1988 (已結業)

呢間係一間非常隱蔽的泰菜餐廳，好在之前有喺觀塘返過吓工，所以難唔到我，可能對外來人路線會比較復雜。好少寫食評唔係寫主菜，不過我真心覺得甜品賣相味道價錢都比主菜出色所以我今次主要係想講吓佢嘅甜品，如果問我佢哋主菜評分我可以話平均嘅。好喇，直接跳入介紹甜品先。甜品總共有8款，每款都係$38咋。我三個人去食所以只係試到三款。我哋揀咗蜜糖撻配新鮮西柚啫喱，baileys mousse，英式伊頓蛋白餅覆盆子奶凍，淨係睇名都好想食喇一上枱就已經好似藝術品咁唔係好捨得食呀 蜜糖撻配新鮮西柚啫喱: 我地三個人一食個西柚啫喱都有好清新好好味嘅感覺，再配個蜜糖撻好醒神呀Baileys Mousse: 酒味好濃，個有烘烤過好香，再配香蕉簡直perfect呀英式伊頓蛋白餅(覆盆子奶凍): 呢個個蛋白餅有食硬身乳酪嘅感覺，再加覆盤子酸酸甜甜，味覺大享受如果要講甜品有咩唔好，可能就係我朋友話嘅咁細份食咗會好似無食咁，不過從來甜品都係味道同視覺嘅享受多於飽肚㗎啦

上個星期去食飯慶祝生日，環境好舒服之外，服務更加係一流🙈D野好好食，特別係金邊粉同豬頸肉😍甜品既質素好高👍仲可以請佢地係甜品碟上面寫字🖊如果有機會去觀塘一定會再去試下其他野食，值得一試！

今日買咗就朋友又去咗觀塘工廈搵食啦，見好多樣嘢都試過，咁梗係搵啲新嘢食下啦！發現近排有間新泰國菜開咗，即刻同朋友沖去試吓啦！去到見有人等緊都好驚無位，好彩都有兩位姐，但都係建議大家訂定位先，因為裏面座位嘅數目都唔算分多。裏面嘅裝修好簡約，佢哋嘅Menu亦都係偏向簡單嘅，朋友一黎就話要食生蝦($48)，其餘呢就我發板，所以我就揀咗泰式豬頸肉($56)、Pad Thai($88) 、椰汁雞湯($68)同青芒果沙律($68)，另外仲叫多兩杯嘢飲，朋友就要西柚梳打($26)我就偏好青檸梳打($26)啦！青芒沙律同生蝦好快到，朋友好快試左青芒沙律，一試完就話擔心可能對我黎講辣左d，怕我會食唔到，我試左都可以食到既，佢既酸酸辣辣既汁加上d 青芒食完會好開胃，但我唔食得辣就食唔到好多。生蝦一碟有四隻，每隻上面都鋪有蒜片同辣椒，另外再點埋佢個酸辣醬汁，正呀！豬頸肉一嚟到嘅時候朋友好驚喜，因為都好大碟而且個樣都燒得好靚，外面燒得香口，裏面淋物入味，外脆內軟。兩杯野飲大大杯，抵呀 😍最後椰汁雞湯同意Pad Thai 多到啦，食泰國野我最鍾意就係叫泰式炒金邊粉，佢嚟到都幾大碟所以我都好怕食唔晒，而且都幾多蝦

這天我和朋友在觀塘逛街，到了晚飯的時間，經家人介紹，我們決定來到這間泰國菜餐廳試一試，雖然這間餐廳比較偏僻，但店內的顧客幾乎是坐滿的，所以食物的質素一定不錯，而店內環境清潔衛生，座位與座位之間有一定的空間感，不會太迫芝士醬薯條($38)薯條的份量非常非常多，軟彈煙韌，加上十分濃郁的芝士醬，芝士醬非常多，非常抵食青咖哩烤雜菜($78)清新淡雅的青咖哩，調味得宜，不會太甜，爽口微彈的西蘭花，軟彈煙韌的豆海南雞($98)海南雞非常嫩滑細密，配上特定的辣醬，味道辣中帶點甜，令人十分開胃，份量足夠多，價錢尚可以接受香葉肉碎飯($78)大量細碎的豬肉碎軟彈煙韌，味道甜中帶點鹹，白飯十分軟綿綿，白飯的份量很多沙嗲雞肉串燒($56)厚身的雞肉串燒香稔軟嫩，雞肉的份量足夠多，配上自家制的沙嗲醬，更加帶出雞肉的鮮甜味整體來說，食物的選擇足夠多，食物的質素非常高，上菜的速度挻快，餐廳位處於工廠區，成本相對較低，所以食物的定價比較合理，店員有良好的服務態度和有禮貌，所以我認為這間餐廳值得再去惠顧

