298茶餐廳 (已結業)

看到以上的一張公告，不禁令人何其心酸。沒錯，298已結業，但仍想寫一間已結業的餐廳的食評。因為至今，仍對這間餐廳的所有所有都念念不忘：由餐廳的每一個角落、到餐牌提供的形形色色、千變萬種食品配搭、以至員工的人情、當有還有高質素食物……這餐廳的每一樣東西，都很獨特，都是其他所有所有茶餐廳提供不到的。這是未進舖前，所見的門口招牌。沒錯，這就是一家以數字為名的茶餐廳、而「298」這數字也代表着它的地址—灣仔軒尼詩道298號。夠特別吧！298位於一商場的地庫內，所以未進去都未知其環境到底有如一般「茶記」一樣，還是有着特別的裝修格局，但可以從這張海報參透一下：雖然很簡單地把茶餐廳的幾個角落拼在一起，卻又可見整張海報也算是別出心裁。但到底係是否真的「環境靚D」呢？每一次進到298，我都會指定坐這個餐廳中間的位置的，還可以看到前後左右，四周的環境。其實也不算是很特別的位置，但從這裏可見餐廳的環境非常寬闊，燈光光猛，沒有老牌茶記那種「不企理」，但又不會過於「精巧」，整個氣氛讓人覺得簡約而讓人感到舒服自在，也是全香港的不論茶記、餐廳裏少有的格局。其實，最吸引我的，就是這在門口掛着的小菜套餐的餐牌。看到嗎？

灣仔馬會而地庫下面原來有間隱世美食！佢地個下午茶尤其抵讚，有好多唔同風味的食物可以選擇起碼有10幾樣。我連續幾日食左佢地個午餐，又食左佢地個下午茶，都係覺得下午茶抵讚。以前仲有好幾款泰越菜式好似生牛河、酸辣鳳爪沙律等等。超辣超過癮，好想有得食返。吉列魚柳羅宋湯天使麵，聽個阿已經夠曬吸引，食落仲與奮。佢冇講大話，真係angel hair黎架！最值得提係湯底，個麵幾靚都冇用，湯難食就成碗fail…羅宋湯夠曬濃，稍稍成蓉的status,酸、甜、咸味配合得好好。湯入面的蔬菜有好多，洋蔥啦、西芹啦、番茄啦，煮得淋兼冇渣。個粉爽口，希彈性，亦都入味。炸豬扒夠酥脆，浸落個湯度食另有一番感覺。XO醬炒豬頸肉公仔麵，同午餐份量基本上一樣。雖然我唔知XO醬咩味，但呢個麵食落辣辣地、好醒胃。最好的係公仔都幾乎完全唔油，但仲keep到油香。豬頸肉亦切了絲，睇落同食落都冇咁濟。其他食物請參考本人提供的照片。另外我好推薦係個焗螺絲粉，我既配方係魚黑椒雜菌汁焗螺絲粉。原因係個汁比較特別，有粒粒的菇碎；魚都好大塊，唔會焗到冇曬水份，依然滑滑。

好，我又來介紹一下茶仔，介紹一下香港的固有飲食文化，介紹一下我們一般窮鬼打工仔的每日早、午餐。而我是日要說的這一家《298 茶餐廳》，也就是我剛回流香港做 audit 時，team lunch，及收工 dinner 的其中一個好飯堂。這一家不顯眼茶餐廳，設於大街大巷，不過，好多人都只會留意樓上的電腦廣場，但知情者都知道，這是一間令好多打工仔歡樂的茶餐廳，其食物雖然不是好食到飛天，但勝在收唔到電話，兼是一間地庫餐廳，好有蛇竇 feel。因為是一間地底餐廳，租金也相對的便宜掛，所以《298 茶餐廳》的地方是超大的，而且有好多大檯，十幾個同事一齊食午餐，仲要坐埋一齊，早同餐廳留了位(熟客專利)，絕對沒有問題。早餐來，我點上一個雙拼麵，是雞扒加上沙爹牛肉，所以，整個麵都好濃味同好油，不過，雞扒選用了雞骴扒，皮煎香，肉醃香，雞油極多，加上配有滑牛肉的沙爹牛，直接地令到這麵好油，好邪惡，但好好味。早上，我要的是一杯奶茶，而這一杯茶擁有了我所要求的濃香同滑，同樣的簡評就是未叫最好，但夠味道。午餐再來，我本想吃鐵板或焗飯，但總不及男人的浪漫來得誘惑，不過我的並不是豆腐，也不是枝竹，而是蘿蔔火腩飯。帶出

