龍門客棧蛇羹專門店 (已結業)

今日天氣忽然凍左好多，同事話要中午帶我去食蛇羹同糯米飯暖一暖胃，原來係寶湖商場就有一間。首先叫咗碗蛇羹，同我之前食過嘅唔同，碗蛇羹真材實料，啖啖肉之外，佢係完全無味精！店員仲話教我地之後可再加檸檬葉，個味道會更好，我試過，係更有層次，好香，非常有驚喜。然後到糯米飯，入晒味嘅糯米，食到個人即刻暖晒，但唔會太油。再同同事share 左個川芎白芷蛇燉蛇碌湯，非常濃味同足料。就算同事一邊食佢碟咸雞飯一邊飲湯。都仲係飲到個湯嘅濃味！總括嚟講，哩間小店每一個餸菜同湯都睇得出落足心機，而且用料靚。已經決定要帶屋企人嚟食夜晚嘅私房菜！

今日見天氣稍涼就去咗大埔龍門客棧試一試個蛇宴，畢竟喺香港食蛇嘅地方已經越來越少，見一有新鋪開張特登嚟試下。我哋燉湯點咗川芎白芷燉蛇碌， 入面超多蛇碌，同埋有其他嘅藥材，川芎白芷當然亦唔少得，個湯好濃，飲完即刻成個身都暖笠笠，而且係完全冇落味精連鹽都冇落，師傅另外畀咗 2樽鹽同胡椒我哋，若有需要可以落少少，但係真係夠曬味。另外我哋叫咗滋補蛇羹，入面超多蛇肉，師傅話入面8成係蛇肉，溝咗兩成雞絲，完全冇豬肉喺入面，而且亦都有好多配料，又係食到唔停得口，而且入面每一啖都起碼有兩三條蛇肉，同樣師傅冇落鹽同味精，已經好夠味，另外佢會有檸檬草提供，師父亦建議頭兩啖試一試唔落檸檬草，跟住食先再落檸檬草會食到個層次嘅分別，真係好專業。糯米飯亦好甘香，加埋少少臘腸一樣係食到好飽好滿足。最後師傅炒咗一碟椒鹽蒜蓉蛇碌畀我哋試，又係超多蛇肉同埋好惹味，而呢碟餸係餐牌上面冇嘅，因為師傅佢做埋私房菜，所以下次黎食飯嘅朋友除咗蛇宴外其他海鮮或者晚飯提供亦有私房菜，亦可以打電話去叫師傅預訂某種燉湯及菜式，呢種服務真係香港好少有，好貼心一定要支持大埔非連鎖小店！

收工回家途中，唔知食乜嘢好，又打開OpenRice search下，又比我搵到間好嘢，客家菜👏👏👏👏👏又到晚餐時間，反左成日工，最舒服最放鬆既時間就係晚餐鬆一鬆⋯⋯五指毛桃燉乳鴿——足料昧道清甜甜到入心，好味到連湯渣都食埋😋😋金銀蒜蒸老虎斑——老虎斑新鮮、肉嫩鮮甜夠滑溜，廚師蒸得剛剛好，好有水準👍👍客家炆蛋角——白蘿蔔清甜，炆既火路剛剛好，蘿蔔不會過腍，蛋又不會過火，配合得不錯😊😊咸雞🐔——配自家制醬汁，酸酸甜甜，有點兒像吃海南雞的感覺，又有點兒像吃鹽焗雞的感覺⋯⋯好簡單的一句形容詞——-就係好食😂😂😂😂😂蒜蓉生菜——真係估唔到菜甘簡單都可以做得甘好食吃得完全像在家的感覺⋯⋯😊😊warm🏠🏡