上臉書見到有 blogger 大大力推介,再者官塘區真係無乜邊間泰菜係值得去食,因為平常都係去九龍城食嘅多,所以見近近地就去試試啦～呢間 1988 係一間外表好舊好舊嘅工廠大廈入面,去到見到餐廳裝修擺設同外面簡直兩個世界! 餐廳座位唔多, 大概 30 個左右, 所以一定要訂位, 唔訂位係無得吃架~Menu 都好簡單, 雖然無一般泰菜鋪頭咁多選擇, 但款式都係大眾化嘅！我地 4 個人就點左- 冬蔭功- 青咖哩雜菜- 烤餅- 鳳爪沙律- 辣椒膏炒青口- 泰式烤魚- 豬肉串燒整體黎講每碟嘅份量都好夠，味道都好 ok,特別係冬蔭功,豬肉串燒同青咖哩雜菜非常出色! 冬蔭功足足有 6 碗湯份量, 唔算太辣，酸味椰汁味夠蝦味又濃, 正 ! 豬肉串燒肉質唔 un , 個沙嗲汁真係超級勁正，非一般花生粒粒咁，少少甜咁好惹味！青咖哩雜菜望落好似好 "希" 咁, 但食落係好夠味道, 配埋個烤餅簡直人間美食 !反而個青口就較為失色, 太咸同青口太瘦, 似淡菜多過青口囉！烤魚都好一般, 因為烤魚唔夠滑同熱 !甜品就略嫌細份，味道尚可嘅！員工服務及態度都好好, 好主動及笑容滿面!整體都好滿意, 但以工廈黎講價錢會

我朋友話試過兩次想去1988食飯都 full house , 好想知道呢個開業三個星期嘅泰式餐廳究竟有咩魅力。今日我哋興致勃勃咁湊夠約左四個人上去食飯，打電話去1988餐廳嘅時候，佢同我地講話得返兩個位。。。星期三都 full booking ?!當我地諗住再揀第二個時間嘅時候，發覺唔係已經full左，就係有人唔得閑。甘夾法，起碼要等多三四個星期 所以我哋最後決定由我同A小姐先上去食頭啖湯。跟住返嚟𣾀報比其他人聽1988有咩特別。準時七點到達，1988餐廳已經有九成滿座。明明得兩個人，店員安排我哋坐左張四人枱，我即刻好唔滿意咁同佢講，其實我哋係想book四個人，點解明明有位你哋都話得翻兩位？店員親切有禮貌地回覆: 唔好意思，我哋每晚只做30個客人，所以即使有座位，我哋都唔受預約了。原本我都唔相信，但係我發現呢度每個鐘起碼有三四 pair walk in 客人入嚟，都比婉拒入席，呢種堅持照顧好30位客人的決心，的確令我另眼相看。今晚叫左以下菜式，菜式的份量都幾大，用料足，服務仲非常貼心！泰式燒雞半隻108元幾乎係我周圍嘅枱都有叫呢隻燒春雞，所以我都叫埋一份。半隻燒春雞外皮燒得非常香口，夠

食物高質又大份員工禮貌都好好從來都冇寫過食評忍唔住都要讚揚下佢哋價錢都非常合理樣樣菜都10分好味略嫌生菜包的肉太過林不過今日去真係好多人要預先book位才不會摸門釘