１０點鐘係灣仔行到好攰之濟，經過見到依間話晚餐可供應至１１點唔諗咁多即刻同爸爸行落去幫襯喇落到去見到個侍應，侍應話去到１０點半咋，叫野食就快Ｄ喇咁我地兩個諗住係１０點半截單喇，結果快快趣咁落左個雜扒連意粉同枝竹班腩煲點知先係一個惡夢的開始。。。雜扒上枱先，班腩煲隨後送上。但上枱時間同落單時間相差唔駛１０分鐘個陣時我同爸爸兩個開始怯喇，怯就怯在係究竟食物熟唔熟呢？質素就已經唔太理，只要唔難入口，都會食得落。先試雜扒，個侍應主動幫我地淋汁。但Ｄ汁杰到爆，杰到可以慢慢從個兜滴落嚟但我地照食，而結果係得個咸字。扒類超淋，淋到唔駛用刀都分得開一舊舊。之後改試班腩煲，Ｄ汁都係杰，但依個直情無味同埋枝竹好硬。。。試埋碗白飯，連飯都係硬。心諗一句，S_ _ T ! 中哂大伏!埋單$116，但基於一分錢一分服務的道理，我地係食到班腩煲中途，個陣１０點半。全餐廳就已經熄哂基本電器，淨低Ｄ微弱的燈光供比我地照明用有見及此，最後決定食多１５分鐘就結束依個由搵食變被搵笨的過程。雖然無問清楚幾點關門係我地唔岩，但有得再揀就一定唔會再揀依間餐廳食任何野！

午飯時間係灣仔真係好難搵位食飯架，今日同學介紹298餐廳，魷魚肉餅飯，唔油、好滑、好好味，味菜牛柳絲炒麵，好味不過就太咸囉，鮮蝦香草火腿焗螺絲粉味道唔錯，蝦爽但無乜蝦味，青紅蘿蔔例湯，咸左少少！

幾年前來過這裏吃下午茶，一直記得這裏位處灣仔，晚上及假日人比較少，因為是在地庫的緣故，地方大夠寬敞，而且也夠安靜，食物的選擇又多，所以今次再來。　　我們打算吃晚飯的，但因為它的下午茶時間至六點半，而我們的食量又比較少，要是吃晚飯套餐，準會吃不下全份，因此都是點下午茶。　　我們點了咖喱牛腩撈公仔麵配熱奶茶，白汁吉列石斑天使麵配熱奶茶。　　咖喱牛腩撈公仔麵的咖喱味夠濃，汁也夠多，十分惹味，而且也有一棵菜，一丁麵夠黏夠彈牙，委實不錯。　　但白汁石斑天使麵就強差人意了，吉列石斑是剛炸好的，因此夠熱和夠脆，但白汁則過於黏稠，好像漿糊那樣，太乾太糊了，而且偏鹹和偏膩，而白汁石斑天使麵就只是白汁＋石斑＋天使麵而已，連雜菜粒和菜都沒有，依我看加片蕃茄或青瓜或西蘭花會不那麼膩吧，我吃不下整份，主要是因為太膩了。　　至於熱奶茶還算不錯，因為夠熱也夠甘美，而且還略帶鹹味，不錯！

呢間鋪喺地底~~所以平時行過左都唔多覺眼~~但今次因為有人帶~~所以試下~~首先要一讚既係~個場好大好闊落~~~有別於一般既茶餐廳~~~坐得舒服好多傾計都傾得開心d~~坐得耐又無人趕你走~~~而每個卡位仲有個細細既電視機~~利害!!最初諗住咪又係茶餐廳~~當日叫左個下午茶~~炸雞脾配沙津~~喺無咩人客既情況下等左10分鐘...心諗無人都要等咁耐?!結果~雞脾到左一食就知點解喇~~原來係新鮮即炸！！由生炸到熟！因為咁樣雞脾肉先會有肉汁流出！！並唔係乾爭爭架!!!!!呢間野真係有誠意!!!$28一個下午茶仲跟杯野飲!!各位!!我掙扎左好耐上唔上openrice讚佢架!因為我怕自此之後我就要等位了!!但諗諗下..我又怕佢因為位置問題以至無人知佢無生意又會執笠...到時我連食都無得食!!各位!!呢間298係我真心推介!!^_^

