101肉燥飯專門店 (已結業)

趁假期仲未開工當然瞓晏啲休息一下，醒咗自然肚餓就要去食嘢，近近地去咗附近其中一間食肆食個午餐，就去咗呢間台式食肆開餐，不過時間就尷尬咗D，去到差不多兩點多D仲以為可以食下午茶，點知要兩點半先有得食，唯有食個午餐啦太肚餓等唔到睇咗餐牌一輪見到有101秘製五杯香辣肉燥湯拉麵套餐，就要咗台式豬軟骨五杯香辣肉燥湯麵，飲料升級咗係特級朱古力，入口朱古力特別香濃再來係台式豬軟骨五杯香辣肉燥湯麵，首先飲番啖湯，入口湯底香濃之餘仲有小小辣又幾刺激，飲完啖湯輪到肉，先食豬軟骨肉質鬆軟夠晒滑口感足啖啖肉，最後到肉燥食到味道濃郁連埋麵食夠晒滋味，話咁快又食完台式午餐

成日行過見到呢塊牌，心大心細又驚俾人呃但食過一兩次，覺得佢啲嘢食都唔錯！啲侍應就比較後生，service 就係一般㗎啦！某天晚上老公撳錢，我又無聊聊咁望住個牌，跟住老公忍唔住問我係唔係想飲珍珠奶茶，而我其實真係只想飲＄6嘅珍珠奶茶跟住都已經差唔多九點，老公就衝入去 last order, 店員都差唔多準備收檔，初時都話已經冇晒珍珠，後尾大叫話有最後一杯yeah 講得切！點知買嘅時候發覺加＄3好似大杯啲喎跟住最尾就係＄9一杯大嘅珍珠奶茶其實天氣鬼死咁凍，不過心癮，我真係好鍾意食珍珠，佢嘅珍珠細細粒，口感 Q 彈，味道又夠甜。奶茶嘅茶味都幾香濃，就唔夠滑囉！整體來講低飲

如果我一個人食飯通常都會嚟呢一間101肉燥飯專門店.鍾意佢啲咩呢? 鍾意去佢個肉燥囉!! 你哋有冇食過去過早餐呀?? 佢個早餐好好食㗎!! 今日男朋友要返工, 咁我就自己食啦見到佢有個下午茶餐都ok喎, 37蚊有一個雞扒肉燥米線+一杯熱飲.  我就叫咗一杯凍珍珠奶茶走冰呢度啲珍珠奶茶都唔錯呀!!講反碗麵先啦, 件雞扒係新鮮出嚟嘅, 啲肉燥肉汁加埋就真係好好味, 又大碗! 我都唔知點樣形容啦, 係就係服務比較差, 但係佢哋人手都唔夠體諒下啦, 要支持小店啦, 你又唔話D連鎖店服務差....

開咗咁耐我一直都冇嚟食 gor, 皆因感覺翠屏啲食肆唔太衛生，但某一晚 OT 放工已經幾夜，所以就決定巴士站旁邊夠方便～試吓！第一次入嚟食比想像中好，地方都算企理乾淨.價錢比想像中平，＄50都有交易，仲要有我最鍾意嘅珍珠奶茶跟住我要左一碗台灣食嘅車仔麵，可以揀湯底揀食乜嘢餸，呢碗係三餸麵。香辣三杯雞湯真係幾辣，湯底帶甜味，而且有小小嘅粟米同埋番茄芽菜伴住。魚皮餃、牛肉、同埋板燒雞柳就係我今晚嘅餸，每樣有兩件都夠飽嘅。面底係台灣拉麵，都幾彈牙嘅！下次如果返到嚟夜嘅話可以再食。

以後唔會再幫襯入到餐廳店員零招待，眼尾都唔屑下你，但始終係普通餐廳，預左冇乜招待，不過佢送餐個陣，個女店員就咁dum碟嘢落尼，好似餵狗咁真係嬲左服務已經唔好，食物都唔好得去邊，set嗰杯嘢飲係特大size，見到杯珍珠奶茶本來心諗咁抵飲？點知一飲落去杯嘢澀到一個點。如果仲有個鹽酥雞小食，咬落去好硬，食唔到，似係番炸左幾次嗰啲，食左半舊就直頭成碟唔要，去豪XX雞排嗰啲仲好即係如果比70蚊食咁既餐，再加服務態度係咁，唔值得

101在大埔已经有一段長日子。年前有光顧過，但今天中午再次到來，好像去了一家明天就會结業的食肆。伙記有五個!，一個在忙電腦，一個食飯，三個在聊天。客人只有两個三分鐘都沒有人發現我的存在。

$45午餐質素唔錯，有雞翼，有厚多士，珍珠奶茶，肉燥米粉。快上快食。肉燥米粉肉燥唔夠多，唔係好試到肉燥味，下次可能會叫肉燥飯試真d。以$45價錢食飽飽真係唔錯。

第一次黎呢間食肉燥飯 價錢都唔算太貴 $62 主食+小食+飲品 野食都幾好食 但係唯獨是食食下 冇啦啦跌隻老鼠🐭落黎 幾好食都冇曬胃口 好彩唔係跌落張檯或者跌落身上 跌左落地下 雖然價錢同野食都幾好 但係我諗我都係唔會再黎

