298茶餐廳 (已結業)

住這附近，一直都知道有此茶記，但依稀記得很久之前來過一次，印象不是很好，於是沒再來了。早一兩個月前，一直以來我都經常到在此餐廳附近的 "老地坊" 吃早餐，"老地坊" 結業了，我試過好幾處不同的地方，質素都不佳或不穩定。原來要找個好地方舒舒服服的吃早餐真不容易啊。後來一次經過這裡，心想再給一次機會吧，反正也沒什麼其他好選擇了。怎料，這兒現已成為我其中一個經常去吃早餐的地方了。早餐滿意，晚餐就帶媽媽來試試看。原因是我始終是個香港人，非常熱愛茶餐廳，但又很討厭附近 "強記" 的不濟水準和傲慢態度，一直很希望有另一間更好的茶餐廳。前言太多了，說回正題吧。餐牌選擇多得有點眼花瞭亂，但對我來說是沒問題的，我就是喜歡茶餐廳這樣!媽媽點了豉椒滑雞煲，而我見餐牌上有咸魚蒸肉餅、梅菜蒸肉餅，但我想吃的是咸蛋蒸肉餅，問問侍應，他說沒問題。Good! 這就是茶餐廳的美妙之處啊！ 豉椒滑雞煲﹕上檯時仍然很熱，"吱吱"的聲音不絕於耳，光聽就叫人食慾大增。味道偏咸了一點，但雞的確頗滑，不錯！ 咸蛋蒸肉餅﹕賣相不俗，肉餅的質感也很好，不會太硬或太鬆散。但有同樣問題，味道偏咸。大概是這兒的大廚吃得口味太濃吧?!兩道菜都

首次去這間餐廳,要下兩條樓梯才到達. 入到裡面,感覺像飯堂. 若不是被橙色的椅子吸引,我們應該掉頭走了.地方很大,每個卡位都有電視,照顧周到.看見別人叫的小菜和扒都不錯,我們決定叫兩份什扒餐.有豬,牛,腸和雞翼, 可配飯,意粉或薯菜.$42的扒餐沒有餐湯和包,只送飲品.賣相算吸引,味道都可以.但吃後很口渴,即味精重. 食物味又濃.所以,我們也不會再去.

繼續講下臨別秋波嘅感覺, 師傅對各間食得過嘅食店都想再黎多次, 而呢一間亦都係心水之一, 於是喺早兩星期前再次到黎過, 睇下呢間食店嘅水準又有冇變到先! 落到地牢, 都見幾多人, 不過一兜友始終而搵位d! 坐底後即刻睇下有咩好野食先, 最後都係比午餐吸引左, 所以師傅就柯打左碟粟米肉粒飯(炒底), 餐飲凍檸檬茶! 等左一陣粟米肉粒飯(炒底)就擺左喺師傅面前, 賣相都幾靚幾吸引, 睇到已經好想食喇; 不過師傅最鍾意佢註明係炒底囉, 淨係呢下都值得加分啦, 粟米肉粒嘅粟米夠鮮夠甜, 粟米汁唔會太杰但又唔會太熹, 唔錯; 而肉粒都夠鬆夠腍, 味道唔錯, 加上炒飯炒得乾身, 所以都幾好味; 至於凍檸檬茶都幾大杯, 有茶味又唔算太甜, 可以喎!總括黎講食物質素唔錯, 地方大環境舒服, 價錢就可以接受到, 午餐三十二, 凍飲加多兩蚊, 可以啦; 四個月前到黎呢間食店時, 食物質素都係一般, 但是次黎到師傅又甚為滿足, 何解呢? 莫非離別在即依依不捨? 呢間食店選擇同款式夠多, 如果再有機會, 師傅一定會再黎, 而笑臉值得一比!

今日有事到灣仔辦，到下午才可以吃飯，見298樓下這間餐廳有二十多款下午茶餐選擇，價錢由十六元至二十四元，由輕盈級的多士到較重份量的粉、麵、飯都有，豐儉由人，便決定入去幫襯。 我叫了一客芝士吞拿魚雞扒焗螺絲粉跟凍檸茶，凍飲夠大杯在炎廈唔會飲到唔夠喉，芝士吞拿魚雞扒焗螺絲粉份量足夠作為午餐，味道都幾滿意。

來來回回經過呢間茶餐廳N咁多次, 但係師傅一次都未黎過! 今日漫無目的咁行, 忽然醒起呢間食店, 加上好想食個西式少少嘅午餐, 於是就決定黎呢間食店!推開門口要落樓梯, 原來食店就在地牢! 地方都幾大, 冷氣又夠, 伙計主動招呼坐底, 之後師傅就睇下有咩食! 睇左一陣, 樣樣食物都幾吸引, 不過還是揀左午餐A, 皆因夠西式, 餐飲就要凍檸檬茶!午餐A係黑椒肉眼扒飯, 等左一陣就有得食! 黑椒肉眼扒飯未到, 凍檸檬茶先上, 師傅望見時都有少少意外, 皆因杯凍檸檬茶都幾大杯, 有茶味又唔算太甜, 味道都尚可; 黑椒肉眼扒飯都幾大碟, 而且仲幾多汁添, 先講下個黑椒汁, 黑椒汁都幾杰, 唔夠香亦唔覺辣, 仲有少少酸嘅味道, 唔係變壞只係本身調教出黎嘅就係咁; 肉眼扒都幾大塊, 煎到七成到熟, 肉心仲係紅紅地, 肉質算鬆不過都落左唔少鬆肉粉, 有些少筋同肥膏, 不過最香最口味亦係此處, 塊肉眼扒都過得去, 如果少d鬆肉粉就仲好!總括黎講食物質素都合格, 地方大環境舒服, 價錢就一般啦, A餐三十二, 凍飲加二元, 可以啦; 作為一間茶餐廳, 呢間食店都有好多唔同選擇, 款式夠多, 樣樣都想食,

