影片
经朋友介绍，我爱上佢龙如海鲜。虽然真系有啲远，但系已经来咗好多次。几乎每次都系食差唔多嘅嘢，呢度师傅可能好劲,大有来头，可称上大厨中大厨 。中菜，尤其系海洋，煮蒸/过少少就系过咗，呢度每次每个菜式都系perfect。。最好早一日订枱。因为要食好嘢，每日新鲜买嘅海鲜。老板娘同伙计好nice。仲有甜品送👏👏👏
继续阅读
同事们为我庆祝生日🎂选址是鲤鱼门，由于疫情蔓延，四周也是静悄悄的，鲤鱼门更甚，酒楼只有我们一枱，但师傅也绝不欺场，热烘烘的海鲜一碟碟地上枱，那是套餐，黄金虾（连壳也想食埋）蒸鲍鱼、龙虾伊面（手掌大的龙虾🦞）蛋白蒸花蟹、上汤菜、鱼两食、咕噜骨、炒饭、生果....等等所有食品都满分💯炒饭更是粒粒好食😋希望疫情快过，我们可以再次光顾这么好味的海鲜酒家值得一提，店员姐姐也是十分友善❣️
继续阅读
鲤鱼门亦系食海鲜出名嘅地方，呢一站嚟到鲤鱼门，顺顺行吓睇吓呢度有少少乡村感觉嘅地方。我哋都行咗海鲜街一阵，谂紧帮衬边间，最后拣咗比一个非常热情嘅姐姐拉咗去拣海鲜。之前听人讲话鲤鱼门都几贵，两个人食咗六样嘢，我觉得价钱可以接受，味道都还可以。半斤虾，虾新鲜，都算大只。拣咗一条细嘅象拔蚌。胆用嚟椒盐，好香口，好好味。身就做刺身，新鲜又爽口，切得够薄身。蒸扇贝，无落豉油，但系我反而觉得淡淡哋先食到鲜味。芝士龙虾伊面底，汁嘅色好黄，味道一般，唔够重芝士味，汁多料少，龙虾无咩肉。辣酒煮花螺，呢个唔错，我唔食得辣都食到，几香。均衡啲食返碟菜。
继续阅读
今年母亲节谂住带母亲庆祝一下，今次想试下呢间龙如，我们点左鱼两食，炒球and 炆骨、蒜蓉扇贝、蒜蓉圣子、豉油王大虾、龙虾米粉、陈皮蒸鲍鱼。我地一大班人大约8点钟到，点好菜后，一个钟都未上过一道菜！期间催了很多很多次！！只说厨房好忙整紧！但隔离枱，迟过我地嚟D人已经上咗几道菜！！。大约一个多小时后居然系全部菜一次过上晒！味道方面，炒球同炆骨都有油益味，其他海鲜非常一般，比起我平时食开出面果间味道差好远！！谂住带母亲同亲戚去食海鲜，点知失望而回！
继续阅读
之前都食过龙如好多次，但系服务同味道都越嚟越差！仲要好唔老实呃钱！上次我哋一行十几人，朋友订咗一锅翅，点知D翅系甜嘅，大家食个未！？同老板娘反映，佢话佢啲汤底系由好多条党参制成，所以啲味道特别香甜，跟住我哋比一碗叫佢自己试，再比多碗比厨房试，跟住返嚟讲句系呀,甜左少少啦！可能厨房落多咗D糖！跟住就走左去，好啦！跟住到鹅掌扣花胶，大家食咗一啖，第一个反应系讲粗口！翅就甜，呢个就喊到入唔到口！叫老板娘上嚟比佢试，佢话喊咗D啦，我送返啲汽水俾大家啦！跟住我同佢讲「你埋单你自己识做啦，俾返多D折，我地从来未食过D咁难食嘅翅同鹅掌，问题系完全入唔到口,我哋都唔退你」因有个朋友喺度帮衬好耐，唔好意思退，谂住老板会识做!点知埋单佢都系坚持一蚊都冇减，嘈咗好耐先减二佰，等日发现佢仲要𠱓多我地＄1500以上因为我哋啲海鲜系船度定，跟住送去龙如，当晚问个老板娘海鲜几钱，佢话3仟几,第日我朋友打去订海鲜度问，张单系二仟几！呢间野同啲黑店冇分别，做生意做成咁！祝佢好运！
继续阅读