影片
今日天气忽然冻左好多，同事话要中午带我去食蛇羹同糯米饭暖一暖胃，原来系宝湖商场就有一间。首先叫咗碗蛇羹，同我之前食过嘅唔同，碗蛇羹真材实料，啖啖肉之外，佢系完全无味精！店员仲话教我地之后可再加柠檬叶，个味道会更好，我试过，系更有层次，好香，非常有惊喜。然后到糯米饭，入晒味嘅糯米，食到个人即刻暖晒，但唔会太油。再同同事share 左个川芎白芷蛇炖蛇碌汤，非常浓味同足料。就算同事一边食佢碟咸鸡饭一边饮汤。都仲系饮到个汤嘅浓味！总括嚟讲，哩间小店每一个𩠌菜同汤都睇得出落足心机，而且用料靓。已经决定要带屋企人嚟食夜晚嘅私房菜！
继续阅读
今日见天气稍凉就去咗大埔龙门客栈试一试个蛇宴，毕竟喺香港食蛇嘅地方已经越来越少，见一有新铺开张特登嚟试下。我哋炖汤点咗川芎白芷炖蛇碌， 入面超多蛇碌，同埋有其他嘅药材，川芎白芷当然亦唔少得，个汤好浓，饮完即刻成个身都暖笠笠，而且系完全冇落味精连盐都冇落，师傅另外畀咗 2樽盐同胡椒我哋，若有需要可以落少少，但系真系够晒味。另外我哋叫咗滋补蛇羹，入面超多蛇肉，师傅话入面8成系蛇肉，沟咗两成鸡丝，完全冇猪肉喺入面，而且亦都有好多配料，又系食到唔停得口，而且入面每一啖都起码有两三条蛇肉，同样师傅冇落盐同味精，已经好够味，另外佢会有柠檬草提供，师父亦建议头两啖试一试唔落柠檬草，跟住食先再落柠檬草会食到个层次嘅分别，真系好专业。糯米饭亦好甘香，加埋少少腊肠一样系食到好饱好满足。最后师傅炒咗一碟椒盐蒜蓉蛇碌畀我哋试，又系超多蛇肉同埋好惹味，而呢碟𩠌系餐牌上面冇嘅，因为师傅佢做埋私房菜，所以下次黎食饭嘅朋友除咗蛇宴外其他海鲜或者晚饭提供亦有私房菜，亦可以打电话去叫师傅预订某种炖汤及菜式，呢种服务真系香港好少有，好贴心一定要支持大埔非连锁小店！
继续阅读
收工回家途中，唔知食乜嘢好，又打开OpenRice search下，又比我揾到间好嘢，客家菜👏👏👏👏👏又到晚餐时间，反左成日工，最舒服最放松既时间就系晚餐松一松⋯⋯五指毛桃炖乳鸽——足料昧道清甜甜到入心，好味到连汤渣都食埋😋😋金银蒜蒸老虎斑——老虎斑新鲜、肉嫩鲜甜够滑溜，厨师蒸得刚刚好，好有水准👍👍客家炆蛋角——白萝卜清甜，炆既火路刚刚好，萝卜不会过腍，蛋又不会过火，配合得不错😊😊咸鸡🐔——配自家制酱汁，酸酸甜甜，有点儿像吃海南鸡的感觉，又有点儿像吃盐焗鸡的感觉⋯⋯好简单的一句形容词——-就系好食😂😂😂😂😂蒜蓉生菜——真系估唔到菜甘简单都可以做得甘好食吃得完全像在家的感觉⋯⋯😊😊warm🏠🏡
继续阅读
之前有人介绍大埔呢间私房菜，今日黎开大埔做嘢就顺便book位试吓。铺头有两间，楼下𠮶间做得比较耐，据闻有VIP房，今日坐楼上呢间新铺，虽然无房但感觉好舒适，木器家私配吊扇，怀旧风味。成日以为私房菜一定价钱好贵，但呢度价钱好平民化，海鲜餐都只系每位$160 ，包括鱼、虾、贝壳类、肉、菜、汤和饭，相当丰富食到好饱。介绍吓今晚嘅菜式，有蒸黄脚立/黄花，蒜蓉开边虾、蒸象拔蚌（老板话有时会系鲍鱼！）、香葱煎莲藕饼、鸡蛋咸蛋蒸猪肉、蒜蓉炒生菜。海鲜全部都好新鲜，至于小菜都做得好好！老板强调佢哋唔用味精鸡粉，全靠天然调味，个「鸡蛋咸蛋蒸猪肉」甚至连盐糖油都唔使落添！一路食老板仲会同我地介绍点整，完全系家嘅感觉。同我地倾计嘅老板系客家人，大厨师傅系顺德人，所以菜式好多都包括客家菜，亦都有水上人嘅煮法。佢哋仲系屋企自己种月桂叶嚟冲茶，原来即系bay leaf,有好好嘅解毒能力，可以延缓衰老啊，仲有好多健康效用，记得饮多几杯。
继续阅读
今晚约左家人入大埔处理事务，就顺便食埋饭先出来，在Openrice search到呢间私房菜，价钱又唔贵，一于book枱试吓。铺头唔大，但装修好有心思，墙身挂满旧香港嘅照片，有怀旧吊扇。这里没有餐牌，可以按价钱选择套餐，普通小菜每位$120 ，海鲜餐每位$160 ，还有更贵的价钱可选，另外都见到佢有蛇羹食。食蛇我就唔啱了，叫咗个海鲜餐。先来每人一碗汤，有青红萝卜煲鸡，清甜可口。然后就上了一道「咸鲜」，有黄脚立同黄花，早上用盐腌好，晚上加上姜和油去蒸，鱼肉好滑，唔使落豉油但略带点咸味，但鱼嘅鲜味更出。蒜蓉蒸开边虾，d虾都系师傅即日买，所以食落好新鲜，正！仲有个海鲜重头戏就是象拔蚌！平时都少食，好有咬口，蒜蒽吊味好ok!跟住黎左两道家乡小菜，先是鸡蛋咸蛋蒸肉饼，老板话这道菜就系呢3个材料，连猪肉都唔洗腌，但竟然好入味！原来煮𩠌系可以咁天然！连我阿妈同家姐都大赞好味！然后有客家菜「香葱煎莲藕饼」，附送青瓜片一齐食，减低油腻感。煎得香口，味道又刚刚好，估唔到都几好食！正当我们以为食饱饱谂住抺嘴，佢仲整多道蒜蓉炒生菜，翠绿新鲜无得输！原来$160系可以咁丰富，老板仲介绍佢哋只「月桂叶」茶，有控制糖尿病、改善心脏病、延缓衰老等等功用，不过好可惜今晚冇得试，下次黎一定要试吓先！
继续阅读