與朋友行灣仔,來這間食晚飯,入到去感覺空間好大有不少電視,環境舒適但服務員就好似無咩神氣,無咩反應咁,我叫左焗豬扒飯餐,等左約10分鐘就來了,成個飯剛剛焗出來所以新鮮熱辣,食落豬扒鬆軟,而飯更是炒飯來的,汁料都唔錯,整體飯的感覺都幾好總體來說,加上來過幾次的體驗這餐廳的食物味道係唔錯的,但價錢比較貴如果不是名為茶餐廳環境的佈局同服務的態度則有點格格不入不過無論如何,這間餐廳有一試的價值

三人行，必有我師。與三老死來到灣仔這個熟悉的地方，一時三刻想不到有甚麼好吃，在隔鄰看過CD 就順一個便來了這裡。離港四個多月，曾是一間酒吧的這裡已轉身為有格調有電視直播的茶餐\廳。還是，我離開前它已是一間茶餐\廳？也不記得了。是晚清清淡淡一碗炸蝦餅金邊粉跟杯凍賓加碟油菜。蝦餅夠脆，金邊粉夠滑，油菜不油，三十三塊，灣仔軒尼斯黃金地段，經濟實惠吧？其實，時隔半年而已，為甚麼香港會通脹得那樣厲害？以前不用廿雞有個午餐\，晚餐\更是三十有找，現在吃過午餐\也要你三十大洋，晚餐\想吃好些少也起碼半百。雖則我在倫敦百三蚊碟炒烏冬甚至乎在瑞士少女峰上五十大洋一個杯麵我也吃過。但這裡是貧富懸殊的香港啊！不是大部分人都生活富足的歐洲呀，很多東西根本不能這樣比較。無論如何，在歐洲捱麵包捱餅乾的日子我還歷歷在目，回到香港，活在當下，真的要好好珍惜眼前的一切。前文提到我不再寫食評。其實，有空手痕的話也會寫寫吧。

早陣子的CWB Site Visit，常跟班technician 到這兒吃好man 的茶記午餐。說是敬茶記，其實係一間企圖裝時髦的港式廉價餐廳，賣的是市井碟頭飯，招呼的都是在附近上班的麻甩佬為主。午餐大部份都係$28 左右，凍飲加兩蚊（行規嘛！）試過「咖哩牛舌飯」、「菜遠班腩飯」、「蒸茄子肉片飯」，飲品試過熱奶茶和中湯（xx 粟米湯）講真果句，味道唔特別impress，倒是地方比一般茶餐廳企理些少，但可以企係其他食客後面等位，邊吃邊有壓力。吃完要即閃，冇得hea 住，都好，有時間比我們去打機！

呢度最大0既優點係環境舒適, 坐得舒舒服服, 每個卡位都有一部細電視野食中規中矩, 價錢適中黎下午茶或者一大班人傾計都係個唔錯0既選擇

搬到中環上班後，搵食很困難，每日lunch time整條街都擠滿人。這天同事介紹了灣仔這間298，便搭電車過來試試。餐廳在地下的，要落一層，地方很寬敞，都算新淨，卡位有電視。試了個午餐，有蒜蓉包、半條芝華力腸、半份奄列蛋，都ok，另外主餐是羅宋湯天使麵，幾特別，份量都ok，飲埋杯飲品就剛飽。整個餐$30，連埋車費都比在中環食抵和舒適吧。

今日o益o左個奶油多+ 凍奶茶走甜，多士燶得o岩o岩好、又脆，可惜奶同油就唔夠囉，不過都好味。原來呢度Ｄ奶茶可以走甜，真係好喇~~~ 可惜，奶同茶O既比較就唔係咁夠，奶多蕃Ｄ就感覺滑Ｄ。

19/7(四) 2:15pm下午到298蹓躂頃刻,繼而偷空到地庫的298茶餐廳隨意的吃個下午茶;寬闊的環境跟地面狹隘的軒尼斯道誠然兩個世界;驟眼看,有不少白領正直在此加油偷閒.選擇了近牆的圓桌,茫無頭緒間點了魚蛋粉$18跟凍檸茶加$2.魚蛋粉湯底清淡乏味,河粉入口不滑薄且沒彈性;魚片繃硬,相比之下魚蛋彈口多,唯魚鮮不明顯.搭上平平穩穩的凍檸茶,付上$20大洋買來一句鐘的清閒;也不應抱怨太甚罷!

呢間茶餐廳係我見過最靚既茶餐廳﹐裝修真的不錯﹐整間店而橙色為主題﹐座位好舒服﹐服務態度好﹐食物款式多多﹐價錢又平。