101肉燥飯專門店 (厚福街) (已結業)

鹽酥雞翼肉燥飯 + 台灣腸 (小) + 士多啤梨牛奶雪香HK $65一人套餐有主餐、小食同埋飲品。鹽酥雞翼有三隻，個皮幾鬆脆，五會好多粉，不過就乾身左啲，冇乜肉汁。台灣腸係切片，大概八片左右。每塊都好簿身，帶有黑椒味，而且幾油。士多啤梨牛奶雪香好香士多啤梨同牛奶味，牛奶味較重。

因為鍾意影相，所以成日都會出尖沙咀影海傍，有時都要搵下啲平野食。今次黎左呢間101台式肉燥飯店，以台灣野食黎講呢到真係幾抵，而且份量非常足！大概70蚊就有一個飯/麵，一個小食加一杯大杯嘅野飲。睇到餐牌嗰陣我諗住以後可以多黎呢到食。板燒雞柳拼日式章魚餅肉燥渝川麵　$62呢個麵都算係好唔台灣嘅配搭，可能因為咁所以味道實在一般。雞柳因為浸湯食唔出係板燒定普通煎雞塊，日式章魚餅就係普通嘅魚蛋味，可能配飯會好食啲。鹽酥雞+台灣腸份量睇落唔多，但唔緊要啦，反正都係配搭嘅小食。鹽酥雞冇食到一大舊炸粉，算好不錯，台灣腸幾特別，皮有少少脆，但略嫌油左少少。士多啤梨牛奶雪香原本睇圖以為灑係面上嘅係胚芽，黎到發現原來係脆脆，飲落好好味，唔會齋得milkshake咁寡。雖然大杯，但味道真係比較淡，溝水都溝太多了吧！寧願佢比細杯少少但味道濃一啲。總結而言，其實以尖沙咀地段黎講呢個價錢都唔算好貴了，套餐有飯/麵、小食仲包野飲，不過味道真係可以再有進步！

只可以話，除非你真係好肚餓唔知食乜好 或者 真係好想食台灣菜，例如肉燥飯，你就去呢間啦(地理位置方便，但店内坐位逼夾)主菜 : 台式肉燥飯。配雞排玉子豆腐套餐 $65肉燥飯味道唔錯，醬汁係好味既雞排比較細塊，肉質比較un玉子豆腐質感做得油膩，味道一般跟餐自選小食 : 炸雞翼。炸魚餅雞翼炸粉厚，味道淡，口感較油膩魚餅味道較好，口感彈牙餐飲 : 珍寶size珍珠奶茶珍珠數量不多，軟硬度適中奶茶味道較淡，冰塊多，所以進一步加重溝淡整體味道

今日一早做了乖寶寶去上課，下課後就同同行友人一起去吃飯啦同行友人太肚餓了，但係我又食左個早餐飽飽地唔得多，所以就黎左厚褔街既101我又可以叫杯珍珠奶茶飲下同友人傾下計，友人又有得吃飽飽珍珠奶茶係我單點的，重量級size好大杯，只係bird view 唔係睇得好清楚呢個台灣腸係友人既跟餐小食來，好好味但係都ok 多油杯奶茶好老實講有d 差差地，我唔知關唔關我叫少甜事，但係就算少甜左都唔應該係酸？不過又唔係好酸既，少少啦，個味都唔係變壞而酸既味黎，至少我都無飲完肚痛珍珠唔錯，幾香又有咬口，唔會梅不過呢杯野我覺得只係值八蚊（外帶賣八蚊咋）友人叫既係巴東牛肉我都拮左一舊牛肉食，佢用既係腩位黎，煲到淋曬入味幾重八角味，咸咸地又有d 辣咁，但係個辣度都幾重如果唔係好食得辣既人我覺得唔好叫呢個飯食會好d呢個飯餐唔算好大份，但係連埋個小食就正常食日，量既人都會飽，加上飲品都大杯唔知關唔關舖租貴事，因為屯門分店都唔洗咁貴七十一蚊食呢d 野呢我會覺得都幾貴，個味道同埋餐廳環境未可以賣呢個價錢住

無計，真心好鍾意係尖沙咀搵嘢食。一個人，要食個快飯，於是就嚟呢度。鋪頭唔大，因為早食嘅關係都唔會太多人。好耐無食台灣嘢，好想食肉燥飯。叫左香茅豬扒肉燥飯65元套餐。等左一陣就有啦。有半隻魯蛋，ok！豬扒切好咗，一口一part，都幾方便。煎得幾好，味道都ok。肉燥唔算肥，飯都多嘅。雜菜就最普通嘅，無乜特別。小食方面揀左鹽酥雞翼，油左小小，粉可以簿啲會好啲。飲品我就揀左芒果乳酸，都ok嘅。晚飯嚟講71元，算係平啦，食物都ok嘅。

因為自己本身都好鐘意食台灣食物，呢一間係滿足我嘅食慾。除左雞扒玉子肉燥飯，次次去親一定order「 芝士薯角」，個人覺得尖沙咀厚福街呢間比起旺角果間嘅「薯角」好食d。如果太飽食唔落飯，可以一試d粉絲，有嚼勁。順帶一提個下午茶餐幾抵食。

因為係附近返工 無意中見到有101就入去只食過旺角間分店 未試過呢間我次次都係打邊爐 未試過佢地既其他野咁岩係下午茶時間 好多都好平好抵食我叫左香辣三杯雞肉燥飯+珍珠奶茶都只係$33 好抵😆黎到睇落份量唔多 但女仔絕對夠飽肉燥夾雜小小肥肉 好香口好好味肉燥送飯真係好正 份量亦岩岩好夠送飯三杯雞微辣 雞肉唔會好'鞋'我都好中意珍珠奶茶甜度岩岩好 珍珠好煙韌好有咬口加$3真係好抵食完個飯大約8成飽喇飲埋珍珠奶茶真係好飽係尖沙咀$33可以食飽我已經覺得好抵😆