之前有人介紹大埔呢間私房菜，今日黎開大埔做嘢就順便book位試吓。鋪頭有兩間，樓下嗰間做得比較耐，據聞有VIP房，今日坐樓上呢間新鋪，雖然無房但感覺好舒適，木器傢俬配吊扇，懷舊風味。成日以為私房菜一定價錢好貴，但呢度價錢好平民化，海鮮餐都只係每位$160 ，包括魚、蝦、貝殼類、肉、菜、湯和飯，相當豐富食到好飽。介紹吓今晚嘅菜式，有蒸黃腳立/黃花，蒜蓉開邊蝦、蒸象拔蚌（老闆話有時會係鮑魚！）、香蔥煎蓮藕餅、雞蛋鹹蛋蒸豬肉、蒜蓉炒生菜。海鮮全部都好新鮮，至於小菜都做得好好！老闆強調佢哋唔用味精雞粉，全靠天然調味，個「雞蛋鹹蛋蒸豬肉」甚至連鹽糖油都唔使落添！一路食老闆仲會同我地介紹點整，完全係家嘅感覺。同我地傾計嘅老闆係客家人，大廚師傅係順德人，所以菜式好多都包括客家菜，亦都有水上人嘅煮法。佢哋仲係屋企自己種月桂葉嚟沖茶，原來即係bay leaf,有好好嘅解毒能力，可以延緩衰老啊，仲有好多健康效用，記得飲多幾杯。

今晚約左家人入大埔處理事務，就順便食埋飯先出來，在Openrice search到呢間私房菜，價錢又唔貴，一於book枱試吓。鋪頭唔大，但裝修好有心思，牆身掛滿舊香港嘅照片，有懷舊吊扇。這裏沒有餐牌，可以按價錢選擇套餐，普通小菜每位$120 ，海鮮餐每位$160 ，還有更貴的價錢可選，另外都見到佢有蛇羹食。食蛇我就唔啱了，叫咗個海鮮餐。先來每人一碗湯，有青紅蘿蔔煲雞，清甜可口。然後就上了一道「鹹鮮」，有黃腳立同黃花，早上用鹽醃好，晚上加上薑和油去蒸，魚肉好滑，唔使落豉油但略帶點咸味，但魚嘅鮮味更出。蒜蓉蒸開邊蝦，d蝦都係師傅即日買，所以食落好新鮮，正！仲有個海鮮重頭戲就是象拔蚌！平時都少食，好有咬口，蒜蒽吊味好ok!跟住黎左兩道家鄉小菜，先是雞蛋咸蛋蒸肉餅，老闆話這道菜就係呢3個材料，連豬肉都唔洗醃，但竟然好入味！原來煮餸係可以咁天然！連我阿媽同家姐都大讚好味！然後有客家菜「香蔥煎蓮藕餅」，附送青瓜片一齊食，減低油膩感。煎得香口，味道又剛剛好，估唔到都幾好食！正當我們以為食飽飽諗住抺嘴，佢仲整多道蒜蓉炒生菜，翠綠新鮮無得輸！原來$160係可以咁豐富，老闆仲介紹佢哋隻「月桂葉」茶，有控制

今日老公捉左我去食蛇羹生存左係呢個地球上咁耐，真係咁大個女第一次食蛇佢話天氣開始涼涼地，見我成日手凍腳凍，叫我試下！大埔寶湖開左間新既食蛇羹專門店！老公話似食碗仔翅咁，咁膽粗粗去試下我地lunch 去，咁我地散叫左黎食我地叫左兩碗蛇羹，一盅藥材燉蛇湯，一個客家糯米飯首先試下個藥材蛇羹，十分足料，老闆話全部都冇味精同冇雞粉！第一啖落口，真係好易入口，好似食緊碗仔翅咁既口感，但又唔會好似碗仔翅咁成口生粉水開既糊口質感！係一種好有層次既藥材湯味，材料食到有厚冬菇，蛇肉絲，木耳絲等等...我仲大鄉里問老公話蛇係邊呀佢話果d肉絲就係家啦！我話咁多肉絲都係蛇黎家？我仲以為係豬肉絲添！個羹好濃味！正我可以話一試就愛上左個客家糯米飯炒得好乾身，入面有蝦米，冬菇粒，臘腸粒，臘肉粒！都係賣$38要份抵到爛老闆介紹要試呢個藥材燉蛇湯，係原盅用藥材加蛇look 燉出黎！藥材有生地熟地，天弓百子，土服靈，淮山杞子等等！飲落第一啖就知真材實料唔係誇張！係堅好飲好清甜得黎又飲到藥材味而且唔會苦我地兩人每人都飲到兩碗！仲要好多蛇look 係入面！好似食緊用雞燉既湯d湯渣咁！呢盅湯都係賣$128！本人就覺得料錢同媒氣費

