616牛肉火鍋專門店 (已結業)

已經係第二次黎616打邊爐，上次係西環已經覺得呢度打邊爐又好食又抵食！今次都係一樣，但再想讚多少少，就係佢地既服務態度都係一流，上菜時間堅持係20分鐘內，遲左仲話會免費請你食(真係比個漏斗你計時架⌛️)🤭今次我就嗌左沙嗲湯底，真係超讚阿！之前我為左食一個沙嗲湯底火鍋專登走左去九龍城個間方榮記食，但係個度啲牛就麻麻，而且又貴。但616呢度唔至有好多牛肉少見既部位，價錢都好抵食，例如我今次都有嗌既吊龍伴($68)，金花趾($68)，牛朴肉($68)，滑尾龍($48)，全部既分量都好岩兩個人食，咁我同男朋友就可以試到幾款肉而且又唔會食唔哂喇😆個沙嗲湯底好濃郁，愈滾就愈杰，淥完既肉完全唔洗蘸醬汁都好夠味！食完啲肉最後嗌多個烏冬作結就perfect池喇🤤

好耐冇出街打邊爐啦，今晚就試吓新野啦，喺OpenRice訂咗位，去到等左唔夠一分鐘就可以入座啦。環境：裝修都幾特別，店內不是太大，大概容納40人左右，坐位都算寛落舒服。食物：店內主打牛肉，每一個部位都有，好開心喔😍所以沒有供應太多其他食物，但我一向打邊爐都係主要食牛肉，及一些蔬菜，所以非常適合我。而且每碟的份量不是很多，大概十二片左右，所以可以試很多不同的部位。湯底有幾種及鴛鴦鍋可以選擇，我揀了清湯（牛骨湯底），可以保留及食到食物的原味。牛駝峰 - 好有肉味，口感軟硬適中，是我全晚最喜歡😋 匙柄 - 是比較瘦的部分牛舌 - 比較薄一點，如果厚些，口感會更好吊龍伴 - 是限定的，好有牛味，好軟熟橫隔肌 - 最有牛味的一碟，好有咬口肩胛翼板 - 也是我喜歡的一碟胸口膀 - 望落像牛油，烚完口感好爽脆黑豚濃湯餃 - 果然好濃味水蓮菜 - 第一次食，係食爽口的服務： 服務不錯，頭一轉還保證不用要你等好耐😂價錢：食物每碟都是幾十蚊，全日免收加一， 性價比高！***這裡是近期去過比較有驚喜及喜歡的餐廳，好想快D又再嚟過，好期待喔***

同一班朋友係度食火鍋 地方不算大 有啲位會幾窄所以可能先訂座會比較方便 同包有位置入面有個小型嘅調味枱 放咗好多唔同種類嘅調果味類 比一般火鍋店為多廁所都十分乾淨 可以放心使用下單方法係用ipad所以唔驚落錯或者會漏食物方面 都係牛肉為主 有好多不同牛嘅部位 而最佳滾的時間秒數就寫咗係張枱紙度 但最好滾多陣 因為跟佢咁滾會好生 另外都幾有牛味真係幾好食 但略嫌價錢偏貴 一碟只有5-10塊小片 真係食多多都未飽 麵類都只有半份 飲品方面都不錯一次半次同朋友去食係可以的

多麼憎我太慢才識你😫呢間616食完之後應該會變成我打邊爐既首選。呢間專食牛既火鍋店，有唔同部位既牛可以揀，餐紙上仲寫閒要淥幾耐先食得，好岩我地呢啲唔太熟既人。餐牌係ipad咁，寫晒唔同部位既簡介，好方便！ 花雕蜆湯底 $98 無睇錯！成鍋都係蜆只係$98！新鮮又足料，真係好抵食，兩個人食左啲蜆都有3成飽🤪 。牛坑爪 $68 呢個係堅好食既部位！重牛味仲要好有咬口，啖啖手肉味真是正🤩 。牛朴肉 $48 呢個朴肉係多啲肥膏，淥大約6秒左右，有啲入口即溶既感覺！鐘意食肥既一定鐘意食呢個。吊龍伴 $68 早兩年返廣州時食過一間吊龍，又係好正好有牛味，但今次呢個失準左少少，無咩特別。總括黎講呢間616係平靚正食牛之選！😍一試即愛上！

