影片
更多
2017-07-08
312 浏览
餐厅位置的确有小小隐蔽，但系揾到之后一入门口就好有惊喜！首先环境简洁清静，好舒服，完全同门外面观塘工厦有种强烈对比。食物方面，呢间系一间泰式餐厅。一嚟就叫左我最爱嘅沙嗲鸡肉串烧。一碟有四串，鸡肉好嫩滑，其实就咁食已经好够味。隔离嘅沙嗲酱简直系画龙点睛，酱系偏甜𠮶种，食唔出系有啲咩材料做但真系好好味！一个人一碟都绝对冇问题！之后就叫左系呢度出名嘅海南鸡饭，因为晚市冇1个饭咁叫，所以叫咗一碟半只嘅海南鸡，另加左呢一碗油饭。先讲碗油饭，好够味但唔会太过油，其实完全唔需要配任何𩠌，就咁食都已经好好味！重点海南鸡，果然做得出色，啖啖肉一旧骨都冇，非常嫩，鸡皮亦都好爽，冇肥膏，加埋海南鸡必配嘅黑豉油同辣酱，正呀！之后要左一个都系泰菜必食嘅炒金边粉，一嚟都吓亲我哋，唔单止只碟大，啲粉既份量都好大。金边粉既罗望子味加埋青柠汁，酸酸地好醒胃。而虾既数量都好多，加埋蛋碎同豆干粒，好似喺泰国食咁！虽然真系好饱，但系见到甜品有咁多款，女仔始终都系会忍唔住叫翻个。拣咗好耐决定要一个冇禁漏嘅柠檬挞，相当有惊喜！柠檬馅嘅酸味啱啱好，挞皮好脆，挞面装饰用嘅蛋白脆饼都唔hea，就咁食都好脆，又唔会太甜，真系好满足！本身
首先环境简洁清静，好舒服，完全同门外面观塘工厦有种强烈对比。
食物方面，呢间系一间泰式餐厅。
一嚟就叫左我最爱嘅沙嗲鸡肉串烧。一碟有四串，鸡肉好嫩滑，其实就咁食已经好够味。隔离嘅沙嗲酱简直系画龙点睛，酱系偏甜𠮶种，食唔出系有啲咩材料做但真系好好味！一个人一碟都绝对冇问题！
沙嗲鸡肉串烧
24 浏览
0 赞好
0 留言
之后就叫左系呢度出名嘅海南鸡饭，因为晚市冇1个饭咁叫，所以叫咗一碟半只嘅海南鸡，另加左呢一碗油饭。先讲碗油饭，好够味但唔会太过油，其实完全唔需要配任何𩠌，就咁食都已经好好味！
重点海南鸡，果然做得出色，啖啖肉一旧骨都冇，非常嫩，鸡皮亦都好爽，冇肥膏，加埋海南鸡必配嘅黑豉油同辣酱，正呀！
海南鸡配油饭
29 浏览
0 赞好
0 留言
之后要左一个都系泰菜必食嘅炒金边粉，一嚟都吓亲我哋，唔单止只碟大，啲粉既份量都好大。金边粉既罗望子味加埋青柠汁，酸酸地好醒胃。而虾既数量都好多，加埋蛋碎同豆干粒，好似喺泰国食咁！
虾仁炒金边粉
11 浏览
0 赞好
0 留言
虽然真系好饱，但系见到甜品有咁多款，女仔始终都系会忍唔住叫翻个。拣咗好耐决定要一个冇禁漏嘅柠檬挞，相当有惊喜！柠檬馅嘅酸味啱啱好，挞皮好脆，挞面装饰用嘅蛋白脆饼都唔hea，就咁食都好脆，又唔会太甜，真系好满足！
柠檬挞
21 浏览
0 赞好
0 留言
本身我哋净系叫咗一个甜品，点知老板娘好好人，送多左份蜜糖挞配西柚啫喱请我哋食！蜜糖挞真系比较少见，入面好似系用左蜂巢做馅，好润喉嘅蜜糖味。加上鲜忌廉，好rich既口感。千祈唔好忽略旁边嘅两粒西柚啫喱，好浓嘅西柚味好refreshing，系呢一餐完美既句号。
蜜糖挞配新鲜西柚啫喱
26 浏览
0 赞好
0 留言
总结嚟讲呢间餐厅真系俾咗好多惊喜我，完全估唔到观塘工厦有啲咁高水准嘅餐厅，泰式主食做得好好，甜品亦都唔可以睇小，比起好多专卖甜品嘅地方做得更出色！价钱又唔贵，一定会再帮衬！
张贴
