影片
趁假期仲未开工当然瞓晏啲休息一下，醒咗自然肚饿就要去食嘢，近近地去咗附近其中一间食肆食个午餐，就去咗呢间台式食肆开餐，不过时间就尴尬咗D，去到差不多两点多D仲以为可以食下午茶，点知要两点半先有得食，唯有食个午餐啦太肚饿等唔到睇咗餐牌一轮见到有101秘制五杯香辣肉燥汤拉面套餐，就要咗台式猪软骨五杯香辣肉燥汤面，饮料升级咗系特级朱古力，入口朱古力特别香浓再来系台式猪软骨五杯香辣肉燥汤面，首先饮番啖汤，入口汤底香浓之余仲有小小辣又几刺激，饮完啖汤轮到肉，先食猪软骨肉质松软够晒滑口感足啖啖肉，最后到肉燥食到味道浓郁连埋面食够晒滋味，话咁快又食完台式午餐
继续阅读
成日行过见到呢块牌，心大心细又惊俾人呃但食过一两次，觉得佢啲嘢食都唔错！啲侍应就比较后生，service 就系一般㗎啦！某天晚上老公揿钱，我又无聊聊咁望住个牌，跟住老公忍唔住问我系唔系想饮珍珠奶茶，而我其实真系只想饮＄6嘅珍珠奶茶跟住都已经差唔多九点，老公就冲入去 last order, 店员都差唔多准备收档，初时都话已经冇晒珍珠，后尾大叫话有最后一杯yeah 讲得切！点知买嘅时候发觉加＄3好似大杯啲㖞跟住最尾就系＄9一杯大嘅珍珠奶茶其实天气鬼死咁冻，不过心瘾，我真系好钟意食珍珠，佢嘅珍珠细细粒，口感 Q 弹，味道又够甜。奶茶嘅茶味都几香浓，就唔够滑啰！整体来讲低饮
继续阅读
如果我一个人食饭通常都会嚟呢一间101肉燥饭专门店.钟意佢啲咩呢? 钟意去佢个肉燥啰!! 你哋有冇食过去过早餐呀?? 佢个早餐好好食㗎!! 今日男朋友要返工, 咁我就自己食啦见到佢有个下午茶餐都ok㖞, 37蚊有一个鸡扒肉燥米线+一杯热饮. 我就叫咗一杯冻珍珠奶茶走冰呢度啲珍珠奶茶都唔错呀!!讲反碗面先啦, 件鸡扒系新鲜出嚟嘅, 啲肉燥肉汁加埋就真系好好味, 又大碗! 我都唔知点样形容啦, 系就系服务比较差, 但系佢哋人手都唔够体谅下啦, 要支持小店啦, 你又唔话D连锁店服务差....
继续阅读
以后唔会再帮衬入到餐厅店员零招待，眼尾都唔屑下你，但始终系普通餐厅，预左冇乜招待，不过佢送餐个阵，个女店员就咁dum碟嘢落尼，好似喂狗咁真系嬲左服务已经唔好，食物都唔好得去边，set𠮶杯嘢饮系特大size，见到杯珍珠奶茶本来心谂咁抵饮？点知一饮落去杯嘢涩到一个点。如果仲有个盐酥鸡小食，咬落去好硬，食唔到，似系番炸左几次𠮶啲，食左半旧就直头成碟唔要，去豪XX鸡排𠮶啲仲好即系如果比70蚊食咁既餐，再加服务态度系咁，唔值得
继续阅读
101在大埔已经有一段长日子。年前有光顾过，但今天中午再次到来，好像去了一家明天就会结业的食肆。伙记有五个!，一个在忙电脑，一个食饭，三个在聊天。客人只有两个三分钟都没有人发现我的存在。
继续阅读