298茶餐廳 (已結業)

聽完talk之後，由金鐘行到落黎灣仔。本來想拜訪"紅豆壽司"既，但唔知咩原因唔食。行下行下就落左黎呢度，我記得之前都度食過。雖然呢度係茶餐廳，但裝修同設計已經高幾—班。仲有電視可以睇，坐得又舒服，真係唔似係茶餐廳。見到餐牌咁多野食，真係唔知揀邊樣好。最後揀左個鐵板餐食，聽講味道唔錯架。鐵板西冷扒當然，佢唔會問我幾多成熟啦。有鐵板度，五成熟既扒都變左八成熟。事實上，塊扒都幾好食，雖然有小小韌。但都幾有肉味，唔會太乾。而且有小小根俾我食，雖然根真係幾韌。呢塊扒點都好過用鬆肉粉預先處理過既。而黑椒汁算幾惹味，辣得黎又夠香。唔會一味得個辣字，整體上都唔錯。而伴板既薯菜則用上紐紋薯條，雖然好普通但我好鍾意呢隻薯條。呢個扒餐算唔錯，食完都幾飽架。凍咖啡都係一般茶記既咖啡，但勝在咖啡味濃。而且唔算太甜，算係幾好飲。而冰去到呢個位就好，飲完唔會剩反半杯冰。雖然只係茶記，但食物同價錢都超越我既預期。當然，可以既有餐湯同餐包就更好啦。實有下次既，因為野食真係灣仔區算係好超值。

8月7日, 成日行298, 成日經過呢間茶餐廳們口, 成日見到佢棟晒d下午茶餐牌出嚟, 真係覺得佢好似好多野食, 但總無機會去試… 今日終於有機會啦! ::: 芝士肉醬雞扒焗螺絲粉 + 凍朱古力 ::: $25 + $2芝士肉醬加雞扒本身已經好吸引~ 驚喜嘅係佢仲係用瓦煲上! d芝士焗得又香又濃又夠溶~ d肉醬又好惹味! 下面塊雞扒已經幫你切件, 肉質亦頗嫩~ d螺絲粉又好索到d醬汁味~ 真係幾正! 不過呢個瓦煲size細左d… 仲細過舊時大x樂d焗豬d堂食鐵兜size, 男仔食可能會嫌少! 好在兜野又芝士又肉醬咁其實都幾漏, 所以細兜d反而又啱啱好~ 哈~ 總之好味啦!杯凍朱古力都唔錯, 都幾濃味~ 不過冰多左d, 飲到尾溝稀咗…::: 蝦醬炒飯 + 凍檸檬茶::: $25 + $2用上嘅蝦醬都幾多, 炒出嚟都幾香下咁, 加埋蛋絲, 都幾有泰國feel~ 估唔到佢蝦醬都有加咗d蝦米, 整體味道唔錯, 幾乾身, 食落又唔油~ 份量比瓦煲焗螺絲粉多d, 以tea嚟講可以話係好夠食~凍檸茶一般般, 勝在夠大杯!估唔到呢間茶餐廳個門口都唔算起眼, 但落樓梯後又係另一個世界! 舖面非常大, 裝

遲了一個字到達, 無得吃下午茶..!我們點了:- 雜錦炒烏東: 很大碟!! 味道不錯, 不過就略嫌多油- 鐵板特色石班: 有三塊石班, 味道也可以這茶餐廳夜晚通常也不用等位, 而且座位舒服, 又有電視看, 可惜沒有聲啦!

很久前路過這店，由於它在地庫，獨自一人不敢去試。近日在網上瀏覽食評，看見有很多不錯的評語，才決定找一天去試。 終於某日下午茶時間，有機會去試。兩個人選擇了兩個餐:菠羅雞粒炒飯 – 很有異國風味，意想不到有提子乾、青豆、青椒及肉鬆等配料！芝士肉醬雞扒焗螺絲粉 – 真是份量十足！ 螺絲粉軟硬適中，沾滿濃郁的芝士肉醬， 還有大大塊雞扒，well done。離開時，同伴把剩下來的食物打包，外賣要補錢，很合理喔。