路經大埔此地，碰巧吃個中菜，剛好進去了還有位店內位置少，只有１０數張椅４張抬，好易坐滿人一人餐１２０／１６０筒仔肉餅無加糖鹽粉，只以金銀雙蛋調味，特別蒜蓉開邊蝦，香蒜在上，蝦在下，贊油超多鮑魚，煙韌，己去殼，但只有一隻倉魚，豉汁蒸平價魚，贊油超多生菜，大量蒜在上面，贊油超多椰子雞湯，熱辣，椰味重咸雞，嫰，但皮較肥兩種醬都帶辣，無論青紅椒，還是蒜粒款，都出味，但贊油超多總結：味道正路，但習慣性的贊油太多，菜色較油

龍門客棧開分店喇係樓上開多間舖頭依然充滿氣勢新舖開張試左個晚市套餐三餸一菜加白飯◾️ 介菜膽咸魚頭湯無味精 好好飲肯定用足料呀味道好夠我想要大碗d呀◾️馬蹄吹筒仔肉餅黑色既肉餅來頭不小佢係馬蹄豬肉加魷魚仔整成既而黑色係因為加左新鮮既墨魚汁落去一食落去 超級驚喜足料得黎 送飯一流超級好味老闆娘話係佢地婆婆以前煮過比佢地食所以出面食唔到嫁喇◾️藥膳蒸雞虫草花 杞子 當歸 冬菇 紅棗好補 好入味 雞仲好滑一句字 正◾️咸鮮黃腳立切件上感覺唔同d好新鮮 魚好滑鮮味既魚唔洗加好多配料已經好食3個餸都好好食呀白飯都要添多碗老闆 老闆娘都友善人情味濃佢對用料有好高既要求絕不落味精價錢絕對值每晚既菜式都唔一樣主要都係以蒸為主另外，有私房菜食嫁下次要試埋個海鮮餐先得

平時兩個人出街食..完全叫唔到餸因為樣樣大大碟..你唔會食到幾多樣款式👻..但宜間小店就唔同啦，因番你幾多個人而份量唔同 咩都有D！蒜蓉蒸龍躉✨我一樣都唔中意食魚既 ..但依個蒸龍躉完全令我對魚既改觀，原來魚都可以咁好食！蒜蓉加上特製嘅豉油汁 不得了！ 配飯一流香！香！香！蒜蓉開邊蝦陳皮鮑魚✨平時出邊食蝦大多數都唔會清蝦線及蝦腦但依間 師傅會好細心咁清理好哂👍🏻仲食得出非常新鮮🦐鮑魚 非常彈牙👏🏻有口感 ，陳皮亦好香客家炆豬肉✨香而不膩，非常入味 配飯不錯不錯👍🏻蒜蓉生菜✨我平時一向好小會講菜好食因為覺得係一樣非常普通既野但！ 我的天 點解咁普通既野，都可以咁好食你地未試過係唔會知😋😋😋😋芥菜馬油咸魚頭湯✨好下火😍😍😍咸香咸香 正呀月桂茶✨健康又好飲 有種特別既香味

終於開分店呀！位置在寶湖商場外， 地點不太顯眼，不熟路的真係要揾下。其實就在上寶湖商場的扶手電梯，記住不入去商場入口，轉右行入少少就見到。舖頭仍然一貫作風，充滿氣勢，最驚喜喺兩個人都可以食海鮮餐。 新舖開張，已光顧兩次，試左兩款晚市套餐，一次係海鮮餐（每位$160，三海鮮一肉一菜包湯及白飯及二選一的飲品），另一次係普通餐（每人$120三肉一菜、白飯及二選一的飲品）。 如果唔係食開，第一感覺~價錢好似比較貴喎，但當你試過老闆（如當晚冇私房菜，有幾日會碰見的）嘅功夫，佢地嘅友善及人情味，對用料有極高要求，煮功嘅高超講究及絕不落味精的堅持，你會發現價錢絕對可以接受，最重要係，食得健康仲要係好好味。海鮮中最推介係蒸魚（時令）及蒜蓉蝦，肉類就係筒仔肉餅，咸雞（ 招牌菜），蟲草蒸藥膳雞(真係堅好味)，白飯都要添多碗，其實每晚的選擇未必相同，主要菜式係蒸的。備註：如見到老闆，仲會有驚喜。其實另外兩位廚師功力都好好的，都有保證架。誠意推介!