101肉燥飯專門店 (已結業)

如果我一個人食飯通常都會嚟呢一間101肉燥飯專門店.鍾意佢啲咩呢? 鍾意去佢個肉燥囉!! 你哋有冇食過去過早餐呀?? 佢個早餐好好食㗎!! 今日男朋友要返工, 咁我就自己食啦見到佢有個下午茶餐都ok喎, 37蚊有一個雞扒肉燥米線+一杯熱飲.  我就叫咗一杯凍珍珠奶茶走冰呢度啲珍珠奶茶都唔錯呀!!講反碗麵先啦, 件雞扒係新鮮出嚟嘅, 啲肉燥肉汁加埋就真係好好味, 又大碗! 我都唔知點樣形容啦, 係就係服務比較差, 但係佢哋人手都唔夠體諒下啦, 要支持小店啦, 你又唔話D連鎖店服務差....