早上, 係灣電的Procurement 行動失敗, 因為未開哂門. 中午又被老細fax來的一份文件鎖左我係位度捱飯盒. 直至放工, 才有機會繼續進行我既Procurement 行動. 行了灣電, 太貴, 冇收獲, 再過黎298, 終於俾我搵到平靚正既. 事成之後, 就不用想食飯地點了. 係正樓下, 有一間叫298既餐廳. 以前於灣仔工作時, 一直都唔敢入既. 是晚既然得一人, 就落去探下險吧.應該是經過裝修, 格局同餐廳設計都好新穎. 地方夠大, 找了一個梳化位坐. 寬敞, 坐得好舒服. 係門口落樓梯位已經睇中鐵板餐, 我就要了一個西冷扒配薯菜. 期間, 鄰檯叫了小菜套餐, 看見蒸魚等等, 都有少少水準. 賣相不錯. 覺得, 原來當年我們一班人, 因為門面核突而埋沒左一間好店.出菜不快, 留意到廚房是一份份做的, 應該盡可能不會僩儲埋兩張單才煮野. 輪到我地鐵板了, 因為伙記要係客人面前淋上洋蔥汁, 故盡安用一張大紙巾擋一擋油煙同彈出的汁.沒有問我要幾成熟, 不過, 茶餐廳only, 又唔係西餐廳扒房, 而且只是普通大陸扒, 就由主廚決定佢有幾熟啦. 而且是鐵板上, 一路熱住, 你要4

愚人節去完灣仔，就過左黎呢度食飯。呢度聽個朋友話算幾抵食，好彩lunch最忙既時候過左去，唔使等位。咖喱豬扒串燒牛肉飯雖然個碗好似好淺，但睇落又唔係太細碗。個豬扒新鮮炸，好脆口同好好食。而個串燒牛肉就無乜特別，不過都唔錯既。整體上算幾抵食，雖則成四十個大洋。凍奶茶好奶既凍奶茶，唔係太好飲。下次實有既，不過睇下有無時間啦。

卡位旁有小電視，不過雪花畫面兼又無聲！大碗飯確實大碗，包你夠飽。日式咖哩雞扒併火腿炒蛋飯是令人滿意之作，至少咖哩味夠濃，雞扒略煎過而嫩滑，炒蛋也滑滑的。不過瓜粒陳皮鴨泡飯就肥佬。我不介意那件滷水鴨不夠腍，吃得有點狼狽，也不理湯底是否靠味精支持，但是冬瓜粒明顯沒甚煲過煮過，硬實實的！可以做得更好的，用多點誠意吧。

今日吃過早茶後便去了298腦場買電腦附件，看看電腦產品，又看看攝映器材，再看看各樣雜誌，時光飛逝不覺已過了午飯時間，感到腹鳴如雷，更就近去了298腦埸樓下的298茶餐廳吃過重量級下午茶餐。 位於地庫的茶餐廳面積頗大，不難找到枱也無須搭枱，在卡位旁還裝設有小型LCD電視，環境比普通茶餐廳好一點。餐牌共有廿七款茶餐供應，由一般多士、三文冶、泰越式湯粉及中式炒粉麵都有，不像普通茶餐廳的A-E餐、常餐等的組合，食物方面選擇不少。 因為沒吃午飯，所以要了一客較重份量的咖喱牛腩炒河。咖喱牛腩炒河 ($24)伙記先送上熱奶茶，茶味足奶味剛好，不像某些茶餐廳的出品，奶下得太多奶米蓋過了茶味，不像在喝茶。 牛腩炒河巳很香口，加了咖喱來炒便更加香口，帶筋的牛胸腩舖滿河粉面上，份量足以媲美午市，上枱時仍熱辣辣，相信是下單後即炒的，味道算是合格水平，加上杯奶茶也只是收廿四蚊，都幾抵食。就近腦場旁，是後腦場茶餐好碼頭。

21.6.2009 & 15.8.2009兩次黎都係教完水,食下午茶這裡在地庫所以地方大、又有電視睇下午茶款式甚多，輕盈的到重份量都有對於飢腸轆轆的我，當然要粉或飯一次要芝士吞拿魚雞扒焗螺絲粉、一次要炒黑椒牛意呢度下午茶都係即叫即做，所以焗野要等得耐d食物份量都幾大，所以以廿幾蚊在灣仔黎講都算平

唔知幾時同朋友黎幫襯過後，今日就帶老公黎試下。地方簡潔，寬敞，卡位有電視睇，需則質素不太好，但勝在有得電視勞飯，聽聞哩度既師傳係來自新膳坊。１。雜扒薯菜，凍檸茶$44：牛扒，雞扒，豬扒，雞翼，半條司華力腸，配以洋蔥汁，好食。２。蝦餅湯河$24：蝦餅彈牙，湯底有Ｄ辣辣地，好惹味。

每天都在搜尋開午飯嘅地方, 今日就揾到呢間. 地點旺中帶靜, 要落地庫始終係人流爭d, 伹亦俾人易揾位嘅方便. 午餐選擇亦唔少, 七八個choice, 再加多款大碗飯, 花多眼亂, 最終我揀咗: 日式金菇牛肉大碗飯 - 飯一送來先知領嘢 金菇同牛肉用咗青椒嚟炒(我係唔食青椒嘅), 食落唔覺得日式. 味道就麻麻! 賣四＋蚊碗, 凍飲重要加兩蚊, 响呢度黎講都唔算抵食.