聽人講 616牛肉火鍋專門店 係食d好特別既牛肉今日去查個究竟先原來d牛係靚牛既各個刁鑽部位價錢又合理仲有成20多款刁鑽部位比我試上 👉匙柄 $48下 👉安格斯 - 橫隔肌 $48上👉牛朴肉 $48下👉肩胛翼板 $48今次我點左以上既刁鑽部位另外仲點左以下既野冰菜 $48菊花桂圓露 $15醬料 $10 位呢度又係唔洗加一架❤️店鋪裝修又以懷舊場景為主題係入邊邊爐真有另一番風味連自助醬料吧都裝修成糧油雜貨舖👆呢度我就無影啦

真心要讚下侍感姐姐，因為今次同埋婆婆一齊去食。你都知老人家咀嚼能力同牙力都無咁好架啦！侍應姐姐好好介紹邊幾種牛會淋身啲岩老人家食！婆婆唔洗用把霹靂剪都可以食到好滋味 見到佢開心，我都開心呀！同埋侍應姐姐又好主動幫我地換啲熱啲既水，婆婆都係咁讚姐姐好好人呀！同埋啲牛肉真係好香，又唔會覺得好漏！重可以試到咁多唔同既部位，遲啲都會再幫襯～太好味啦！！

今天跟女朋友食火鍋用openrice有8折 食左350蚊 價錢算值得我地叫左 吊龍 牛胸 橫膈肌 蝦滑 烏冬 娃娃菜 魚皮三樣牛肉都幾有牛味 特別係橫隔肌 牛胸最滑 吊龍就半肥既幾特別 有種都好又滑又好食 但橫隔肌好易煮過頭 令到口感散烏冬比較扁 但好滑 QQ 唔太似烏冬娃娃菜新鮮又甜我地叫左牛雜湯 入面都有d腸呀 肚呀 牛雜 都唔錯魚皮比起放題既好好多 好快就煮軟 唔似個d千年硬皮有三樣唔好 無其他面。飲品類型少 又無咩其他送可以叫

服務態度好，員工殷勤，飲品價錢算平叫左好幾碟牛既部位，冇咩牛肉味😢😢😢失望🤦🏻‍♀️口感雖然每碟不一，但食唔出鮮味啲牛肉質素同放題不相伯仲，所以都不會回頭再食。

同平時打binlo唔同，呢度專食牛，黎呢度打binlo好似去上bio堂咁，可以研究下牛唔同嘅部位，見識少嘅小編表示：有好多牛部位見到名都唔知咩黎，好似發現新大陸咁。不過唔洗驚，呢度嘅店員好友善，一坐低就會問你想要咩口感嘅牛，再介紹番比你。----------😋花雕醉蜆鍋 $98好多蜆肉加花雕酒湯底，蜆肉份量多同新鮮。😋美國天然肩胛翼板 $48同店員講想食淋身d嘅牛，佢就介紹左美國天然肩胛翼板，食咁多款牛中為最淋身嫩滑，脂肪比例均勻。😋安格斯-橫隔肌 $48係肋骨內側同橫隔膜相連嘅牛肉，比較重牛味。😋牛駝峰 $48係牛頸背間嘅肉，肉味濃帶幼根。😋牛朴肉 $48姐係平時嘅牛頸脊，又可以叫雪花肥牛，雪花較多，內質肥嫩。😋手打蝦滑 $48😋羽衣甘藍 $28呢款菜唔係人人都識，但佢好有益架，可以有助肝臟解毒，有助抑制多種致癌物質生長。係香港多數係d賣有機食物嘅鋪頭先有，不過入口就甘甘地幾特別，未試過嘅可以係度試下呀。😋菊花桂圓露/洛神玫瑰茶/烏梅汁 $153款飲品都係佢地自家製，寫明無添加架。洛神玫瑰茶就酸酸地帶陣玫瑰花香，飲完幾開位。烏梅汁，都係酸酸地不過就好易入口。菊花桂圓露就似平時嘅菊花茶

