣店「南角」的姊妹店。「61E」在荔枝角永康街的一幢新型商廈的地舖。呢間仲係試業緊嘅cafe 裝修好靚係森林系 有啲花花草草同雀仔咖啡好飲，濃郁嘅咖啡味班尼迪蛋酸種多士配三文魚 ，好吃😋價錢仲比一般cafe平少少

吃了幾次，食物質素ok的，只是那女的服務員永遠都黑口黑面、講嘢倔擂槌，想坐得舒服些又唔可以坐這要指定，講嘢永遠都冇尾音，比人一種感覺唔憂做，你可以話係有性格但做服務性行業啊，小姐！吃了多次，其實食物質素真的唔錯，環境亦都算舒服，只係有一些枱，如果是搭枱的比較迫，試過隔離座位唔識的一位男士，普通拎起隻叉去食嘢都撞到我手脾。四人枱，如果要搭枱就真的比較迫。自助式拎水、杯、餐具，都可以接受的，感覺好casual 和chill

依間cafe 充滿綠油油既植物，行過幾次都好想試下但次次都好多人，機緣巧合下得知原來係九龍城南角既分店，即刻多咗一分期待。店內周圍都有植物包圍有真有假，日頭去有日照真係幾舒服，好似去咗個花園咁同街外成個環境有強烈既對比🔸Veggie Brekkie其實係一個素食版既all day breakfast，碟入面樣樣都好新鮮，個sourdough 好食夠煙靭配埋Brie誠意撘夠，仲有沙律菜車厘茄烤南瓜，重點佢係無茄汁豆嫁，最憎係ADB見到佢😂😂😂杯咖啡就無野好挑剔嫁啦，係可以encore 既cafe 💗

今日同朋友去荔枝角做運動，經過61E cafe ，見到環境靚靚地就入去食喇😋好有驚喜的質素，值得再回來食🤭😋▪ Tom Yum Kung Fresh Egg Spaghetti 泰式冬陰公大蝦意粉$118 好有正宗冬冬陰公味道，醬汁調得好好😋▪ GuIty Pleasure Roasted Fione Marrow Rigatoniin laiksa Broth 烤牛骨髓喇沙通粉$148 好特別味道👅好有牛肉味道，成個配合都好正😋食物：🌕🌕🌕🌖🌑價錢： 🌕🌕🌕🌗🌑回頭指數 ：🌕🌕🌕🌖🌑

第一次係朋友帶我黎，今次係第二次黎，環境都幾舒服既。因為黎到都係12點左右唔算多人，可以直入。呢度係比較自助既，睇左menu直接去櫃檯比錢先再等野食。▪︎早午餐▪︎$118牛油果無上一次黎咁fresh，但味道尚可，賣相普通。南瓜連皮都好味，蕃茄仔清甜唔會酸，沙律菜都好味，略嚴腸仔有啲乾微硬，蛋有點熟。酸種包味道正常，三文魚友人食左我無食🤣▪︎冬蔭公大蝦意粉▪︎$108上次已經食左，今次再食，辣辣地幾好味。▪︎Cappuccino ▪︎$38&▪︎Rose Latte▪︎$42咖啡豆個味我麻麻地，下一次會飲返espresso tonic之類既飲品比較好。

8月1日中午去試set lunch, 原因是被朋友傳來照片的餐廳外觀和環境吸引所致。溫室一樣的綠化環境，概念很清新！於是夥拍另一愛好咖啡店的友人一同造訪。我點了鮮茄南瓜意粉🍝，友人點黃金軟殼蟹肉意粉。一心期待美味的pasta, 可惜味道沒有想像中的好。連含有鹹蛋黃的血肉意粉都很淡口、明顯調味不足。番茄意粉也不是很夠茄汁味，南瓜也是偏少，出品有點強差人意之感。唯手沖的咖啡cappuccino是水準之作，所以如果慢活下午茶🫖☕️還是很好的選擇。希望61E可吸取我們的評語、繼續努力改良吧！

因為野豬要適應新公司，忙到痴咗線，所以好耐都無四圍搵食🤦🏻加上馬騮太太近排身子有點狀況，暫時都會少啲見佢出鏡🥲終於可以有時間出去食Lunch, 都趁機搵啲好嘢，依間61E Coffee係九龍城人氣店「南角」嘅姊妹，咁計返個名氣係值得去試下嘅👍🏽野豬習慣咗過兩點先食Lunch，因為要避人流，而且我勁無耐性，又唔鍾意排隊😅較啱時間嚟到剛剛好有位，入面裝潢都開揚舒服，田園風格，位多但又唔會擺到太逼，仲有棵樹俾人打卡影相，各位女士嚟到大把取景位👍🏽唯獨係張櫈比較硬，坐到我屎忽痛😅(可能我屎忽無肉)酸種麵包好大塊，食落還算ok，但口感上略為乾咗少少🤏🏽可能同出爐時間有落差。整體擺盤賣相奉行田原簡約。牛油果搭配煮蛋碎，另加上黑醋醬，味道尚算平衡。乳酪食落唔太甜，不過依啲乳酷八成都唔係獨家出品，基本上間間cafe都係差唔多，無咩特別。班尼迪蛋酸種多士（煙三文魚或煙肉）$78Egg Benedict, Smoked Salmon or Bacon Sourdough Toast