在星期五的晚餐, 在灣仔銅鑼灣一帶, 要搵一間唔錯而又唔使等位的餐廳真係好少. 298做到了. 本來一心想去味王食鐵板餐, 但點知味王遷移後無抵左食鐵板餐, 但肥仔個胃已經tune好左食鐵板, 立即用PDA上Openrice, 睇到這個不錯.... 去~~落到298, 覺得地方很大, 已經人數不多, 可以有卡位坐. 而每個卡位都有電視, 一邊睇住頭條新聞, 一面食, 唔錯. 叫左一個西冷鐵板餐 + 薯菜 $42. 仲有一個芝士肉醬焗雞排意粉 $42. 再加 $5 @ 菠蘿冰 及 紅豆冰.西冷排唔係好大件, 亦唔夠以前味王咁好食, 但勝在夠平均. 唔會太肥, 亦有肉汁. 正常合格6分. 芝士肉醬焗雞排意粉, 真係好食. 肉醬唔會太咸, 味道剛剛好. 而雞排亦有一個畫龍點睛的作用, 不錯. 而上面的芝士亦有好多, 夠味. 8分. 下次會再食~

呢間298茶餐廳係男朋友介紹的, 因為佢平時都有去開298電腦商場, 肚餓時會落去食個飯298茶餐廳 位於地庫, 所以平時行街都好少可留意呢間茶餐廳 , 如果唔係男朋友介紹, 我都唔會主動去食呢~~今次我係同男朋友黎食個下午茶入到呢間茶餐廳 , 發覺唔多客人, 所以可以搵到個卡位坐, 卡位都幾闊落, 每個卡位都有獨立的LCD電視, 一邊食野一邊近距離睇電視, 好嘆~之前係openrice聽d食家講 鰻魚雞粒炒飯 同 芝士雞扒吞拿魚焗螺絲粉 好好味, 所以今次搵男朋友一齊試食一下呢度既sevice一般啦, d waiter 冇乜笑容, 不過算啦, 我個人覺得食物比service重要好多首先, 黎左個芝士雞扒吞拿魚焗螺絲粉($24) , 份量唔多(約一個女孩子的食量), 聞起黎好香, 芝士好吞拿魚好夾, 混起來幾好味 但個雞扒好似同呢個飯有D 格格不入, 如果可以轉用魚扒就更加好跟住, 我期待左好耐既 鰻魚雞粒炒飯($24) 上菜啦~~~~哇, 好香呀!!!! 未食已經流哂口水...一食, PERFECT! 佢炒得好有鑊氣, D 鰻魚味出哂黎, 味道岩岩好, 唔夠5分鐘我已經食左半碟飯

之前同班朋友去開自修室... 5點放break時就走過黎呢度食野開頭都有d驚, 記得呢度以前係bar....食左兩次都係坐卡位, 卡位有部細細地的電視機我點左鰻魚雞粒炒飯好大碟, 可以兩個女仔share好多料, 炒得好香, 雞粒係用香草醃過的雞扒切粒, 好好味!朋友叫左芝士雞扒吞拿魚焗螺絲粉雞扒係香草醃過, 好好味!吞拿魚同cheese都有好多, 不過呢兜粉係比較細碟女仔一個人食應該剛剛好!另外一位朋友食左湯檬, 我冇試到, 不過朋友話麻麻地..不試也罷呢度d 炸蝦餅都好好味 又夠大塊 $24有4舊~~隨著高考的完結 可能都再無咩機會黎呢度食下午茶lu不過我仍然好掛住芝士雞扒吞拿魚焗螺絲粉同鰻魚雞粒炒飯廿幾蚊有咁既貨式, 算係好好!!!

今日同班朋友一齊去298食tea. 我今次係第一次黎, 本來以為呢度係好似pub 既感覺, 點知一落到去係好寬倘, 都坐得舒服, 唯一美中不足係地板有D濕.我叫左雞柳絲炒意粉, 普普通通, 無咩特別, 仲幾鹹添!!!!! 反而我試左個fd 既鰻魚雞粒炒飯又幾好味wor, 另外一個焗吞拿魚雞扒螺絲粉賣相都唔錯, 我個fd 話好好食. 以呢個價錢黎講都算ok, 下次會試個鰻魚雞粒炒飯!!!!