今日我就去咗紅磡食好野，616七桌子，雖然喺一品雞煲隔離，但人氣不讓它專美。如果要七點後食就建議預先book枱。相信大家都知道616七桌子，係一間專食牛既火鍋店，簡直由頭食到尾，隻牛。好，事不宜遲，而家我就講今餐食咗啲乜今次我就嗌咗鴛鴦麻辣牛骨湯底，不過其實淨係嗌牛骨已經好足夠，牛骨湯底已足夠將呢度既新鮮昇華，反而麻辣湯底會將牛味掩蓋，所以都無乜再用呢邊。食材就嗌咗牛朴肉，胸口膀，牛舌，匙柄，金花趾，吊龍伴，雙層肉，響鈴和唐生菜。碟碟份量十足，建議一碟起就兩碟止啦。以下有四款強烈推薦俾大家：雙層肉：雖然佢係肥膏同肉佔五五比，望到會令人有啲卻步。但只要你淥熟佢再擺落去口，就會有新既體會，放落囗一咬，油花瞬間在口腔裏爆發，不消一會兒，嚿肥已消失得無影無蹤，只餘濃濃牛香，令人十分回味。牛胸膀：唔好睇佢全白咁，好似成嚿脂肪咁，但只要淥一淥佢，佢就會話慢慢縮，大概十秒後就可以食得。一擺落囗，佢無消失得無影無蹤，有得咬吓，每咬一口，牛味就從牙縫中散發出來，係另一種享受。牛朴肉：呢個就似我地平時食既肥牛咁，肥廋適中，點一點佢個秘製牛肉汁，就已經讓人不斷夾嚟食。而且佢有一定厚度，就令成件事有哂咬囗。金

突然有人約食晚飯，問我食咩，食D平時一個人食唔到既野，我二話不說「打邊爐」呀！揀左呢間616嚟試，即時係開飯度訂位，好方便呀！訂左18:45，我地準時到達，職員帶左我地坐四人枱，實在太好喇，因為我地拎住幾袋野，放底係位就可以輕輕鬆鬆嚟個邊爐夜喇。用IPAD自己落order，落單好簡易，職員好清楚咁講左邊款牛既部位淋D，邊款有𡁻口D，我地揀左三款牛，同牛舌，跟住就到蔬菜喇，嘩！竟然有羽衣甘藍，即刻叫啦，再揀左響鈴，牛肉餃同稻庭烏冬，飲品叫左菊花桂圓露。至於個湯底，實在比呢鍋超多蜆吸引住，叫硬！哈哈。兩個人夠食了

天寒地凍，最好就係烚吓烚吓啦！身為一個食肉獸兼牛魔王，呢度正合朕嘅胃口！牛骨清湯同牛肉應該係最佳拍擋，清清地唔會喧賓奪主，同時帶出牛肉嘅鮮味。今日叫咗四款牛～美國天然肩胛翼板，油花分布均勻，嫩滑多汁肉味十足。牛舌就比較爽口，細細件一口一片牛朴肉即係雪花肥牛，又淋又滑有肉味好正哦！挽手腩～我最喜歡呢個，好味之餘口感比較爽夾彈牙。牛丸都正但就濃味左少少響鈴手打蝦滑非常爽口彈牙，好鮮甜可口👍🏻👍🏻整體而言，食材新鮮質素好，其實每一個部位既牛肉都肉味香濃，只係有啲就嫩滑，有啲就較為爽口！食材新鮮真係好重要！食過真係翻唔到轉頭😁溫馨提示：想食最好訂位先，尤其是寒冷嘅日子！