餐廳位置的確有小小隱蔽，但係搵到之後一入門口就好有驚喜！首先環境簡潔清靜，好舒服，完全同門外面觀塘工廈有種強烈對比。食物方面，呢間係一間泰式餐廳。一嚟就叫左我最愛嘅沙嗲雞肉串燒。一碟有四串，雞肉好嫩滑，其實就咁食已經好夠味。隔離嘅沙嗲醬簡直係畫龍點睛，醬係偏甜嗰種，食唔出係有啲咩材料做但真係好好味！一個人一碟都絕對冇問題！之後就叫左係呢度出名嘅海南雞飯，因為晚市冇1個飯咁叫，所以叫咗一碟半隻嘅海南雞，另加左呢一碗油飯。先講碗油飯，好夠味但唔會太過油，其實完全唔需要配任何餸，就咁食都已經好好味！重點海南雞，果然做得出色，啖啖肉一舊骨都冇，非常嫩，雞皮亦都好爽，冇肥膏，加埋海南雞必配嘅黑豉油同辣醬，正呀！之後要左一個都係泰菜必食嘅炒金邊粉，一嚟都嚇親我哋，唔單止隻碟大，啲粉既份量都好大。金邊粉既羅望子味加埋青檸汁，酸酸地好醒胃。而蝦既數量都好多，加埋蛋碎同豆干粒，好似喺泰國食咁！雖然真係好飽，但係見到甜品有咁多款，女仔始終都係會忍唔住叫翻個。揀咗好耐決定要一個冇禁漏嘅檸檬撻，相當有驚喜！檸檬餡嘅酸味啱啱好，撻皮好脆，撻面裝飾用嘅蛋白脆餅都唔hea，就咁食都好脆，又唔會太甜，真係好滿足！本身

中午時分去試他們的午餐。雖然位置有少少偏僻，但是入內卻別有洞天。感覺上位置不多，檯與檯之間很鬆動。跟其他在觀塘的食店不同，很舒適。是次我們一行5人，沒有訂檯。如果人多的話記得要訂位～簡單的裝修非常別緻。點了青咖哩，好多蔬菜。對我來說有少少辣，但都不防礙我清了一碗飯新開業期間，有減8蚊優惠。一個飯加青檸梳打=60元正。其實仲可以加小食同加甜品，不過太飽了下次再試～必須翻炒的一間食店！P.S. 黃咖哩好似都唔錯咁好味

去聯合醫院覆診，總得吃頓午餐，好好照顧自己貪吃的我！APM 吃到悶，故意上網搵了一間新餐廳嚐新！餐廳位於工廠大廈，上去的路途，有不少人在搬貨，感覺麻麻地！不過，一轉角，到達餐廳的範圍，就是另一片天！甫入店內，更甚是舒服！環境很不錯，完全不讓人感覺置身工廈的感覺！一個人舒服地坐下等吃我的午餐！這兒的梳打，除了青檸外，還有其他口味選擇，今次挑了西柚味的梳打，好fresh , 好正！飲品都有不少選擇！下次要試試泰式紅茶主菜挑了海南雞飯，有水準，雞嫩有油香，飯也香，但略嫌軟糯了一點！整體水準，肯定比翠華高！每份lunch set 除了飲品外，更跟一份甜品！正，而且選擇仲要唔少！今次點了我至愛的檸檬撻！一見到，我真心「哇」左一聲，邊有跟餐甜品甘靚！一食，正到喊，餅脆蛋香濃，裡面的餡檸檬香，唔太甜老實說，比酒店更高水平，是近年吃過的No.1總體來說，一句：要再來吃！

話說觀塘工廠大廈有不少新興格調餐廳，最近見到易拉架宣傳，見少有的配搭，泰國菜×西式甜品，襯朋友約生日飯聚，就試試佢！由於工廈大堂7：00落閘，要從旁邊停車場入，有點曲折，但都算容易找，入到店內別有洞天，環境簡約清新，地方寬敞！由於我地八個人，所以隨意點了很多款~整體份量充足~兩款泰式沙律酸味味好開胃，小食蝦餅我影左相，但俾朋友秒清我冇食到。。。主菜點左幾樣Share食，有咖哩牛腩，香茅白汁魚柳，汁醬濃郁，牛腩和魚柳都很嫩口，重點是多汁！我至愛！烤雞剛好keep到肉汁有雞味，白飯可以另外一大碗上。我期待嘅甜品時間！！！我點左百利甜酒慕斯，甜度適中，有淡淡酒香，碟上佈置很有心思！(掛住食，忘記了影友人點的。。。)由於我book位，問左店裡可以為客人整生日甜品！由於今次是六七月之星，有四個人生日，所以請店主神秘地預備壓軸生日甜品，招牌木馬朱古力拿破崙！大家都十分驚喜！當晚大家都飽足而回！當晚消費平均每人$120，豐富大餐，精緻甜品，舒適地方，不限時間，價錢合宜！很適合朋友聚首~~~ 多謝收看：)