路過298無數次，但每次都是只見招牌不見門面，不知道裏面什麽來的，然後開始猶豫要不要走下去看看。門口那條軒尼詩道永遠很多人，根本不容你站在那裡考慮，最終跟著人流往前走，就這樣錯過了，一次又一次。週末，繼續茶餐廳之旅，今天決定走下去298一探究竟。雖然門面不大，一不留意就錯過了；但走下去，拐個彎，下面是另一番天地呢。地方都算大，座位也相對寬敞，四周圍三邊是卡位，一邊是廚房，中間擺放著圓桌。再看餐牌，不但有各式中餐，還有泰式湯麵，選擇頗多。早餐吃得比較晚，不太餓，打算叫下午茶餐，最想要的其實是一杯熱奶茶。下午茶的選擇都幾多，不但有各式多士、三明治和粉麵，竟然還有焗飯，不錯！要了雞扒茄汁焗螺絲粉，加熱奶茶28蚊，都算平。這裡的焗飯或焗螺絲粉，可以跟雞扒，豬扒或者石斑，另外有三款醬汁可選，這麼靈活的搭配，應該無法事先準備，只能是即叫即焗吧。熱奶茶先來，用塑料膠杯裝住，雖不是我心水的厚瓷杯，但茶味很香，趕緊試一口。果然，比起我前幾周喝過的那幾家重奶味的奶茶，這杯茶和奶的比例更好一些，茶身夠挺，茶味比較濃，奶味也不淡，都算滑，幾好飲的熱奶茶，滿意！奶茶飲完，焗螺絲粉到，剛焗出來的熱辣辣，茄汁酸酸甜

===本篇以普通打工仔中午搵食心態落筆===落雨天。題外話：聽講呢間茶餐廳前身係bar，轉手後變成茶餐廳，係落地牢，298電腦商場隔離。1點幾去到，無咩人等，無人招呼你，要行入去自己叫"2位"，即刻有位(搭台)。環境：內籠算寬敞，坐得都舒服，唔會好似平時茶餐廳好迫咁。點餐：大碗飯系列 - 咖哩雞扒拼火腿炒蛋 / $40 + 凍啡(+$2)同事都係叫同一個餐5分鐘左右有得食。咖哩汁淋面，雞扒、火腿炒蛋分兩邊放，火腿炒蛋係類似奄列咁。咖哩汁唔錯，夠味，辣，同唔會好稀，唔錯。雞扒肉唔鞋，連皮。火腿炒蛋唔滑，亦無蛋味，普通奄列一個。凍啡：一黎到好明顯見到奶多啡少，比較淺色，"啡"味尚可。糖度適中，合格。賣單$42，價錢唔算貴既，但亦唔算抵食，隔中食唔錯。不過唔使迫埋一齊坐呢樣就真係唔錯。

　　今天又是一月一次的家庭聚會日，我們一行七人選了這家餐廳作為下午茶的聚會地點，是因為看到食家們對這家餐廳的評論都比較正面，而且座位比較多，價錢也相宜，於是我們便來了。　　服務員給了我們一張連著沙發的L型大桌，我們有六個大人，一個小孩和一個嬰兒，而且嬰兒的用品很多，所以整張桌和座位都被我們完全佔據。　　我們七個人要了很多東西，分別有：１．　牛角包蘑菇奄列　配　特色雞扒公仔麵　，　熱奶茶２．　火鴨絲炆米　，　熱檸檬水３．　吉列豬扒天使麵　，熱鴛鴦４．　牛角包蘑菇奄列　配　雜菜湯配天使麵　，熱鴛鴦５．　熱狗，熱朱古力奶　　先說１和４吧，服務員在我們點菜的時候，並沒有說明餐廳已沒有牛角包供應，這點使我有點憤怒，端來的時候才看見是多士，我們點這個餐是部分原因是因為很久沒吃到牛角包，有點被騙了的感覺。至於味道方面，我覺得很一般，特色雞扒公仔麵的麵質不好，一咬即碎，很稔爛，而雞扒好像有點咖喱味，但泡在碗裏，咖喱油便浮在湯麵裏，感覺怪怪的。４的雜菜湯很濃，而湯料很多。　　而２和４的份量十分可觀，可說是物超所值，吉列豬扒很大塊，天使麵也很多，但是醬汁很像漿糊，黏稠而攪不開似地；火鴨絲炆米則太乾。　　其