近排天氣轉涼又喺打火鍋的時候，朋友帶我試呢間專門食牛的火鍋店，可以試到牛全身唔同部位的肉質，又真喺幾特別喎鴛鴦沙牛湯底先揀個鴛鴦湯底，清湯底有牛骨，蘿蔔同粟米，味道清甜，而沙爹湯底就微辣帶香非常濃稠牛上肋是牛前腔肋骨位置的肉，肉質嫩滑油香十足脖仁是牛頸核心部分，不但油花滿佈，而且幼滑肥嫩封門柳是橫隔膜下的肌肉，每頭牛只有兩小塊，非常真貴，而且肉味濃郁，超正牛駝峰是牛後頸背間的肉，油香肉味比例平均牛坑爪是前胸近肋骨間的肉，肉質嫩滑，肉味濃厚胸口膀是牛胸前的一小塊脂肪肉，入口爽脆帶牛油香味黃喉是連接牛心臟的動脈血管，口感煙韌爽脆牛舌牛舌入口爽口彈牙雙拼牛肉餃牛肉餃加麻辣牛肉餃，餡料豐富有肉汁，麻辣餃辣度夠勁，好辣必選手打蝦滑蝦滑鮮甜彈牙野菌雙拼有秀珍菇及錐茸菇，好少火鍋店食到錐茸菇，菇味香濃又爽脆

小編之前已經食過616麥子，上次太早去食，未有花雕醉蜆鍋供應，今次黎到616七桌子終於可以一嚐呢個咁吸引ge鍋。花雕醉蜆鍋一上就聞到好大陣酒味，店員話蜆一開口就要盡快食，否則太老無咁好食，於是小編同友人就拿拿聲係咁食，食到滿滿既一桶蜆殻。食完令人滿足既醉蜆，店員馬上為小編加湯，邊等湯底滾起，點左既食物都黎得七七八八。今次依舊叫左牛心、手打牛滑、黃喉，另外叫左牛陀峰、三花腱、安格斯橫格肌。牛心不含脂肪，口感清脆扎實，今次搭上花雕醉鍋，更是散發出濃厚的牛味。手打牛滑唔可以煮太老，所以不能切好大舊咁煮，一定要切細少少。食落好似一粒漢堡排咁，果然全以人手打造既牛肉非一般手打牛丸可以媲美。黃喉連接牛心臟既動派血管，口感爽脆，喜歡有咬口既同好們一定要點！牛陀峰係牛朴肉後端頸背間既肉，對應水牛好似駱駝峰既位置，間中帶幼筋，油香肉味比例平均。三花腱係牛前腿既肌腱，切既時候會帶筋切，所以做到爽口帶脆。安格斯橫格肌係橫格膜下既肌肉，肉味濃郁，十分適合喜歡食牛既同好。總括而言，小編十分滿意醉蜆鍋，能夠更突出牛肉既肉味，但要七點後先有得叫。

之前見到網上介紹呢間主打牛肉嘅火鍋店提供各種唔同部位同比較罕見嘅牛肉已經好想食，咁啱最近天氣凍最好打邊爐所以就黎左試下鴛鴦沙牛湯底牛骨清湯呈淡奶白色味鮮但唔臊；溶岩沙嗲湯底濃稠微辛；醬料方面有成十二款揀，其中個人覺得秘制牛肉汁同鮮牛油醬油配牛肉最正黃喉即係連接牛心臟嘅動脈血管；口感柔韌胸口膀望落好似肥膏好油膩但其實口感爽脆帶牛油香牛舌牛舌中間部位；肉質爽彈唔韌封門柳橫隔膜下嘅牛柳條；肉質腍滑牛味濃郁牛上肋近牛胸腩部位；肉質軟腍油脂豐腴牛駝峰後頸脊間嘅肉；肉味脂香比例剛好脖仁牛頸核心部位；肉質緊實而且微帶嚼頭牛朴肉油花分佈均勻似平時食嘅雪花肥牛牛坑爪肉質細嫩肉味濃厚加上油脂甘香有啲似肉眼扒雙拼牛肉餃牛肉餡嘅餃子比較少見所以叫左牛肉餃同麻辣牛肉餃各三隻黎試試；咬開肉汁豐富但個人唔太食得辣就覺得麻辣真係幾辣手打蝦滑海鮮選擇唔多但都幾正；蝦滑手打質感黏稠，咬落彈牙鮮甜