有成意的泰菜及甜品一向是泰菜迷的我，到處找泰菜，今晚食工廈的新開泰菜，整體正宗好食，最推介是燒豬頸肉，入味軟滑，另一推介是炸蝦餅，不但不厚粉，而且還清楚見到蝦肉，生蝦剌身都好新鮮，飲品西柚茶更見到好大片的鮮西柚。每次晚餐再加一個甜品才算完滿，這店都有甜品，甜品叫了檸檬撻，朱古力松露，士多啤梨拿破崙，味道及水準讓我想回某大酒店的甜品，值得再試。

店子的位置有點隱蔽，在電梯大堂要左轉右轉才找得到。雖是泰菜館，但店子裝修走西式路線，配合一個偌大的玻璃窗，給人清新舒適的感覺。我們一行3人，點了海南雞飯，魚汁撈米線和清邁米線。已去骨的雞肉嫩滑美味，配合泰式酸辣汁和甜醬油，各有特色。油飯粒粒分明，富有香氣。清邁米線坊間比較少見，帶有辣味的蕃茄湯底，配上排骨、雞腳、豬紅和木棉花蕊。排骨和雞腳都炆到軟綿綿，豬紅就比較實一點，有點吃不慣。除了用來煲五花茶，從不知道木棉花是可以吃的。木棉花蕊沒有古怪的藥材味道，帶一點爽脆，吸盡雞腳和排骨的鮮味，美味又新奇。魚汁撈米線其實像是咖哩濃湯撈米線，但咖哩濃湯吃得出有很多魚肉已溶合其中，鮮香而不辣，配上厚切魚片和扎肉，風味十足。午餐都連西式甜品一客，雖是套餐甜品，但製作絕不馬虎，令人驚喜。朱古力拿破崙的朱古力慕絲香濃軟滑，拿破崙餅酥脆香甜，還配上幾顆烘製過的榛子果仁，100分！不善辭令的朋友對百利甜酒慕絲的評語只有「好味！」兩字，但看他吃得乾乾淨淨，應該真的很好味道。用叉一插入松露朱古力，它就斷開了，以為它非常有"實力"，送入口中，卻又意想不到的非常軟滑，而且朱古力味香濃，唯一的缺點應該是小巧了點，令人意

1988佈置簡潔，全間以白色為主，在這片繁華鬥市𥚃給予客人安靜舒適的空間！食材味道亦相當尚盛，尤以泰式燒雞和蝦刺身最為出色，燒雞肉十分嫩滑和入味，而蝦刺身亦相當新鮮和大隻，配以秘製泰式醬汁，令人回味無窮。其他泰式食品亦拍得上出色的泰式餐館。最特別是甜品方面，破除一貫傳統，以精美細緻的西式甜品作主打，包捨有松露朱古力、百利甜酒慕絲、士多啤梨拿破倫....將整頓飯餐完全昇華！一定要再試！

都說在觀塘返工經常有好嘢食！開業不過一週嘅格調餐廳，大隱隱於美興工業大厦一樓……自問喜歡嘗新戀舊嘅我，又怎會錯過？主打泰越東南亞菜，午餐選擇都唔少，是日揀咗香茅汁魚柳配飯、西柚梳打、甜點竟然有英式伊頓餅配覆盆子奶凍……呢度雖然位於廠廈，但內部裝修雅緻，座位舒適寬敞，冇同區地舖食堂嘅侷促感，未食之前，本來冇乜期望，一到上菜，賣相已經加分……香茅汁椰奶味超濃，少少甜多多香，配合嫩滑魚柳，回味無窮。接著，西柚梳打超大杯，啖啖厚切西柚肉，非色素糖水溝出嚟，超有heart。最驚喜仲有伊頓餅配覆盆子奶凍，仲以爲自己去咗酒店或高級甜品店，藝術擺盆加分之外，伊頓餅不太甜又脆，奶凍酸甜度適中，真係估唔到食個set lunch，都有咁高質素甜點！！埋單都係$80，cp值高！年青老闆好似80後，見佢落厨親自主理，質素保持到。咦！店名唔知係咪佢嘅出生年份呢？