好難得地，可以同班好朋友見面。行下行下，就行左入黎呢間茶餐廳食啦。呢間茶記都食過幾次，食物既質素都唔錯架。而且環境比我地預期既舒服。重要既係，呢度有電視睇架，不過係有畫無聲。因為係星期日，所以人流比較冷清。睇哂咁多個午餐，覺得個焗芝士蘑菇豬扒天使麵會好食啲。雖然等既時間比較長，不過都無令我失望。因為個天使麵既份量都幾多，都算係大件夾好食既。天使麵既麵質雖然唔可以同意式餐廳比較，不過無整到成pat漿就已經唔錯啦。因為天使麵既麵質比較難控制，整得唔好真係可以整到pat漿咁架。好彩，我仲未試過呢啲"漿麵"。講完天使麵，就講番個豬扒。醃味都唔錯既，而且又唔算太多骨，啱哂我呢啲懶人食。而個汁同普通既茶餐廳白汁分別不大，只不過加上芝士就變得好食啲。整體上都唔差既，食完真係好飽。而餐後既凍奶茶大大杯，茶味濃已經可為呢餐午餐劃上完美既句號。喺一個好hea既星期日，享受一餐難得休閒既午餐。望住班維園呀伯為時事話題針鋒相對，而謝志峰就話你既發言時間夠啦....。講真，如果大家可以relax一下，就唔使個個禮拜都"上電視"啦。雖然呢度既電視有畫無聲，不過咁睇班維園呀伯又幾得意架。

30.3.2011在會計師公會拿取了考試用書後, 就想在晚上上堂前找一間茶餐廳舒服地享用晚餐. 那時是5:45pm, 正當心中盤算著哪一間抵食的時候, 突然腦中想到這一間298. 以前曾經在灣仔區出job, 也時常經過這間餐廳, 只是未有機會試試, 而這茶餐廳距離我上堂的地點非常近, 所以便來這裡吃晚餐了.來到差不多6pm, 還來得及叫下午茶餐, 那時候不是太多客人, 但所有顧客都是男性, 於是我就好似異類, 哈哈, 考慮了一會, 叫了日式豬扒炒烏冬+熱朱古力熱朱古力很快便送來, 很香, 很滑, 有奶味. 之後等了大約十分鐘, 炒烏冬就來了. 熱騰騰的, 很香, 有六至七塊豬扒, 每塊都是肉, 只是其中一塊有骨, 如果將這些豬扒塊拼起來, 應該是一塊大豬扒了. 這麼足料真的令人十分驚喜哩. 但有一點令我失望的是, 這碟烏冬除了用了少少青椒炒之外, 就沒有其他蔬菜了, 如果有椰菜就會更好了. 這個下午茶餐只是$27, 十分超值, 怪不得這間茶餐廳沒有"喊面"了. 以前聽我的client說這餐廳都lunch都抵食, 有機會都要試試

呢排要洗番小d錢放工後就同男友來食飯男友一向都知呢間既好食但就未試過，就決定試下坐低見到都幾多野食最後叫左鐵板西冷扒+薯菜 ($45 +$2 凍飲)同葡汁雞焗飯 + 凍紅豆冰 ($50)飲品5分鐘耐到食物就等左大約十幾分鐘先到紅豆冰好多紅豆, 幾好飲 鐵板西冷扒+薯菜份量細左d, 但煮得好香肉多汁，煮得剛剛好 葡汁雞焗飯焗雞同炒飯分開上夠熱葡汁甜甜地, 有雞味好好食從未食過咁有水準既烔飯大家可以試下，食物真係一流

呢排大洗左，今晚要慳d食，所以揀左茶餐廳~佢個位置係地庫，唔太顯眼，好在地面放左易拉架，見價錢幾平，即管一試。落左樓梯之後，發覺真係別有洞天，原來呢度好大架!!!而且佢d卡位仲有部電視仔，可以一邊食一邊追劇 好耐無剧過扒啦，一於叫個黑椒汁肉眼扒薯菜鐵板。d野好快就黎啦，拿拿聲倒汁先~個鐵板真係夠晒熱，即時煙冒四起!個扒其實同一般茶記無咩分別，不過唔駛50一個餐包飲品，確係抵 朋友個日式豬扒炒烏冬都好夠鑊氣bor298，手緊之選!

下午茶的小型焗飯實在不錯, 只25元的焗豬排飯餐, 材料不少, 蕃茄和洋蔥, 飯面也烘得燶燶, 很香, 內裡非常熱, 幾乎不能立即入口, 豬排肉質算彈口, 可能好食關係, 覺得太細了, 幾口便食完!