宜家係尖沙咀想揾個$40以下又可以有小小飽肚的下午餐都好難，經過呢到見到有多款唔同既餐，所以決定入黎試下，叫左個同早餐冇分別的牛油多士，炒蛋，鮮茄牛肉通，個多士即局既，滿滿牛油（個人認為牛油多左小小令到個包淋左）跟住炒蛋，好滑，厚身，都唔錯的，通粉口感非常好，一點都唔會太淋，保持到通粉應該有的最佳口感，不過牛肉咬唔到，好多（跟)，跟餐仲有珍珠奶茶(味道淡小小)不過跟餐免費既，係咁上下，終括黎講呢個下午茶都不過不失，想省錢既係一個唔錯的選擇

午市4個同事去食lunch, 有5個人排在我們前面，店內有張4人枱都唔比我們坐，話要比5人那枱入左先到我們，咁係咩安排？難道果5個人一直入唔到，我們就唔洗坐？有4人枱唔比人坐，任由空枱？有生意唔做！職員態度好像我們要打尖咁！下次唔會再幫親！

行行下有少少餓，同友人黎食個下午茶餐。呢到叫101肉燥飯專門店，緊係試下佢個肉燥飯啦。所以叫咗個三杯雞肉燥飯。好失望地，啲雞處理得唔好，有一陣陣騷味！搞到成個飯都有騷味😭好彩個醬都有d味又有少少辣，我都勉勉食到啲飯，但雞就不了！叫咗珍珠奶茶，呢個就okay,啲珍珠唔會太粉，幾有咬口！埋單$33

下午茶時間，朋友介紹話黎試下呢間店，我見行到熱熱哋咁就去試下。玉子豆腐肉燥飯$26玉子有3粒，佢係有炸過既，口感幾特別。啲菜都okay既幾爽口。但主角肉燥我就覺得個味唔太出，唔濃郁，淡咗啲！反而個珍珠奶茶就十分驚喜！（加$3）唔會好甜（平時去開飲茶木個啲真係頂唔順地甜）😖 佢個味岩岩好，珍珠都好夠Q!

糧尾要搵平嘢食，兩個女仔出到尖沙咀行街，唔想食快餐茶記但又要平，講真選擇唔多，好在搵到101 ，夠平食物款式又冇咁悶。豬頸肉肉燥飯，肉燥有微微類似黑椒嘅辣味，豬頸肉份量少，得4塊。跟餐有一款小食，選擇都幾多，不過我就揀咗大路嘅鹽酥雞，另外朋友揀咗花枝丸，兩樣都好夠熱。餐飲同樣多選擇，我揀左朱古力雪香，好濃朱古力，不過同時都好甜。肉燥飯、小食、加埋嘢飲，都係＄70有找，喺尖沙咀食到個晚餐都算好抵食啦。

放工通常諗唔到食啲咩既時候 都會揀左去呢間｛101台式肉燥專門店｝食😂因為貪佢大件夾抵食👏🏻👏🏻去到通常我地會揀果個有主菜+小食+飲品既餐 因為抵食之餘 啲小食都好好味 而且兩個人一齊食變相有多兩樣野食咁 第一個係豬頸肉芝士公仔面 因為兩個都唔係咁想食飯 所以揀左公仔面 豬頸肉就煎得剛好 啲邊少少脆但唔會太over 😁👍🏻加左芝士汁令成個公仔面變左唔同層次 好好味😋😋第二個係台式豬軟骨公仔面 豬軟骨非常出色 炆得好腍 好入味 而且豬軟骨份量好多 加埋啲蔥油撈黎食好正👍🏻芝士炸玉子豆腐係每次都會點既小食 因為實在好出色 好好味 外脆內軟 加埋芝士汁不得了 不停食完再食👍🏻鹽酥雞就相對無乜特別 但貪佢夠香口 每個餐都會包一杯台式飲品 勁那大杯 每次飲左4份1就飲唔落啦 雖然係佢地既特式 但建議可以改細杯少少 唔洗嘥哂～

係眾多既食品當中肉燥係我最鍾意既台灣食品今日做完嘢就行咗去厚福街度睇下有啲咩好嘢食見到呢一間101肉燥店門面好吸引所以就決定入去試一試啦呢度嘅價錢我覺得好合理$43 飯連珍珠奶茶真係唔係太貴我就叫左個玉子雞扒肉燥飯賣相吸引炸玉子外脆內香滑而雞扒亦好嫩 唔會覺得有雪藏味肉燥亦迎合香港人口味味道比較濃 份量亦好多送飯不二之選平時尖沙咀食個茶記都唔平買杯珍珠奶茶都$20呢到$43 有哂咁多野味道仲要唔錯確實係一個唔錯既選擇

路經此地，此時此刻忽然想吃三杯雞，就9衝進101...看著菜單，被鐵板之名吸引，看看店內食客，有不少都點了鐵板餐，於是就試一下。毫不猶豫點了個鐵板三杯雞肉燥飯配章魚餅珍珠奶茶。可是，珍珠奶茶有奶冇茶味，珍珠的煙韌口感全無，章魚餅就像一塊梅林午餐肉一樣梅林。三杯雞，只有濃濃的雪藏雞肉味。。勉強吃了一半，因要惜食不能做大唗鬼，感覺不知咽下何物，空虛而去。突然想起，數月前亦曾光顧，也有相同感覺 ，於是立此存照，提點一下善忘的自己，勿再三中伏。