最近成日食101肉噪飯店，因為可以食我愛的台灣食物。由於今日係瑞午節又唔想再食棕子，因為天氣開始熱，又無胃口，所以就來101叫這個三杯雞套餐很小辣不過很好食牙，更有胃口。再配雞翼，不過個雞翼就比較顯得乾巴巴,比較難咬外皮，但一試無坊既，如怕熱氣同油炸食物既就點其他食物吧。至於係飲品方面，我點了朱古力奶雪香，呢個飲品係有驚喜牙，甜左少少但好好飲，一飲發現有朱古力脆片係入面。$62左右價錢都公道啦👍👍👍👍

Well, I ordered the 魯肉飯set which seems to get very good comments in previous reviews. But I have to say this is completely different from the traditional taiwan taste and is nothing comparable with any 魯肉飯that I have ever tried...Not worth trying at all and I will not go again

依家三間大集團（例如大×樂，大x活，美x)既早餐，越來越貴，閒閒地加埋粉麵都接近$40，好幸運比我遇到呢間店，係大埔中心嚟講算係好平（食過好幾間），呢間嘢早餐有好多款，重點係飲凍飲唔駛加錢，只係冷熱咖啡朱古力要加錢，最鍾意食佢個沙律餐，有蛋，沙律，多士同一碗米粉或通粉連飲品，食到好飽飽，基本餐牌內既早餐我都已經食咗好幾個，但我貪平最鍾意特定一個，所以好多時都只係食果個，絕對係超值抵食，可以值得一食…

101的店總是門庭若市，但大埔分店通常都不用怎樣等位，而且價錢相當吸引，玉桂和家人朋友都經常來吃下午茶～有多吸引就請看下面餐牌嚕：要找大份量又美味的下午茶實在很少了！友人點的沒試過就不評論了，玉桂點的是幾乎每次來都吃的J餐！沙律多菜多粟米又多醬！炒蛋很香滑，沒有什麼味精的感覺，很天然！厚多士的牛油塗了雙面，即使分開吃也不會變了吃淡味乾包！新竹米粉是較少地方可以吃到，米粉加上肉躁的味道，吃下去真的有種在台灣的感覺！惟一不足就是肉躁出現了一粒碎骨，所以還是要小心地吃呢！飲品點了熱珍珠奶茶，不過沒有拍照奶茶香滑，挺多珍珠的，玉桂加了包半砂糖才喝。需要改善的地方是⋯侍應態度沒有初開店時好，也許是午餐時段剛過，忙完有點累吧，我們揮手揮了很久才有人理會，而且還差點落錯單了，幸好店員在按機時再回頭詢問多一次點餐內容，這才更正了。另外就是由於店鋪附近就是街市和水果店，難免有一兩隻小昆蟲飛舞，不過店鋪的桌面還是很潔淨的！

今日嚟到大埔食101肉燥飯，相信行慣旺角嘅朋友，見到呢個logo一定唔陌生。 坐低事不宜遲，打開menu睇睇啲嘢食先。雖然店員推介到話可以試下三杯雞涮鍋，但係都係硬頸叫左個最喜愛嘅肉燥飯combo。上餐速度好快，一眨眼套餐裡面三樣嘢都嚟齊章魚餅好香，如果唔係強迫症發作要啲嘢到齊先食，我諗不出一秒呢兩塊小吃就會被消滅殆盡。說重點，章魚餅炸到金黃噴香，餅餡有嚼勁，一啲都唔油，食下食下變得慢慢開胃～（點解無左忽嘅？）因為餓得濟，美食當前都已經忍唔住食左啖先XD說到肉燥，芡汁可以話係靈魂。無論係啲肉碎定係啲配料，蘸上芡汁後都會令人停唔到口～特別係送飯食！！由細到大，玉子豆腐都係我嘅摯愛，仲要炸過！擺落口真係超滿足！同埋，三粒豆腐擺埋一齊真係超可愛珍珠奶茶係人見人愛嘅飲品，店員問我飲咩嘅時候諗都無諗就叫左。作為奶茶控，只要係奶茶就好飲，呢次當然都係除左好飲之外無咩特別講，抵讚嘅係，店員好親切會問埋要唔要少冰少甜～ 最後就係價錢啦，62蚊，問心超抵，食飽飽，食到台灣嘅風味，感受到店子嘅誠意～

這間店有分店，但大埔的確實是最沒有心的店。食物質素相比之下可以用沒有心做來形容。燒雞扒不像燒雞扒，似是用水煮熟加汁上面。跟飯的椰菜更差。比白灼更差的菜。整個肉燥飯都不像樣。只能用幫襯過一次後冇下次來形容。

order左三杯雞肉燥飯 蜂蜜綠茶!朋友事先已經講左三杯雞肉燥飯幾辣 (不過好味)! 平時我唔係好食辣，不過見佢話好味，order左先啦，辣先用飯撈黎食咪唔辣囉!食落口，啲雞唔太辣，啲汁撈飯一流，不過食豆卜就中招超辣呀! 豆卜吸晒啲汁，吸晒啲精華，好味既，不過好辣囉! 啲雞煮到好林，真係冇牙都食得! 蜂蜜綠茶，冇咩特別，同普通台灣外帶飲品冇咩分別!