今次叫咗餐廳嘅‘’早午餐‘’，食材配搭，我覺得比其他餐廳健康，尤其有焗南瓜、牛油果、三文魚。但是蛋只可以選炒蛋，不可轉換太陽蛋／全熟蛋，比較失望。餐廳光線充足，座位不狹窄，都算舒適。

A casual breakfast which was unexpectedly yummy. Will definitely try their lunch next time. - Scrambled Egg Feta Cheese Sourdough $48- Cappuccino with Oat Milk +$10A place for health and well-being

經過這餐廳，一心只想入去飲杯野休息一陣，所以只是點了一杯飲品，靜靜地找個角落坐下。 雖然食物價錢偏貴，但店內坐無虛席。裝修見心思，到處都是打卡位。員工頗多且有禮，自己出去點餐然後有員工為你送上食物。 Iced mocha 賣相略為遜色，用的杯子太單調，味道正常或者下次會再來試試食物的味道

📍61E Coffee🇭🇰 長沙灣永康街63號Global Gateway Tower 地下5號舖個日做完瑜珈 仍然好早 去附近睇下有咩食😋呢間仲係試業緊嘅cafe 裝修好靚 係森林系 有啲花花草草同雀仔🤣價錢仲比一般cafe平少少😋 班尼迪蛋酸種多士配三文魚 $78望落都幾豐富 隻蛋唔算太流心不過都還好😋 西班牙風乾火腿炒蛋酸種多士 $48呢個不錯 幾抵 炒蛋勁大份 都好滑上面仲有啲魚子醬(?)塊parma ham都ok 正常想講吓佢嘅酸種麵包 叫咗兩塊一塊烘得幾脆 幾好食嘅但係另一塊就硬到切唔開 亦都咬唔開😂早餐都包一杯嘢飲 可以揀美式咖啡或者凍果茶我叫咗各一杯 都唔錯～覺得質素可以改善 但算係同類型cafe嚟講幾平同埋環境舒適無限時

神咁早陪完另一半去洗完牙，當然要去飲返杯咖啡。因為唔想去太遠嘅關係，所以就去咗荔枝角，搵到呢一間比較隱蔽嘅新開唔太耐嘅Coffee Shop “61E Coffee”。呢間Coffee Shop一入到去就會知道係用雀鳥森林做一個主題，始終香港地少人多，咖能夠做到好似內地嘅Coffee Shop可以好空曠去營造一個森林嘅空間，但自少”61E Coffee”樓底都高，所以就算環境唔大但個雀森主題都可以令到顧客係舒服。另外一點我覺得去Coffee Shop最重要嘅一點就係佢係無限時間，我成日會諗，如果飲杯咖啡都趕頭趕命，咁我點解唔去麥當勞飲呢？今朝因為未食早餐，所以就嗌多少少嘢黎食：1）americano ⭐️⭐️⭐️⭐️ / ⭐️⭐️⭐️⭐️⭐️2）cappuccino ⭐️⭐️⭐️⭐️ / ⭐️⭐️⭐️⭐️⭐️3）Big Brekkie ⭐️⭐️⭐️ / ⭐️⭐️⭐️⭐️⭐️4）Scones with Cream Cheese and Jam ⭐️⭐️⭐️⭐️ / ⭐️⭐️⭐️⭐️⭐️咖啡質素同埋食物都不俗。另一半話再唔飲杯Americano，睇啲嘢就會開始散😂佢嘅評價亦都係正面嘅。而杯cappuccino就拉花拉得好靚，唔捨得飲🥹🥹佢係咖啡味道比較濃啲啲

入去諗住食個早餐職員問我幾多人我同佢講，兩個人眼見有些人圓枱亦都見好多人，單身, 坐住四人枱。職員同我講呢張係唯一剩低嘅四人枱一定要我坐佢設定嘅二人枱跟住我要求解釋點解其他人一個人都可以坐喺張四人枱佢哋唔干涉嗰個女職員無俾答案我知道我買嘢食嘅時候，表示要投訴先至有一個男仔話自己係經理到我食完嘢， 仲要扮晒嘢話準備咗甜品問我會唔會食我同佢講唔使啦呢啲咁樣嘅服務呢間嘢唔好做得長講返句公道說話食物係可以可惜服務係九流

新開的cafe, 見到餐牌有頗多素食菜式，一於試吓。星期六lunch time時間，店內都幾多食客。我哋兩個人點了素all day breakfast, 意粉，我飲cold brew,友人打大佬試話梅梳打咖啡，挑戰味蕾。素all day的sourdough 幾好食，質地煙靭，配上Brie cheese，有誠意。有沙律菜車厘茄、仲有大堆煮南瓜，一定夠飽。（終於係無茄汁豆的all day breakfast 啦）cold brew幾好飲，唔酸，nutty, 夠凍，非常消暑。南瓜意粉味道正常。至於杯話梅啡，一飲落口唔覺有話梅味，飲到後面，就飲到咸酸味，幾醒神。barista 可以進取啲，加多啲話梅味，咁就開胃醒神兼新鮮。兩個女仔的食量，呢餐都好飽，我大食量，最後我清碟，食量細的朋友，諗清楚先好叫all day。