101肉燥飯專門店 (厚福街) (已結業)

無計，真心好鍾意係尖沙咀搵嘢食。一個人，要食個快飯，於是就嚟呢度。鋪頭唔大，因為早食嘅關係都唔會太多人。好耐無食台灣嘢，好想食肉燥飯。叫左香茅豬扒肉燥飯65元套餐。等左一陣就有啦。有半隻魯蛋，ok！豬扒切好咗，一口一part，都幾方便。煎得幾好，味道都ok。肉燥唔算肥，飯都多嘅。雜菜就最普通嘅，無乜特別。小食方面揀左鹽酥雞翼，油左小小，粉可以簿啲會好啲。飲品我就揀左芒果乳酸，都ok嘅。晚飯嚟講71元，算係平啦，食物都ok嘅。